ഗ്ലാസ്ഗോ: ട്വന്റി20 ക്രിക്കറ്റ് പുരുഷ- വനിതാ ഫൈറ്റ്. ഫിഫ ലോകകപ്പ് ഫുട്ബോൾ ആവേശം. ഇടവേളകളില്ലാതെ കായിക പ്രേമികൾക്ക് ആവേശവും ആസ്വാദനവും തുടരുന്നു. ഇന്നു മുതൽ 2026 കോമണ്വെൽത്ത് ഗെയിംസ് (‘ഗ്ലാസ്ഗോ 2026’) പുതു ആവേശം നൽകി തുടങ്ങും.
സ്കോട്ലന്ഡിലെ ഏറ്റവും വലിയ നഗരമായ ഗ്ലാസ്ഗോയിൽ ഇന്നുമുതൽ ഓഗസ്റ്റ് രണ്ട് വരെയാണ് ഗെയിംസിന്റെ 23-ാം എഡിഷൻ നടക്കുക. ഓവോ ഇൻഡോർ സ്റ്റേഡിയത്തിൽ നടക്കുന്ന ഉദ്ഘാടന ചടങ്ങുകളോടെ മത്സരങ്ങൾക്ക് തുടക്കമാകും.
ഇന്ത്യൻ സമയം ഉച്ചയ്ക്ക് രണ്ടിനാണ് പോരാട്ടങ്ങൾ ആരംഭിക്കുന്നത്. 24 മുതൽ മത്സരങ്ങൾ തുടങ്ങും. 27ന് ട്രാക്ക് ആൻഡ് ഫീൽഡ് പോരാട്ടത്തിന് തുടക്കം. ഓഗസ്റ്റ് രണ്ടിനു സമാപനം.
നഗരത്തിലെ പ്രധാനപ്പെട്ട നാല് വേദികളിലായി 10 കായിക ഇനങ്ങളും ആറ് പാരാ-സ്പോർട്സ് ഇനങ്ങളുമാണ് ഉൾപ്പെടുന്നത്. 74 രാജ്യങ്ങളിൽ നിന്നുള്ള 3,000 കായികതാരങ്ങൾ ഭാഗമാകും. നേരത്തേ ഓസ്ട്രേലിയയിലെ വിക്ടോറിയയിൽ നടത്താൻ നിശ്ചയിച്ച ഗെയിംസ് ഗ്ലാസ്ഗോയിലേക്ക് മാറ്റുകയായിരുന്നു.
കോമണ്വെൽത്ത് ഗെയിംസിന് സ്കോട് ലന്ഡ് ആതിഥേയത്വം വഹിക്കുന്നത് നാലാം തവണയാണ് (1970, 1986, 2014). മത്സരങ്ങൾ കേന്ദ്രീകൃതവും യാത്രാ സൗഹൃദവുമാക്കാൻ എല്ലാ വേദികളെയും എട്ട് മൈൽ ചുറ്റളവിലുള്ള ഒരു മേഖലയ്ക്കുള്ളിൽ ക്രമീകരിച്ചുകൊണ്ട് മത്സരവേദികളുടെ വിന്യാസം ഏകീകരിച്ചു.
വേദിയും മത്സരവും
സ്കോട്ട്സ്റ്റണ് സ്റ്റേഡിയം: അത്ലറ്റിക്സ്, പാരാ അത്ലറ്റിക്സ്.
ടോൾക്രോസ് ഇന്റർനാഷണൽ സ്വിമ്മിംഗ് സെന്റർ: നീന്തൽ, പാരാ നീന്തൽ.
സ്കോട്ടിഷ് ഇവന്റ് കാന്പസ് (SEC): ദ ഹൈഡ്രോ (ജിംനാസ്റ്റിക്സ്, വെയ്റ്റ് ലിഫ്റ്റിംഗ്, ഉദ്ഘാടന ചടങ്ങ്), ആർമഡില്ലോ സെന്റർ എന്നിവ ഉൾപ്പെടുന്നു.
ഗ്ലാസ്ഗോ ഇന്റർനാഷണൽ അരീന: 3x3 ബാസ്കറ്റ്ബോൾ, നെറ്റ്ബോൾ, ജൂഡോ.
കായിക ഇനങ്ങൾ
പത്ത് കായിക ഇനങ്ങൾ മാത്രമാണ് 2026ൽ ഉൾപ്പെടുത്തിയിട്ടുള്ളത്.
അത്ലറ്റിസക്സ് & പാരാ അത്ലറ്റിക്സ്, നീന്തൽ & പാരാ നീന്തൽ, ആർട്ടിസ്റ്റിക് ജിംനാസ്റ്റിക്സ്, ട്രാക്ക് സൈക്ലിംഗ് & പാരാ സൈക്ലിംഗ് ട്രാക്ക്, ഭാരോദ്വഹനം & പാരാ പവർലിഫ്റ്റിംഗ്, ബോൾസ് & പാരാ ബോൾസ്, ബോക്സിംഗ്, ജൂഡോ, നെറ്റ്ബോൾ, 3x3 ബാസ്കറ്റ്ബോൾ & 3x3 വീൽചെയർ ബാസ്കറ്റ്ബോൾ.
Deepika
E-paper LOGIN
LOGIN
