15

​ഗാ​ലെ: ടീം ​ഇ​ന്ത്യ​ക്കും ഇ​ന്ത്യ​ന്‍ ക്രി​ക്ക​റ്റ് ആ​രാ​ധ​ക​ര്‍​ക്കും ഇ​ന്നു സ്വാ​ത​ന്ത്ര്യ​ദി​ന​ത്തി​ന്‍റെ അ​പൂ​ര്‍​വ സു​ദി​നം... രാ​ജ്യം ഇ​ന്ന് 80-ാം സ്വാ​ത​ന്ത്ര്യ​ദി​നം ആ​ഘോ​ഷി​ക്കു​മ്പോ​ള്‍, ശ്രീ​ല​ങ്ക​യി​ലെ ഗാ​ലെ ഇ​ന്‍റ​ര്‍​നാ​ഷ​ണ​ല്‍ സ്റ്റേ​ഡി​യ​ത്തി​ല്‍ ടീം ​ഇ​ന്ത്യ 600-ാം ടെ​സ്റ്റ് ക​ളി​ക്കും.

ടെ​സ്റ്റ് ക്രി​ക്ക​റ്റ് ച​രി​ത്ര​ത്തി​ല്‍ 600 മ​ത്സ​ര​ങ്ങ​ള്‍ പൂ​ര്‍​ത്തി​യാ​ക്കു​ന്ന മൂ​ന്നാ​മ​തു മാ​ത്രം ടീം ​എ​ന്ന റി​ക്കാ​ര്‍​ഡും ഇ​തോ​ടെ ഇ​ന്ത്യ സ്വ​ന്ത​മാ​ക്കും. ശ്രീ​ല​ങ്ക​യ്ക്ക് എ​തി​രാ​യ ര​ണ്ടു മ​ത്സ​ര ടെ​സ്റ്റ് ക്രി​ക്ക​റ്റ് പ​ര​മ്പ​ര​യി​ലെ ആ​ദ്യ മ​ത്സ​ര​മാ​ണ് ഇ​ന്നു ന​ട​ക്കു​ക. 2025-27 ഐ​സി​സി ലോ​ക ടെ​സ്റ്റ് ചാ​മ്പ്യ​ന്‍​ഷി​പ്പി​ന്‍റെ ഭാ​ഗ​മാ​യു​ള്ള​താ​ണ് ഈ ​പ​ര​മ്പ​ര.

ലോ​ക ടെ​സ്റ്റ് ചാ​മ്പ്യ​ന്‍​ഷി​പ്പ് പോ​യി​ന്‍റ് ടേ​ബി​ളി​ല്‍ നി​ല​വി​ല്‍ അ​ഞ്ചും ആ​റും സ്ഥാ​ന​ങ്ങ​ളി​ലാ​ണ് ഇ​ന്ത്യ​യും ശ്രീ​ല​ങ്ക​യും.

ഗാ​ലെ @ 50

ഇ​ന്ത്യ 600-ാം ടെ​സ്റ്റ് ആ​ണ് ക​ളി​ക്കു​ന്ന​തെ​ങ്കി​ല്‍ ഗാ​ലെ​യി​ല്‍ ന​ട​ക്കു​ന്ന 50-ാം റെ​ഡ്‌​ബോ​ള്‍ ക്രി​ക്ക​റ്റാ​ണി​തെ​ന്ന​തും മ​റ്റൊ​രു വ​സ്തു​ത. 50 ടെ​സ്റ്റി​നു വേ​ദി​യാ​കു​ന്ന ഏ​ഷ്യ​യി​ലെ ആ​ദ്യ ഗ്രൗ​ണ്ടാ​ണ് ഗാ​ലെ എ​ന്ന​തും ശ്ര​ദ്ധേ​യം.

2017ലാ​ണ് ടീം ​ഇ​ന്ത്യ ഇ​തി​നു മു​മ്പ് ശ്രീ​ല​ങ്ക​യി​ല്‍ പ​ര്യ​ട​നം ന​ട​ത്തി​യ​ത്. അ​ന്ന് ടീം ​ഇ​ന്ത്യ ഫോ​മി​ന്‍റെ പാ​ര​മ്യ​ത്തി​ലാ​യി​രു​ന്നു. മൂ​ന്നു മ​ത്സ​ര പ​ര​മ്പ​ര​യി​ലെ ആ​ദ്യ ടെ​സ്റ്റി​ല്‍ 304 റ​ണ്‍​സിനും ര​ണ്ടാം മ​ത്സ​ര​ത്തി​ല്‍ ഇ​ന്നിം​ഗ്‌​സി​നും 53 റ​ണ്‍​സി​നും മൂ​ന്നാം പോ​രാ​ട്ട​ത്തി​ല്‍ ഇ​ന്നിം​ഗ്‌​സി​നും 171 റ​ണ്‍​സി​നും ഇ​ന്ത്യ വെ​ന്നി​ക്കൊ​ടി പാ​റി​ച്ചു.

എ​ന്നാ​ല്‍, അ​ന്ന​ത്തേ​തി​നെ അ​പേ​ക്ഷി​ച്ചു കാ​ര്യ​ങ്ങ​ള്‍​ക്കു മാ​റ്റ​മു​ണ്ട്. അ​ന്ന് വി​രാ​ട് കോ​ഹ്‌​ലി​യാ​യി​രു​ന്നു ക്യാ​പ്റ്റ​ന്‍. ചേ​തേ​ശ്വ​ര്‍ പൂ​ജാ​ര, കോ​ഹ്‌​ലി, അ​ജി​ങ്ക്യ ര​ഹാ​നെ എ​ന്നി​വ​രാ​യി​രു​ന്നു ഇ​ന്ത്യ​യു​ടെ വി​ശ്വ​സ്ത​ര്‍. ഓ​പ്പ​ണിം​ഗി​ല്‍ ശി​ഖ​ര്‍ ധ​വാ​നും. ശു​ഭ്മാ​ന്‍ ഗി​ല്ലി​ന്‍റെ ക്യാ​പ്റ്റ​ന്‍​സി​യി​ല്‍ ഇ​റ​ങ്ങു​ന്ന നി​ല​വി​ലെ ടീം ​ഇ​ന്ത്യ, ഒ​രു വി​ന്‍-​വി​ന്‍ സം​ഘ​ത്തെ വാ​ര്‍​ത്തെ​ടു​ക്കാ​നു​ള്ള ശ്ര​മം തു​ട​രു​ക​യാ​ണ്.

ടീം ​ഇ​ന്ത്യ ഈ ​വ​ര്‍​ഷം ഇ​തു​വ​രെ​യാ​യി ഒ​രു ടെ​സ്റ്റ് മാ​ത്ര​മാ​ണ് ക​ളി​ച്ച​ത്. അ​താ​ക​ട്ടെ അ​ഫ്ഗാ​നി​സ്ഥാ​ന് എ​തി​രേ. ഐ​സി​സി ലോ​ക ടെ​സ്റ്റ് ചാ​മ്പ്യ​ന്‍​ഷി​പ്പി​ല്‍ ഉ​ള്‍​പ്പെ​ടു​ന്ന​ത​ല്ല അ​ഫ്ഗാ​നി​സ്ഥാ​ന്‍ എ​ന്ന​താ​ണ് ഹൈ​ലൈ​റ്റ്. മ​റു​വ​ശ​ത്ത് ശ്രീ​ല​ങ്ക ക​ഴി​ഞ്ഞ 13 മാ​സ​ത്തി​നി​ടെ ക​ളി​ച്ച​ത് ര​ണ്ടു ടെ​സ്റ്റ് മാ​ത്രം. അ​തു​കൊ​ണ്ടു​ത​ന്നെ ഇ​ന്നു മു​ത​ല്‍ ഗാ​ലെ​യി​ല്‍ എ​ന്തു സം​ഭ​വി​ക്കു​ന്ന എ​ന്ന​തി​ല്‍ കൃ​ത്യ​മാ​യ പ്ര​വ​ച​നം അ​സാധ്യം.

സ്പി​ന്‍ വാ​ഴും പി​ച്ച്

ഗാ​ലെ​യി​ലെ പി​ച്ച് സ്പി​ന്നി​നെ അ​ക​മ​ഴി​ഞ്ഞു പി​ന്തു​ണ​യ്ക്കും എ​ന്ന​താ​ണ് ഇ​തു​വ​രെ​യു​ള്ള ച​രി​ത്രം. ശ്രീ​ല​ങ്ക സ്പി​ന്ന​ര്‍​മാ​രെ കു​ത്തി​നി​റ​ച്ചു​ള്ള ഒ​രു പ്ലേ​യിം​ഗ് ഇ​ല​വ​നെ ഇ​റ​ക്കാ​നാ​ണ് ശ്ര​മി​ക്കു​ക. അ​തി​നു​ള്ള മ​റു​പ​ടി ബാ​റ്റു​കൊ​ണ്ടു ശു​ഭ്മാ​ന്‍ ഗി​ല്ലും സം​ഘ​വും ന​ല്‍​കി​യാ​ല്‍ കാ​ര്യ​ങ്ങ​ള്‍ ഇ​ന്ത്യ​യു​ടെ വ​രു​തി​യി​ലാ​കും. സ്പി​ന്നി​നെ തു​ണ​യ്ക്കു​ന്ന പി​ച്ചു​ക​ളി​ല്‍ സ്വ​ദേ​ശ​ത്തു​വ​ച്ച് ദ​ക്ഷി​ണാ​ഫ്രി​ക്ക​യോ​ടും ന്യൂ​സി​ല​ന്‍​ഡി​നോ​ടും പ​ര​മ്പ​ര പ​രാ​ജ​യ​പ്പെ​ട്ട നാ​ണ​ക്കേ​ട് മാ​യ്ച്ചു ക​ള​യാ​നാ​ണ് ടീം ​ഇ​ന്ത്യ ത​യാ​റെ​ടു​ക്കു​ന്ന​തെ​ന്ന​തും മ​റ്റൊ​രു വാ​സ്ത​വം.

ര​വീ​ന്ദ്ര ജ​ഡേ​ജ, കു​ല്‍​ദീ​പ് യാ​ദ​വ് എ​ന്നി​വ​രാ​ണ് ഇ​ന്ത്യ​ന്‍ സ്പി​ന്‍ ആ​ക്ര​മ​ണം ന​യി​ക്കു​ക. പ്ര​ഭാ​ത് ജ​യ​സൂ​ര്യ, നി​റോ​ഷ​ന്‍ ഡി​ക്‌വെ​ല്ല എ​ന്നി​വ​ര്‍ ല​ങ്ക​യു​ടെ സ്പി​ന്‍ ആ​ക്ര​മ​ണ​ത്തി​നും ചു​ക്കാ​ന്‍​പി​ടി​ക്കും.