ഡമാസ്കസ്: ഇസ്ലാമിക് സ്റ്റേറ്റ് ഭീകരസംഘടനയുടെ സിറിയയിലെ ആസ്ഥാനങ്ങളിൽ അമേരിക്കയും സഖ്യകക്ഷികളും വ്യോമാക്രമണം നടത്തി. അമേരിക്കൻ പ്രസിഡന്റ് ഡോണൾഡ് ട്രംപാണ് ആക്രമണത്തിന് ഉത്തരവിട്ടതെന്ന് യുഎസ് സേന അറിയിച്ചു. ജോർദാനിൽനിന്നടക്കം യുദ്ധവിമാനങ്ങൾ പങ്കെടുത്തു. 35 കേന്ദ്രങ്ങളിലായി 90 ആയുധങ്ങൾ പ്രയോഗിച്ചെന്നും അറിയിപ്പിൽ പറയുന്നു.
ഡിസംബർ 13ന് സിറിയയിലെ പാൾമിറയിൽ ഐഎസ് ഭീകരർ രണ്ട് അമേരിക്കൻ പട്ടാളക്കാരെയും ഒരു അമേരിക്കൻ ദ്വിഭാഷിയെയും വധിച്ചതിനു പ്രതികാരമായി ആരംഭിച്ച ‘ഓപ്പറേഷൻ ഹ്വാക്ഐ സ്ട്രൈക്ക്’ സൈനിക നടപടിയുടെ തുടർച്ചയാണു ശനിയാഴ്ച രാത്രിയുണ്ടായത്. ഡിസംബർ 19നും ഐഎസ് കേന്ദ്രങ്ങൾ ആക്രമിച്ചിരുന്നു.
ഡിസംബർ 20നും 29നും ഇടയ്ക്കായി യുഎസ് സേന 25 ഐഎസ് ഭീകരരെ വധിക്കുകയോ പിടികൂടുകയോ ചെയ്തിട്ടുണ്ട്.
Deepika
E-paper LOGIN
LOGIN