കൊച്ചി: കേരള വെയര്ഹൗസിംഗ് കോര്പറേഷനില്നിന്നു വിരമിച്ചവരുടെ പരിഷ്കരിച്ച പെന്ഷന് ആനുകൂല്യങ്ങള് മുന്ഗണനാക്രമത്തില് വിതരണം ചെയ്യണമെന്ന ഉത്തരവ് അധികൃതര് മനഃപൂര്വം അവഗണിക്കാന് ശ്രമിക്കുകയാണെന്ന് ഹൈക്കോടതി.
സര്ക്കാര് അനുമതി ലഭിച്ചാല് മാത്രമേ ഉത്തരവ് നടപ്പാക്കാനാകൂവെന്നു വ്യക്തമാക്കി കോര്പറേഷന് മാനേജിംഗ് ഡയറക്ടര് തോമസ് സാമുവല് നല്കിയ സത്യവാങ്മൂലം തള്ളിയാണ് ജസ്റ്റീസ് ദേവന് രാമചന്ദ്രന്, ജസ്റ്റീസ് ബസന്ത് ബാലാജി എന്നിവരടങ്ങുന്ന ഡിവിഷന് ബെഞ്ചിന്റെ നിരീക്ഷണം.
ഈ വിശദീകരണം വിശ്വാസത്തിലെടുക്കാനാകില്ലെന്ന് വ്യക്തമാക്കിയാണ് സത്യവാങ്മൂലം തള്ളിയത്. ഉത്തരവ് നടപ്പാക്കാത്തതില് കടുത്ത അതൃപതി രേഖപ്പെടുത്തിയ കോടതി ഒക്ടോബര് ആറിന് കേസ് വീണ്ടും പരിഗണിക്കുമ്പോള് എംഡി നേരിട്ട് ഹാജരാകാനും നിര്ദേശം നല്കി.
വെയര്ഹൗസിംഗ് കോര്പറേഷന് പെന്ഷനേഴ്സ് അസോസിയേഷനടക്കം നല്കിയ കോടതിയലക്ഷ്യ ഹര്ജികളാണ് കോടതിയുടെ പരിഗണനയിലുള്ളത്.
Deepika
E-paper LOGIN
LOGIN
