കൊച്ചി: ശാസ്ത്രരംഗത്തെ വിഖ്യാത അന്താരാഷ്‌ട്ര പുരസ്കാരമായ ജോൺ മാഡോക്സ് അവാർഡിന്‍റെ സാധ്യതാപട്ടികയിൽ മലയാളി ഡോക്‌ടർ ഇടം നേടി.
ആലുവ രാജഗിരി ആശുപത്രിയിലെ കരൾരോഗ വിഭാഗം സീനിയർ കൺസൾട്ടന്‍റും ക്ലിനിക്കൽ സയന്‍റിസ്റ്റുമായ ഡോ. സിറിയക് അബി ഫിലിപ്സാണ് ശാസ്ത്രീയ സത്യങ്ങൾക്കും തെളിവുകൾക്കും വേണ്ടി നിലകൊള്ളുന്ന ഗവേഷകർക്കുള്ള ജോൺ മാഡോക്സ് പുരസ്കാരത്തിന്‍റെ സാധ്യതാപട്ടികയിൽ ഇടം നേടിയത്.
ബ്രിട്ടണിലെ സെൻസ് എബൗട്ട് സയൻസും റോയൽ സൊസൈറ്റിയും സംയുക്തമായാണു പുരസ്കാരം നൽകുന്നത്. ലോകമെമ്പാടുമുള്ള നാമനിർദേശങ്ങളിൽനിന്നു തെരഞ്ഞെടുത്ത എട്ടുപേരാണ് സാധ്യതാപട്ടികയിലുള്ളത്.
2012 മുതൽ നൽകുന്ന പുരസ്കാരത്തിന്‍റെ സാധ്യതാപട്ടികയിലിടം നേടുന്ന ആദ്യ ഇന്ത്യക്കാരനാണ് ഡോ. സിറിയക് അബി ഫിലിപ്സ്. പുരസ്കാരം 29ന് പ്രഖ്യാപിക്കും.
രാസപരിശോധനകളിലൂടെയും ടോക്സോളജിക്കൽ വിശകലനങ്ങളിലൂടെയും കരളിന്‍റെ ആരോഗ്യത്തെ ബാധിക്കുന്ന ഘടകങ്ങളും മായങ്ങളും തിരിച്ചറിഞ്ഞ് ചികിത്സാരീതികൾ മെച്ചപ്പെടുത്തുന്നതിന് ഡോ. സിറിയക് അബി ഫിലിപ്സിന്‍റെ നേതൃത്വത്തിൽ വിദഗ്ധസംഘം പ്രവർത്തിക്കുന്നുണ്ട്.
Deepika
Corehub Solutions
E-paper LOGIN
LOGIN
