കഴക്കൂട്ടം :മംഗലപുരം പഞ്ചായത്തിലെ മുണ്ടയ്ക്കല് വാര്ഡ് യുഡിഎഫിൽ നിന്നും എല്ഡിഎഫ് പിടിച്ചെടുത്തു. 139 വോട്ടിന്റെ ഭൂരിപക്ഷത്തിലാണ് എല്ഡിഎഫ് സ്ഥാനാര്ഥി രമ്യ വി. തുളസി വിജയിച്ചത്. കഴിഞ്ഞ തദ്ദേശ തെരഞ്ഞെടുപ്പിൽ 22 സീറ്റുള്ള മംഗലപുരം പഞ്ചായത്തിൽ യുഡിഎഫ് ഏഴ്, എൽഡിഎഫ് ഏഴ്, എൻഡിഎ ഏഴ്, സ്വതന്ത്രൻ ഒന്ന് എന്നിങ്ങനെയായിരുന്നു കക്ഷിനില.
നിലവില് കോണ്ഗ്രസ് വിമതൻ ശ്രീചന്ദിന്റെ പിന്തുണയോടെയാണ് എല്ഡിഎഫ് പഞ്ചായത്ത് ഭരിക്കുന്നത്. എല്ഡിഎഫിന് ഇനി ഒറ്റയ്ക്ക് ഭരിക്കാവുന്ന ഭൂരിപക്ഷത്തിൽ എത്തിയിട്ടുണ്ട്. 440 വോട്ടുകളാണ് രമ്യ വി. തുളസി നേടിയത്. യുഡിഎഫിന്റെ അജന്ത ഷിജിക്ക് 301 വോട്ടുകളും ബിജെപി സ്ഥാനാർഥി ദിവ്യ ദിവാകരന് 159 വോട്ടുകളും ലഭിച്ചു.