10

പിറവം: പാമ്പാക്കുട അഞ്ചല്‍പ്പെട്ടിയില്‍ വയോധികനെ പാടത്ത് മരിച്ച നിലയില്‍ കണ്ടെത്തി. അഞ്ചല്‍പ്പെട്ടി പുത്തന്‍പുരയില്‍ പി.കെ. തങ്കപ്പന്‍ (97) ആണ് മരിച്ചത്. ഇടത് കൈ പൊള്ളി കുമിളച്ച നിലയിലായതിനാല്‍ സൂര്യതാപമാണെന്ന് സംശയിക്കുന്നു.

രാവിലെ വീട്ടില്‍ നിന്ന് പതിവ് പോലെ പാടത്തേക്ക് പോയതായിരുന്നു. ഇതിനിടയില്‍ വീട്ടിലെ മറ്റുളളവര്‍ ജോലിക്കും പോയി. വൈകുന്നേരമായിട്ടും കാണാതെ വന്നതിനെ തുടര്‍ന്ന് നടത്തിയ അന്വേഷണത്തിനിടയിലാണ് മാളിയ്ക്കല്‍ത്താഴം പാടത്ത് വരമ്പില്‍ വീണുകിടക്കുന്നത് കണ്ടത്.

ഉടനെ ആശുപത്രിയിലെത്തിച്ചെങ്കിലും മരിച്ചിരുന്നു. ഭാര്യ: പരേതയായ ദേവകി. മക്കള്‍: മോഹനന്‍, സതീശന്‍, ബാബു, സുരേന്ദ്രന്‍, രമേശ്. മൃതദേഹം പിറവം താലൂക്ക് ആശുപത്രി മോര്‍ച്ചറിയില്‍.