പാരിപ്പള്ളി: അരനൂറ്റാണ്ട് കാലം മലയാള കഥാപ്രസംഗ കലയുടെ മികവുറ്റ സ്ത്രീ ശബ്ദമായിരുന്ന വെളിനെല്ലൂര് വസന്തകുമാരിയെ വേള മാനൂര് ഗാന്ധിഭവന് സ്നേഹാശ്രമം കുടുംബം ആദരിച്ചു. അമ്മയുടെ മടിയിലിരുന്നു കെ.കെ. വാധ്യാരുടെ ഹരികഥ കേട്ട് ഈ രംഗത്തേക്ക് വന്നതും ഒന്പതാമത്തെ വയസില് വെളിനെല്ലൂര് ശ്രീരാമക്ഷേത്ര സന്നിധിയില് ആദ്യകഥ പറഞ്ഞതും അവര് അനുസ്മരിച്ചു. ഹൂഗ്ലിയുടെ തീരം, ഭൂലാന്ദേവി എന്നീ കഥകളിലെ പ്രസക്തഭാഗവും പാട്ടുകളും സ്നേഹാശ്രമത്തിലെ അച്ഛനമ്മമാര്ക്ക് വേണ്ടി അവര് അവതരിപ്പിച്ചു.
സ്നേഹാശ്രമത്തിന്റെ സ്നേഹോപഹാരം ഡയറക്ടര് പത്മാലയം ആര്. രാധാകൃഷ്ണന് സമര്പ്പിച്ചു. സ്നേഹാശ്രമത്തിലെ പത്ത് ദിവസത്തെ ഓണാഘോഷം - സ്നേഹമുറ്റത്തൊരോണം വെളിനെല്ലൂര് വസന്തകുമാരി ഉദ്ഘാടനം ചെയ്തു. സംഗീത സംവിധായകന് പ്രണവം മധു പുതിയ ഓണപ്പാട്ടുകള് പാടി ഓണസന്ദേശം നല്കി.
സ്നേഹാശ്രമം സെക്രട്ടറി പി.എം. രാധാകൃഷ്ണന്, കെ.എം. രാജേന്ദ്രകുമാര്, ജി. രാമചന്ദ്രന്പിള്ള, ബി. സുനില്കുമാര് എന്നിവര് പ്രസംഗിച്ചു.
Deepika
E-paper LOGIN
LOGIN
