കൊച്ചി: കേരളത്തിലെ സന്യാസ സമൂഹങ്ങളുടെ മേജർ സുപ്പീരിയർമാരുടെ കൂട്ടായ്മയായ കെസിഎംഎസിന്റെയും കേരള കത്തോലിക്ക മെത്രാൻസമിതിയുടെയും സംയുക്ത സമ്മേളനം പാലാരിവട്ടം പിഒസിയിൽ നടന്നു. കെസിബിസി റിലീജിയസ് കമ്മീഷൻ ചെയർമാൻ ബിഷപ് സാമുവൽ മാർ ഐറേനിയോസ് അധ്യക്ഷത വഹിച്ചു. കെസിബിസി പ്രസിഡന്റ് ആർച്ച്ബിഷപ് ഡോ. വർഗീസ് ചക്കാലക്കൽ ഉദ്ഘാടനം ചെയ്തു.
സീറോമലബാർ സഭ മേജർ ആർച്ച്ബിഷപ് മാർ റാഫേൽ തട്ടിൽ, സീറോമലങ്കര സഭ മേജർ ആർച്ച്ബിഷപ് കർദിനാൾ മാർ ബസേലിയോസ് ക്ലീമിസ് കാതോലിക്കാബാവ, കെസിബിസി സെക്രട്ടറി ജനറൽ ആർച്ച്ബിഷപ് മാർ തോമസ് തറയിൽ, കെസിഎംഎസ് മുൻ പ്രസിഡന്റ് സിസ്റ്റർ ആർദ്ര, പുതിയതായി തെരഞ്ഞെടുക്കപ്പെട്ട പ്രസിഡന്റ് ഫാ. ജോബി കൊച്ചുമുട്ടം എന്നിവർ പ്രസംഗിച്ചു.
വിശ്വാസ കാര്യാലയം പ്രസിദ്ധീകരിച്ച മരിയൻ പ്രബോധനത്തിന്റെ മലയാള പരിഭാഷ പ്രകാശനം ചെയ്തു. ഫാ. ഗീവർഗീസ് കുറ്റിയിൽ, സിസ്റ്റർ പവിത്ര എന്നിവർ വിഷയങ്ങൾ അവതരിപ്പിച്ചു. ഇന്നും നാളെയും കെസിബിസി സമ്മേളനം നടക്കും.
E-paper LOGIN
LOGIN
