7

മാ​വേ​ലി​ക്ക​ര: ഭാ​ര്യ​യെ ആ​ത്മ​ഹ​ത്യ​യ്ക്ക് പ്രേ​രി​പ്പി​ച്ച കേ​സി​ൽ ഭ​ർ​ത്താ​വി​ന് പ​ത്തു​വ​ർ​ഷം ക​ഠി​ന​ത​ട​വും 2,00,000 രൂ​പ പി​ഴ​യും ശി​ക്ഷ. വ​ള്ളി​കു​ന്നം പ​ടീ​റ്റ​ട​ത്ത് കി​ഴ​ക്ക​തി​ൽ ഗോ​പ​കു​മാ​റി​നെ(49) യാണ് മാ​വേ​ലി​ക്ക​ര ഒ​ന്നാം അ​ഡീ​ഷ​ണ​ൽ ജി​ല്ലാ സെ​ഷ​ൻ​സ് കോ​ട​തി ജ​ഡ്ജി വി.​ജി. ശ്രീ​ദേ​വി ശി​ക്ഷി​ച്ച​ത്. പി​ഴ അ​ട​ച്ചി​ല്ലെ​ങ്കി​ൽ ആ​റു​മാ​സം കൂ​ടി അ​ധി​ക ക​ഠി​ന​ത​ട​വ് അ​നു​ഭ​വി​ക്ക​ണം. പ്ര​തി നേ​ര​ത്തെ ജു​ഡീ​ഷ്യ​ൽ ക​സ്റ്റ​ഡി​യി​ൽ ക​ഴി​ഞ്ഞി​ട്ടു​ള്ള കാ​ല​യ​ള​വ് ശി​ക്ഷ​യി​ൽനി​ന്നും ഇ​ള​വ് ചെ​യ്തി​ട്ടു​ണ്ട്.
2019 ജൂ​ൺ 26-നാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം. വ​ള്ളി​കു​ന്ന​ത്തെ വാ​ട​ക​വീ​ട്ടി​ൽ താ​മ​സി​ച്ചി​രു​ന്ന മൈ​നാ​ഗ​പ്പ​ള്ളി സ്വ​ദേ​ശി​നി രാ​ജി​യാ​ണ് (33) മ​രി​ച്ച​ത്.

ഭ​ർ​ത്താ​വാ​യ ഗോ​പ​കു​മാ​റിന്‍റെ നി​ര​ന്ത​ര​മാ​യ ശാ​രീ​രി​ക-​മാ​ന​സി​ക പീ​ഡ​ന​ങ്ങ​ളും ആ​ത്മ​ഹ​ത്യാ പ്രേ​ര​ണ​യും സ​ഹി​ക്ക​വ​യ്യാ​തെ രാ​ജി വീ​ടി​ന്‍റെ മു​റ്റ​ത്തുവച്ച് മ​ണ്ണെ​ണ്ണ ഒ​ഴി​ച്ച് തീ​കൊ​ളു​ത്തു​ക​യാ​യി​രു​ന്നു. ഗു​രു​ത​ര​മാ​യി പൊ​ള്ള​ലേ​റ്റ് ആ​ല​പ്പു​ഴ വ​ണ്ടാ​നം മെ​ഡി​ക്ക​ൽ കോ​ളജ് ആ​ശു​പ​ത്രി​യി​ൽ ചി​കി​ത്സ​യി​ലി​രി​ക്കെ 2019 ജൂ​ലൈ 2ന് ​രാ​ജി മ​ര​ണ​പ്പെ​ട്ടു.

രാ​ജി​യു​ടെ അമ്മ രാ​ജേ​ശ്വ​രി​യ​മ്മ ന​ൽ​കി​യ പ​രാ​തി​യി​ൽ വ​ള്ളി​കു​ന്നം പോ​ലീ​സ് ര​ജി​സ്റ്റ​ർ ചെ​യ്ത കേ​സി​ലാ​ണ് വി​ധി. മു​ൻ അ​ഡീ​ഷ​ണ​ൽ പ​ബ്ലി​ക് പ്രോ​സി​ക്യൂ​ട്ട​ർ പി.​വി. സ​ന്തോ​ഷ് കു​മാ​ർ, അ​ഡീ​ഷ​ണ​ൽ പ​ബ്ലി​ക് പ്രോ​സി​ക്യൂ​ട്ട​ർ കെ. ​സ​ജി​കു​മാ​ർ എ​ന്നി​വ​ർ പ്രോ​സി​ക്യൂ​ഷ​നുവേ​ണ്ടി ഹാ​ജ​രാ​യി.

വ​ള്ളി​കു​ന്നം പോ​ലീ​സ് ഉ​ദ്യോ​ഗ​സ്ഥ​നാ​യ ഗോ​പ​കു​മാ​ർ ജി. ​ആ​ണ് കേ​സ​ന്വേ​ഷ​ണം പൂ​ർ​ത്തി​യാ​ക്കി കു​റ്റ​പ​ത്രം സ​മ​ർ​പ്പി​ച്ച​ത്. ജി​എ​എ​സ്ഐ സി​ന്ധു, എ​സ്‌​സി​പി​ഒ ര​ഞ്ജു​നാ​ഥ് എ​ന്നി​വ​ർ പ്രോ​സി​ക്യൂ​ഷ​ൻ ന​ട​പ​ടി​ക​ൾ ഏ​കോ​പി​പ്പി​ച്ചു.