പരിപാടിയിൽ നിന്ന്
അബുദാബി: സെന്റ് ജോർജ് ഓർത്തഡോക്സ് കത്തീഡ്രൽ കൊയ്ത്തുത്സവം സംഘടിപ്പിച്ചു. രാവിലെ വിശുദ്ധ കുർബാനയ്ക്ക് ശേഷം കൊയ്ത്തുത്സവത്തിന്റെ ആദ്യഘട്ട പരിപാടികളിൽ "ജോർജിയൻ ഭജൻസ്' അവതരിപ്പിച്ച ഭക്തികീർത്തനാലാപം "ഭജൻ' ശ്രദ്ധേയമായി.
അതോടൊപ്പം രുചികരമായ നാടൻ ഭക്ഷണങ്ങളുടെ വിവിധ സ്റ്റാളുകളും പ്രവർത്തിച്ചിരുന്നു. ഉച്ചയ്ക്കുശേഷം നടന്ന പരിപാടിയിൽ ചലച്ചിത്ര സംവിധായകനും അഭിനേതാവുമായ ജോണി ആന്റണി, പിന്നണിഗായകൻ കെ.ജി. മാർക്കോസ് എന്നിവർ മുഖ്യാതിഥികളായി പങ്കെടുത്തു.

വികാരി ഫാ.ഗീവർഗീസ് മാത്യു അധ്യക്ഷത വഹിച്ചു. സഹവികാരി ഫാ.നിതിൻ മാത്യു, മാത്തുക്കുട്ടി കടോൺ, ട്രസ്റ്റി സാം ജി. ഡാനിയേൽ, സെക്രട്ടറി സന്തോഷ് ജോർജ്, ജോയിന്റ് ഫിനാൻസ് കൺവീനർ അജു തങ്കച്ചൻ, ജോയിന്റ് ജനറൽ കൺവീനർ ബിജോ വർഗീസ് എന്നിവർ സംസാരിച്ചു.
കുടുംബങ്ങളുടെ വർഷം എന്ന യുഎഇയുടെ ആശയത്തെ മുഖ്യ പ്രമേയമാക്കി നടത്തപ്പെട്ട കൊയ്ത്തുത്സവത്തിൽ പരമ്പരാഗത എമിറാത്തി, ഇന്ത്യൻ വസ്ത്രങ്ങൾ ധരിച്ച കുടുംബങ്ങൾ സ്വീകരണ റാലിയിൽ അണിനിരന്നു.
കെ.ജി. മാർക്കോസ് സംഗീത പരിപാടിക്ക് നേതൃത്വം നൽകി. ഇന്ത്യൻ, അറേബ്യൻ, കോണ്ടിനെന്റൽ ഭക്ഷണ വിഭവങ്ങളുടെ സ്റ്റാളുകൾ, പരിസ്ഥിതി സൗഹൃദ ഇനങ്ങൾ, ഗൃഹോപകരണ ഉപകരണങ്ങൾ തുടങ്ങിയവ സ്റ്റാളുകളിൽ ഒരുക്കിയിരുന്നു.
Tags : HarvestFestival St.GeorgeCathedral AbuDhabi ChristianCommunity UAE