കൊച്ചി: അണ്എയ്ഡഡ് സ്കൂള്സ് പ്രൊട്ടക്ഷന് കൗണ്സിലിന്റെ ദേശീയ സെമിനാറും സംസ്ഥാന സമ്മേളനവും ‘ശിക്ഷ സംവാദ് 2026’ 21നും 22നും കലൂര് ഗോകുലം പാര്ക്കില് നടക്കും.സ്കൂള് മാനേജര്മാര്, പ്രിന്സിപ്പല്മാര്, അഡ്മിനിസ്ട്രേറ്റര്മാര് തുടങ്ങിയവര് പങ്കെടുക്കും. 21ന് രാവിലെ പത്തിന് ഉന്നത വിദ്യാഭ്യാസമന്ത്രി റോജി എം. ജോണ് ദേശീയ സെമിനാറും 22ന് രാവിലെ പത്തിന് ആഭ്യന്തരമന്ത്രി രമേശ് ചെന്നിത്തല സംസ്ഥാന സമ്മേളനവും ഉദ്ഘാടനം ചെയ്യും.
സമ്മേളനത്തില് സ്റ്റുഡന്റ്സ് എക്സലന്സ് അവാര്ഡ്, ഔട്ട്സ്റ്റാൻഡിംഗ് പ്രിന്സിപ്പല് അവാര്ഡ്, ഔട്ട് സ്റ്റാൻഡിംഗ് ടീച്ചര് അവാര്ഡ്, ഔട്ട് സ്റ്റാൻഡിംഗ് സ്കൂള് മാനേജര് അവാര്ഡ് തുടങ്ങിയവ സമ്മാനിക്കും.
സെമിനാറുകള്, പാനല് ചര്ച്ചകള്, വിവിധ പ്രതിസന്ധികള് പരിഹരിക്കാനുള്ള മാര്ഗങ്ങള് തേടുന്നതിനോടൊപ്പം സ്കൂളുകളും ഉന്നതവിദ്യാഭ്യാസ രംഗവും തമ്മിലുള്ള വിടവ് നികത്താനാവശ്യമായ നടപടികളും സ്കൂള് നടത്തിപ്പുമായി ബന്ധപ്പെട്ട നിയമ പ്രശ്നങ്ങളും അവയുടെ പരിഹാരങ്ങളും ഉള്പ്പടെയുള്ളവ സമ്മേളനം ചര്ച്ച ചെയ്യും.രജിസ്ട്രേഷന് https://uspcshikshasamvad.webschoolgj.in എന്ന വെബ്സൈറ്റ് സന്ദര്ശിക്കുക.
Deepika
E-paper LOGIN
LOGIN
