ആദ്യത്തെ കൺമണിക്ക് പേരിട്ട് നടൻ സംഗീത് പ്രതാപും ഭാര്യയും. താര റെയ്ൻ സംഗീത് എന്നാണ് കുഞ്ഞിന് പേരിട്ടിരിക്കുന്നത്. ന്യൂബോൺ ബേബി ഫോട്ടോ ഷൂട്ടിൽ നിന്നുള്ള ചിത്രങ്ങളും താരം പങ്കുവച്ചിട്ടുണ്ട്.
‘‘വിണ്ണിലെ നക്ഷത്രങ്ങളിൽ കുറിക്കപ്പെട്ട്, ഒരു കുളിർമഴ പോലെ ഞങ്ങളിലേക്ക് പെയ്തിറങ്ങിയവളാണ് നീ... പൊടീ, നീ ഞങ്ങളുടെ കൊച്ചുനക്ഷത്രമാണ്, ഞങ്ങളുടെ കുഞ്ഞുറാണിയാണ്; ഞങ്ങളുടെ ജീവിതത്തിൽ ഇന്നോളം സംഭവിച്ചതിൽ വച്ച് ഏറ്റവും മനോഹരമായ പുണ്യമാണ് നീ.’’കുഞ്ഞിന്റെ ചിത്രങ്ങൾ പങ്കുവച്ച് സംഗീതും ആൻസിയും കുറിച്ചു.