30

ന​ഗോ​യ: ഏ​ഷ്യ​ന്‍ ഗെ​യിം​സ് അ​ത്‌​ല​റ്റി​ക്‌​സ് ഫീ​ല്‍​ഡി​ല്‍ തു​ട​ര്‍​ച്ച​യാ​യ ര​ണ്ടാം​ദി​ന​വും മ​ല​യാ​ള​ശ്രീ. വ​നി​താ ലോം​ഗ്ജം​പി​ല്‍ ആ​ന്‍​സി സോ​ജ​ന്‍റെ വെ​ള്ളി​ക്കു പി​ന്നാ​ലെ, ഇ​ന്ന​ലെ പു​രു​ഷ ലോം​ഗ്ജം​പി​ല്‍ മു​ര​ളി ശ്രീ​ശ​ങ്ക​റും വെ​ള്ളി ക​ര​സ്ഥ​മാ​ക്കി. അ​വ​സാ​ന റൗ​ണ്ടു​വ​രെ ഒ​ന്നാം സ്ഥാ​ന​ത്താ​യി​രു​ന്ന ആ​ന്‍​സി, വെ​ള്ളി​യി​ലേ​ക്ക് ഇ​റ​ങ്ങേ​ണ്ടി​വ​ന്ന​തി​ന്‍റെ ദുഃ​ഖ​മ​ക​ലു​ന്ന​തി​നു മു​മ്പ് ശ്രീ​ശ​ങ്ക​റി​ലൂ​ടെ​യും ഇ​ന്ത്യ​ന്‍ കാ​യി​കപ്രേ​മി​ക​ളു​ടെ ഹൃ​ദ​യ​ത്തി​ല്‍ മു​ള്ളു​ കൊ​ണ്ടു.

ആ​റു റൗ​ണ്ടു​ള്ള ലോം​ഗ്ജം​പ് ഫൈ​ന​ലി​ല്‍ മൂ​ന്നാം ചാ​ട്ട​ത്തി​നു​ശേ​ഷം പ​രി​ക്കേ​റ്റു ശ്രീ​ശ​ങ്ക​ര്‍ പി​ന്‍​വാ​ങ്ങി​യ​ത് ഇ​ന്ത്യ​ക്കു തി​രി​ച്ച​ടി​യാ​യി. 8.07 മീ​റ്റ​റു​മാ​യാ​ണ് ശ്രീ​ശ​ങ്ക​ര്‍ തു​ട​ര്‍​ച്ച​യാ​യ ര​ണ്ടാം ഏ​ഷ്യ​ന്‍ ഗെ​യിം​സ് വെ​ള്ളി ക​ഴു​ത്തി​ല​ണി​ഞ്ഞ​ത്. ചൈ​ന​യു​ടെ യു​ഹാ​വൊ ഷീ 8.17 ​മീ​റ്റ​റു​മാ​യി സ്വ​ര്‍​ണം സ്വ​ന്ത​മാ​ക്കി. ഷീ​യു​ടെ സീ​സ​ണി​ലെ മി​ക​ച്ച ദൂ​ര​മാ​ണി​ത്. ഉ​സ്ബ​ക്കി​സ്ഥാ​ന്‍റെ അ​ന്‍​വ​ര്‍ അ​ന​വ​റോ​വി​നാ​ണ് (8.06) വെ​ങ്ക​ലം.

ന​ഷ്ട​പ്പെ​ട്ട​ത് സ്വ​ര്‍​ണം..?

നാ​ലാം ശ്ര​മ​ത്തി​നി​ടെ​യാ​ണ് ക​ണ​ങ്കാ​ലി​നു പ​രി​ക്കേ​റ്റ് ശ്രീ​ശ​ങ്ക​ര്‍ മ​ത്സ​ര​ത്തി​ല്‍​നി​ന്നു പി​ന്മാ​റി​യ​ത്. 7.66, 8.07, 7.56 എ​ന്ന​താ​യി​രു​ന്നു അ​തു​വ​രെ ശ്രീ​ശ​ങ്ക​റി​ന്‍റെ പ്ര​ക​ട​നം. അ​ഞ്ചും ആ​റും ശ്ര​മ​ത്തി​ല്‍​നി​ന്നു പി​ന്മാ​റി. ഒ​രു​പ​ക്ഷേ, പ​രി​ക്കേ​റ്റി​ല്ലാ​യി​രു​ന്നെ​ങ്കി​ല്‍ ശ്രീ​ശ​ങ്ക​ര്‍ സ്വ​ര്‍​ണ​ത്തി​ലേ​ക്കു നീ​ണ്ടു ചാ​ടു​മാ​യി​രു​ന്നു എ​ന്നു ക​രു​താം. കാ​ര​ണം, വ​നി​താ ലോം​ഗ്ജം​പി​ല്‍ ആ​ന്‍​സി​യു​ടെ സ്വ​ര്‍​ണം ത​ട്ടി​യെ​ടു​ത്ത ചൈ​നീ​സ് താ​രം ആ​റാം ശ്ര​മ​ത്തി​ലാ​യി​രു​ന്നു ഏ​റ്റ​വും മി​ക​ച്ച ദൂ​രം താ​ണ്ടി​യ​ത്.

8.09 മീ​റ്റ​റു​മാ​യി 2026 കോ​മ​ണ്‍​വെ​ല്‍​ത്ത് ഗെ​യിം​സി​ല്‍ വെ​ള്ളി നേ​ടി​യാ​ണ് ശ്രീ​ശ​ങ്ക​ര്‍ ഏ​ഷ്യ​ന്‍ ഗെ​യിം​സി​ന് എ​ത്തി​യ​ത്. 2022 ഹ്വാ​ങ്ഷൂ ഏ​ഷ്യ​ന്‍ ഗെ​യിം​സി​ല്‍ 8.19 മീ​റ്റ​റു​മാ​യി ആ​യി​രു​ന്നു ശ്രീ​ശ​ങ്ക​ര്‍ വെ​ള്ളി സ്വ​ന്ത​മാ​ക്കി​യ​തെ​ന്ന​തും ശ്ര​ദ്ധേ​യം. അ​താ​യ​ത് ഇ​ത്ത​വ​ണ സ്വ​ര്‍​ണം നേ​ടി​യ യു​ഹാ​വൊ ഷി​യു​ടെ 8.17 മീ​റ്റ​റി​നേ​ക്കാ​ള്‍ മി​ക​ച്ച ദൂ​രം. 8.41 മീ​റ്റ​റാ​ണ് ശ്രീ​ശ​ങ്ക​റി​ന്‍റെ ക​രി​യ​റി​ലെ മി​ക​ച്ച പ്ര​ക​ട​നം.

ച​രി​ത്രവെ​ള്ളി

തു​ട​ര്‍​ച്ച​യാ​യ ര​ണ്ട് ഏ​ഷ്യ​ന്‍ ഗെ​യിം​സി​ല്‍ (2022, 2026) വെ​ള്ളി സ്വ​ന്ത​മാ​ക്കി​യ​തോ​ടെ അ​ത്യ​പൂ​ര്‍​വ ച​രി​ത്ര​വും പാ​ല​ക്കാ​ട് സ്വ​ദേ​ശി​യാ​യ മു​ര​ളി ശ്രീ​ശ​ങ്ക​ര്‍ കു​റി​ച്ചു. ഏ​ഷ്യ​ന്‍ ഗെ​യിം​സ് ച​രി​ത്ര​ത്തി​ല്‍ തു​ട​ര്‍​ച്ച​യാ​യി ര​ണ്ട് എ​ഡി​ഷ​നി​ല്‍ പു​രു​ഷ ലോം​ഗ്ജം​പ് മെ​ഡ​ല്‍ നേ​ടു​ന്ന ആ​ദ്യ ഇ​ന്ത്യ​ക്കാ​ര​ന്‍ എ​ന്ന നേ​ട്ട​മാ​ണ് ശ്രീ​ശ​ങ്ക​ര്‍ സ്വ​ന്ത​മാ​ക്കി​യ​ത്.

ഏ​ഷ്യ​ന്‍ ഗെ​യിം​സ് ച​രി​ത്ര​ത്തി​ല്‍ പു​രു​ഷ ലോം​ഗ്ജം​പി​ല്‍ ഇ​ന്ത്യ​ക്ക് ഇ​തു​വ​രെ ര​ണ്ടു സ്വ​ര്‍​ണം നേ​ടാ​ന്‍ സാ​ധി​ച്ചി​ട്ടു​ണ്ട്. ഈ ​ര​ണ്ടു സ്വ​ര്‍​ണ​ത്തി​ലും മു​ത്ത​മി​ട്ട​ത് മ​ല​യാ​ളി​ക​ളാ​ണെ​ന്ന​തും ച​രി​ത്രം. 1974 ടെ​ഹ്‌​റാ​ന്‍ ഗെ​യിം​സി​ല്‍ ടി.​സി. യോ​ഹ​ന്നാ​നും 1978 ബാ​ങ്കോ​ക്ക് ഗെ​യിം​സി​ല്‍ സു​രേ​ഷ് ബാ​ബു​വും.