കോഴിക്കോട്: വ്യത്യസ്ത കഴിവുകളുമായി അവര് ഒത്തുകൂടിയപ്പോള് മനം നിറഞ്ഞ് സ്നേഹോത്സവം. പരിമിതികളെ പിറകില് നിര്ത്തി വിദ്യാർഥികൾ വേദികളില് നിറഞ്ഞാടി, ഒപ്പം കൈയടിച്ച് ആസ്വാദകരും. കോഴിക്കോട് പ്രോവിഡൻസ് വുമൺസ് കോളജിൽ സ്പെഷൽ സ്കൂൾ ഫെസ്റ്റ് സംഘാടനമികവുകൊണ്ടും വിദ്യാര്ഥികളുടെയും അധ്യാപകരുടെയും സജീവ പങ്കാളിത്തംകൊണ്ടും നവ്യാനുഭവമായി.
ദീപിക ബാലസഖ്യവും സ്പെഷൽ ഒളിമ്പിക്സ് ഭാരത് കേരളയും സംയുക്തമായാണ് യൂണിഫൈഡ് സ്പെഷൽ സ്കൂൾ കലോത്സവം നടത്തിയത്. ഭിന്നശേഷി കുട്ടികളുടെ പങ്കാളികളായി മറ്റ് സ്കൂളുകളിലെയും കോളജുകളിലെയും വിദ്യാര്ഥികള് കൂടി കൈകോർത്ത വീൽചെയർ ഡാൻസ്, നാടൻപാട്ട്, സംഘനൃത്തം, കരകൗശല വസ്തുനിർമാണം, നാടോടി നൃത്തം, സംഘനൃത്തം, ഫാഷൻ ഷോ, ചെണ്ടമേളം, ടാബ്ലോ, പ്രസംഗം , അധ്യാപകർക്കായി സിനിമാറ്റിക് ഡാൻസ് മത്സരം എന്നിവയും നടന്നു.
കാസർഗോഡ്, വയനാട്, കോഴിക്കോട്, കണ്ണൂർ, പാലക്കാട്, മലപ്പുറം, തൃശൂർ ജില്ലകളിലെ ആയിരത്തോളം കുട്ടികളാണ് പങ്കെടുത്തത്. പ്രോവിഡൻസ് കോളജ് പ്രിൻസിപ്പൽ സിസ്റ്റർ അഷ്മിത എസി അധ്യക്ഷത വഹിച്ചു.
സമാപന സമ്മേളനം കോഴിക്കോട് നഗരസഭാ ക്ഷേമകാര്യ സ്റ്റാന്ഡിംഗ് കമ്മിറ്റി ചെയർപേഴ്സൺ കവിത അരുൺ ഉദ്ഘാടനം ചെയ്തു. ദീപിക കോഴിക്കോട് യൂണിറ്റ് റസിഡന്റ് മാനേജർ ഫാ. ഷെറിൻ പുത്തന്പുരയ്ക്കല്, ഡിസിഎല് കോ-ഓർഡിനേറ്റര് ഫാ. സായി പാറന്കുളങ്ങര, എസ്ഒബി കേരള പ്രസിഡന്റ് ഡോ. എം.കെ. ജയരാജ്, പോഗ്രാം മാനേജര് സിസ്റ്റര് റാണി ജോ എന്നിവർ പ്രസംഗിച്ചു. തുടർന്ന് സമ്മാനദാനവും നടന്നു. പങ്കെടുത്തവർക്കും മത്സരത്തിൽ വിജയിച്ചവർക്കും സമ്മാനം നൽകുന്നു എന്നതാണ് സ്നേഹോത്സവത്തിന്റെ പ്രത്യേകതയെന്ന് ദീപിക ബാലസഖ്യത്തിന്റെയും സ്പെഷൽ ഒളിമ്പിക്സ് കേരളയുടെയും സംസ്ഥാന ഡയറക്ടർ ഫാ. റോയി കണ്ണൻചിറ സിഎംഐ പറഞ്ഞു.
പ്രോവിഡന്സ് കോളജ് വൈസ് പ്രിന്സിപ്പല് സിസ്റ്റര് ജൂബി എസി, പോഗ്രാം കോ-ഓർഡിനേറ്റര് സിസ്റ്റര് തെരേസ എസി, എന്എസ്എസ് കോ-ഓർഡിനേറ്റര് സംഗീത, എസ്ഒബി വൈസ് പ്രസിഡന്റ് അജിനാസ്, യുഎല്സിസി മാനേജര് അഭിലാഷ്, ഡിസിഎല് ഓര്ഗനൈസര്മാരായ സന്ദീപ് കല്ലാനോട്, മാത്യു, പി.എം.ബിജു, ജേക്കബ് സോജന് എന്നിവര് നേതൃത്വം നല്കി.
E-paper LOGIN
LOGIN
