21

മൂ​ന്നാ​ർ: കേ​ര​ള​ത്തി​ന്‍റെ പ​ച്ച​ക്ക​റി​യു​ടെ ക​ല​വ​റ എ​ന്ന​റി​യ​പ്പെ​ടു​ന്ന വ​ട്ട​വ​ട​യി​ൽ ഇ​ത്ത​വ​ണ ഓ​ണ​ത്തി​നു നി​റ​ച്ചാ​ർ​ത്ത​ണി​യി​ക്കാ​ൻ മു​കേ​ഷി​ന്‍റെ പൂ​പാ​ടം. വ​ട്ട​വ​ട സ്വ​ദേ​ശി​യും യു​വ​ക​ർ​ഷ​ക​നു​മാ​യ മു​കേ​ഷാ​ണ് ത​ന്‍റെ കൃ​ഷി​സ്ഥ​ല​ത്ത് പൂ​കൃ​ഷി പ​രീ​ക്ഷി​ച്ച് വി​ജ​യ​ത്തി​ന്‍റെ വ​ർ​ണ​ചാ​രു​ത അ​ണി​യു​ന്ന​ത്. മു​കേ​ഷി​ന്‍റെ കൃ​ഷി​യി​ട​ത്തി​ൽ വി​രി​ഞ്ഞു​നി​ൽ​ക്കു​ന്ന ചെ​ണ്ടു​മ​ല്ലി​കൃ​ഷി​യെ അ​നു​ക​രി​ച്ച് ധാ​രാ​ളം ക​ർ​ഷ​ക​ർ പൂ​കൃ​ഷി​യി​ലേ​ക്കു തി​രി​ഞ്ഞി​ട്ടു​ണ്ട്.

ഓ​ണ​ക്കാ​ല​ത്ത് കേ​ര​ള​ത്തി​ൽ പൂ​വി​ന്‍റെ ആ​വ​ശ്യ​വും പ്രാ​ധാ​ന്യ​വും തി​രി​ച്ച​റി​ഞ്ഞാ​ണ് മു​കേ​ഷ് കൃ​ഷി​യി​ടം ഒ​രു​ക്കി​യെ​ടു​ത്ത​ത്. കൈ​വ​ശ​മു​ള്ള 75 സെ​ന്‍റ് ത​രി​ശു​ഭൂ​മി​യാ​ണ് ഇ​തി​നാ​യി തെ​ര​ഞ്ഞെ​ടു​ത്ത​ത്. ഹി​റ്റാ​ച്ചി ഉ​പ​യോ​ഗി​ച്ച് നി​ലം പാ​ക​മാ​ക്കി​യ ശേ​ഷം ബാം​ഗ​ളൂ​രു​വി​ൽ​നി​ന്ന് തൈ​ക​ൾ എ​ത്തി​ച്ചു. നാ​ലാ​യി​ര​ത്തോ​ളം തൈ​ക​ളാ​ണ് ഇ​തി​നാ​യി എ​ത്തി​ച്ച​ത്.

ഓ​റ​ഞ്ച്, മ​ഞ്ഞ നി​റ​ത്തി​ലു​ള്ള പൂ​ക്ക​ളാ​ണ് ഏ​റെ​യും. ഒ​ക്ക​ൽ അം​ബ​ർ യെ​ല്ലോ, സു​പ്രീം യെ​ല്ലോ എ​ന്നീ ഇ​ന​ങ്ങ​ളാ​ണ് മ​ഞ്ഞ​വി​ഭാ​ഗ​ത്തി​ൽ​പ്പെ​ടു​ന്ന​ത്. ഒ​ക്ക​ൽ കേ​സ​ർ ഓ​റ​ഞ്ച്, അ​ശോ​ക ഓ​റ​ഞ്ച് എ​ന്നീ ഇ​ന​ങ്ങ​ൾ ഓ​റ​ഞ്ച് ഇ​ന​ത്തി​ൽ​പ്പെ​ടു​ന്ന​വ​യാ​ണ്.

ഓ​ണ​ത്തി​ന് വി​ള​വെ​ടു​ക്കാ​ൻ പൂ​ക്ക​ൾ ത​യാ​റാ​കു​ക​യും ചെ​യ്തു. മൂ​ന്നാ​റി​ലും അ​തു​പോ​ലെ ആ​വ​ശ്യ​ക്കാ​ർ ഏ​റെ​യു​ള്ള മ​റ്റി​ട​ങ്ങ​ളി​ലേ​ക്കും പൂ​ക്ക​ൾ എ​ത്തി​ക്കാ​നാ​ണ് മു​കേ​ഷി​ന്‍റെ പ​ദ്ധ​തി. മൂ​ന്നാ​റി​ൽ എ​ത്തു​ന്ന പൂ​ക്ക​ളി​ൽ ഏ​റെ​യും തേ​നി ജി​ല്ല​യി​ൽ​നി​ന്നാ​ണ്. അ​തി​നാ​ൽ അ​വി​ടെ​യു​ള്ള വി​ല​യു​ടെ അ​ടി​സ്ഥാ​ന​ത്തി​ലാ​യി​രി​ക്കും ഇ​വി​ടെ​യും വി​ല തീ​രു​മാ​നി​ക്കു​ന്ന​ത്. ഓ​രോ ദി​വ​സ​ത്തെ​യും ലേ​ല​ത്തി​ന്‍റെ അ​ടി​സ്ഥാ​ന​ത്തി​ലാ​ണ് വി​ല നി​ർ​ണ​യി​ക്കു​ന്ന​ത്. ഇ​വി​ടെ വി​ള​വെ​ടു​ക്കു​ന്ന പൂ​ക്ക​ൾ​ക്ക് മാ​ർ​ക്ക​റ്റി​ൽ ന​ല്ല ഡി​മാ​ൻ​ഡ് ല​ഭി​ച്ചാ​ൽ വ​രും​കാ​ല​ത്ത് പൂ​കൃ​ഷി വ​ട്ട​വ​ട​യി​ൽ ത​രം​ഗം ആ​കാ​നും സാ​ധ്യ​ത​യു​ണ്ടെ​ന്ന് മു​കേ​ഷ് പ​റ​യു​ന്നു.