11

നെ​ടു​ങ്ക​ണ്ടം: യൂ​ത്ത് കോ​ൺ​ഗ്ര​സി​ന്‍റെ ഇ​ടു​ക്കി ജി​ല്ലാ ജ​ൻ ഇ​ന്ത്യ മൂ​വ്മെ​ന്‍റ് പ​ദ​യാ​ത്ര ആ​വേ​ശ​മാ​യി. തൂ​ക്കു​പാ​ല​ത്തു നി​ന്നും നെ​ടു​ങ്ക​ണ്ട​ത്തേ​ക്ക് ന​ട​ന്ന പ​ദ​യാ​ത്ര സം​സ്ഥാ​ന അ​ധ്യ​ക്ഷ​നും മ​ന്ത്രി​യു​മാ​യ ഒ.​ജെ. ജ​നീ​ഷ് ന​യി​ച്ചു. ആ​യി​ര​ക്ക​ണ​ക്കി​ന് പ്ര​വ​ർ​ത്ത​ക​ർ പ​ദ​യാ​ത്ര​യി​ൽ പ​ങ്കെ​ടു​ത്തു.

വൈ​കു​ന്നേ​രം അ​ഞ്ചോ​ടെ​യാ​ണ് പ​ദ​യാ​ത്ര ആ​രം​ഭി​ച്ച​ത്. വി​വി​ധ കേ​ന്ദ്ര​ങ്ങ​ളി​ലെ സ്വീ​ക​ര​ണ​ങ്ങ​ൾ ഏ​റ്റു​വാ​ങ്ങി രാ​ത്രി ഏ​ഴ​ര​യോ​ടെ നെ​ടു​ങ്ക​ണ്ടം പ​ഞ്ചാ​യ​ത്ത് ബ​സ് സ്റ്റാ​ൻ​ഡി​ൽ യാ​ത്ര സ​മാ​പി​ച്ചു. തു​ട​ർ​ന്ന് ന​ട​ന്ന സ​മാ​പ​ന​സ​മ്മേ​ള​നം ഡീ​ൻ കു​ര്യാ​ക്കോ​സ് എം​പി ഉ​ദ്ഘാ​ട​നം ചെ​യ്തു. മ​ന്ത്രി ഒ.​ജെ. ജ​നീ​ഷ് അ​ധ്യ​ക്ഷ​നാ​യി.

എം​എ​ൽ​എ​മാ​രാ​യ സേ​നാ​പ​തി വേ​ണു, റോ​യി കെ. ​പൗ​ലോ​സ്, എ​ഫ്. രാ​ജ, സി​റി​യ​ക് തോ​മ​സ്, ഡി​സി​സി പ്ര​സി​ഡ​ന്‍റ് സി.​പി. മാ​ത്യു തു​ട​ങ്ങി​യ നേ​താ​ക്ക​ളും ത്രി​ത​ല പ​ഞ്ചാ​യ​ത്ത് അം​ഗ​ങ്ങ​ളും യൂ​ത്ത് കോ​ൺ​ഗ്ര​സ് ജി​ല്ലാ, ബ്ലോ​ക്ക്, മ​ണ്ഡ​ലം ഭാ​ര​വാ​ഹി​ക​ളും യാ​ത്ര​യി​ലും പൊ​തു​സ​മ്മേ​ള​ന​ത്തി​ലും പ​ങ്കെ​ടു​ത്തു.

യൂ​ത്ത് കോ​ൺ​ഗ്ര​സ് ജി​ല്ലാ പ്ര​സി​ഡ​ന്‍റ് ഫ്രാ​ൻ​സി​സ് അ​റ​യ്ക്ക​പ്പ​റ​മ്പി​ൽ, സം​സ്ഥാ​ന വൈ​സ് പ്ര​സി​ഡ​ന്‍റ് ബി​നു ചു​ള്ളി​യി​ൽ, ജോ​മോ​ൻ ജോ​സ്, ആ​ന​ന്ദ് തോ​മ​സ്, അ​ഫ്സ​ൽ ഇ​സ്മ​യി​ൽ, കെ​പി​സി​സി ജ​ന​റ​ൽ സെ​ക്ര​ട്ട​റി ഇ​ബ്രാ​ഹിം​കു​ട്ടി ക​ല്ലാ​ർ, ബ്ലോ​ക്ക് കോ​ൺ​ഗ്ര​സ് പ്ര​സി​ഡ​ന്‍റ് സി.​എ​സ്. യ​ശോ​ധ​ര​ൻ, കെ​പി​സി​സി സെ​ക്ര​ട്ട​റി എം.​എ​ൻ. ഗോ​പി, മു​കേ​ഷ് മോ​ഹ​ന​ൻ തു​ട​ങ്ങി​യ​വ​ർ പ്ര​സം​ഗി​ച്ചു.