31

എ​രു​മേ​ലി: ജെ​സ്ന മ​രി​യ ജെ​യിം​സി​ന്‍റെ തി​രോ​ധാ​നം സം​ബ​ന്ധി​ച്ച് സി​ബി​ഐ അ​ന്വേ​ഷ​ണം പു​രോ​ഗ​മി​ക്കു​ന്നു. എ​രു​മേ​ലി​യി​ല്‍ പൊ​തു​മ​രാ​മ​ത്ത് റ​സ്റ്റ് ഹൗ​സി​ല്‍ ക്യാ​മ്പ് ചെ​യ്താ​ണ് സി​ബി​ഐ സം​ഘം അ​ന്വേ​ഷ​ണം തു​ട​രു​ന്ന​ത്.

ജെ​സ്ന​യു​ടെ പി​താ​വ്, സ​ഹോ​ദ​ര​ങ്ങ​ള്‍, ജെ​സ്ന​യെ കാ​ണാ​താ​യ ദി​വ​സം ജെ​സ്ന വീ​ട്ടി​ല്‍നി​ന്നു പോ​യ ഓ​ട്ടോ​യു​ടെ ഡ്രൈ​വ​ര്‍, ഈ ​യാ​ത്ര​യി​ലെ ദൃ​ക്സാ​ക്ഷി​ക​ള്‍ ഉ​ള്‍പ്പ​ടെ ഇ​തി​നോ​ട​കം നി​ര​വ​ധി പേ​രി​ല്‍നി​ന്നു വി​വ​ര​ങ്ങ​ള്‍ സം​ഘം പ​രി​ശോ​ധി​ച്ചു.

കേ​സി​ല്‍ നി​ര്‍ണാ​യ​ക വ​ഴി​ത്തി​രി​വ് ഉ​ണ്ടാ​കു​മെ​ന്നു​ള്ള പ്ര​തീ​ക്ഷ​യി​ലാ​ണ് ജെ​സ്ന​യു​ടെ കു​ടും​ബം. 2018 മാ​ര്‍ച്ച് 22നാ​ണ് കാ​ഞ്ഞി​ര​പ്പ​ള്ളി സെ​ന്‍റ് ഡൊ​മ​നി​ക് കോ​ള​ജി​ലെ ര​ണ്ടാം വ​ര്‍ഷ വി​ദ്യാ​ര്‍ഥി​നി​യാ​യ ജെ​സ്ന​​യെ മു​ക്കൂ​ട്ടു​ത​റ​യി​ല്‍ വീ​ട്ടി​ല്‍നി​ന്നു പോ​യ ശേ​ഷം കാ​ണാ​താ​യ​ത്.

ജെ​സ്ന​യെ കാ​ണാ​താ​യി​ട്ട് ആ​റു വ​ര്‍ഷം പി​ന്നി​ട്ടി​രി​ക്കു​ക​യാ​ണ്. ഇ​തു​വ​രെ​യും കേ​സി​ല്‍ വെ​ളി​ച്ചം വീ​ണി​ട്ടി​ല്ല. ഇ​ക്ക​ഴി​ഞ്ഞ മാ​ര്‍ച്ച് 22 നാ​ണ് ജെ​സ്ന തി​രോ​ധാ​ന​ത്തി​ന് ആ​റ് വ​ര്‍ഷം പൂ​ര്‍ത്തി​യാ​യ​ത്. ഇ​തേ ദി​വ​സമാ​ണ് സി​ബി​ഐ യു​ടെ ഇ​പ്പോ​ഴ​ത്തെ അ​ന്വേ​ഷ​ണം ആ​രം​ഭി​ച്ച​ത്. ഹൈ​ക്കോ​ട​തി നി​ര്‍ദേ​ശ​പ്ര​കാ​രം നേരത്തേ അ​ന്വേ​ഷ​ണം ന​ട​ത്തി സി​ബി​ഐ റി​പ്പോ​ര്‍ട്ട് സ​മ​ര്‍പ്പി​ച്ച​താ​ണ്.

എ​ന്നാ​ല്‍, വീ​ണ്ടും ഒ​രു അ​ന്വേ​ഷ​ണംകൂ​ടി ന​ട​ത്തി​യ ശേ​ഷം തെ​ളി​വു​ക​ള്‍ ഇ​ല്ല​ങ്കി​ല്‍ റി​പ്പോ​ര്‍ട്ട് കോ​ട​തി​യി​ല്‍ ന​ല്‍കി കേ​സി​ല്‍ അ​ന്വേ​ഷ​ണം അ​വ​സാ​നി​പ്പി​ക്കാ​ന്‍ അ​നു​മ​തി തേ​ടു​ന്ന​താ​ണു ന​ല്ല​തെ​ന്ന് നി​യ​മോ​പ​ദേ​ശം ല​ഭി​ച്ചി​രു​ന്നു. ഇ​തു മു​ന്‍നി​ര്‍ത്തി​യാ​ണ് ഇ​പ്പോ​ള്‍ വീ​ണ്ടും അ​ന്വേ​ഷ​ണം ആ​രം​ഭി​ച്ച​ത്.