തിരുവനന്തപുരം: 18 അധ്യാപക തസ്തികകളുടെ കാലാവധി നീട്ടണമെന്ന സര്ക്കാര് ശിപാര്ശ ഇന്നലെ ചേര്ന്ന പിഎസ്സി യോഗം തള്ളി.
സെപ്റ്റംബര്, ഒക്ടോബര്, നവംബര് മാസങ്ങളില് കാലാവധി തീരുന്ന 18 തസ്തികകളുടെ കാലാവധി നീട്ടാനായിരുന്നു സര്ക്കാര് ശിപാര്ശ.
ഒരേ കാലയളവില് അവസാനിക്കുന്ന റാങ്ക് പട്ടികകളില്നിന്നു ചിലതു മാത്രം തെരഞ്ഞെടുത്ത് നീട്ടിനല്കാന് നിലവിലെ ചട്ടങ്ങളില് വ്യവസ്ഥയില്ലെന്നു ചൂണ്ടിക്കാട്ടിയാണു പിഎസ്സി യോഗം ശിപാര്ശ തള്ളിയത്. ഇക്കാര്യം സര്ക്കാരിനെ അറിയിക്കാനും കമ്മിഷന് യോഗം തീരുമാനിച്ചു.
പൊതുവിദ്യാഭ്യാസ വകുപ്പിന്റെ ശിപാര്ശ പ്രകാരമാണ് കാലാവധി കഴിയുന്ന 18 റാങ്ക് പട്ടികകള് ആറു മാസത്തേക്കു നീട്ടാന് മന്ത്രിസഭാ യോഗം പിഎസ്സിയോടു ശിപാര്ശ ചെയ്തത്. മുഖ്യമന്ത്രി വി.ഡി. സതീശന് പത്രസമ്മേളനത്തിലും ഇക്കാര്യം അറിയിച്ചിരുന്നു.
Deepika
E-paper LOGIN
LOGIN
