19

ഹൂ​സ്റ്റ​ൺ: സെ​ന്‍റ് മേ​രീ​സ് മ​ല​ങ്ക​ര ഓ​ർ​ത്ത​ഡോ​ക്സ് ദേ​വാ​ല​യ​ത്തി​ന്‍റെ ആ​ഭി​മു​ഖ്യ​ത്തി​ൽ സം​ഘ​ടി​പ്പി​ക്കു​ന്ന ഹാ​ർ​വെ​സ്റ്റ് ഫെ​സ്റ്റി​വ​ൽ 2026 (കൊ​യ്ത്തു​ത്സ​വം) ഒ​ക്‌​ടോ​ബ​ർ 31 വൈ​കു​ന്നേ​രം നാല് മു​ത​ൽ രാ​ത്രി 10 വ​രെ ദേ​വാ​ല​യ അ​ങ്ക​ണ​ത്തി​ൽ വി​പു​ല​മാ​യ പ​രി​പാ​ടി​ക​ളോ​ടെ ന​ട​ക്കും.

ഹാ​ർ​വെ​സ്റ്റ് ഫെ​സ്റ്റി​വ​ലി​ന്‍റെ ഈ ​വ​ർ​ഷ​ത്തെ പ്ര​വ​ർ​ത്ത​ന​ങ്ങ​ൾ​ക്ക് ഔ​ദ്യോ​ഗി​ക തു​ട​ക്കം കു​റി​ച്ചു​കൊ​ണ്ട് ത​യാ​റാ​ക്കി​യ ഹാ​ർ​വെ​സ്റ്റ് ഫെ​സ്റ്റി​വ​ൽ 2026 ലോ​ഗോ റ​വ.ഫാ. ​പി.കെ. ​വ​ർ​ഗീ​സ് പ്ര​കാ​ശ​നം ചെ​യ്തു.

ഇ​ട​വ​ക വി​കാ​രി റ​വ.ഫാ. ​രാ​ജേ​ഷ് കെ. ​ജോ​ൺ, റ​വ.ഫാ. ​മാ​ത്തു​ക്കു​ട്ടി വ​ർ​ഗീ​സ് കോ​റെ​പ്പി​സ്കോ​പ്പാ എ​ന്നി​വ​രു​ടെ സാ​ന്നി​ധ്യ​ത്തി​ൽ ന​ട​ന്ന ച​ട​ങ്ങി​ൽ ഇ​ട​വ​ക സെ​ക്ര​ട്ട​റി മോ​ൻ​സ​ൺ പു​ന്നൂ​സും ഹാ​ർ​വെ​സ്റ്റ് ഫെ​സ്റ്റി​വ​ൽ ജ​ന​റ​ൽ ക​ൺ​വീ​ന​ർ സു​ബി​ൻ ജോ​ണും ചേ​ർ​ന്ന് ലോ​ഗോ റ​വ.ഫാ. ​പി. കെ. ​വ​ർ​ഗീ​സി​ന് സ​മ​ർ​പ്പി​ച്ചു.

ഹാ​ർ​വെ​സ്റ്റ് ഫെ​സ്റ്റി​വ​ലി​ന്‍റെ ഫു​ഡ് കൂ​പ്പ​ണി​ന്‍റെ ആ​ദ്യ വി​ൽ​പ്പ​ന ഡോ. ​എ​ബ്ര​ഹാം മാ​ർ സെ​റാ​ഫിം, ഇ​ട​വ​ക​യി​ലെ സീ​നി​യ​ർ അം​ഗ​മാ​യ റ​വ.ഫാ. ​പൗ​ലോ​സ് പീ​റ്റ​റി​ന് ആ​ദ്യ ഫു​ഡ് കൂ​പ്പ​ൺ ന​ൽ​കി വി​ൽ​പ്പ​ന​യു​ടെ ഔ​ദ്യോ​ഗി​ക ഉ​ദ്ഘാ​ട​നം നി​ർ​വ​ഹി​ച്ചു.

ഹാ​ർ​വെ​സ്റ്റ് ഫെ​സ്റ്റി​വ​ലി​ന്‍റെ വി​ജ​യ​ക​ര​മാ​യ ന​ട​ത്തി​പ്പി​നാ​യി വി​വി​ധ ക​മ്മി​റ്റി​ക​ളു​ടെ നേ​തൃ​ത്വ​ത്തി​ൽ വി​പു​ല​മാ​യ ഒ​രു​ക്ക​ങ്ങ​ൾ പു​രോ​ഗ​മി​ച്ചു​വ​രു​ന്നു.

കേ​ര​ള​ത്തി​ന്‍റെ ത​ന​ത് രു​ചി​ക​ൾ​ക്കൊ​പ്പം വൈ​വി​ധ്യ​മാ​ർ​ന്ന ഭ​ക്ഷ​ണ​വി​ഭ​വ​ങ്ങ​ൾ ഒ​രു​ക്കു​ന്ന ഫു​ഡ് സ്റ്റാ​ളു​ക​ൾ, ത​ട്ടു​ക​ട, ചാ​യ​ക്ക​ട എ​ന്നി​വ ഉ​ൾ​പ്പെ​ടെ രു​ചി​വൈ​വി​ധ്യ​ങ്ങ​ളു​ടെ വ​ലി​യൊ​രു ഉ​ത്സ​വ​ത്തി​നാ​ണ് ഇ​ത്ത​വ​ണ സെ​ന്‍റ് മേ​രീ​സ് വേ​ദി​യൊ​രു​ക്കു​ന്ന​ത്.