17

കൊച്ചേട്ടന്‍റെ കത്ത്

പ്രി​യ ഡി​സി​എ​ൽ കൂ​ട്ടു​കാ​രേ,

ഒ​രി​ക്ക​ൽ ന​മ്മു​ടെ മ​ഹാ​ക​വി, ഒ.​എ​ൻ.​വി. കു​റു​പ്പ്, ന​ഗ​ര​ത്തി​ലെ ഫ്ലാ​റ്റി​ൽ താ​മ​സി​ക്കു​ന്ന ഒ​രു സു​ഹൃ​ത്തി​ന്‍റെ വീ​ട്ടി​ൽ സ​ന്ദ​ർ​ശ​നം ന​ട​ത്തി. വി​ഭ​വ​സ​മൃ​ദ്ധ​മാ​യ ഭ​ക്ഷ​ണ​ത്തി​നി​ട​യി​ൽ സു​ഹൃ​ത്തി​ന്‍റെ ഇ​ള​യ മ​ക​ൾ ഒ​രു പാ​ട്ടു പാ​ടി.

"ആ​രോ​രു​മി​ല്ലാ​ത്ത കു​ട്ടി, ഞാ​നാ​രു​മി​ല്ലാ​ത്തൊ​രു കു​ട്ടി'' എ​ന്ന ഗാനമാണ് ആ ​കു​ട്ടി പാ​ടി​യ​ത്. വി​ഭ​വ സ​മൃ​ദ്ധ​മാ​യ ഭ​ക്ഷ​ണം ക​ഴി​ച്ചു​കൊ​ണ്ടി​രു​ന്ന ക​വി​ക്ക്, പ​ക്ഷേ, ക​ര​ളു​രു​ക്കു​ന്ന ഒ​രു പ​ട്ടി​ണി​ക്കു​ട്ടി​യു​ടെ ക​ദ​ന​ക​ഥ കേ​ട്ടി​ട്ട് വ​ലി​യ സ​ങ്ക​ടം വ​ന്നു! പാ​ട്ടു​ക​ഴി​ഞ്ഞി​ട്ടും ഒ​രു വാ​ക്കു​പോ​ലും ഉ​രി​യാ​ടാ​തെ​യി​രു​ന്ന ക​വി​യോ​ട് കു​ട്ടി ചോ​ദി​ച്ചു:"" ഇ​ഷ്ട​മാ​യി​ല്ലേ​യ​ങ്കി​ൾ?'' ആ ​മി​ടു​ക്കി​യെ അ​ഭി​ന​ന്ദി​ച്ച്, അ​ന്തി​യു​റ​ങ്ങാ​ൻ കി​ട​ന്ന ക​വി, ക​ണ്ണ​ട​യ്ക്കു​ന്പോ​ഴെ​ല്ലാം ആ ​ക​വി​ത​യി​ലെ കു​ട്ടി ക​വി​യെ നോ​ക്കി​നി​ൽ​ക്കു​ന്ന​പോ​ലെ ക​വി​ക്കു തോ​ന്നി!

ക​വി​യു​ടെ ‘വി​രു​ന്ന് ’ എ​ന്ന ക​വി​ത​യി​ലെ ഭാ​വോ​ജ്വ​ല​മാ​യ ആ ​ഭാ​ഗം കൂ​ട്ടു​കാ​ർ മ​നഃ​പാ​ഠ​മാ​ക്ക​ണം കേ​ട്ടോ. അ​തി​ങ്ങ​നെ​യാ​ണ്: "" ക​ൺ​തു​റി​ച്ചെ​ന്നെ​ത്ത​ന്നെ, നോ​ക്കു​മാ​ക്കി​ടാ​വി​നെ / ക​ണ്ടി​ട്ടു​ണ്ടു​ ഞാ​നെ​ന്‍റെ നാ​ട്ടി​ട​വ​ഴി​ക​ളി​ൽ, / ന​ഗ​ര​ങ്ങ​ളി​ൽ ന​ട​പ്പാ​ത​യി, ലെ​ച്ചി​ൽ വീ​പ്പ / ​യ്ക്ക​രി​കി​ൽ ആ​ദി​വാ​സി​പ്പാ​ടി​യി​ൽ, വ​ര​ണ്ടു​പോം / ന​ദി​ത​ൻ ത​ട​ങ്ങ​ളി​ൽ, ഭീ​ക​ര മ​ഹാ​യു​ദ്ധ ചു​ട​ല​​ക്ക​ള​ങ്ങ​ളി​ൽ ക​ണ്ടി​ട്ടു​ണ്ടീ​ക്കു​ഞ്ഞി​നെ!''

തു​ട​ർ​ന്നു ക​വി ത​ന്‍റെ വി​ഖ്യാ​ത​മാ​യ വ​രി​ക​ൾ കു​റി​ച്ച​ത് ഇ​ങ്ങ​നെ​യാ​ണ്:

"എ​ന്നു​യി​ർ​ത്തീ​യി​ൽ സ്വ​യം പൊ​രി​ഞ്ഞു ഞാ​നാ​ക്കു​ഞ്ഞി​ന്‍,
മു​ന്നി​ലിന്നൊ​രു റൊ​ട്ടി, ത്തു​ണ്ടമാ​യ് പ​തി​ച്ചെ​ങ്കി​ൽ!''

കൂ​ട്ടു​കാ​ർ​ക്കു ക​വി​ത​യു​ടെ പൊ​രു​ൾ മ​ന​സി​ലാ​യോ? വി​ശ​ക്കു​ന്ന സ​ഹ​ജ​ന് മു​ന്നി​ൽ, സ്വ​യം ഒ​രു റൊ​ട്ടി​ത്തു​ണ്ട​മാ​യി മാ​റാ​ൻ കൊ​തി​ക്കു​ന്ന ക​വി മ​ന​സി​ന് കാ​വ്യ​ഭം​ഗി മാ​ത്ര​മ​ല്ല, കാ​ലി​ക​മാ​യ സാം​ഗ​ത്യ​വു​മു​ണ്ട്.

ഒ​ക്ടോ​ബ​ർ 17ന് ​ഐ​ക്യ​രാ​ഷ്ട്ര​സം​ഘ​ട​ന, ‘ലോ​ക ദാ​രി​ദ്ര്യ​നി​ർ​മാ​ർ​ജ​ന​ദി​നം’ ആ​ച​രി​ക്കു​ക​യാ​ണ്. സൗ​ക​ര്യ​മു​ള്ള അ​ടു​ത്ത ദി​വ​സം നി​ങ്ങ​ളും സ്കൂ​ളി​ൽ ഈ ​ദി​നാ​ച​ര​ണം ന​ട​ത്തണം. വി​ശ​ക്കു​ന്ന വ​യ​റു​കാ​ണു​ന്പോ​ൾ, ഒ​എ​ൻ​വി​യെ​പ്പോ​ലെ ലോ​കം മു​ഴു​വ​നും ഉ​ള്ളു​പൊ​ള്ളി​യി​രു​ന്നെ​ങ്കി​ൽ, ഇ​ന്ന്, ലോ​ക​ത്തി​ൽ മ​നു​ഷ്യ​നി​ർ​മി​ത​മാ​യ ഈ ​ഭീ​ക​ര ദു​രി​തം ഉ​ണ്ടാ​വി​ല്ലാ​യി​രു​ന്നു.
ഒ​രു നേ​രം പോ​ലും ഭ​ക്ഷ​ണം കി​ട്ടാ​തെ വി​ശ​ന്നു മ​രി​ക്കു​ന്നു​ണ്ട് കൂ​ട്ടു​കാ​രേ, നി​ങ്ങ​ളു​ടെ പ്രാ​യ​ത്തി​ലു​ള്ള കോ​ടി ബാ​ല്യ​ങ്ങ​ൾ!

1987 ഒ​ക്ടോ​ബ​ർ 17-ന് ​ഫ്രാ​ൻ​സി​ലെ പാ​രീ​സി​ലു​ള്ള ട്രൊ​ക്കാ​ഡെ​റോ ച​ത്വ​ര​ത്തി​ൽ, ദാ​രി​ദ്ര്യ​ത്തി​നും വി​ശ​പ്പി​നു​മെ​തി​രേ, ജോ​സ​ഫ് റെ​സി​ൻ​സ്കി എ​ന്ന സാ​മൂ​ഹി​ക പ്ര​വ​ർ​ത്ത​ക​ന്‍റെ നേ​തൃ​ത്വ​ത്തി​ൽ ഒ​രു​ല​ക്ഷ​ത്തോ​ളം ജ​ന​ങ്ങ​ൾ ചേ​ർ​ന്നു ന​ട​ത്തി​യ സ​മ​ര​മാ​ണ്, 1992-ൽ ​ഐ​ക്യ​രാ​ഷ്ട്ര​സ​ഭ​യെ​ക്കൊ​ണ്ട്, ഈ ​ദി​ന​പ്ര​ഖ്യാ​പ​നം ന​ട​ത്തി​ച്ച​ത്!

പ്രി​യ കൂ​ട്ടു​കാ​രേ, ലോ​ക​മാ​ക​മാ​ന​മു​ള്ള 110 കോ​ടി അ​തി​ദ​രി​ദ്ര​രു​ടെ ദാ​രി​ദ്ര്യ​വും വി​ശ​പ്പും മാ​റ്റാ​ൻ നി​ങ്ങ​ൾ​ക്ക് ക​ഴി​യ​ണ​മെ​ന്നി​ല്ല. എ​ന്നാ​ൽ, നി​ങ്ങ​ളു​ടെ ഭ​ക്ഷ​ണ​പാ​ത്ര​ത്തി​ൽ​നി​ന്നും ഒ​രി​റ്റു​ഭ​ക്ഷ​ണം​പോ​ലും വേ​സ്റ്റു​ബോ​ക്സി​ലേ​ക്കു ക​ള​യി​ല്ല എ​ന്ന് നി​ങ്ങ​ൾ​ക്കു തീ​രു​മാ​ന​മെ​ടു​ക്കാമല്ലോ.

ആ​വ​ശ്യ​മു​ള്ള​തു മാ​ത്രം ഭ​ക്ഷി​ച്ചി​ട്ട്, അ​ധി​ക​മു​ള്ള​ത് പ​ങ്കു​വ​യ്ക്കാ​ൻ, വി​ശ​ക്കു​ന്ന സോ​ദ​രാ, നീ ​എ​ന്‍റെ ഭ​ക്ഷ​ണ​മേ​ശ​യു​ടെ അ​രി​കി​ൽ ഉ​ണ്ടാ​യി​രു​ന്നെ​ങ്കി​ൽ എ​ന്ന് ആ​ഗ്ര​ഹി​ക്കാം. വ​ലു​താ​കു​ന്പോ​ൾ വി​ശ​ക്കു​ന്ന വ​യ​റു​ക​ൾ തേ​ടി, യാ​ത്ര​ചെ​യ്യാം. "ദാ​രി​ദ്ര്യ​നി​ർ​മാ​ർ​ജ​നം എ​ന്ന​ത്, ജീ​വ​കാ​രു​ണ്യ​മ​ല്ല, നീ​തി ന​ട​പ്പാ​ക്ക​ലാ​ണ്'' എ​ന്ന നെ​ൽ​സ​ൺ മ​ണ്ടേ​ല​യു​ടെ വാ​ക്കു​ക​ൾ എ​ന്നു​മോ​ർ​ക്കാം.
യുഎൻ സെക്രട്ടറി ജനറൽ ആന്‍റോണിയോ ഗുട്ടറസ്

വ്യക്തമാക്കുന്നതുപോലെ, ദാരിദ്ര്യം സാന്പത്തികമായ പരാജയമല്ല, അത് നമ്മുടെ രാഷ്ട്രീയ, സാമൂഹിക വ്യവസ്ഥകളുടെ പരാജയമാണ് എന്നു മനസിലാക്കാം.

വി​ശ​ക്കു​ന്ന​വ​ന്‍റെ മു​ന്പി​ൽ, ഗാ​ന്ധി​ജി പ​റ​ഞ്ഞ​തു​പോ​ലെ, അ​പ്പ​മാ​യി പ്ര​ത്യ​ക്ഷ​പ്പെ​ടു​ന്ന ദൈ​വ​മാ​കാം...

ആ​ശം​സ​ക​ളോ​ടെ,
സ്വ​ന്തം കൊ​ച്ചേ​ട്ട​ൻ