കോഴിക്കോട്: സംസ്ഥാന സ്‌കൂള്‍ കായികമേളയുടെ ഉദ്ഘാടനച്ചടങ്ങിന്‍റെ ശോഭകെടുത്തി ദീപശിഖ വിവാദം. ഒളിമ്പ്യന്‍ പി.ടി. ഉഷ എംപി ദീപശിഖ കൊളുത്തുമെന്നായിരുന്നു അറിയിച്ചിരുന്നത്.
എന്നാല്‍, മുമ്പ് നിശ്ചയിച്ച ചടങ്ങുകളില്‍ മാറ്റം വരുത്തി മുഖ്യമന്ത്രി വി.ഡി. സതീശന്‍ ദീപശിഖയ്ക്ക് തീ കൊളുത്തുകയായിരുന്നു. ദീപശിഖ കൈമാറിക്കിട്ടിയ ഉടന്‍തന്നെ മുഖ്യമന്ത്രി വി.ഡി. സതീശന്‍ നേരിട്ട് തീപകരുകയായിരുന്നു. ഉദ്ഘാടനച്ചടങ്ങ് കഴിഞ്ഞശേഷമാണ് ഈ വിഷയം സജീവ ചര്‍ച്ചയായത്. മുഖ്യമന്ത്രിയുടെ ഉദ്ഘാടന പ്രസംഗത്തിനു ശേഷം വേദിയില്‍ പ്രസംഗിച്ച പി.ടി. ഉഷയാകട്ടേ ഇക്കാര്യം സൂചിപ്പിച്ചതേയില്ല.
ഗാലറിയിലിരുന്ന് കളി കാണുന്നതു മാറണം: മന്ത്രി എന്‍. ഷംസുദീന്‍
കോഴിക്കോട്: ഗാലറിയിലിരുന്ന കളി കാണുന്നതിനു പകരം കളിക്കളത്തിലിറങ്ങി വിജയങ്ങള്‍ കൊയ്യാനുള്ള വേദിയൊരുക്കുക എന്ന ലക്ഷ്യത്തോടെയാണു സംസ്ഥാന സ്‌കൂള്‍ കായികമേള അടക്കമുള്ള മേളകള്‍ക്കു സംസ്ഥാന സര്‍ക്കാര്‍ മുന്തിയ പരിഗണന നല്‍കുന്നതെന്ന് വിദ്യാഭ്യാസമന്ത്രി എന്‍. ഷംസുദീന്‍. സംസ്ഥാന സ്‌കൂള്‍ കായികമേളയുടെ ഉദ്ഘാടന ചടങ്ങില്‍ അധ്യക്ഷത വഹിച്ച് സംസാരിക്കുകയായിരുന്നു അദ്ദേഹം.
145 കോടി ജനങ്ങളുള്ള ഇന്ത്യയില്‍ നമ്മള്‍ ഗാലറിയിലിരുന്നാണു കളി കാണുന്നത്. അഞ്ചോ ആറോ ലക്ഷം മാത്രം ജനസംഖ്യയുള്ള രാജ്യങ്ങള്‍ വരെ കായികമേഖലയില്‍ മികച്ച വിജയങ്ങള്‍ കൈവരിക്കുന്നു. ഇനി നമ്മള്‍ കളത്തിലിറങ്ങി കളിക്കണം. ഇന്ത്യയുടെ ദേശീയപതാക പാറിക്കണം. അതാണ് ഇത്തരം മേളകളുടെ ലക്ഷ്യം. കായികമേഖലയ്ക്കും കായിക വിദ്യാഭ്യാസത്തിനും ഏറ്റവും വലിയ പിന്തുണയാണ് സര്‍ക്കാര്‍ നല്‍കുന്നതെന്നും മന്ത്രി കൂട്ടിച്ചേര്‍ത്തു.
Deepika
Corehub Solutions
E-paper LOGIN
LOGIN
