കല്പ്പറ്റ: കൃഷി വകുപ്പിനു കര്ഷകരുടെ ബാങ്ക് അക്കൗണ്ടുകളിലേക്കു സഹായധനം കൈമാറുന്നതില് തടസം. വര്ഷങ്ങള്ക്കു മുമ്പ് രജിസ്റ്റര് ചെയ്ത അപേക്ഷകളില് രേഖപ്പെടുത്തിയ ബാങ്ക് അക്കൗണ്ട് വിവരങ്ങളിലെ പിഴവുകളാണ് ഇതിനു കാരണം. ഈ സാഹചര്യത്തില് എല്ലാ കര്ഷകരും കൃഷിഭവനുമായി അടിയന്തരമായി ബന്ധപ്പെട്ട് അപേക്ഷകളില് പറയുന്ന ബാങ്ക് അക്കൗണ്ട് വിവരങ്ങള് കൃത്യമാണെന്ന് ഉറപ്പുവരുത്തണമെന്നു കൃഷിവകുപ്പ് നിര്ദേശം നല്കി.
പ്രകൃതിക്ഷോഭ ദുരിതാശ്വാസ പദ്ധതി, വിള ഇന്ഷ്വറന്സ് പദ്ധതി എന്നിവ പ്രകാരം കര്ഷകര്ക്ക് അനുവദിച്ച സഹായധനം വിതരണം ചെയ്യുന്നതിനാണു ബാങ്ക് അക്കൗണ്ട് വിവരങ്ങളിലെ പിഴവുകള് തടസമാകുന്നത്. അക്കൗണ്ട് നമ്പര്, ഐഎഫ്എസ്സി കോഡ്, അക്കൗണ്ട് ഉടമയുടെ പേര് എന്നിവയില് പിഴവുകളോ മാറ്റങ്ങളോ ഉണ്ടെങ്കില് പുതുക്കിയ വിവരം കൃഷിഭവനില് സമര്പ്പിക്കണം.
ബാങ്ക് അക്കൗണ്ട് വിവരങ്ങളിലെ ചെറിയ പിഴവ് പോലും സഹായധനം കൈമാറുന്നതിനുള്ള നടപടികളെ ബാധിക്കുന്നുണ്ടെന്നു കൃഷിമന്ത്രി ടി. സിദ്ദിഖ് പറഞ്ഞു. കൃത്യമായ ബാങ്ക് വിവരങ്ങള് ഉറപ്പുവരുത്തുന്നതില് എല്ലാവരുടെയും സഹകരണം അദ്ദേഹം അഭ്യര്ഥിച്ചു.