28

തിരുവനന്തപുരം: ചേരാനല്ലൂർ അപകടത്തിലെ പൊലിസ് വീഴ്ചയിൽ നടപടി തുടർന്ന് സർക്കാർ. കൊച്ചി സിറ്റി പൊലിസ് കമ്മീഷണർ കാളിരാജ് മഹേഷിനു പകരം ആർ. നിശാന്തിനിയെത്തും. പി. പ്രകാശ് ദക്ഷിണമേഖല ഐജിയാകും. ഇത് സംബന്ധിച്ച് ഉത്തരവ് ഉടൻ പുറത്തിറങ്ങും.

ചേരാനല്ലൂര്‍ അപകടവുമായി ബന്ധപ്പെട്ട അന്വേഷണത്തില്‍ മേല്‍നോട്ടത്തില്‍ വീഴ്ചയുണ്ടായെന്ന വിലയിരുത്തലിന്‍റെ അടിസ്ഥാനത്തിലാണ് നടപടി. സിറ്റി പൊലിസ് കമ്മീഷണറുടെ ഭാഗത്ത് നിന്നും വലിയ വീഴ്ചയുണ്ടായി എന്ന് എഡിജിപി പി. വിജയന്‍ റിപ്പോര്‍ട്ട് നല്‍കിയിരുന്നു.

ചേരാനെല്ലൂര്‍ വാഹനാപകടവുമായി ബന്ധപ്പെട്ട പൊലിസ് വീഴ്ചയില്‍ ചൊവ്വാഴ്ച നാല് ഉദ്യോഗസ്ഥരെ സസ്പെന്‍ഡ് ചെയ്തിരുന്നു. എസ്എച്ച്ഒ ഉള്‍പ്പെടെ നാല് പൊലിസുകാരെയാണ് സസ്‌പെന്‍ഡ് ചെയ്തത്. സിഐ ശ്യാംകുമാര്‍, എസ്എച്ച്ഒ വിശ്വജിത്ത്, സിപിഒ അരുണ്‍, എഎസ്‌ഐ കെ.ടി. മനോജ് എന്നിവര്‍ക്കെതിരെയാണ് നടപടി സ്വീകരിച്ചത്.