ന്യൂയോർക്ക്: ഇസ്രേലി പ്രധാനമന്ത്രി ബെഞ്ചമിൻ നെതന്യാഹുവിനെ അറസ്റ്റ് ചെയ്യാനുള്ള നീക്കത്തിൽനിന്നു പിന്മാറി ന്യൂയോർക്ക് മേയർ സൊഹ്റാൻ മംദാനി. അറസ്റ്റ് ചെയ്യാനുള്ള അധികാരം തനിക്കില്ലെന്ന് അദ്ദേഹം പറഞ്ഞു.
അതേസമയം, ഗാസ യുദ്ധക്കുറ്റങ്ങളുടെ പേരിൽ നെതന്യാഹുവിനെതിരേ അന്താരാഷ്ട്ര ക്രിമിനൽ കോടതി പുറപ്പെടുവിച്ച അറസ്റ്റ് വാറന്റ് നടപ്പാക്കാൻ അമേരിക്കൻ നിയമവൃത്തങ്ങൾ തയാറാകണമെന്നു മംദാനി ആവശ്യപ്പെട്ടു.
യുഎൻ സമ്മേളനത്തിൽ പങ്കെടുക്കാനായി ന്യൂയോർക്കിലെത്തുന്ന നെതന്യാഹുവിനെ അറസ്റ്റ് ചെയ്യുന്നതു സംബന്ധിച്ച് ഉപദേശം തേടുന്നതായി മംദാനി നേരത്തേ പറഞ്ഞിരുന്നു. എന്നാൽ, നെതന്യാഹുവിനെ ആരും അറസ്റ്റ് ചെയ്യില്ലെന്ന് യുഎസ് പ്രസിഡന്റ് ഡോണൾഡ് ട്രംപ് വ്യക്തമാക്കി.
E-paper LOGIN
LOGIN
