പാരീസ്: യുവേഫ ചാമ്പ്യന്സ് ലീഗ് ഫുട്ബോളില് നിലവിലെ ചാമ്പ്യന്മാരായ പാരീസ് സെന്റ് ജെര്മെയ്ന് ആദ്യപാദ ക്വാര്ട്ടറില് ജയം. ഹോം ഗ്രൗണ്ടായ പാര്ക്ക് ഡെസ് പ്രിന്സസില് അരങ്ങേറിയ മത്സരത്തില് പിഎസ്ജി 2-0ന് ഇംഗ്ലീഷ് ക്ലബ് ലിവര്പൂള് എഫ്സിയെ തോല്പ്പിച്ചു.
ഇരുപാദങ്ങളിലുമായി ആയിരുന്നു രണ്ട് ഗോള്. കഴിഞ്ഞ സീസണിലെ നോക്കൗട്ട് ഘട്ടത്തില് ഹോം ഗ്രൗണ്ടില് പരാജയപ്പെട്ടതിന്റെ കണക്കും പിഎസ്ജി വീട്ടി.
10-ാം മിനിറ്റില് പിഎസ്ജിയുടെ ഡെസിരെ ഡൗവിന്റെ ഗോള് ശ്രമം പരാജയപ്പെട്ടതോടെയാണ് മത്സരത്തിനു ചൂടുപിടിച്ചത്. തൊട്ടടുത്ത മിനിറ്റില് ഡൗ ലിവര്പൂളിന്റെ വലകുലുക്കി. ഡൗവിന്റെ വലംകാല് ഷോട്ട് ലിവര്പൂള് ഗോള്വലയില് വിശ്രമിച്ചു.
65-ാം മിനിറ്റില് പിഎസ്ജി ലീഡ് ഉയര്ത്തി. ജാവൊ നെവെസിന്റെ അസിസ്റ്റില് ഖ്വിച ക്വാരത്സ്ഖേലിയയായിരുന്നു പിഎസ്ജിക്കായി ലക്ഷ്യംനേടിയത്.
സലയെ കളിപ്പിച്ചില്ല
ലിവര്പൂള് സൂപ്പര് താരം മുഹമ്മദ് സലയെ കോച്ച് അര്നെ സ്ലോട്ട് സൈഡ് ബെഞ്ചില് ഇരുത്തിയതും ശ്രദ്ധേയം. ഇക്കാര്യത്തെക്കുറിച്ച് ചോദ്യമുയര്ന്നപ്പോള്, രണ്ടാംപാദത്തിനായി സലയുടെ ഊര്ജം കാത്തുവച്ചതാണെന്നായിരുന്നു സ്ലോട്ടിന്റെ മറുപടി.
E-paper LOGIN
LOGIN