വാൻകൂവർ: വേൾഡ് മലയാളി കൗൺസിൽ (ഡബ്ല്യുഎംസി) വാൻകൂവർ പ്രൊവിൻസ് സ്ഥാനാരോഹണ ചടങ്ങും അവാർഡ് നിശയും വിപുലമായ ജനപങ്കാളിത്തത്തോടെയും ആഘോഷപൂർവവുമായ അന്തരീക്ഷത്തിലും നടന്നു.
സമൂഹത്തിലെ പ്രമുഖർ, അംഗങ്ങൾ, സ്പോൺസർമാർ, വിവിധ സംഘടനകളുടെ പ്രതിനിധികൾ എന്നിവർ പങ്കെടുത്ത ചടങ്ങ് ശ്രദ്ധേയമായി. വേൾഡ് മലയാളി കൗൺസിൽ ഗ്ലോബൽ പ്രസിഡന്റ് ഡോ. ബാബു സ്റ്റീഫൻ ഔദ്യോഗികമായി വാൻകൂവർ പ്രവിശ്യ ഉദ്ഘാടനം ചെയ്തു.
തുടർന്ന് അമേരിക്ക റീജിയൺ പ്രസിഡന്റ് ബ്ലെസൺ മണ്ണിൽ പുതിയ ഭാരവാഹികൾക്ക് സത്യപ്രതിജ്ഞ ചൊല്ലിക്കൊടുത്തു. അമേരിക്ക റീജിയൺ വിമൻസ് ഫോറം പ്രസിഡന്റ് ലക്ഷ്മി പീറ്റർ ആശംസപ്രസംഗം നടത്തി.
ലിറ്റി ജോർജ് പ്രസിഡന്റായും അനി ഫിലിപ്പ് ചെയർപേഴ്സണായും ഉല്ലാസ് മാത്യു സെക്രട്ടറിയായും നേതൃത്വം നൽകുന്ന പുതിയ പ്രവിശ്യാ കമ്മിറ്റി ചടങ്ങിൽ ഔദ്യോഗികമായി സ്ഥാനമേറ്റു.
സുനിൽ തോമസ് (ട്രഷറർ), ജോജോ കുര്യൻ (വി.പി. ഓർഗ്), പ്രിസ്കില്ല ഓമ്മൻ (ജോയിന്റ് സെക്രട്ടറി), റോഷിൻ റോയ് (ജോയിന്റ് ട്രഷറർ), ആൽബിൻ ജോർജ് (വി.പി. അഡ്മിൻ), ജോർജ് വർഗീസ്, നീന ചെറിയാൻ, സജ്ന കരീം, സനൽ ജോൺ, അനൂപ് രാജശേഖരൻ, ജെയിംസ് തെക്കേക്കര എന്നിവർ ഉൾപ്പെടെയുള്ള ഭാരവാഹികളും സ്ഥാനമേറ്റു.
സാംസ്കാരിക പരിപാടികൾ, അവാർഡ് വിതരണങ്ങൾ, സമൂഹ സേവന രംഗത്ത് മികവ് തെളിയിച്ച വ്യക്തികൾക്കുള്ള ആദരവുകൾ എന്നിവ ചടങ്ങിന്റെ പ്രധാന ആകർഷണങ്ങളായിരുന്നു. അമേരിക്ക റീജിയൺ നേതൃത്വവും വിവിധ സാമൂഹിക-സാംസ്കാരിക സംഘടനകളുടെ പ്രതിനിധികളും ചടങ്ങിൽ പങ്കെടുത്തു.