31

കൊ​ളോ​ൺ: സി​എം​ഐ (Carmelites of Mary Immaculate) സ​ഭ​യു​ടെ ജ​ർ​മ​ൻ ഡെ​ലി​ഗേ​ഷ​ൻ സു​പ്പീ​രി​യ​റാ​യി പ്ര​മു​ഖ ദൈ​വ​ശാ​സ്ത്ര​ജ്ഞ​നും പ്ര​ഭാ​ഷ​ക​നു​മാ​യ റ​വ.​ഡോ. ടി​ജോ താ​ന്നി​ക്ക​ൽ സി​എം​ഐ നി​യ​മി​ത​നാ​യി.

ജ​ർ​മ​നി​യി​ലെ കൊ​ളോ​ൺ അ​തി​രൂ​പ​ത കേ​ന്ദ്രീ​ക​രി​ച്ച് ര​ണ്ട് പ​തി​റ്റാ​ണ്ടി​ലേ​റെ​യാ​യി ന​ട​ത്തി​വ​രു​ന്ന നി​സ്തു​ല​മാ​യ ആ​ത്മീ​യാ​ന്വേ​ഷ​ണ​ങ്ങ​ൾ​ക്കും അ​ജ​പാ​ല​ന പ്ര​വ​ർ​ത്ത​ന​ങ്ങ​ൾ​ക്കു​മു​ള്ള അം​ഗീ​കാ​ര​മാ​യാ​ണ് ഈ ​പു​തി​യ നി​യോ​ഗം.​

നി​ല​വി​ലെ ഡെ​ലി​ഗേ​ഷ​ൻ സു​പ്പീ​രി​യ​റാ​യ ഫാ. ​ജോ​ർ​ജ് വ​ട​ക്കി​നേ​ഴ​ത്ത് സി​എം​ഐ ഫാ.​ടി​ജോ താ​ന്നി​ക്ക​ലി​നെ ബൊ​ക്ക ന​ൽ​കി ആ​ദ​രി​ച്ചു.

തൊ​ടു​പു​ഴ ക​ല​യ​ന്താ​നി ഇ​ട​വ​ക​യി​ലെ താ​ന്നി​ക്ക​ൽ വ​ർ​ഗീ​സ് -​ മേ​രി ദ​മ്പ​തി​ക​ളു​ടെ ഏ​ഴു മ​ക്ക​ളി​ൽ ഇ​ള​യ​വ​നാ​യി 1972-ലാ​ണ് ഫാ. ​ടി​ജോ​യു​ടെ ജ​ന​നം. ക​ല​യ​ന്താ​നി സെ​ന്‍റ ജോ​ർ​ജ് ഹൈ​സ്കൂ​ളി​ൽ നി​ന്നും പ്രാ​ഥ​മി​ക വി​ദ്യാ​ഭ്യാ​സം പൂ​ർ​ത്തി​യാ​ക്കി​യ അ​ദ്ദേ​ഹം 1987-ൽ ​സിഎംഐ സ​ന്യാ​സ സ​മൂ​ഹ​ത്തി​ൽ ചേ​ർ​ന്നു.

തു​ട​ർ​ന്ന് ബംഗളൂരു ധ​ർ​മ്മാ​രാം വി​ദ്യാ​ക്ഷേ​ത്രം, ക്രൈ​സ്റ്റ് യൂ​ണി​വേ​ഴ്സി​റ്റി, പൂ​നെ ജ്ഞാ​ന​ദീ​പ വി​ദ്യാ​പീ​ഠ് എ​ന്നി​വി​ട​ങ്ങ​ളി​ലാ​യി വൈ​ദി​ക പ​ഠ​നം പൂ​ർ​ത്തി​യാ​ക്കി. 2001 ഡി​സം​ബ​റി​ൽ ദി​വം​ഗ​ത​നാ​യ ജ​ഗ​ദ​ൽ​പു​ർ മു​ൻ ബി​ഷ​പ് മാ​ർ സൈ​മ​ൺ സ്റ്റോ​ക്ക് പാ​ല​ത്ത​റ​യി​ൽ നി​ന്നാ​ണ് പൗ​രോ​ഹി​ത്യം സ്വീ​ക​രി​ച്ച​ത്.

പ​ഞ്ചാ​ബി​ലെ പ​ട്യാ​ല മി​ഷ​നി​ലൂ​ടെ​യാ​യി​രു​ന്നു വൈ​ദി​ക സേ​വ​ന​ത്തി​ന്‍റെ തു​ട​ക്കം.