20

വ​ത്തി​ക്കാ​ൻ സി​റ്റി: ഇ​റാ​ൻ വി​ഷ​യ​ത്തി​ൽ യു​എ​സ് പ്ര​സി​ഡ​ന്‍റ് ഡോ​ണ​ൾ​ഡ് ട്രം​പും മാ​ർ​പാ​പ്പ ല‌െ​യോ പ​തി​നാ​ലാ​മ​നും ത​മ്മി​ലു​ള്ള ത​ർ​ക്കം രൂ​ക്ഷ​മായതി​നി​ടെ, വ​ത്തി​ക്കാ​നു​മാ​യു​ള്ള ബ​ന്ധം മെ​ച്ച​പ്പെ​ടു​ത്താ​ൻ ല​ക്ഷ്യ​മി​ട്ട് അ​മേ​രി​ക്ക​ൻ സ്റ്റേ​റ്റ് സെ​ക്ര​ട്ട​റി മാ​ർ​ക്കോ റൂ​ബി​യോ വ്യാ​ഴാ​ഴ്ച മാ​ർ​പാ​പ്പ​യു​മാ​യി കൂ​ടി​ക്കാ​ഴ്ച ന​ട​ത്തും. ഇ​റാ​ൻ യു​ദ്ധ​ത്തി​നെ​തി​രെ മാ​ർ​പ്പാ​പ്പ ന​ട​ത്തി​യ ക​ടു​ത്ത വി​മ​ർ​ശ​ന​ങ്ങ​ളാ​ണ് ട്രം​പി​നെ ചൊ​ടി​പ്പി​ച്ച​ത്.

ഇ​റാ​ൻ യു​ദ്ധ​ത്തെ എ​തി​ർ​ക്കു​ന്ന മാ​ർപാ​പ്പ​യു​ടെ നി​ല​പാ​ട് ക​ത്തോ​ലി​ക്കാ വി​ശ്വാ​സി​ക​ളെ അ​പ​ക​ട​ത്തി​ലാ​ക്കു​മെന്നു ട്രം​പ് ആ​രോ​പി​ച്ചി​രു​ന്നു. ഇ​റാ​ൻ ആ​ണ​വാ​യു​ധം നി​ർ​മി​ക്കു​ന്ന​തി​നെ മാ​ർ​പാ​പ്പ അ​നു​കൂ​ലി​ക്കു​ക​യാ​ണെ​ന്ന വി​വാ​ദ പ​രാ​മ​ർ​ശ​വും ട്രം​പ് ന​ട​ത്തി. എ​ന്നാ​ൽ, ആ​ണ​വാ​യു​ധ​ങ്ങ​ൾ​ക്കു താ​ൻ എ​തി​രാ​ണെ​ന്ന് മാ​ർപാ​പ്പ നേ​ര​ത്തെത​ന്നെ വ്യ​ക്ത​മാ​ക്കി​യി​ട്ടു​ള്ള​താ​ണ്.

"യു​ദ്ധം ചെ​യ്യു​ന്ന​വ​രു​ടെ പ്രാ​ർഥന ദൈ​വം കേ​ൾ​ക്കി​ല്ല" എന്നു പാം ​സ​ൺ​ഡേ പ്ര​സം​ഗ​ത്തി​ൽ മാ​ർപാ​പ്പ പ​റ​ഞ്ഞ​ത് ട്രം​പി​നെ ല​ക്ഷ്യം വ​ച്ചാ​ണെ​ന്നു മാധ്യമങ്ങൾ വിലയിരുത്തിയിരുന്നു. സ​ത്യ​സ​ന്ധ​മാ​യ സ​മാ​ധാ​ന പ്ര​സം​ഗ​ങ്ങ​ളു​ടെ പേ​രി​ൽ ആ​ര് ത​ന്നെ വി​മ​ർ​ശി​ച്ചാ​ലും താ​ൻ ദൗ​ത്യം തു​ട​രു​മെന്നു ലെ​യോ പ​തി​നാ​ലാ​മ​ൻ പാപ്പ ക​ഴി​ഞ്ഞ ദി​വ​സവും പ്ര​തി​ക​രി​ച്ചു.

ഷിക്കാ​ഗോ​യി​ൽ ജ​നി​ച്ച ലെ​യോ മാ​ർ​പാ​പ്പ​യാ​കു​ന്ന ആ​ദ്യ അ​മേ​രി​ക്ക​ക്കാ​ര​നാ​ണ്. സ്വ​ന്തം രാ​ജ്യ​ത്തി​ന്‍റെ തെറ്റായ ന​യ​ങ്ങ​ളോ​ടും അ​ദ്ദേ​ഹം പ​ര​സ്യ​മാ​യി വി​യോ​ജി​ക്കു​ന്ന​ത് അ​മേ​രി​ക്ക​ൻ രാഷ്‌ട്രീ​ത്തി​ലും ചലനം സൃഷ്ടിച്ചിട്ടുണ്ട്.