13

ല​ക്നോ: വി​വാ​ഹം ക​ഴി​ഞ്ഞ് പ​തി​നാ​റാം ദി​വ​സം ന​വ​വ​ധു​വി​നെ ന​ദി​യി​ൽ മ​രി​ച്ച നി​ല​യി​ൽ ക​ണ്ടെ​ത്തി​യ സം​ഭ​വ​ത്തി​ൽ പോ​ലീ​സ് കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചു. ഉ​ത്ത​ർ​പ്ര​ദേ​ശി​ലെ ബ​റേ​ലി​യി​ലാ​ണ് നാ​ടി​നെ ന​ടു​ക്കി​യ ദാ​രു​ണ​മാ​യ സം​ഭ​വം ന​ട​ന്ന​ത്.

ര​ഘു​വി​പു​ര സ്വ​ദേ​ശി​നി​യാ​യ ശ്രീ​ദേ​വി​യു​ടെ (21) മൃ​ത​ദേ​ഹ​മാ​ണ് ന​ദി​യി​ൽ നി​ന്ന് ക​ണ്ടെ​ടു​ത്ത​ത്. കൂ​ടു​ത​ൽ സ്ത്രീ​ധ​നം ആ​വ​ശ്യ​പ്പെ​ട്ട് ഭ​ർ​തൃ​വീ​ട്ടു​കാ​ർ പെ​ൺ​കു​ട്ടി​യെ നി​ര​ന്ത​രം പീ​ഡി​പ്പി​ച്ചി​രു​ന്ന​താ​യും ഇ​ത് കൊ​ല​പാ​ത​ക​മാ​ണെ​ന്നും കു​ടും​ബം ആ​രോ​പി​ച്ചു. ക​ഴി​ഞ്ഞ 26നാ​ണ് ബ​ദാ​യൂ​ൻ സ്വ​ദേ​ശി​യാ​യ യു​വാ​വു​മാ​യി ശ്രീ​ദേ​വി​യു​ടെ വി​വാ​ഹം ന​ട​ന്ന​ത്.

എ​ന്നാ​ൽ വി​വാ​ഹം ക​ഴി​ഞ്ഞ​യു​ട​ൻ ത​ന്നെ ഭ​ർ​തൃ​വീ​ട്ടു​കാ​ർ സ്ത്രീ​ധ​ന​ത്തി​ന്‍റെ പേ​രി​ൽ മാ​ന​സി​ക​മാ​യി പീ​ഡി​പ്പി​ക്കാ​ൻ തു​ട​ങ്ങി​യെ​ന്നാ​ണ് ആ​രോ​പ​ണം. പീ​ഡ​നം സ​ഹി​ക്കാ​നാ​വാ​തെ സ്വ​ന്തം വീ​ട്ടി​ലേ​ക്ക് മ​ട​ങ്ങി​യെ​ത്തി​യ പെ​ൺ​കു​ട്ടി പി​ന്നീ​ട് ഭ​ർ​തൃ​ഗൃ​ഹ​ത്തി​ലേ​ക്ക് തി​രി​കെ പോ​കാ​ൻ വി​സ​മ്മ​തി​ക്കു​ക​യാ​യി​രു​ന്നു.

ഇ​തി​നി​ടെ ഒ​മ്പ​താം തീ​യ​തി വീ​ട്ടു​കാ​രോ​ട് പ​റ​യാ​തെ പു​റ​ത്തു​പോ​യ ശ്രീ​ദേ​വി​യെ കാ​ണാ​താ​വു​ക​യാ​യി​രു​ന്നു. കു​ടും​ബം ന​ട​ത്തി​യ അ​ന്വേ​ഷ​ണ​ത്തി​ൽ പെ​ൺ​കു​ട്ടി ന​ദി​ക്ക് സ​മീ​പ​ത്തേ​ക്ക് പോ​കു​ന്ന​ത് ക​ണ്ട​താ​യി ചി​ല ഗ്രാ​മ​വാ​സി​ക​ൾ അ​റി​യി​ച്ചു. തു​ട​ർ​ന്ന് പോ​ലീ​സും നാ​ട്ടു​കാ​രും മു​ങ്ങ​ൽ വി​ദ​ഗ്ധ​രും ചേ​ർ​ന്ന് ന​ട​ത്തി​യ തെ​ര​ച്ചി​ലി​നൊ​ടു​വി​ലാ​ണ് ഞാ​യ​റാ​ഴ്ച​ ന​ദി​യി​ൽ നി​ന്ന്  മൃ​ത​ദേ​ഹം ക​ണ്ടെ​ടു​ത്ത​ത്.

സ്ത്രീ​ധ​ന പീ​ഡ​ന​മാ​ണ് ത​ന്‍റെ മ​ക​ളു​ടെ മ​ര​ണ​ത്തി​ന് ഇ​ട​യാ​ക്കി​യ​തെ​ന്നും കു​റ്റ​ക്കാ​ർ​ക്കെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്ക​ണ​മെ​ന്നും ശ്രീ​ദേ​വി​യു​ടെ പി​താ​വ് ന​ൽ​കി​യ പ​രാ​തി​യി​ൽ പ​റ​യു​ന്നു. സം​ഭ​വ​ത്തി​ൽ വി​ശ​ദ​മാ​യ അ​ന്വേ​ഷ​ണം ആ​രം​ഭി​ച്ച​താ​യും പോ​സ്റ്റ്‌​മോ​ർ​ട്ടം റി​പ്പോ​ർ​ട്ട് ല​ഭി​ച്ച ശേ​ഷം കൂ​ടു​ത​ൽ ന​ട​പ​ടി​ക​ൾ ഉ​ണ്ടാ​കു​മെ​ന്നും പോ​ലീ​സ് പ​റ​ഞ്ഞു.