കൊച്ചി: കാല്നടയാത്രക്കാരുടെ സുരക്ഷ സംബന്ധിച്ച പൊതുതാത്പര്യ ഹര്ജി ദേശീയ പാത അഥോറിറ്റിയുടെ ഉറപ്പിനെത്തുടര്ന്ന് ഹൈക്കോടതി തീര്പ്പാക്കി. ചീഫ് ജസ്റ്റീസ് സൗമെന് സെന്, ജസ്റ്റീസ് വി.എം. ശ്യാം കുമാര് എന്നിവരടങ്ങിയ ഡിവിഷന് ബെഞ്ചാണു ഹര്ജി തീര്പ്പാക്കിയത്.
കാല്നടയാത്രക്കാര്ക്ക് അനുയോജ്യമായ നടപടികള് സ്വീകരിക്കുന്നതിനായി ഇന്ത്യന് റോഡ് കോണ്ഗ്രസ് പുറപ്പെടുവിച്ച മാര്ഗനിര്ദേശങ്ങള് പാലിക്കാന് സംസ്ഥാനത്തിനും എന്എച്ച്എഐയ്ക്കും കേരള റോഡ് സുരക്ഷാ അഥോറിറ്റിക്കും നിര്ദേശം നല്കണമെന്നതുള്പ്പെടെയുള്ള ആവശ്യങ്ങളുന്നയിച്ചാണ് പൊതുതാത്പര്യ ഹര്ജി സമര്പ്പിച്ചിരുന്നത്.
കാല്നടയാത്രക്കാര്ക്കുള്ള പരാതികള് സമര്പ്പിക്കാന് രാജ്മാര്ഗ്യാത്ര എന്ന മൊബൈല് ആപ്ലിക്കേഷനെക്കുറിച്ച് പ്രചാരണം നല്കാന് കോടതി നേരത്തേ എന്എച്ച്എഐയോടു നിര്ദേശിച്ചിരുന്നു.
മൊബൈല് ആപ് പ്രവര്ത്തനക്ഷമമാണെന്നും ഹര്ജിക്കാര് ഉന്നയിച്ച മറ്റു പരാതികള് മുന് ഇടക്കാല ഉത്തരവില് പരിഗണിച്ചിട്ടുണ്ടെന്നും എന്എച്ച്എഐയുടെ അഭിഭാഷകന് ബോധിപ്പിച്ചു.
ഉന്നയിക്കുന്ന വിഷയങ്ങളെക്കുറിച്ചുള്ള നിര്ദേശങ്ങള് എന്എച്ച്എഐ സ്വീകരിക്കാന് തയാറാണെന്നും എന്തെങ്കിലും പരാതികള് നിലനില്ക്കുന്നുണ്ടെങ്കില് അതു ശ്രദ്ധയില്പ്പെടുത്തിയാല് എന്എച്ച്എഐ ഉചിതമായ നടപടികള് സ്വീകരിക്കുമെന്നും അറിയിച്ചതിനെത്തുടര്ന്നാണ് ഹര്ജി തീര്പ്പാക്കിയത്.
Deepika
E-paper LOGIN
LOGIN