30

‘ഉ​ള്ളി​ലെ ഒ​രു ജ്വാ​ല അ​ണ​യാ​ന​നു​വ​ദി​ക്ക​രു​ത്. സ്വ​യം ദ​രി​ദ്ര​നാ​കാ​ന്‍ നി​ശ്ച​യി​ച്ച ഒ​രാ​ള്‍​ക്ക് സ്വ​ന്തം മ​ന​സാ​ക്ഷി​യു​ടെ സ്വ​രം കു​റേ​ക്കൂ​ടി ഭം​ഗി​യാ​യി കേ​ള്‍​ക്കാ​നാ​വും. അ​ത് തി​രി​ച്ച​റി​യു​ന്ന ഒ​രാ​ള്‍​ക്ക് അ​ങ്ങ​നെ ഒ​ടു​വി​ല്‍ ഒ​രു ച​ങ്ങാ​തി​യെ കി​ട്ടു​ക​യാ​ണ്. അ​വ​സാ​ന​ത്തോ​ളം പി​രി​യാ​ത്ത ഒ​രു ച​ങ്ങാ​തി.’
(വാ​ന്‍​ഗോ​ഗ് തി​യോ​ക്ക് എ​ഴു​തി​യ ക​ത്തു​ക​ള്‍)

ഒ​ക്‌​ടോ​ബ​ർ നാ​ലി​നാ​ണ് ഫ്രാ​ന്‍​സി​സി​ന്‍റെ ഓ​ര്‍​മ​ത്തി​രു​നാ​ള്‍.
ക​ട​ന്നു​പോ​യി​ട്ട് ഇ​ത് എ​ണ്ണൂ​റാ​ണ്ടാ​യി.
ത​ലേ​ന്ന് സ​ന്ധ്യ​ക്ക് ഞ​ങ്ങ​ളു​ടെ ആ​ശ്ര​മ​ങ്ങ​ളി​ല്‍ ഹൃ​ദ്യ​മാ​യ ഒ​ന്നു​ണ്ട്, ട്രാ​ന്‍​സി​ത്തു​സ് എ​ന്ന ച​ര​മാ​നു​സ്മ​ര​ണ​പ്രാ​ര്‍​ഥ​ന.

ജീ​വി​തം കു​റേ​ക്കൂ​ടി ഏ​കാ​ഗ്ര​വും ഭാ​വ​ന നി​ഷ്ക​ള​ങ്ക​വു​മാ​യി​രു​ന്ന ഒ​രു കാ​ല​ത്ത് ആ ​മ​ര​ണ​ത്തേ​ക്കു​റി​ച്ച് ബൊ​നെ​വെ​ഞ്ച​ര്‍ എ​ഴു​തി അ​വ​സാ​നി​പ്പി​ക്കു​ന്ന​ത് കി​ളി​പേ​ശ​ലു​ക​ള്‍​പോ​ലെ കേ​ട്ടി​ട്ടു​ണ്ട്: പു​ണ്യ​വാ​ന്‍റെ വി​യോ​ഗ​നേ​ര​ത്ത് കി​ളി​ക്കൂ​ട്ട​ങ്ങ​ള്‍ ആ ​ഭ​വ​ന​ത്തി​ന്‍റെ മേ​ല്‍​ക്കൂ​ര​യി​ലേ​ക്ക് എ​ത്തു​ക​യും വ​ലം​ചു​റ്റി ഇ​ന്നോ​ളം കേ​ട്ടി​ട്ടി​ല്ലാ​ത്ത ആ​ന​ന്ദ​സ്വ​ര​ങ്ങ​ള്‍​കൊ​ണ്ട് ഫ്രാ​ന്‍​സി​സി​ന്‍റെ മ​ഹ​ത്വ​ത്തി​ന് സാ​ക്ഷ്യം​പ​റ​യു​ക​യും ചെ​യ്തു.

ഫ്രാ​ന്‍​സി​സി​ന്‍റെ മ​ര​ണ​കാ​ര​ണം കൃ​ത്യ​മാ​യി ഡോ​ക്യു​മെ​ന്‍റ് ചെ​യ്യ​പ്പെ​ട്ടി​ട്ടി​ല്ല; അ​വ​സാ​ന​വ​ര്‍​ഷ​ങ്ങ​ള്‍ ശാ​രീ​രി​ക​ക്ലേ​ശ​ങ്ങ​ളു​ടെ​യും പീ​ഡ​ക​ളു​ടെ​യും ആ​ണെ​ന്നൊ​ഴി​കെ. പ​ഞ്ച​ക്ഷ​ത​ങ്ങ​ള്‍ ഉ​ള്‍​പ്പ​ടെ അ​തി​ല്‍ പെ​ടു​ത്താ​വു​ന്ന​താ​ണ്. ക​ണ്ണു​ക​ള്‍​ക്ക് ട്ര​ക്കോ​മ​യു​ടെ പ്ര​ശ്ന​ങ്ങ​ള്‍ ഉ​ണ്ടാ​യി​രു​ന്നു. അ​ന്ധ​ത​യി​ല്‍ എ​ത്തി​യേ​ക്കാ​വു​ന്ന ഒ​ന്നാ​ണ​ത്. പ്ര​കാ​ശ​ത്തോ​ടു​ള്ള ക​ടു​ത്ത സെ​ന്‍​സി​റ്റി​വി​റ്റി​യാ​ണ് പ്ര​ധാ​ന പ്ര​ശ്നം. സ​ദാ ക​ണ്ണു നി​റ​ഞ്ഞൊ​ഴു​കു​ക​യാ​ണ് ല​ക്ഷ​ണം. സൂ​ര്യ​വെ​ളി​ച്ച​ത്തി​ലേ​ക്കു നോ​ക്കു​മ്പോ​ള്‍ അ​നേ​കം കു​പ്പി​ച്ചി​ല്ലു​ക​ള്‍ ക​ണ്ണി​ലേ​ക്ക് പൊ​ട്ടി​വീ​ഴു​ന്ന​തു​പോ​ലെ തോ​ന്നും.

ആ ​കാ​ല​യ​ള​വി​ല്‍​ത്ത​ന്നെ​യാ​ണ് സൂ​ര്യ​നു​വേ​ണ്ടി​യു​ള്ള സ്തോ​ത്ര​ഗീ​തം എ​ഴു​തി ആ​ല​പി​ക്കു​ന്ന​ത്. കാ​ര്യ​ങ്ങ​ളെ ചി​ല​ര്‍ മ​ധു​ര​മാ​ക്കി മാ​റ്റു​ന്ന​ത് അ​ങ്ങ​നെ​യാ​ണ്. ഈ​ജി​പ്ത് യാ​ത്ര​യു​ടെ ബാ​ക്കി​പ​ത്ര​മാ​യി​രു​ന്നു ഈ ​നേ​ത്ര​രോ​ഗം. അ​വി​ടെ​നി​ന്നു മ​ലേ​റി​യ​യും കൊ​ണ്ടു​വ​ന്നു എ​ന്ന് ക​രു​താം. ചോ​ര ഛര്‍​ദി​ച്ചി​രു​ന്ന​താ​യും കേ​ള്‍​വി​യു​ണ്ട്. ഗാ​സ്ട്രി​ക് അ​ള്‍​സ​ര്‍​പോ​ലെ ഗു​രു​ത​ര​മാ​യ ഉ​ദ​ര​രോ​ഗ​ങ്ങ​ളാ​വാം കാ​ര​ണം. രോ​ഗ​ത്തേ​ക്കാ​ള്‍ ക​ഠി​ന​മാ​യ ചി​കി​ത്സാ​രീ​തി​ക​ളാ​യി​രു​ന്നു അ​ന്നു​ണ്ടാ​യി​രു​ന്ന​ത്. ചു​ട്ടു​പ​ഴു​പ്പി​ച്ച ഇ​രു​മ്പു​ദ​ണ്ഡ് മു​റി​വി​നു മീ​തെ വ​ച്ച് പൊ​ള്ളി​ക്കു​ന്ന​തു​ള്‍​പ്പ​ടെ​യു​ള്ള പ​ല​തി​ലൂ​ടെ​യും അ​യാ​ള്‍ ക​ട​ന്നു​പോ​യി. 44 വ​യ​സ് എ​ത്ര ചെ​റി​യ പ്രാ​യ​മാ​ണ്!

എ​ന്നി​ട്ടും ക​വി​ത​പോ​ലെ മ​നോ​ഹ​ര​മാ​യി​രു​ന്നു അ​യാ​ളു​ടെ ക​ട​ന്നു​പോ​ക്ക്. ‘ഇ​ത്ര കാ​ലം ന​മ്മ​ള്‍ ഒ​ന്നും ചെ​യ്തി​ട്ടി​ല്ല, ന​മു​ക്കി​നി ആ​രം​ഭി​ക്കാം’ എ​ന്ന​താ​യി​രു​ന്നു അ​ന്ത്യ​മൊ​ഴി​ക​ളി​ലൊ​ന്ന്. ന​ഗ്ന​നാ​ക്കി വെ​റും​നി​ല​ത്ത് കി​ട​ത്താ​ന്‍ ആ​വ​ശ്യ​പ്പെ​ട്ടു. പി​റ​വി​യി​ലെ​ന്ന​തു​പോ​ലെ ന​ഗ്ന​ത​യു​ടെ നി​ഷ്ക​ള​ങ്ക​ത​യി​ല്‍ മ​ട​ങ്ങി​പ്പോ​യ അ​യാ​ള്‍ ആ​രെ​യൊ​ക്കെ​യാ​ണ് ഓ​ര്‍​മി​പ്പി​ക്കു​ന്ന​ത്?

അ​പ​രാ​ധ​ത്തി​നു മു​ന്‍​പു​ള്ള ആ​ദ​വും ഹ​വ്വ​യും, അ​നു​സ​ര​ണം പൂ​ര്‍​ത്തി​യാ​ക്കി കു​രി​ശി​ന്‍റെ വ​ക്ഷ​സി​ല്‍ ന​ഗ്ന​നാ​യി മ​ട​ങ്ങി​പ്പോ​യ യേ​ശു, തെ​രു​വീ​ഥി​യി​ലൂ​ടെ ഭ​ക്തി​യു​ടെ ഉ​ന്മാ​ദ​ത്തി​ല്‍ ചു​വ​ടു​വ​യ്ക്കു​ന്ന അ​ക്ക​മ​ഹാ​ദേ​വി, ദി​ക്കു​ക​ളെ വ​സ്ത്ര​മാ​യി ധ​രി​ച്ചു എ​ന്ന സ​ങ്ക​ല്പ​ത്തി​ല്‍ ന​ട​ന്നു​പോ​കു​ന്ന ന​മ്മു​ടെ ദേ​ശ​ത്തെ ദി​ഗം​ബ​ര​ജൈ​ന​ര്‍, പ്ര​ണ​യ​ത്തി​ന്‍റെ ദീ​പ്ത​നി​മി​ഷ​ങ്ങ​ളി​ല്‍ ല​ജ്ജ അ​നു​ഭ​വി​ക്കാ​തെ വി​വ​സ്ത്ര​രാ​വു​ന്ന പ​ങ്കാ​ളി​ക​ള്‍... അ​ങ്ങ​നെ നൈ​ര്‍​മ​ല്യ​ത്തെ​യും സ്വാ​ത​ന്ത്ര്യ​ത്തെ​യും അ​ര്‍​പ്പ​ണ​ത്തെ​യും ആ​ന​ന്ദ​ത്തെ​യും ദ്യോ​തി​പ്പി​ക്കു​ന്ന ഒ​ന്നാ​യി​രു​ന്നു ഫ്രാ​ന്‍​സി​സി​ന്‍റെ വി​വ​സ്ത്ര​ത. മ​ര​ണം ഒ​രു ര​ണ്ടാം പി​റ​വി​യാ​ണെ​ന്നു​ള്ള സൗ​മ്യ​മാ​യ ഓ​ര്‍​മ​പ്പെ​ടു​ത്ത​ലു​മാ​കാം.

പ്ര​കാ​ശ​ത്തെ വ​സ്ത്ര​മാ​യ​ണി​ഞ്ഞ ന​ഗ്ന​ത​യി​ലാ​ണ് അ​യാ​ളു​ടെ ആ​ന്ത​രി​ക​ജീ​വി​തം ആ​രം​ഭി​ക്കു​ന്ന​ത്. വ​ലി​ച്ചി​ഴ​ച്ചു​ത​ന്നെ​യാ​ണ് അ​പ്പ​ന​യാ​ളെ ബി​ഷ​പ്പി​ന്‍റെ മു​ന്‍​പി​ലെ​ത്തി​ച്ച​ത്. അ​വ​നെ​ക്കു​റി​ച്ച് നി​റ​യെ പ​രാ​തി​യാ​ണ്. സ്വ​പ്ന​ജീ​വി​യാ​ണ​യാ​ള്‍. കു​ടും​ബ​ത്തി​ന്‍റെ വ്യാ​പാ​ര​ത്തി​ല്‍ പ​ങ്കു​ചേ​രു​ന്നി​ല്ല. അ​ള​വി​ല്ലാ​തെ ദ​രി​ദ്ര​ര്‍​ക്ക് കൊ​ടു​ക്കു​ന്നു. ത​ക​ര്‍​ന്ന് തു​ട​ങ്ങി​യ ക​പ്പേ​ള​ക​ളെ സ്വ​ന്തം ക​ഠി​നാ​ധ്വാ​നം കൊ​ണ്ട് പ​ണി​തു​യ​ര്‍​ത്തു​ന്നു. കു​ഷ്ഠ​രോ​ഗി​ക​ളോ​ടും യാ​ച​ക​രോ​ടു​മൊ​ത്ത് സ​ഹ​വ​സി​ക്കു​ന്നു. അ​ങ്ങ​നെ ആ​രോ​പ​ണ​ങ്ങ​ള്‍ നീ​ണ്ടു.

കാ​ര്യ​ങ്ങ​ള്‍ അ​വ​സാ​നി​ക്ക​ണം, ഞാ​നെ​ന്താ​ണ് ചെ​യ്തു ത​രേ​ണ്ട​ത്?
എ​ന്‍റെ ധ​ന​ത്തി​ലോ വ്യാ​പാ​ര​ത്തി​ലോ അ​വ​ന് ഇ​നി​യൊ​രു അ​വ​കാ​ശ​മു​ണ്ടാ​വി​ല്ല എ​ന്ന് തീ​ര്‍​പ്പ് ക​ല്പി​ച്ചാ​ല്‍ മ​തി.

ചെ​റു​പ്പ​ക്കാ​ര​ന്‍ എ​ല്ലാ​റ്റി​നും ത​യാ​റാ​യി​രു​ന്നു. കൈ​വ​ശ​മു​ള്ള നാ​ണ​യ​ങ്ങ​ള്‍ കാ​ല്‍​ച്ചു​വ​ട്ടി​ല്‍ വ​ച്ചു. അ​പ്പോ​ഴാ​ണ് ഓ​ര്‍​ത്ത​ത്, അ​പ്പ​ന്‍റേ​ത​ല്ലാ​തെ ഒ​രു നൂ​ലി​ഴ​പോ​ലും സ്വ​ന്ത​മാ​യി​ട്ടി​ല്ല. പി​ന്നെ ന​ട​ന്ന​ത് ച​രി​ത്ര​സ​ന്ധി​ക​ളി​ലെ ഏ​റ്റ​വും ന​ല്ല നാ​ട​ക​ങ്ങ​ളി​ല്‍ ഒ​ന്നാ​യി​രു​ന്നു. ഓ​രോ​രോ വ​സ്ത്ര​ങ്ങ​ളാ​യി ഊ​രി​യെ​ടു​ത്തു. മ​ട​ക്കി അ​പ്പ​ന്‍റെ കാ​ൽ​ച്ചു​വ​ട്ടി​ല്‍ വ​ച്ചു: ഇ​തും​കൂ​ടി അ​ങ്ങേ​ക്ക് അ​വ​കാ​ശ​പ്പെ​ട്ട​താ​ണ്. പി​ന്നെ​യി​ങ്ങ​നെ തു​ട​ര്‍​ന്നു. ഇ​തു​വ​രെ​യും ഞാ​ന്‍ അ​ങ്ങ​യെ, പീ​റ്റ​ര്‍ ബെ​ര്‍​ണാ​ഡോ​വി​നെ അ​ച്ഛ​നെ​ന്ന് വി​ളി​ച്ചു....​ഈ നി​മി​ഷം മു​ത​ല്‍ സ്വ​ര്‍​ഗ​സ്ഥ​നാ​യ പി​താ​വാ​ണ് എ​ന്‍റെ അ​ച്ഛ​ന്‍.

ബി​ഷ​പ് ത​ന്‍റെ മേ​ലു​ടു​പ്പു​കൊ​ണ്ട് ചെ​റു​പ്പ​ക്കാ​ര​നെ മൂ​ടി. അ​തി​നി​ട​യി​ല്‍ ഒ​രു തോ​ട്ട​ക്കാ​ര​ന്‍റെ വ​സ്ത്രം ആ​രോ വ​ച്ചു​നീ​ട്ടി. അ​ത​യാ​ള​ണി​ഞ്ഞു. പി​ന്നെ നി​ശ​ബ്‌​ദ​മാ​യി. പു​തി​യ അ​ച്ഛ​ന്‍റെ വി​ശാ​ല​മാ​യ വ​ഴി​ക​ളി​ലേ​ക്കി​റ​ങ്ങി ന​ട​ന്നു.

സ്ത്രീ​ക​ളും കു​ട്ടി​ക​ളും ഉ​ള്‍​പ്പ​ടെ വ​ലി​യൊ​രു ആ​ള്‍​ക്കൂ​ട്ടം അ​ര​മ​ന​യു​ടെ അ​ങ്ക​ണ​ത്തി​ലു​ണ്ടാ​യി​രു​ന്നു. ഒ​രു ചെ​റു​പ്പ​ക്കാ​ര​ന്‍ വി​വ​സ്ത്ര​നാ​വു​ന്ന​തു​ക​ണ്ട് ഒ​രാ​ളും ക​ണ്ണു​താ​ഴ്ത്തി​യി​ല്ല. സ​മ​കാ​ലീ​ന​നാ​യ ഒ​രു ച​രി​ത്ര​കാ​ര​ന്‍ അ​ട​യാ​ള​പ്പെ​ടു​ത്തു​ന്ന​ത് പോ​ലെ: ഒ​രു കു​ഞ്ഞ് പി​റ​ക്കു​ന്ന​ത് ക​ണ്ട് ഇ​ന്നോ​ളം ഒ​രു വ​യ​റ്റാ​ട്ടി​യും ക​ണ്ണു താ​ഴ്ത്തി​യി​ട്ടി​ല്ല.​അ​ത്ര​മേ​ല്‍ നി​ര്‍​മ​ല​നാ​യി ഒ​രാ​ള്‍ പി​റ​വി​കൊ​ള്ളു​ക​യാ​ണ്.

വീ​ണ്ടും പി​റ​ക്കു​ക എ​ന്ന​താ​യി​രു​ന്നു യേ​ശു​ദൂ​തി​ന്‍റെ കാ​ത​ല്‍. അ​വ​ന​വ​ന്‍റെ നി​ഷ്ക​ള​ങ്ക​ത​യി​ലേ​ക്ക് മ​ട​ങ്ങി​പ്പോ​വു​ക തു​ട​ങ്ങി അ​ന​വ​ധി വ്യാ​ഖ്യാ​ന​ങ്ങ​ള്‍ അ​തി​ന് ക​ല്പി​ച്ചു കൊ​ടു​ക്കു​മ്പോ​ഴും അ​തി​ലേ​റ്റ​വും സാ​ര​വ​ത്താ​യി തോ​ന്നു​ന്ന​ത് ഈ ​പു​തി​യ പി​തൃ​ബോ​ധ​ത്തി​ലേ​ക്കു​ള്ള പ്രാ​ണ​ന്‍റെ ഉ​ണ​ര്‍​വാ​ണ്.​അ​തി​നു​ശേ​ഷം അ​യാ​ളും ലോ​ക​വും ദൈ​വ​വു​മൊ​ന്നും പ​ഴ​യ​ത​ല്ല.
മ​ര​ണ​ത്തെ ഭ​യ​ക്ക​രു​തെ​ന്നാ​ണ് അ​യാ​ള്‍ ഇ​പ്പോ​ള്‍ പ​റ​യു​ന്ന​ത്. ചു​റ്റി​നും നി​ല്‍​ക്കു​ന്ന ദുഃ​ഖി​ത​രാ​യ സ​ഹോ​ദ​ര​രെ വി​ല​ക്കി​ക്കൊ​ണ്ട് ഇ​ങ്ങ​നെ മ​ന്ത്രി​ച്ചു: ‘ഇ​ങ്ങ​നെ​യ​ല്ല വേ​ണ്ട​ത്. പാ​ട്ടു പാ​ടി, നൃ​ത്ത​ച്ചു​വ​ടു​ക​ളോ​ടെ അ​വ​ളെ സ്വാ​ഗ​തം ചെ​യ്യു​ക - sister death.
ഇ​തും പെ​ങ്ങ​ള്‍ ത​ന്നെ!

മ​ട​ങ്ങി​പ്പോ​കു​ന്ന ഒ​രാ​ള്‍ ഉ​രു​വി​ടു​ന്ന വാ​ക്കു​ക​ള്‍​ക്ക് നാം ​ക​രു​തു​ന്ന​തി​നേ​ക്കാ​ള്‍ മു​ഴ​ക്ക​വും പ്ര​തി​ധ്വ​നി​ക​ളു​മു​ണ്ട്. നി​ക്കോ​സ് ക​സ​ന്‍​ദ്സാ​ക്കി​സി​ന്‍റെ ഫ്രാ​ന്‍​സി​സ് ക​ട​ന്നു​പോ​കു​മ്പോ​ള്‍ മ​ന്ത്രി​ച്ച​ത് അ​താ​ണ് സ്നേ​ഹം, ശാ​ന്തി, ദാ​രി​ദ്ര്യം. ആ​ദ്യ​ത്തേ​ത് മ​നു​ഷ്യ​രാ​ശി​യി​ല്‍ ആ​ശ​ങ്ക​യു​ള്ള ഏ​തൊ​രാ​ളി​ല്‍​നി​ന്നും ഉ​യ​രാ​വു​ന്ന​തേ​യു​ള്ളൂ. എ​ന്നാ​ല്‍ ആ ​വാ​ക്ക് ദാ​രി​ദ്ര്യം ന​മ്മു​ടെ ബോ​ധ​ത്തി​ന് അ​ത്ര സു​പ​രി​ചി​ത​മ​ല്ല. ഇ​ത്തി​രി നേ​ര്‍​പ്പി​ച്ചാ​ണെ​ങ്കി​ല്‍​പ്പോ​ലും ആ ​പ​ദ​ത്തെ ബോ​ധ​ത്തി​ല്‍ നി​ല​നി​ര്‍​ത്താ​ന്‍ ക​ഴി​യു​ക​യാ​ണ് ഏ​തൊ​രു കാ​ല​ത്തി​ലെ​യും സാ​ധ​ക​ര്‍​ക്കു​ള്ള വെ​ല്ലു​വി​ളി.

ത​ങ്ങ​ളു​ടെ അ​രു​ളു​ക​ള്‍ ജീ​വി​ത​കാ​ല​ത്തു​ത​ന്നെ പാ​ഴാ​വു​ക​യോ ചി​ത​റി​പ്പോ​വു​ക​യോ ചെ​യ്തു​വെ​ന്നു​ള്ള​താ​ണ് മി​ക്ക​വാ​റും ആ​ചാ​ര്യ​ന്മാ​രു​ടെ ദുഃ​ഖം. അ​തു​കൊ​ണ്ടാ​ണ്, ‘ചി​ല​ര്‍ ക​രു​തു​ന്ന​തു​പോ​ലെ ഞാ​നൊ​രു മ​ത​ത്തി​ന്‍റെ​യും ജാ​തി​യു​ടേ​യും ഭാ​ഗ​മ​ല്ല’ എ​ന്ന് പ്ര​ബു​ദ്ധ​കേ​ര​ളം മാ​സി​ക​യി​ല്‍ ശ്രീ​നാ​രാ​യ​ണ​ഗു​രു​വി​ന് പ​ര​സ്യം കൊ​ടു​ക്കേ​ണ്ടി​വ​ന്ന​ത്. സ്വാ​ത​ന്ത്ര്യാ​ന​ന്ത​ര കോ​ണ്‍​ഗ്ര​സ് പി​രി​ച്ചു​വി​ട​ണ​മെ​ന്ന് ഗാ​ന്ധി​ജി ശ​ഠി​ച്ച​തും ഇ​തേ കാ​ര​ണം കൊ​ണ്ടാ​യി​രി​ക്ക​ണം. ത​ന്‍റെ​കൂ​ടി പോ​രാ​ട്ട​ത്തി​ല്‍​നി​ന്നു​ണ്ടാ​യ ഫി​ഡ​ലി​ന്‍റെ സ​ര്‍​ക്കാ​രി​ല്‍​നി​ന്ന് പി​ന്‍​വാ​ങ്ങി ക​ടു​ത്ത ആ​സ്ത്മാ​രോ​ഗി​യാ​യ ചെ ​ഗെ​വാ​ര ബൊ​ളീ​വി​യ​ന്‍​കാ​ടു ക​യ​റി​യ​ത്, ഒ​രു ദീ​ര്‍​ഘ​യാ​ത്ര​യ്ക്കു ശേ​ഷം മ​ട​ങ്ങി​വ​രു​മ്പോ​ള്‍ ത​ന്‍റെ സ​മൂ​ഹ​ത്തി​ന് അ​ത്ര​മേ​ല്‍ അ​പ​രി​ചി​ത​നാ​യി​രി​ക്കു​ന്നു​വെ​ന്ന് ദുഃ​സ്വ​പ്നം ക​ണ്ട് അ​സീ​സി​യി​ലെ ഫ്രാ​ന്‍​സി​സ് ഞെ​ട്ടി​യു​ണ​രു​ന്ന​ത്.

കാ​ല്പാ​ദ​ങ്ങ​ളെ പ്ര​ണ​മി​ക്കു​ന്ന രീ​തി ലോ​ക​മെ​മ്പാ​ടു​മു​ണ്ട്. ബു​ദ്ധ​ന്‍റേ​തെ​ന്ന സ​ങ്ക​ല്പ​ത്തി​ല്‍ മൂ​വാ​യി​ര​ത്തോ​ളം കാ​ല്പാ​ടു​ക​ള്‍ ഇ​ന്നു ന​മ​സ്ക​രി​ക്ക​പ്പെ​ടു​ന്നു​ണ്ട്; പാ​റ​മേ​ല്‍ കൊ​ത്തി​യു​ണ്ടാ​ക്കി​യ​തും താ​നേ പ​തി​ഞ്ഞ​തെ​ന്ന് വി​ശ്വ​സി​ക്ക​പ്പെ​ടു​ന്ന​വ​യു​മാ​യ കാ​ല്പാ​ടു​ക​ള്‍. കാ​ല​ടി​യെ​ന്ന് ന​മു​ക്കു പ​രി​ച​യ​മു​ള്ള ഗ്രാ​മ​ത്തി​ന് ആ ​പേ​രു ല​ഭി​ച്ച​തു​പോ​ലും ബു​ദ്ധ​സ​മൂ​ഹ​ങ്ങ​ള്‍ ഒ​രു കാ​ല​ത്ത് അ​വി​ടെ​യു​ണ്ടാ​യി​രു​ന്ന​തി​ന്‍റെ സൂ​ച​ന​യാ​യി ക​രു​ത​പ്പെ​ടു​ന്നു. അ​തി​ല്‍ അ​സാ​ധാ​ര​ണ​മാ​യി ഒ​ന്നും ക​രു​തേ​ണ്ട. മ​ല​യാ​റ്റൂ​ര്‍​മ​ല​യു​ടെ വി​ശ്വാ​സം ഓ​ര്‍​മി​ക്കു​ക.

പാ​ദ​പ​ത്മ​ങ്ങ​ള്‍ എ​ന്നാ​ണ് ഗു​രു​ക്ക​ന്മാ​രു​ടെ ചു​വ​ടു​ക​ളെ നാം ​വി​ളി​ക്കു​ന്ന​ത്. താ​മ​ര​യു​ടെ ഇ​ത​ളി​ല്‍​നി​ന്ന് ഇ​റ്റു​വീ​ഴു​ന്ന പ​ത്മ​മ​ധു ക​ണ്ണി​ന് ന​ല്ല ഔ​ഷ​ധ​മാ​യി ഗ​ണി​ക്ക​പ്പെ​ടു​ന്നു. മി​ഴി​ക​ളി​ല്‍ അ​തു ലേ​പ​നം ചെ​യ്താ​ല്‍ അ​ക​ക്കാ​ഴ്ച​യും ദൂ​ര​ക്കാ​ഴ്ച​യു​മു​ണ്ടാ​കും.

യേ​ശു​വി​ലെ​ന്ന​പോ​ലെ ആ​ണി​പ്പാ​ടു​ള്ള പാ​ദ​ങ്ങ​ളാ​യി​രു​ന്നു ഫ്രാ​ന്‍​സി​സി​നും. അ​ത​യാ​ള്‍​ക്ക് ഉ​പ​ഹാ​ര​മാ​യി ല​ഭി​ച്ച​താ​ണ്. Brother Francis: The Barefoot Saint of Assisi എ​ന്നാ​ണ് അ​യാ​ള്‍ അ​റി​യ​പ്പെ​ടു​ന്ന​ത്. സ്വാ​ഭാ​വി​ക​മാ​യി അ​ക​ത്തും പു​റ​ത്തും അ​ല​ഞ്ഞ് പാ​ദ​ങ്ങ​ള്‍ വി​ണ്ട് കീ​റി​യ​തു​മാ​വ​ണം. ആ ​കാ​ല്‍​പാ​ദ​ത്തി​ലേ​ക്ക് കു​റേ​ക്കൂ​ടി ഉ​റ്റു​നോ​ക്കാ​നാ​ണ് ഈ ​ഒ​രു വ​ര്‍​ഷ​ത്തെ സ​ഭ ന​മു​ക്ക് സ​ങ്ക​ല്പി​ച്ചു ന​ല്‍​കു​ന്ന​ത്. സ​ഭ​യു​ടെ ഭാ​വി ഫ്രാ​ന്‍​സി​സി​ന്‍റെ ഭാ​വി​യെ​ന്ന് അ​ര്‍​ഥം വ​രു​ന്ന ഒ​രു പു​സ്ത​കം വാ​യി​ച്ചി​ട്ടു​ണ്ട്. ഫ്രാ​ന്‍​സി​സി​നോ​ട് ന​മ്മ​ളെ​ന്തു ചെ​യ്തു ?

വ​ല്ലാ​തെ ക​വി​ത​യാ​ക്ക​പ്പെ​ട്ട ജീ​വി​ത​മാ​ണ് ഫ്രാ​ന്‍​സി​സ്. എ​ട്ട് നൂ​റ്റാ​ണ്ടു​ക​ളി​ലും അ​ത​ങ്ങ​നെ​യാ​യി​രു​ന്നു. ലാ​റ്റി​ന്‍ അ​മേ​രി​ക്ക​ന്‍ വാ​യ​ന​ക​ളാ​യി​രു​ന്നു തെ​ല്ല് വി​ഭി​ന്നം. പൂ​ക്ക​ളു​ടെ​യും കി​ളി​ക​ളു​ടെ​യും ക​ള​ങ്ങ​ളി​ല്‍ തീ​രേ​ണ്ട നാ​മ​മ​ല്ല ഫ്രാ​ന്‍​സി​സ്. ഫ്രാ​ന്‍​സി​സ്ക​ന്‍ എ​ന്ന വി​ശാ​ല​പ​ദ​ത്തി​ല്‍ പ​റ​യു​ന്ന എ​ല്ലാം പു​ന​പ​രി​ശോ​ധി​ക്കാ​നോ പു​തു​ക്കി​പ്പ​ണി​യാ​നോ നേ​ര​മാ​യി.

ഒ​രു കു​മ്പ​സാ​രം​ത​ന്നെ​യാ​യി​രു​ന്നു അ​ത്; മൈ​ക്കി​ളി​നെ ആ​ശ്വ​സി​പ്പി​ക്കാ​നാ​ണ് കാ​ര്‍​ഡി​ന​ല്‍ ല​മ്പേ​ര്‍​ത്തോ അ​തു പ​റ​ഞ്ഞ​തെ​ങ്കി​ല്‍​പ്പോ​ലും. ന​ടു​മു​റ്റ​ത്തു​ള്ള ജ​ല​ധാ​ര​യി​ല്‍​നി​ന്ന് ഒ​രു വെ​ള്ളാ​ര​ങ്ക​ല്ലെ​ടു​ത്തു​പൊ​ട്ടി​ച്ച് അ​യാ​ളോ​ടു പ​റ​ഞ്ഞ​ത് ഇ​ങ്ങ​നെ​യാ​ണ്:

'Look at this stone. It has been in the water for a very long time, but the water has not penetrated it. Look... Perfectly dry. The same thing has happened to men in Europe. For centuries they have been surrounded by Christianity, but Christ has not penetrated. Christ doesn't live within them.'
ഗോ​ഡ്ഫാ​ദ​റി​ല്‍ നി​ന്നാ​ണ്.

അ​തി​ല്‍ ക​ഥ​യൊ​ന്നു​മി​ല്ലെ​ന്നാ​ണ് ഫ്രാ​ന്‍​സി​സി​ന്‍റെ പാ​ഠം. ക​ഠി​ന​മാ​യ പ​ല​തി​നു മീ​തെ​യും എ​ണ്ണൂ​റു വ​ര്‍​ഷ​മാ​യി ഒ​ഴു​കി ഒ​ഴു​കി ഫ്രാ​ന്‍​സി​സ് അ​തി​നെ ഈ​ര്‍​പ്പ​മു​ള്ള​താ​ക്കി മാ​റ്റു​ന്നു​ണ്ട്. ജ​ലം ന​മ്മ​ള്‍ വി​ചാ​രി​ക്കു​ന്ന ക​ണ​ക്ക് അ​ത്ര സാ​ധു​വൊ​ന്നു​മ​ല്ല. ക​ട​ല്‍​ത്തി​ര​ക​ള്‍ നി​ര​ന്ത​രം അ​ല​ച്ച​ല​ച്ചാ​ണ് തീ​ര​ങ്ങ​ളി​ലെ ക്ലി​ഫു​ക​ള്‍ രൂ​പ​പ്പെ​ട്ട​ത്. ത​ടാ​ക​ത്തി​ലെ അ​ല​ക​ള്‍​പോ​ലും അ​തി​നെ വ​ലം​ചു​റ്റു​ന്ന പാ​റ​ക്കെ​ട്ടി​ല്‍ വ്യ​തി​യാ​ന​ങ്ങ​ള്‍ സൃ​ഷ്‌​ടി​ക്കു​ന്നു​ണ്ട്. യേ​ശു മ​രി​ച്ച​പ്പോ​ള്‍ പാ​റ​ക​ള്‍ പി​ള​ര്‍​ന്നു​വെ​ന്ന് ഒ​രു ചെ​റു​വാ​ക്ക് സു​വി​ശേ​ഷ​ക​ര്‍ രേ​ഖ​പ്പെ​ടു​ത്തി​യെ​ന്ന് ഓ​ര്‍​മി​ക്ക​ണം. നി​ഷ്ക​ള​ങ്ക​ത​യെ​യും കാ​രു​ണ്യ​ത്തെ​യും എ​ന്നേ​ക്കു​മാ​യി പ്ര​തി​രോ​ധി​ക്കാ​നാ​വാ​ത്ത വി​ധ​ത്തി​ല്‍ എ​വി​ടെ​യോ ഒ​രി​ത്തി​രി വ​ള്‍​ന​റ​ബി​ലി​റ്റി​യി​ലാ​ണ് മ​നു​ഷ്യ​രെ​ന്ന പ​ട​പ്പ് രൂ​പ​പ്പെ​ട്ട​ത്.

വെ​ളി​ച്ച​ത്തി​ന് ആ ​ഇ​ട​ത്തി​ലൂ​ടെ ഇ​ന്ന​ല്ലെ​ങ്കി​ല്‍ നാ​ളെ അ​രി​ച്ചി​റ​ങ്ങാ​നാ​വും. അ​വ​ന്‍റെ കൊ​ല​യ്ക്ക് കാ​ര്‍​മി​ക​ത്വം വ​ഹി​ച്ചൊ​രാ​ള്‍ നെ​ഞ്ച​ത്ത​ടി​ച്ച് നി​ല​വി​ളി​ച്ച്, ‘സ​ത്യ​മാ​യും ഇ​വ​ന്‍ ഈ​ശ്വ​ര​ചൈ​ത​ന്യ​മാ​യി​രു​ന്നു’ എ​ന്നു വി​ല​പി​ക്കു​മ്പോ​ള്‍ നേ​ര​ത്തേ പ​റ​ഞ്ഞ പാ​റ ഭൂ​പ​ഠ​ന​ത്തി​ന്‍റെ ഭാ​ഗ​മ​ല്ലെ​ന്നു വ​രു​ന്നു.
പ​ള്ളി വീ​ഴു​ന്നു എ​ന്ന നി​ല​വി​ളി​യി​ല്‍ നി​ന്നാ​ണ് ഫ്രാ​ന്‍​സി​സി​ന്‍റെ ജീ​വി​ത​ത്തി​ന്‍റെ ര​ണ്ടാം ഭാ​ഗം ആ​രം​ഭി​ക്കു​ന്ന​ത്. ച​ങ്ക് കൈ‍​യി​ലെ​ടു​ത്തു​കൊ​ണ്ടാ​ണ് മ​നു​ഷ്യ​ര്‍ അ​വ​ന് ചു​റ്റും കൂ​ടി​യ​ത്. എ​ത്ര അ​പൂ​ര്‍​ണ​മാ​യി​രി​ക്കു​മ്പോ​ഴും, അ​തി​പ്പോ​ഴും ഒ​രു ന​ല്ല സ്ഥ​ലം ത​ന്നെ​യാ​ണ്.

പ​ള്ളി വീ​ണാ​ല്‍ ന​മ്മ​ള്‍ എ​ന്ത് ചെ​യ്യും?
ഒ​രു ക​ല്ല് ത​രാ​മോ, ഒ​രു ചെ​റി​യ ക​ല്ല്. അ​ത്ര ക​രു​ത്തോ ഭം​ഗി​യോ ഉ​ള്ള​താ​വ​ണ​മെ​ന്നി​ല്ല. ന​മു​ക്കി​തി​നെ പു​തു​ക്ക​ണ്ടേ?
ഒ​ന്നും നി​ലം​പ​തി​ക്കി​ല്ല.
പു​തു​ക്കി​പ്പ​ണി​ഞ്ഞാ​ല്‍ മാ​ത്രം മ​തി.
അ​ക​ത്തും പു​റ​ത്തു​മു​ള്ള പ​ള്ളി​യെ പു​തു​ക്കി​പ്പ​ണി​യാ​നു​ള്ള ഒ​രു സ​വി​ശേ​ഷ​ശി​ല​യാ​യി ഫ്രാ​ന്‍​സി​സ് ഇ​വി​ടെ ഇ​നി​യും ഉ​ണ്ടാ​യി​രി​ക്കും.