ഹൈദരാബാദ്: ഐപിഎല് 19-ാം സീസണില് ആദ്യ മൂന്നു മത്സരങ്ങളില് പരാജയപ്പെട്ടശേഷം അവസാനം കളിച്ച രണ്ട് എണ്ണത്തില് ജയം സ്വന്തമാക്കിയ ചെന്നൈ സൂപ്പര് കിംഗ്സിന്റെ പ്രധാന പ്രശ്നം ഓപ്പണിംഗ് ബാറ്റിംഗ്.
ക്യാപ്റ്റന് ഋതുരാജ് ഗെയ്ക്വാദും മലയാളി സൂപ്പര് താരം സഞ്ജു സാംസണും ആണ് നിലവിലെ ഓപ്പണിംഗ് സഖ്യം. സഞ്ജു ഒരു സെഞ്ചുറി അടക്കം മികച്ച പ്രകടനത്തിലേക്ക് തിരിച്ചെത്തി. എന്നാല്, ഓപ്പണിംഗില് ഋതുരാജിന്റെ ബാറ്റിംഗ് സിഎസ്കെയ്ക്ക് ശുഭകരമല്ല. മൂന്നാം നമ്പറില് എത്തുന്ന കൗമാര താരം ആയുഷ് മാത്രയെ സഞ്ജുവിന് ഒപ്പം ഓപ്പണിംഗ് റോളില് ചെന്നൈ ഇറക്കുമോ എന്നതാണ് സുപ്രധാന ചോദ്യം.
പവര് പ്ലേയില് ഋതുരാജ് ഗെയ്ക്വാദിന്റെ സ്ട്രൈക്ക് റേറ്റ് 104 മാത്രം. ഈ ഐപിഎല്ലില് പവര് പ്ലേയില് ചുരുങ്ങിയത് 40 പന്ത് നേരിട്ട 20 ബാറ്റര്മാരില് ഏറ്റവും മോശം സ്ട്രൈക്ക് റേറ്റാണിത്. അതേസമയം, പവര് പ്ലേയില് ആയുഷ് മാത്രെയുടെ സ്ട്രൈക്ക് റേറ്റ് 170 ആണ്. ആയുഷിനെ ഓപ്പണിംഗ് ഇറക്കി, ഋതുരാജ് മൂന്നാം നമ്പറിലേക്ക് ഇറങ്ങുമോ എന്നു കണ്ടറിയാം.
തല കൂടെയുണ്ട്...
ചെന്നൈ സൂപ്പര് കിംഗ്സിന് ഒപ്പം ആദ്യമായി എവേ വേദിയിലേക്ക് തല എം.എസ്. ധോണി. ഇന്നു രാത്രി 7.30ന് സണ്റൈസേഴ്സിന് എതിരേ നടക്കുന്ന മത്സരത്തിനായാണ് ടീമിനൊപ്പം ധോണിയും ഹൈദരാബാദില് എത്തിയത്. 2026 സീസണില് ആദ്യമായാണ് ധോണി ഒരു എവേ വേദിയില് ടീമിനൊപ്പം സഞ്ചരിക്കുന്നതെന്നതാണ് ശ്രദ്ധേയം. പരിക്കിനെത്തുടര്ന്ന് വിശ്രമത്തിലുള്ള ധോണി, ഈ സീസണില് ഇതുവരെ കളത്തില് എത്തിയിട്ടില്ല.
Deepika
E-paper LOGIN
LOGIN
