23

നേ​മം: ഓ​ണ​ക്കാ​ല​മെ​ത്തി​യാ​ല്‍ ഊ​ഞ്ഞാ​ലു​ക​ള്‍​ക്കും പ്ര​ധാ​ന്യ​മേ​റെ​യാ​ണ്. ഇ​ന്നു പ​ഴ​യ ത​ല​മു​റ പ​റ​ഞ്ഞു​കൊ​ടു​ക്കു​ന്ന ഓ​ണ​ക്കാ​ല​സ്മൃ​തി​ക​ളി​ല്‍ മാ​ത്ര​മാ​യി കു​ട്ടി​ക​ള്‍​ക്ക് ഊ​ഞ്ഞാ​ല്‍.​.. പ​ണ്ട് ഓ​ണം പ​ടി​വാ​തി​ക്ക​ലെ​ത്തി​യാ​ലു​ട​ന്‍ വീ​ടു​ക​ളി​ല്‍ ഊ​ഞ്ഞാ​ലി​ടും, കു​ട്ടി​ക​ള്‍​ക്ക് മ​ത്സ​രി​ച്ച് ആ​ടാ​നും പാ​ടാ​നു​മാ​യി. ഇ​ന്ന​ത്തെ ത​ല​മു​റ പേ​രി​നെ​ങ്കി​ലും ഊ​ഞ്ഞാ​ലാ​ടു​ന്ന​തു കോ​ളേ​ജു​ക​ളി​ലും സ്‌​കൂ​ളു​ക​ളി​ലും ത​ട്ടിക്കൂട്ടു​ന്ന ഓ​ണാ​ഘോ​ഷ​ങ്ങ​ള്‍​ക്കു മാ​റ്റു കൂ​ട്ടാ​ന്‍ വേ​ണ്ടി മാ​ത്രമാണെന്നതാണ് സത്യം.

പ​ഴ​യ​ക്കാ​ല​ത്ത് ചി​ങ്ങം പി​റ​ന്നാ​ലു​ട​ന്‍ ഓ​ണ​ത്തി​ന്‍റെ വ​ര​വ​റി​യി​ച്ചു തൊ​ടി​യി​ലെ നാ​ട്ടു​മാ​വ്, പ്ലാവ്, പറങ്കിമാവ് തുടങ്ങിയവയുടെ ചില്ലയിൽ ഊ ഞ്ഞാലിടും. ഊ​ഞ്ഞാ​ലു​മാ​യി ബ​ന്ധ​പ്പെ​ട്ട് പ​ണ്ടു കാ​ല​ത്ത് ധാ​രാ​ളം പാ​ട്ടു​ക​ളും മ​ത്സ​ര​ങ്ങ​ളും ഉ​ണ്ടാ​യി​രു​ന്നു. ഊ​ഞ്ഞാ​ലി​ലി​രു​ന്ന് ഏ​റ്റ​വും കൂ​ടു​ത​ല്‍ സ​മ​യം ആ​ടി പ​റ​ക്കു​ക, ഏ​റ്റ​വും ഉ​യ​ര​ത്തി​ലെ​ത്തി ഇ​ല​തൊ​ട്ടു​വ​രി​ക തു​ട​ങ്ങി​യ​വ അവ യിൽ ചിലതുമാത്രം.

ഓ​ണ​പ്പാ​ട്ടു​ക​ള്‍ പാ​ടി​യു​ള്ള ഊ​ഞ്ഞാ​ലാ​ട്ടം മ​ല​യാ​ളി​ക്ക് ഗൃ​ഹാ​തു​ര​മാ​യ ഒ​രോ​ര്‍​മയാ​ണ്. മു​മ്പ് ഊ​ഞ്ഞാ​ലി​ടാ​ന്‍ ക​യ​റി​നു പു​റ​മെ ഒ​രി​ക്ക​ലും പൊ​ട്ടാ​ത്ത പ​ല​ത​രം വ​ള്ളി​ക​ളു​പ​യോ​ഗി​ച്ചി​രു​ന്നു. ഇ​ന്നു നാ​ട്ടി​ന്‍ പു​റ​ങ്ങ​ളി​ലെ അ​പൂ​ര്‍​വം ചി​ല വീ​ടു​ക​ളി​ല്‍ മാ​ത്ര​മാ​ണ് ഓ​ണ​ത്തി​ന് ഊ​ഞ്ഞാ​ലു​ക​ള്‍ കാ​ണാ​ന്‍ ക​ഴി​യു​ക. പ​റ​മ്പി​ല്‍നി​ന്നും മ​ര​ങ്ങ​ള്‍ വെ​ട്ടിമാ​റ്റി മ​ണ്ണാ​യ മ​ണ്ണി​ലെ​ല്ലാം കോ​ണ്‍​ക്രീ​റ്റ് സൗ​ധ​ങ്ങ​ളു​യ​ര്‍​ന്ന​പ്പോ​ള്‍ വീ​ട്ടു​മു​റ്റ​ത്തു​നി​ന്നും ഊ​ഞ്ഞാ​ലും പ​ടി​യി​റ​ങ്ങി. ന​ഗ​ര​ത്തി​ലെ കോ​ണ്‍​ക്രീ​റ്റ് കെ​ട്ടി​ട​ങ്ങ​ളി​ലെ​പ്പോ​ഴും ആ​ടാ​ന്‍ പ്ലാ​സ്റ്റി​ക് ച​ര​ടി​ല്‍ കൂ​ട്ടി​യി​ണ​ക്കി​യ ഊ​ഞ്ഞാ​ലു​ക​ള്‍ ല​ഭ്യ​മാ​ണെ​ങ്കി​ലും വീ​ട്ടു​പ​റ​മ്പി​ല്‍ ഓ​ണ​ക്കാ​ല​ത്ത് മ​ര​ചി​ല്ല​യി​ല്‍ കെ​ട്ടി​യാ​ടു​ന്ന ഊ​ഞ്ഞാ​ലി​ന്‍റെ അ​നു​ഭ​വം അ​തി​നു പ​ക​ര്‍​ന്ന് ന​ല്‍​കാ​ന്‍ ക​ഴി​യി​ല്ല.