കൊച്ചി: കലൂര് ജവഹര്ലാല് നെഹ്റു ഇന്റര്നാഷണല് സ്റ്റേഡിയത്തിലെ ഗാലറിയില്നിന്നു കാല്വഴുതി വീണ് തൃക്കാക്കര എംഎല്എ ഉമാ തോമസിനു പരിക്കേറ്റതുമായി ബന്ധപ്പെട്ട കേസിലെ തുടര്നടപടികള് ഹൈക്കോടതി സ്റ്റേ ചെയ്തു.
പ്രതികള്ക്കെതിരേ പോലീസ് ചുമത്തിയ ബിഎന്എസ് സെക്ഷന് 110 പ്രകാരമുള്ള കുറ്റകരമായ നരഹത്യ എന്ന വകുപ്പ് നിലനില്ക്കില്ലെന്നു ചൂണ്ടിക്കാട്ടി മൂന്നാം പ്രതി ഓസ്കര് ഇവന്റ് മാനേജ്മെന്റ് ഉടമ ജനീഷിന്റെ സമര്പ്പിച്ച ഹര്ജിയിലാണ് ഉത്തരവ്.
സര്ക്കാരിനോടും ജിസിഡിഎയോടും കോടതി വിശദീകരണം തേടി. പാലാരിവട്ടം പോലീസ് അന്വേഷിച്ചു കുറ്റപത്രം സമര്പ്പിച്ച കേസില് കുറ്റകരമായ നരഹത്യയാണു പ്രതികള്ക്കെതിരേ ചുമത്തിയിട്ടുള്ളത്.
അപകടത്തെത്തുടര്ന്ന് പരിക്കേറ്റു ചികിത്സയിലായിരുന്ന തനിക്ക് രണ്ടുകോടി രൂപ നഷ്ടപരിഹാരം വേണമെന്നാവശ്യപ്പെട്ട് ഉമ തോമസ് വക്കീല് നോട്ടീസ് അയച്ചിരിക്കെയാണു കോടതി ഇടപെടല്.
Deepika
E-paper LOGIN
LOGIN