7

പ്രപഞ്ചമേ നിന്നെ പകർത്താൻ ഞങ്ങൾ റെഡി! ഇതുവരെ കാണാൻ കഴിയാതിരുന്ന, ദൃശ്യപ്പെടുത്താൻ സാധിക്കാതിരുന്ന മഹാരഹസ്യങ്ങൾ പകർത്താൻ മനുഷ്യന്‍റെ കാമറക്കണ്ണുകൾ തയാറായിക്കഴിഞ്ഞു! പ്ര​പ​ഞ്ച​ത്തി​ന്‍റെ ഇ​തു​വ​രെ കാ​ണാ​ത്ത അ​ദൃ​ശ്യകോ​ണു​ക​ളു​ടെ ചി​ത്ര​ങ്ങ​ൾ ഒപ്പിയെടുക്കാൻ ലോ​ക​ത്തി​ലെ ഏ​റ്റ​വും വ​ലി​യ ഡി​ജി​റ്റ​ൽ ക്യാ​മ​റ സുസജ്ജമായിരിക്കുന്നു! ചിലിയിലെ വെ​രാ സി. ​റൂ​ബി​ൻ ഒ​ബ്സ​ർ​വേ​റ്റ​റിയാണ് പ​ത്തു​വ​ർ​ഷ​ത്തെ ഗഗനദൗത്യത്തിനു തുടക്കമിട്ടത്. ചി​ലി​യി​ലെ പ​ർ​വ​ത​മു​ക​ളി​ൽ സ്ഥാ​പി​ച്ചി​രി​ക്കു​ന്ന ​അ​ത്യാ​ധു​നി​ക ദൂ​ര​ദ​ർ​ശി​നി, അ​ടു​ത്ത പ​ത്തു​വ​ർ​ഷ​ത്തേ​ക്ക്, പ്ര​തി​വ​ർ​ഷം നൂ​റു​ക​ണ​ക്കി​നു ചി​ത്ര​ങ്ങ​ൾ പ​ക​ർ​ത്തി മനുഷ്യന്‍റെ പ്രപഞ്ചാന്വേഷണങ്ങൾക്കു കരുത്തുപകരും!

അതിവിദൂര ആ​കാ​ശ​ദൃശ്യങ്ങൾ സൂക്ഷമമായി പ​ക​ർ​ത്താ​ൻ ഈ കാമ​റ​യ്ക്ക് സാ​ധി​ക്കും. പ്ര​പ​ഞ്ച​ത്തെ​ക്കു​റി​ച്ച് കൂ​ടു​ത​ൽ കൃ​ത്യ​മാ​യ മനസിലാക്കലുകൾക്ക് ഈ ​നി​രീ​ക്ഷ​ണ​ങ്ങ​ൾ ശാ​സ്ത്ര​ജ്ഞ​രെ സ​ഹാ​യി​ക്കു​മെ​ന്നാ​ണ് പ്ര​തീ​ക്ഷ. ​ന​മ്മു​ടെ ക്ഷീ​ര​പ​ഥ​ത്തി​ലെ കോ​ടി​ക്ക​ണ​ക്കി​ന് ന​ക്ഷ​ത്ര​ങ്ങ​ളെ​യും അ​തി​ന​പ്പു​റ​മു​ള്ള ഗാ​ല​ക്സി​ക​ളെ​യും രേ​ഖ​പ്പെ​ടു​ത്തു​ക​യാ​ണ് ഇ​തിന്‍റെ പ്ര​ധാ​ന ല​ക്ഷ്യം.

വ​ള​രെ വേ​ഗ​ത്തി​ൽ ചി​ത്ര​ങ്ങ​ൾ പ​ക​ർ​ത്താ​ൻ ശേ​ഷി​യു​ണ്ട് ഈ ​ദൂ​ര​ദ​ർ​ശി​നിക്ക്. ആ​കാ​ശ​ത്തി​ന്‍റെ ഒ​രേ ഭാ​ഗ​ത്തിന്‍റെ ചി​ത്ര​ങ്ങ​ൾത​ന്നെ ആ​വ​ർ​ത്തി​ച്ച് പ​ക​ർ​ത്തു​ന്ന​തി​ലൂ​ടെ, മു​ൻ​പ് സാ​ധാ​ര​ണ ദൂ​ര​ദ​ർ​ശി​നി​ക​ളു​ടെ ക​ണ്ണി​ൽ​പ്പെ​ടാ​തെ പോ​യ പ്ര​കാ​ശം കു​റ​ഞ്ഞ അ​തീ​വ സൂ​ക്ഷ്മ വ​സ്തു​ക്കൾ പോലും ക​ണ്ടെ​ത്താ​ൻ ശാ​സ്ത്ര​ജ്ഞ​ർ​ക്കു സാ​ധി​ക്കും. പദ്ധതി പ്ര​പ​ഞ്ച​പ​ഠ​ന​ത്തി​ന് വ​ലി​യ തോ​തി​ൽ സ​ഹാ​യ​ക​ര​മാ​കു​മെ​ന്ന് ഒ​ബ്സ​ർ​വേ​റ്റ​റി​യു​ടെ ഡെ​പ്യൂ​ട്ടി ഡ​യ​റ​ക്ട​ർ ഫി​ൽ മാ​ർ​ഷ​ൽ വ്യ​ക്ത​മാ​ക്കി.

ഭൂ​മി​യി​ൽനിന്ന് ആ​യി​ര​ക്ക​ണ​ക്കി​നു പ്ര​കാ​ശ​വ​ർ​ഷ​ങ്ങ​ൾ അ​ക​ലെ​യു​ള്ള ട്രി​ഫി​ഡ്, ല​ഗൂ​ൺ നെ​ബു​ല​ക​ളു​ടെ മ​നോ​ഹ​ര​മാ​യ വ​ർ​ണ​ച്ചി​ത്ര​ങ്ങ​ൾ ഒ​ബ്സ​ർ​വേ​റ്റ​റി നേ​ര​ത്തെ പു​റ​ത്തു​വി​ട്ടി​രു​ന്നു. തു​ട​ർ​ന്നു​ള്ള മാ​സ​ങ്ങ​ളി​ൽ കാ​മ​റ​യു​ടെ കൃ​ത്യ​ത​യും ആ​ഴ​വും വ​ർധി​പ്പി​ക്കു​ന്ന​തി​നു​ള്ള ക്ര​മീ​ക​ര​ണ​ങ്ങ​ൾ പൂ​ർ​ത്തി​യാ​ക്കി​യ ശേ​ഷ​മാ​ണ് ഇ​പ്പോ​ൾ ദീ​ർ​ഘ​കാ​ല സ​ർ​വേയ്ക്കു തുടക്കംകുറിച്ചിരിക്കുന്നത്.

ശ​ത​കോ​ടി​ക്ക​ണ​ക്കിനു വ​ർ​ഷ​ങ്ങ​ളാ​യി ഗാ​ല​ക്സി​ക​ൾ എ​ങ്ങ​നെ രൂ​പ​പ്പെ​ടു​ന്നു​വെ​ന്നും അ​വ എ​ങ്ങ​നെ കൂ​ട്ട​മാ​യി നി​ല​നി​ൽ​ക്കു​ന്നു​വെ​ന്നും പ്ര​പ​ഞ്ച​ത്തി​ന്‍റെ ഉ​ത്ഭ​വം എ​ങ്ങ​നെ​യെ​ന്നും മ​നസി​ലാ​ക്കാ​ൻ ഈ ​ചി​ത്ര​ങ്ങ​ൾ സ​ഹാ​യി​ക്കും. യുഎസിലെ നാ​ഷ​ണ​ൽ സ​യ​ൻ​സ് ഫൗ​ണ്ടേ​ഷ​നും (എൻഎസ്എഫ്) ഡി​പ്പാ​ർ​ട്ട്മെ​ന്‍റ് ഓ​ഫ് എ​ന​ർ​ജി​യും സം​യു​ക്ത​മാ​യാ​ണ് ഈ ​നി​രീ​ക്ഷ​ണാ​ല​യ​ത്തി​ന് ധ​ന​സ​ഹാ​യം ന​ൽ​കു​ന്ന​ത്.

പ്ര​പ​ഞ്ച​ത്തി​ൽ ഡാ​ർ​ക്ക് മാ​റ്റ​ർ എ​ന്ന നി​ഗൂ​ഢ പ്ര​തി​ഭാ​സം നി​ല​നി​ൽ​ക്കു​ന്നു​ണ്ടെ​ന്ന​തി​ന്‍റെ ആ​ദ്യ തെ​ളി​വു​ക​ൾ ന​ൽ​കി​യ പ്ര​ശ​സ്ത ജ്യോ​തി​ശാ​സ്ത്ര​ജ്ഞ വെ​രാ റൂ​ബി​ന്‍റെ ഓ​ർമ​യ്ക്കാ​യാ​ണ് ഈ ​ഒ​ബ്സ​ർ​വേ​റ്റ​റി​ക്ക് അ​വ​രു​ടെ പേ​ര് ന​ൽ​കി​യി​രി​ക്കു​ന്ന​ത്. പ്ര​പ​ഞ്ച​ത്തെ സ്വാ​ധീ​നി​ക്കു​ന്ന ഡാ​ർ​ക്ക് മാ​റ്റ​ർ, ഡാ​ർ​ക്ക് എ​ന​ർ​ജി എ​ന്നീ വി​ചി​ത്ര പ്ര​തി​ഭാ​സ​ങ്ങ​ളെ​ക്കു​റി​ച്ചു​ള്ള നി​ർ​ണാ​യ​ക വി​വ​ര​ങ്ങ​ൾ ക​ണ്ടെ​ത്താ​ൻ ​പ​ത്ത് വ​ർ​ഷ​ത്തെ സ​ർ​വേ​യി​ലൂ​ടെ സാ​ധി​ക്കു​മെ​ന്നാ​ണ് ശാ​സ്ത്ര​ലോ​ക​ത്തി​ന്‍റെ പ്ര​തീ​ക്ഷ, ശുഭ പ്രതീക്ഷ!