ഇന്ത്യയുടെ വനിത സ്റ്റാർ ക്രിക്കറ്റർ സ്മൃതി മന്ദാന നായികയായി ഇന്ന് അരങ്ങേറും. സിംബാബ്‌വെയ്ക്കെതിരായ മൂന്ന് ട്വന്‍റി20 മത്സരങ്ങളിൽ ആദ്യ പോരാട്ടം ഇന്ന് നടക്കുന്പോൾ ടീമിനെ നയിക്കുന്നത് സ്മൃതി മന്ദാനയാണ്. ഹർമൻപ്രീത് കൗർ സ്ഥാനമൊഴിഞ്ഞതിനെ തുടർന്നാണ് സ്മൃതി ക്യാപ്റ്റൻ സ്ഥാനം ഏറ്റെടുത്തത്.
രണ്ട് ഡബ്ല്യുപിഎൽ കിരീടങ്ങൾ നേടിയ ശേഷമാണ് സ്മൃതി ഇന്ത്യയുടെ ദേശീയ ടീം ക്യാപ്റ്റൻ സ്ഥാനത്തേക്ക് എത്തുന്നത്. ഡബ്ല്യുപിഎലിൽ മൂന്ന് തവണ റോയൽ ചലഞ്ചേഴ്സ് ബംഗളൂരുവിനെ നയിച്ച് രണ്ട് കിരീട നേട്ടമാണ് സ്മൃതിക്കുള്ളത്. സഹതാരങ്ങൾക്ക് പിന്തുണ നൽകുന്നതിലും തീരുമാനങ്ങൾ കൃത്യയതയോടെ എടുക്കുന്നതിലും മികവുള്ള സ്മൃതിയുടെ നേതൃപാടവം ഇന്ത്യക്ക് കരുത്താകും.
മുൻഗാമിയായ ഹർമൻപ്രീത് കൗർ സ്വീകരിച്ച ആക്രമണോത്സുക ശൈലി സ്മൃതി പിന്തുടരുമോ? ക്യാപ്റ്റൻ എന്ന നിലയിലെ ഉത്തരവാദിത്വങ്ങൾ താരത്തിന്‍റെ അഗ്രസീവ് ബാറ്റിംഗിനെ ബാധിക്കുമോ? തുടങ്ങി ചോദ്യങ്ങൾക്കുള്ള ഉത്തരം കൂടിയാണ് പരന്പരയില്‍ ലഭ്യമാകുക.
ഹർമന് സ്പേസ്
ഹർമൻപ്രീതിന് മികച്ച പ്രകടനം കാഴ്ചവയ്ക്കാൻ കഴിയുന്ന അന്തരീക്ഷം ഒരുക്കുക എന്നതും സ്മൃതി മന്ദാനയ്ക്ക് വെല്ലുവിളിയാണ്. മുൻ ക്യാപ്റ്റന്മാര്‍ക്ക് തങ്ങൾ പ്രധാന തീരുമാനങ്ങൾ എടുക്കുന്നവരായി ഇല്ലാത്ത സാഹചര്യങ്ങളിൽ പ്രവർത്തിക്കുന്നത് പ്രയാസകരമാകും. എന്നാൽ ഡബ്ല്യുപിഎല്ലിൽ പ്രകടമായ മന്ദാനയുടെ നായക മികവിനൊപ്പം സഹതാരങ്ങളുമായി ബന്ധം സ്ഥാപിക്കാനും അവരെ ഉൾക്കൊള്ളാനുമുള്ള കഴിവ് പ്രതീക്ഷ പകരുന്നതാണ്.
വെല്ലുവിളി
ഏഷ്യാ കപ്പും ഏഷ്യൻ ഗെയിംസ് കിരീടങ്ങളും ഉൾപ്പടെ സമീപകാലത്ത് മികച്ച നേട്ടങ്ങൾ കൈവരിച്ചച്ചെങ്കിലും ഇന്ത്യയുടെ ട്വന്‍റി20 പ്രകടനം മറ്റ് ടീമുകളെ അപേക്ഷിച്ച് പിന്നിലാണ്. പ്രത്യേകിച്ച് 2020ന് ശേഷം നടന്ന ട്വന്‍റി20 ലോകകപ്പുകളിൽ ദക്ഷിണാഫ്രിക്ക, ഇംഗ്ലണ്ട്, ന്യൂസിലൻഡ്, ഓസ്ട്രേലിയ ടീമുകൾക്കെതിരേ വിജയിക്കാൻ ഇന്ത്യക്ക് സാധിച്ചിട്ടില്ല. ഈ വെല്ലുവിളി മറികടക്കുകയും മന്ദാനയുടെ ലക്ഷ്യമാണ്.
സിംബാബ്‌വെയ്ക്കെതിരായ ഹോം പരന്പര മന്ദാനയ്ക്ക് ക്യാപ്റ്റൻ എന്ന നിലയിൽ മികച്ച തുടക്കമായിരിക്കും. അടുത്ത വർഷത്തെ ചാന്പ്യൻസ് ട്രോഫി, 2028ലെ ട്വന്‍റി20 ലോകകപ്പ്, ലോസ് ആഞ്ചലസ് ഒളിന്പിക്സ് എന്നിവയ്ക്കായി ഇന്ത്യ തയാറെടുക്കുന്പോൾ സ്മൃതി മന്ദാനയുടെ കൃത്യമായ തയാറെടുപ്പുകളും മാറ്റങ്ങളെ ഉൾക്കൊള്ളാനുള്ള സന്നദ്ധതയും നിർണായക പങ്ക് വഹിക്കും.
Deepika
Corehub Solutions
E-paper LOGIN
LOGIN