അബുദാബി: സെന്റ് ജോർജ് ഓർത്തഡോക്സ് കത്തീഡ്രൽ കൊയ്ത്തുത്സവം സംഘടിപ്പിച്ചു. രാവിലെ വിശുദ്ധ കുർബാനയ്ക്ക് ശേഷം കൊയ്ത്തുത്സവത്തിന്റെ ആദ്യഘട്ട പരിപാടികളിൽ "ജോർജിയൻ ഭജൻസ്' അവതരിപ്പിച്ച ഭക്തികീർത്തനാലാപം "ഭജൻ' ശ്രദ്ധേയമായി.
അതോടൊപ്പം രുചികരമായ നാടൻ ഭക്ഷണങ്ങളുടെ വിവിധ സ്റ്റാളുകളും പ്രവർത്തിച്ചിരുന്നു. ഉച്ചയ്ക്കുശേഷം നടന്ന പരിപാടിയിൽ ചലച്ചിത്ര സംവിധായകനും അഭിനേതാവുമായ ജോണി ആന്റണി, പിന്നണിഗായകൻ കെ.ജി. മാർക്കോസ് എന്നിവർ മുഖ്യാതിഥികളായി പങ്കെടുത്തു.