കൊച്ചി: ഇടതുപക്ഷത്ത് നിന്നുകൊണ്ട് ഇടതുപക്ഷത്തെ ആക്രമിച്ചാല് വലതുപക്ഷത്തിന്റെ കൈയടിയും സ്വീകാര്യതയും ഏറുമെന്ന് പ്രതിപക്ഷനേതാവ് പിണറായി വിജയന്.
എന്നാല് പ്രഫ. എം.കെ. സാനു ഒരിക്കലും ഇടതുപക്ഷത്തെ കരിവാരിത്തേച്ച് സ്വന്തം യശസ് വിളക്കിയെടുക്കാന് ശ്രമിച്ചിട്ടില്ലെന്നും അദ്ദേഹം പറഞ്ഞു.
പ്രഫ. എം.കെ. സാനു സാംസ്കാരികകേന്ദ്രത്തിന്റെ സാനു സമ്മാനം 2026 എഴുത്തുകാരി ഡോ. എം.ലീലാവതിക്ക് സമര്പ്പിച്ചു സംസാരിക്കുകയായിരുന്നു അദ്ദേഹം.
ആരോഗ്യാവസ്ഥ കണക്കിലെടുത്ത് ഡോ. ലീലാവതിയുടെ വീട്ടിലെത്തിയാണ് ഒരുലക്ഷം രൂപയും ഉണ്ണി കാനായി രൂപകല്പന ചെയ്ത ശില്പവും കീര്ത്തിപത്രവും അടങ്ങുന്ന പുരസ്കാരം പിണറായി സമ്മാനിച്ചത്. സാനു അനുസ്മരണ സമ്മേളനവും പിണറായി വിജയന് ഉദ്ഘാടനം ചെയ്തു. യുവപ്രതിഭ പുരസ്കാരം ഡോ. വിനില് പോളിന് സമ്മാനിച്ചു.
സാംസ്കാരികകേന്ദ്രം പ്രസിഡന്റ് എന്.എസ്. മാധവന് അധ്യക്ഷത വഹിച്ച ചടങ്ങില് മുന് മന്ത്രി പി.രാജീവ്, സിപിഎം സംസ്ഥാന സെക്രട്ടേറിയറ്റംഗം സി.എന്. മോഹനന്, സംസ്ഥാന കമ്മിറ്റിയംഗങ്ങളായ എസ്. ശര്മ, സി.എം. ദിനേശ്മണി, മുന് മേയര് എം.അനില്കുമാര്, എഴുത്തുകാരി തനൂജ ഭട്ടതിരി, ഡോ. കെ.ജി. പൗലോസ്, കെ.വി. തോമസ്, മാധ്യമപ്രവര്ത്തകന് ആര്.രാജഗോപാല്, പ്രഭാഷകന് ഡോ. സുനില് പി. ഇളയിടം, സിപിഎം ജില്ലാസെക്രട്ടറി എസ്.സതീഷ്, മുന് എംഎല്എ ജോണ് ഫെര്ണാണ്ടസ് എന്നിവര് പ്രസംഗിച്ചു.
Deepika
E-paper LOGIN
LOGIN
