13

ന്യൂ​ഡ​ൽ​ഹി: രാജ്യത്തിന്‍റെ സ​മ്പ​ന്ന​മാ​യ ച​രി​ത്ര​വും സാം​സ്‌​കാ​രി​ക പൈ​തൃ​ക​വും കാ​ലാ​തീ​ത​മാ​യ നാ​ഗ​രി​ക​മൂ​ല്യ​ങ്ങ​ളും വേ​ദി​യി​ൽ പു​ന​രാ​വി​ഷ്ക​രി​ച്ച് ​ഡ​ൽ​ഹി അ​ശോ​ക് വി​ഹാ​റി​ലെ മോ​ൺ​ഫോ​ർ​ട്ട് സ്കൂ​ൾ സം​ഘ​ടി​പ്പി​ച്ച ബൃ​ഹ​ത് സാം​സ്‌​കാ​രി​ക പ​രി​പാ​ടി "ദി ​ഒ​ഡി​സി - എ ​ടൈം​ലെ​സ് ടാ​പെ​സ്ട്രി' ശ്ര​ദ്ധേ​യ​മാ​യി.

സി​ന്ധു​ന​ദീ​ത​ട സം​സ്കാ​രം മു​ത​ൽ ആ​ധു​നി​ക ഇ​ന്ത്യ​യു​ടെ വ​ള​ർ​ച്ച വ​രെ​യു​ള്ള ച​രി​ത്ര​യാ​ത്ര അ​വ​ത​രി​പ്പി​ച്ച പ​രി​പാ​ടി​യി​ൽ ര​ണ്ടാ​യി​ര​ത്തോ​ളം വി​ദ്യാ​ർ​ഥി​ക​ൾ പ​ങ്കെ​ടു​ത്തു. ര​ക്ഷി​താ​ക്ക​ൾ, പൂ​ർ​വ​വി​ദ്യാ​ർ​ഥി​ക​ൾ, അ​തി​ഥി​ക​ൾ, അ​ഭ്യു​ദ​യ​കാം​ക്ഷി​ക​ൾ എ​ന്നി​വ​ര​ട​ക്കം പ​തി​നാ​യി​ര​ത്തോ​ളം പേ​ർ പ​രി​പാ​ടി ആ​സ്വ​ദി​ക്കാ​നെ​ത്തി.

പ്രി​ൻ​സി​പ്പ​ൽ ബ്ര​ദ​ർ ജോ​യ് തോ​മ​സി​ന്‍റെ നേ​തൃ​ത്വ​ത്തി​ൽ ​ന​ട​ന്ന പ​രി​പാ​ടി​യി​ൽ ഡ​ൽ​ഹി വി​ദ്യാ​ഭ്യാ​സ ഡ​യ​റ​ക്ട​ർ അ​ങ്കി​ത ആ​ന​ന്ദ് ഐഎഎ​സ് മു​ഖ്യാ​തി​ഥി​യാ​യി. ഡ​ൽ​ഹി പ്ര​വി​ശ്യാ പ്രൊ​വി​ൻ​ഷ്യ​ൽ സു​പ്പീ​രി​യ​ർ റ​വ. ബ്ര​ദ​ർ ത​മ്പി അ​ല​ക്സ് വി​ശി​ഷ്ടാ​തി​ഥി​യാ​യി പ​ങ്കെ​ടു​ത്തു. വി​ദ്യാ​ർ​ഥി​ക​ളു​ടെ അ​വ​ത​ര​ണ​ത്തെ അ​ഭി​ന​ന്ദി​ച്ച അ​ങ്കി​ത ആ​ന​ന്ദ്, ഇ​ന്ത്യ​യു​ടെ സ​മ്പ​ന്ന​മാ​യ സാം​സ്‌​കാ​രി​ക പൈ​തൃ​കം മ​നോ​ഹ​ര​മാ​യി വേ​ദി​യി​ൽ അ​വ​ത​രി​പ്പി​ച്ച​തി​നെ പ്ര​ശം​സി​ച്ചു.

പു​തി​യ ആ​ശ​യ​ങ്ങ​ളെ​യും സം​സ്‌​കാ​ര​ങ്ങ​ളെ​യും ഉ​ൾ​ക്കൊ​ള്ളു​ക​യും അ​ധി​നി​വേ​ശ​ങ്ങ​ളെ​യും വി​ദേ​ശ​ഭ​ര​ണ​ത്തെ​യും അ​തി​ജീ​വി​ച്ച് സ്വാ​ത​ന്ത്ര്യം നേ​ടു​ക​യും ശാ​സ്ത്ര​സാ​ങ്കേ​തി​ക രം​ഗ​ങ്ങ​ളി​ൽ പു​രോ​ഗ​തി കൈ​വ​രി​ച്ച് ആ​ധു​നി​ക രാ​ഷ്ട്ര​മാ​യി വ​ള​രു​ക​യും ചെ​യ്ത ഇ​ന്ത്യ​യു​ടെ യാ​ത്ര വി​വി​ധ രം​ഗ​ങ്ങ​ളി​ലൂ​ടെ അ​വ​ത​രി​പ്പി​ച്ചു.

പ​രി​പാ​ടി​യു​ടെ ആ​ശ​യാ​വി​ഷ്‌​കാ​രം, ര​ച​ന, സം​വി​ധാ​നം, പ​ശ്ചാ​ത്ത​ല​സം​ഗീ​തം, ശ​ബ്ദ​വി​വ​ര​ണം എ​ന്നി​വ നി​ർ​വ​ഹി​ച്ച​ത് രാ​ഗ​ശ്രീ അ​ശോ​ക് പി​ള്ള​യാ​ണ്. നാ​നാ​ത്വ​ത്തി​ൽ ഏ​ക​ത്വ​മെ​ന്ന ഇ​ന്ത്യ​യു​ടെ സ​വി​ശേ​ഷ​ത പ​രി​പാ​ടി​യി​ലു​ട​നീ​ളം പ്ര​ക​ട​മാ​യി.

വി​വി​ധ ഭാ​ഷ​ക​ൾ, പ്ര​ദേ​ശ​ങ്ങ​ൾ, വി​ശ്വാ​സ​ങ്ങ​ൾ, വേ​ഷ​വി​ധാ​ന​ങ്ങ​ൾ, ക​ലാ​രൂ​പ​ങ്ങ​ൾ എ​ന്നി​വ ഒ​രേ ദേ​ശീ​യ​പൈ​തൃ​ക​ത്തി​ന്‍റെ ഭാ​ഗ​മാ​യി വേ​ദി​യി​ലെ​ത്തി.