കോഴിക്കോട്: പിഎംശ്രീയിൽ കേന്ദ്രസർക്കാരുമായി ധാരണപത്രത്തിൽ ഒപ്പുവച്ചത് പാർട്ടിനയത്തിൽ നിന്നുള്ള വ്യതിയാനമായിരുന്നുവെന്നും അതുകൊണ്ട് തന്നെയാണ് ആ എംഒയുവിൽ നിന്നും സർക്കാർ പിന്മാറിയതെന്നും സിപിഎം കോഴിക്കോട് ജില്ലാ കമ്മിറ്റി അംഗം കെ.ടി. കുഞ്ഞിക്കണ്ണൻ.
സെപ്റ്റംബർ 13 മുതൽ കോഴിക്കോട് വിശാല സംസ്ഥാന കമ്മിറ്റി യോഗം നടക്കാനിരിക്കെയാണ് ജില്ലാ കമ്മിറ്റി അംഗം വിമർശനവുമായി രംഗത്തെത്തിയത്. ഭരണത്തിൽ പാർട്ടി സംഘടന ശരിയായ രീതിയിൽ പ്രവർത്തിച്ചില്ല. തങ്ങൾ ഭരിക്കുന്നവർ മാത്രമായി മാറിയെന്നും കുഞ്ഞിക്കണ്ണൻ ആരോപിച്ചു.
ഇക്കാര്യങ്ങളെല്ലാം കേന്ദ്രകമ്മിറ്റി ചൂണ്ടിക്കാട്ടിയിട്ടുണ്ട്. ഇതെല്ലാം അടിസ്ഥാനമാക്കിക്കൊണ്ടുതന്നെയാവും കേരളത്തിൽ തിരുത്തൽ നടപടികൾ ആരംഭിക്കുകയെന്നതിൽ ഒരു സംശയവുമില്ലെന്നും കെ.ടി. കുഞ്ഞിക്കണ്ണൻ വ്യക്തമാക്കി.