Deepika
ADVERTISEMENT
Kerala
ചാലക്കുടി: ഭൗതികതയിൽനിന്ന് ആത്മീയതയിലേക്കു തിരിച്ചുവരവ് നടത്തണമെന്ന് ഇരിങ്ങാലക്കുട ബിഷപ് മാർ പോളി കണ്ണൂക്കാടൻ. അഞ്ചു ദിവസം നീളുന്ന 37-ാമത് പോട്ട ദേശീയ ബൈബിൾ കൺവൻഷൻ ഉദ്ഘാടനംചെയ്ത് പ്രസംഗിക്കുകയായിരുന്നു അദ്ദേഹം.
എല്ലാ തലങ്ങളിലും ഭൗതികത സ്വാധീനിക്കപ്പെട്ടിരിക്കയാണെന്നു ബിഷപ് പറഞ്ഞു. മാരകമായ ലഹരിവസ്തുക്കൾക്കു യുവാക്കളും മദ്യത്തിനും മയക്കുമരുന്നിനും ജനവും സ്വാധീനിക്കപ്പെട്ടിരിക്കയാണ്. ഇതിന്റെ ഫലമായി ധാർമികത ഇല്ലാതായി. നീതി നിഷേധിക്കപ്പെടുന്നു.
കൊലപാതകങ്ങൾ വർധിക്കുന്നു. അറിഞ്ഞോ അറിയാതെയോ ഭൗതികത കുടുംബങ്ങളിലേക്കും കടന്നുവന്നിരിക്കയാണെന്നു മാർ കണ്ണൂക്കാടൻ പറഞ്ഞു. ക്രിസ്തുവിലൂടെ പ്രത്യാശയിലേക്കു വിളിക്കപ്പെടണമെന്നും ദൈവികതയിലേക്കു കുടുംബങ്ങൾ കടന്നുവരണമെന്നും യേശുവിന്റെ സ്നേഹം, ക്ഷമ, നീതി, ധാർമികത, അനുകമ്പ, ചൈതന്യം എന്നിവ ജീവിതത്തിൽ പകർത്തണമെന്നും അദ്ദേഹം ആഹ്വാനം ചെയ്തു.
പ്രൊവിൻഷ്യൽ സുപ്പീരിയർ ഫാ. അലക്സ് ചാലങ്ങാടി വചനപ്രതിഷ്ഠ നടത്തി. പോട്ട ആശ്രമം സുപ്പീരിയർ ഫാ. ജോസഫ് എറമ്പിൽ, ഫാ. മാത്യു നായ്ക്കംപറമ്പിൽ, ഫാ. ഫ്രാൻസീസ് കർത്താനം, ഫാ. ആന്റണി പയ്യപ്പിള്ളി, ഫാ. ബിനോയ് ചക്കാനിക്കുന്നേൽ എന്നിവർ പ്രസംഗിച്ചു. ആരാധനയും ഉണ്ടായിരുന്നു. വിശുദ്ധ കുർബാനയ്ക്ക് ഇടവകവികാരിമാർ കാർമികത്വം വഹിച്ചു
ഇന്ന് 1.45 ന് ചങ്ങനാശേരി ആർച്ച്ബിഷപ് മാർ തോമസ് തറയിൽ വചനശുശ്രൂഷ നടത്തും.
District News
ചങ്ങനാശേരി: ചങ്ങനാശേരി അതിരൂപത ഇരുപത്തിയേഴാമത് ബൈബിള് കണ്വന്ഷന് നാളെ മുതല് 22വരെ എസ്ബി കോളജ് മൈതാനത്തെ മാര് ജോസഫ് പവ്വത്തില് നഗറില് നടക്കും. അട്ടപ്പാടി സെഹിയോന് ധ്യാനകേന്ദ്രം ഡയറക്ടര് ഫാ. സേവ്യര്ഖാന് വട്ടായിലും ടീമുമാണ് കണ്വന്ഷന് നയിക്കുന്നത്. ദിവസവും ഉച്ചകഴിഞ്ഞ് 3.30ന് ജപമാല, 4.30ന് വിശുദ്ധകുര്ബാന, 5.30ന് ഗാനശുശ്രൂഷ, ആറിന് വചനപ്രഘോഷണം, ആരാധന എന്നീ ശുശ്രൂഷകള് നടക്കും. 18ന് വൈകുന്നേരം 4.30ന് കര്ദിനാള് മാര് ജോര്ജ് ആലഞ്ചേരി വിശുദ്ധ കുര്ബാനയര്പ്പിച്ച് കണ്വന്ഷന് ഉദ്ഘാടനം ചെയ്യും.
19ന് ബിഷപ് മാര് ജേക്കബ് മുരിക്കന്, 20ന് ഷംഷാബാദ് സഹായമെത്രാന് ബിഷപ് മാര് തോമസ് പാടിയത്ത്, 21ന് ആര്ച്ച്ബിഷപ് എമരിറ്റസ് മാര് ജോസഫ് പെരുന്തോട്ടം, 22ന് ആര്ച്ച്ബിഷപ് മാര് തോമസ് തറയില് എന്നിവര് വിശുദ്ധ കുര്ബാന അര്പ്പിച്ച് സന്ദേശം നല്കും.20ന് രാവിലെ 10ന് സീനിയര് സിറ്റിസണ്സ് സംഗമവും 21ന് അതിരൂപത മതാധ്യാപകസംഗമവും നടക്കും.
സമാപന ദിനമായ 22നു രാവിലെ 9 മുതൽ യുവജന കൺവൻഷനും വിവിധ പരീക്ഷകൾക്കായി ഒരുങ്ങുന്ന വിദ്യാർഥികൾക്കായി പ്രത്യേക പ്രാർഥനകളും പഠനോപകരണങ്ങളുടെ വെഞ്ചരിപ്പും നടക്കും.
25,000 പേര്ക്ക് പങ്കെടുക്കാവുന്ന വിധമുള്ള പന്തലും അനുബന്ധ ക്രമീകരണങ്ങളുമാണ് കോളജ് മൈതാനത്ത് തയാറായിരുക്കുന്നത്. കണ്വന്ഷന് ദിനങ്ങളില് അട്ടപ്പാടി സെഹിയോന് ടീമിന്റെ നേതൃത്വത്തില് കൗണ്സലിംഗിനുള്ള ക്രമീകരണമുണ്ടാകും. കൗണ്സിലിംഗ് ആവശ്യമുള്ളവര് 9495379045, 7591973033 എന്നീ ഫോണുകളില് ബന്ധപ്പെടേണ്ടതാണ്.
ജപമാലറാലി ഇന്ന്
അതിരൂപതാ ബൈബിൾ കൺവൻഷന് ഒരുക്കമായി യുവദീപ്തി-എസ്എംവൈഎമ്മിന്റെ നേതൃത്വത്തിൽ ഇന്ന് ജപമാലറാലി നടത്തും.
വൈകുന്നേരം ആറിന് അതിരൂപതാ കേന്ദ്രത്തിൽനിന്നുമാരംഭിച്ച് നഗരഹൃദയത്തിലൂടെ കൺവൻഷൻ നടക്കുന്ന എസ്ബി കോളജിലെ മാർ ജോസഫ് പവ്വത്തിൽ നഗറിലേക്കാണ് ജപമാല റാലി.വൈദികർ, സന്യസ്തർ, വിശ്വാസികൾ, ബൈബിൾ കൺവൻഷൻ വോളണ്ടിയേഴ്സ് എന്നിവർ പങ്കെടുക്കും.
District News
ചങ്ങനാശേരി: ചങ്ങനാശേരി അതിരൂപത 27-ാമത് ബൈബിള് കണ്വന്ഷന് 18 മുതല് 22വരെ എസ്ബി കോളജ് മൈതാനത്തു സജ്ജമാക്കുന്ന മാര് ജോസഫ് പവ്വത്തില് നഗറില് നടക്കുമെന്നും കണ്വന്ഷന്റെ ഒരുക്കങ്ങള് പുരോഗമിക്കുകയാമെന്നും അതിരൂപത വികാരി ജനറാള് മോണ്. ആന്റണി എത്തയ്ക്കാട്ട്, അതിരൂപത ബൈബിള് അപ്പോസ്തലേറ്റ് ഡയറക്ടര് ഫാ. ജോര്ജ് മാന്തുരുത്തില് എന്നിവര് പത്രസമ്മേളനത്തില് അറിയിച്ചു. അട്ടപ്പാടി സെഹിയോന് ധ്യാനകേന്ദ്രം ഡയറക്ടര് ഫാ. സേവ്യര്ഖാന് വട്ടായിലും ടീമുമാണ് കണ്വന്ഷന് നയിക്കുന്നത്. ദിവസവും ഉച്ചകഴിഞ്ഞ് 3.30ന് ജപമാല, 4.30ന് വിശുദ്ധകുര്ബാന, 5.30ന് ഗാനശുശ്രൂഷ, ആറിന് വചനപ്രഘോഷണം, ആരാധന എന്നീ ശുശ്രൂഷകള് നടക്കും. 18ന് വൈകുന്നേരം 4.30ന് കര്ദിനാള് മാര് ജോര്ജ് ആലഞ്ചേരി വിശുദ്ധകുര്ബാന അര്പ്പിച്ച് കണ്വന്ഷന് ഉദ്ഘാടനം ചെയ്യും.
19ന് ബിഷപ് മാര് ജേക്കബ് മുരിക്കന്, 20ന് ഷംഷാബാദ് സഹായമെത്രാന് ബിഷപ് മാര് തോമസ് പാടിയത്ത്, 21ന് ആര്ച്ച്ബിഷപ് എമിരിറ്റസ് മാര് ജോസഫ് പെരുന്തോട്ടം, 22ന് ആര്ച്ച്ബിഷപ് മാര് തോമസ് തറയില് എന്നിവര് വിശുദ്ധ കുര്ബാന അര്പ്പിച്ച് സന്ദേശം നല്കും.
20ന് രാവിലെ 10ന് സീനിയര് സിറ്റിസണ്സ് സംഗമവും 21 ന് അതിരൂപത മതാധ്യാപകസംഗമവും 22ന് രാവിലെ ഒമ്പതിന് യുവജന സംഗമവും നടക്കും. 25,000 പേര്ക്ക് പങ്കെടുക്കാവുന്നവിധമുള്ള പന്തല് കോളജ് മൈതാനത്ത് തയാറാകുന്നുണ്ട്. കണ്വന്ഷന് ദിനങ്ങളില് അട്ടപ്പാടി സെഹിയോന് ടീമിന്റെ നേതൃത്വത്തില് കൗണ്സിലിംഗിനുള്ള ക്രമീകരണമുണ്ടാകും. കൗണ്സിലിംഗിന് ആവശ്യമുള്ളവര് 9495379045, 7591973033 എന്നീ ഫോണുകളില് ബന്ധപ്പെടേണ്ടതാണ്.
ഫാ. ജേക്കബ് ചീരംവേലില്, ഫാ. ആന്റണി കാച്ചാംകോട്, ജോമി ജോസഫ്, ഡോ. റൂബിള്രാജ്, മേരി പെട്ടംകുളം എന്നിവരും പത്രസമ്മേളനത്തില് പങ്കെടുത്തു.
District News
ആലപ്പുഴ: പൂങ്കാവ് പള്ളിയിൽ വയനാട് അനുഗ്രഹ ധ്യാനകേന്ദ്രം ഡയറക്ടർ ഫാ. മാത്യു വയലാമണ്ണിൽ നയിക്കുന്ന വചനോത്സവം നിയോഗപ്രാർഥന സായാഹ്ന ബൈബിൾ കൺവൻഷന് തുടക്കമായി. പത്തുവരെ വൈ കുന്നേരം 5.30 മുതൽ 9.30 വരെയാണ് കൺവൻഷൻ.
കൊച്ചി രൂപത വികാരി ജനറാൾ ഡോ. ജോസി കണ്ടനാട്ടുതറ ഉദ്ഘാടനം നിർവഹിച്ചു. തുടർന്ന് ഗാനശുശ്രൂഷയും വചന പ്രഘോഷണവും ദിവ്യകാരുണ്യ ആരാധനയും നടന്നു.ആലപ്പുഴ ടൗൺ, തീരദേശപാത എന്നിവിടങ്ങളിലേക്ക് പ്രത്യേക ബസ് സർവീസും പാർക്കിംഗ് സൗകര്യവും ഏർപ്പെടുത്തിയിട്ടുണ്ടെന്ന് വികാരി ഫാ. സേവ്യർ ചിറമേൽ പറഞ്ഞു.
District News
വെളളരിക്കുണ്ട്: അഭിഷേകാഗ്നി തലശേരി അതിരൂപതാതല ബൈബിൾ കൺവൻഷന് ഇന്ന് വെളളരിക്കുണ്ടിൽ തുടക്കമാകും. വൈകുന്നേരം അഞ്ചിന് ആർച്ച്ബിഷപ് മാർ ജോസഫ് പാംപ്ലാനി ഉദ്ഘാടനം നിർവഹിക്കും.
ലിറ്റിൽ ഫ്ലവർ ഫൊറോന പള്ളി അങ്കണത്തിലെ ബഥേൽ നഗറിൽ നടക്കുന്ന കൺവൻഷന് അട്ടപ്പാടി സെഹിയോൻ ധ്യാനകേന്ദ്രം ഡയറക്ടർ ഫാ. സേവ്യർ ഖാൻ വട്ടായിലും 40 അംഗ ടീമും നേതൃത്വം നൽകും. ഫെബ്രുവരി മൂന്നു വരെ എല്ലാ ദിവസവും വൈകുന്നേരം 4.30 ന് ആരംഭിച്ച് രാത്രി 9.15 ന് അവസാനിക്കുന്ന വിധത്തിലാണ് കൺവൻഷൻ ക്രമീകരിച്ചിരിക്കുന്നത്. കാസർഗോഡ്, കണ്ണൂർ ജില്ലകളിൽ നിന്നായി 20,000 ലേറെ പേരെ പങ്കെടുപ്പിക്കാവുന്ന വിധത്തിലാണ് കൺവൻഷന്റെ ഒരുക്കങ്ങൾ പൂർത്തിയാക്കിയിട്ടുള്ളത്.
ബൈബിൾ കൺവൻഷന് എത്തുന്നവർക്ക്
വിപുലമായ യാത്രാസൗകര്യങ്ങൾ
വെള്ളരിക്കുണ്ട്: അഭിഷേകാഗ്നി ബൈബിൾ കൺവൻഷനിൽ പങ്കെടുക്കുന്നതിന് വെള്ളരിക്കുണ്ടിൽ എത്തുന്നവർക്കായി വിപുലമായ യാത്രാ സൗകര്യങ്ങൾ ഒരുക്കിയതായി ഫൊറോന വികാരി റവ.ഡോ. ജോൺസൺ അന്ത്യാംകുളം അറിയിച്ചു.
കൺവൻഷനു ശേഷം രാത്രിയിൽ തിരിച്ചുപോകുന്നവർക്കായി പത്തോളം സ്വകാര്യ ബസുകൾ വിവിധ സ്ഥലങ്ങളിലേക്ക് സർവീസ് നടത്തും.
മാലോം, കൊന്നക്കാട് ഭാഗത്തേക്ക് രണ്ട് ബസുകളും നർക്കിലക്കാട് വഴി ചെറുപുഴ, ഭീമനടി- കുന്നുംകൈ- മണ്ഡപം, ഭീമനടി- മൗക്കോട്- കടുമേനി- ചെറുപുഴ, പരപ്പ- ബിരിക്കുളം വഴി നീലേശ്വരം, ബളാൽ- കല്ലഞ്ചിറ- കള്ളാർ വഴി പാണത്തൂർ, പരപ്പ-ഒടയംചാൽ വഴി പടുപ്പ് എന്നീ റൂട്ടുകളിൽ ഓരോ ബസ് വീതവും സർവീസ് നടത്തും.
District News
ചങ്ങനാശേരി: ഫെബ്രുവരി 18 മുതല് 22 വരെ ചങ്ങനാശേരി എസ്ബി കോളജില് നടക്കുന്ന 27-ാമത് അതിരൂപത ബൈബിള് കണ്വന്ഷനു മുന്നോടിയായി അട്ടപ്പാടി സെഹിയോന് ധ്യാനകേന്ദ്ര ടീം നേതൃത്വം നല്കുന്ന ഒരുക്ക കണ്വന്ഷന് 31നു നടക്കും. എസ്ബി കോളജ് കാവുകാട്ട് ഹാളില് ഉച്ചകഴിഞ്ഞു മൂന്നു മുതല് 5.30 വരെയാണ് കണ്വന്ഷന്. അതിരൂപത വികാരിജനറാള് മോണ്. ആന്റണി എത്തയ്ക്കാട്ട് കണ്വന്ഷന് ഉദ്ഘാടനം ചെയ്യും.
ചങ്ങനാശേരി, തൃക്കൊടിത്താനം, കുറുമ്പനാടം, തുരുത്തി ഫൊറോനകളിലെ ഇടവകകളില് നിന്നുള്ള കൈക്കാരന്മാര്, പാസ്റ്ററല് കൗണ്സില്, ഫൊറോന കൗണ്സില്, പാരീഷ് കൗണ്സില് അംഗങ്ങള്, നിലവിലുള്ളവരും പുതുതായി തെരഞ്ഞെടുക്കപ്പെട്ടവരുമായ കുടുംബക്കൂട്ടായ്മ ലീഡേഴ്സ്, സെക്രട്ടറിമാര്, കുടുംബക്കൂട്ടായ്മകള്ക്ക് നേതൃത്വം നല്കുന്ന സിസ്റ്റര്മാര്, മതബോധന അധ്യാപകര്, വിവിധ സംഘടനകളുടെ അതിരൂപത-ഫൊറോന-ഇടവക തല ഭാരവാഹികള്, ബൈബിള് കണ്വന്ഷന് വോളണ്ടിയേഴ്സ്, വോളണ്ടിയേഴ്സാകാന് ആഗ്രഹിക്കുന്നവര് എന്നിവര് കണ്വന്ഷനില് പങ്കെടുക്കണം.
നെടുംകുന്നം, മണിമല, ചെങ്ങന്നൂര്, കോട്ടയം, കുടമാളൂര്, അതിരമ്പുഴ, പുളിങ്കുന്ന്, എടത്വാ, ചമ്പക്കുളം, ആലപ്പുഴ, മുഹമ്മ ഫൊറോനകളിലെ ഇടവകകളില്നിന്നുള്ള നടത്തുകൈക്കാരന്മാര്, കുടുംബക്കൂട്ടായ്മ ജനറല് കണ്വീനര്മാര്, ജനറല് സെക്രട്ടറിമാര്, ആനിമേറ്റര് സിസ്റ്റര്മാര്, വോളണ്ടിയര്മാര് എന്നിവരും ഈ ഒരുക്ക കണ്വന്ഷനില് പങ്കെടുക്കണമെന്ന് ചങ്ങനാശേരി അതിരൂപത ബൈബിള് കണ്വന്ഷന് സംഘാടക സമിതി അറിയിച്ചു. ഫോൺ: 99613 69380, 73062 08356.
District News
വെളളരിക്കുണ്ട്: തലശേരി അതിരൂപത പ്ലാറ്റിനം ജൂബിലിയുടെ മുന്നോടിയായി നടത്തപ്പെടുന്ന അഭിഷേകാഗ്നി ബൈബിൾ കൺവൻഷന് വെള്ളരിക്കുണ്ടിൽ ഒരുക്കങ്ങളാകുന്നു. 30, 31, ഫെബ്രുവരി 1, 2, 3 തീയതികളിലായി വെള്ളരിക്കുണ്ട് ലിറ്റിൽ ഫ്ലവർ ഫൊറോന പള്ളി അങ്കണത്തിലെ ബഥേൽ നഗറിലാണ് കൺവൻഷൻ നടക്കുന്നത്. അട്ടപ്പാടി സെഹിയോൻ ധ്യാനകേന്ദ്രം ഡയറക്ടർ ഫാ. സേവ്യർ ഖാൻ വട്ടായിലും നാൽപതംഗ ടീമുമാണ് കൺവൻഷൻ നയിക്കുക. എല്ലാ ദിവസവും വൈകുന്നേരം 4.30 ന് ആരംഭിച്ച് രാത്രി 9.15 ന് അവസാനിക്കുന്ന വിധത്തിലാണ് പരിപാടികൾ ക്രമീകരിച്ചിട്ടുള്ളത്.
കാസർഗോഡ്, കണ്ണൂർ ജില്ലകളിൽ നിന്ന് മാത്രമായി ഇരുപതിനായിരത്തിലേറെ പേർ കൺവൻഷനിൽ പങ്കെടുക്കാനെത്തുമെന്നാണ് വിലയിരുത്തൽ.
കൺവൻഷനായുള്ള പന്തലിന്റെ കാൽനാട്ടുകർമം ആർച്ച്ബിഷപ് മാർ ജോസഫ് പാംപ്ലാനി നിർവഹിച്ചു. സംഘാടകസമിതി രൂപീകരണ യോഗം മാർ ജോസഫ് പാംപ്ലാനി ഉദ്ഘാടനം ചെയ്തു. മോൺ. ആന്റണി മുതുകുന്നേൽ അധ്യക്ഷത വഹിച്ചു. മോൺ. മാത്യു ഇളംതുരുത്തി പടവിൽ, റവ.ഡോ. മാണി മേൽവെട്ടം, റവ.ഡോ. ജോസഫ് പതിയോട്ടിൽ എന്നിവർ പ്രസംഗിച്ചു. അഞ്ച് ഫൊറോനകളിൽ നിന്നുള്ള വൈദികർ സമ്മേളനത്തിൽ പങ്കെടുത്തു.
ആർച്ച്ബിഷപ് മാർ ജോസഫ് പാംപ്ലാനി രക്ഷാധികാരിയായും മോൺ. ആന്റണി മുതുകുന്നേൽ ജനറൽ കൺവീനറായും 501 അംഗ സംഘാടക സമിതി രൂപീകരിച്ചു. സംഘാടകസമിതി കൺവീനറായി വെള്ളരിക്കുണ്ട് ഫൊറോന വികാരി റവ.ഡോ. ജോൺസൺ അന്ത്യാംകുളവും ജോയിന്റ് കൺവീനർമാരായി മോൺ. സെബാസ്റ്റ്യൻ പാലാക്കുഴി, മോൺ. മാത്യു ഇളംതുരുത്തി പടവിൽ, ഫൊറോന വികാരിമാരായ ഫാ. ജോസ് തൈക്കുന്നുംപുറം, റവ.ഡോ. മാണി മേൽവെട്ടം, ഫാ. ജോസഫ് പൂവത്തോലി, ഫാ. ജോർജ് വള്ളിമല, ഫാ. ഫിലിപ്പ് ഇരുപ്പക്കാട്ട്, ഫാ. ഏബ്രഹാം മഠത്തിമ്യാലിൽ എന്നിവരും പ്രവർത്തിക്കും.
District News
എടക്കര: മലങ്കര സുറിയാനി കത്തോലിക്ക സഭ ബത്തേരി രൂപത ബൈബിൾ കണ്വൻഷന്റെ രണ്ടാം ദിവസം ഫാ. തോമസ് അറയ്ക്കൽ വചനസന്ദേശം നൽകി.
കണ്വൻഷൻ സമൂഹത്തെയും കുടുംബങ്ങളെയും നവീകരിക്കാൻ ഉപകരിക്കട്ടെയെന്ന് അദ്ദേഹം പറഞ്ഞു. സന്ധ്യാപ്രാർഥനക്ക് ഫാ. തോമസ് കല്ലൂരും ബൈബിൾ വായനക്ക് സിസ്റ്റർ ശുഭ ജോസും നേതൃത്വം നൽകി.
മഞ്ജു ജോർജ് നന്ദി പറഞ്ഞു. കണ്വൻഷനിൽ ഇന്ന് വൈകിട്ട് ആറിന് ഫാ. തോമസ് അറയ്ക്കൽ വചന സന്ദേശം നൽകും.
District News
എടക്കര: മലങ്കര സുറിയാനി കത്തോലിക്ക സഭ ബത്തേരി രൂപത 51 ാമത് ബൈബിൾ കൻവൻഷൻ ഒരുക്ക ശുശ്രൂഷയുടെ ഭാഗമായ സുവിശേഷ സന്ധ്യക്ക് ഞാറക്കാട് ആവണശേരം ഇടവക വികാരി ഫാ. ജോണ്സണ് പള്ളിപ്പടിഞ്ഞാറ്റേതിൽ മുഖ്യകാർമികത്വം വഹിച്ചു. സുവിശേഷസംഘം ബത്തേരി രൂപത ഡയറക്ടർ ഫാ. തോമസ് ചാപ്രത്ത്, എപ്പിസ്കോപ്പൽ വികാരി ഫാ. തോമസ് കല്ലൂർ എന്നിവർ സഹകാർമികരായിരുന്നു.
പാസ്റ്ററൽ കൗണ്സിൽ സെക്രട്ടറി റെന്നി വർഗീസ്, സുവിശേഷസംഘം മേഖല സെക്രട്ടറി ജോയി വേങ്ങശേരി എന്നിവർ സംസാരിച്ചു. ഇന്നു വൈകിട്ട് 6.30ന് ബൈബിൾ കണ്വൻഷൻ ബത്തേരി രൂപത ബിഷപ് ഡോ. ജോസഫ് മാർ തോമസ് ഉദ്ഘാടനം ചെയ്യും. അഞ്ച് ദിവസം നീണ്ടുനിൽക്കുന്ന കണ്വൻഷനിൽ ഫാ. തോമസ് അറയ്ക്കൽ സുവിശേഷ പ്രസംഗം നടത്തും.
District News
ചാലക്കുടി: 37-ാമതു പോട്ട ദേശീയ ബൈബിൾ കൺവൻഷൻ പന്തലിന്റെ കാൽനാട്ടുകർമം സുപ്പീരിയർ ഫാ. ജോസഫ് എറമ്പിൽ നിർവഹിച്ചു.
ഫാ. മാത്യു നായ്ക്കംപറമ്പിൽ വചനസന്ദേശം നൽകി. ഫാ. ബിനോയ് ചക്കാനിക്കുന്നേൽ, ഫാ. ഫ്രാൻസീസ് കർത്താനം, ഫാ. ജോജോ മാരിപ്പാട്ട്, ഫാ. ജേക്കബ് ചിറയിൽ, ഫാ. തോമസ് അറയ്ക്കൽ, ഫാ. ആന്റണി തെക്കിനേത്ത്, ഫാ. വിൻസെന്റ് ഡ്യുബോൺ എന്നിവർ സഹകാർമികത്വം വഹിച്ചു.
ഫെബ്രുവരി 18 മുതൽ 22 വരെയാണ് ദേശിയ ബൈബിൾ കൺവൻഷൻ.
District News
ചേർത്തല: എല്ലാ പുതുവർഷവാരത്തിലും നടന്നുവരാറുള്ള മരുത്തോർവട്ടം ബൈബിൾ കൺവൻഷനു തുടക്കമായി.
ഈ വർഷത്തേത് 33-ാമത് ബൈബിൾ കൺവൻഷനാണ് നടക്കുന്നത്. വിവിധ മേഖലകളിൽനിന്നായി നൂറുകണക്കിന് വിശ്വാസികൾ പങ്കെടുത്ത് ജീവിതനവീകരണം നടത്തുന്ന മരുത്തോർവട്ടം ബൈബിൾ കൺവൻഷൻ ഇന്നലെ സീറോ മലബാർ സഭ മേജർ ആർച്ച്ബിഷപ് കർദിനാൾ മാർ റാഫേൽ തട്ടിൽ ഉദ്ഘാടനം ചെയ്തു.
ചേർത്തല മുട്ടം ഫൊറോനാ വികാരി ഫാ. ജോഷി വേഴപ്പറമ്പിൽ ബൈബിൾ പ്രതിഷ്ഠ നടത്തി. ധ്യാനഗുരു ഫാ. ബോസ്കോ ഞാളിയത്ത്, വികാരി ഫാ. ജോർജ് മൂഞ്ഞേലി തുടങ്ങിയവർ വിവിധ ശുശ്രൂഷകൾക്കു നേതൃത്വം നൽകി.
ദിവസവും വൈകുന്നേരം 4.30 മുതൽ ഒമ്പതു വരെയാണ് കൺവൻഷൻ. ജനുവരി നാലിന് സമാപിക്കും.
NRI
റയിൻഹാം: ഗ്രേറ്റ് ബ്രിട്ടൻ സീറോമലബാർ എപ്പാർക്കി ഇവാഞ്ചലൈസേഷൻ കമ്മീഷന്റെ നേതൃത്വത്തിൽ ലണ്ടനിൽ മാസം തോറും സംഘടിപ്പിക്കുന്ന "ആദ്യ ശനിയാഴ്ച ബൈബിൾ കൺവൻഷൻ' ജനുവരി മൂന്നിന് നടക്കും.
ലണ്ടനിൽ റയിൻഹാം ഔർ ലേഡി ഓഫ് ലാസലേറ്റ് കത്തോലിക്കാ ദേവാലയത്തിലാണ് കൺവൻഷൻ ക്രമീകരിച്ചിരിക്കുന്നത്. ധ്യാനഗുരുവും ലണ്ടനിൽ അജപാലന ശുശ്രുഷ നയിക്കുകയും ചെയ്യുന്ന ഫാ. ജോസഫ് മുക്കാട്ട് നേതൃത്വം നൽകും.
ഗ്രേറ്റ് ബ്രിട്ടൻ എപ്പാർക്കി ഇവാഞ്ചലൈസേഷൻ കമ്മീഷൻ ചെയർ പേഴ്സണും കൗൺസിലറും പ്രശസ്ത തിരുവചന പ്രഘോഷകയുമായ സിസ്റ്റര് ആന് മരിയ എസ്എച്ച്, വിശുദ്ധഗ്രന്ഥ സന്ദേശങ്ങള് പങ്കുവയ്ക്കുകയും സ്പിരിച്വൽ ഷെയറിംഗിനു നേതൃത്വം നൽകുകയും ചെയ്യും.
ഫാ. ഷിനോജ് കളരിക്കൽ ശുശ്രൂകളിൽ പങ്ക് ചേരും. ജനുവരി മൂന്നിന് രാവിലെ 9.30ന് ജപമാല സമർപ്പണത്തോടെ ആരംഭിക്കുന്ന കൺവൻഷനിൽ വിശുദ്ധബലി, തിരുവചന ശുശ്രുഷ, തുടർന്ന് ആരാധനയ്ക്കുള്ള സമയമാണ്.
കുമ്പസാരത്തിനും സ്പിരിച്വൽ ഷെയറിംഗിനും അവസരം ഒരുക്കുന്ന കൺവൻഷൻ വൈകുന്നേരം നാലിന് സമാപിക്കും. ഇംഗ്ലീഷിലുള്ള ശുശ്രുഷകളും ലഭ്യമാണ്.
കൺവൻഷൻ തിരുക്കർമങ്ങളിലും ശുശ്രൂഷകളിലും പങ്കുചേർന്ന് ആത്മീയ നവീകരണവും സൗഖ്യ ശാന്തിയും കൃപകളും വിടുതലും മാതൃ മധ്യസ്ഥതയിൽ പ്രാപിക്കുവാൻ ഏവരെയും കൺവൻഷനിലേക്ക് സ്വാഗതം ചെയ്യുന്നതായി സംഘാടകർ അറിയിച്ചു.
കൂടുതല് വിവരങ്ങള്ക്ക്: മനോജ് തയ്യിൽ - 07848 808550, മാത്തച്ചൻ വിളങ്ങാടൻ - 07915 602258.
Our lady Of La Salette RC Church, 1 Rainham Road, Rainham, Essex, RM13 8SR, UK.
District News
പറപ്പൂക്കര: പതിനാറാം ശതോത്തര രജതജൂബിലി ആഘോഷങ്ങളുടെ ഭാഗമായി പറപ്പൂക്കര സെന്റ് ജോണ് നെപുംസ്യാൻ ഫൊറോന പള്ളിയിൽ നടക്കുന്ന ബൈബിൾ കണ്വൻഷനു തുടക്കമായി. ആഘോഷമായ ദിവ്യബലിക്കുശേഷം രാമനാഥപുരം രൂപതാധ്യക്ഷൻ മാർ പോൾ ആലപ്പാട്ട് ദീപം തെളിയിച്ച് ഉദ്ഘാടനം നിർവഹിച്ചു. ഫാ. ജിൻസ് ചീങ്കല്ലേൽ, ഫാ. നോബിൾ തോട്ടത്തിൽ എന്നിവരുടെ ടീമാണു കണ്വൻഷനു നേതൃത്വം നൽകുന്നത്.
ദിവസവും വൈകീട്ട് അഞ്ചുമുതൽ മുതൽ 9.30വരെയാണ് കൺവൻഷൻ. സമാപനദിനമായ 21 ന് ജൂബിലി ആഘോഷ കമ്മിറ്റിയുടെ നേതൃത്വത്തിൽ ഭവനരഹിതർക്കായി ഒരുക്കുന്ന ഭവനങ്ങൾക്കുള്ള തറക്കല്ലിന്റെ വെഞ്ചരിപ്പ് ഇരിങ്ങാലക്കുട രൂപത മെത്രാൻ മാർ പോളി കണ്ണൂക്കാടൻ നിർവഹിക്കും.
വികാരി ഫാ. റാഫേൽ പഞ്ഞിക്കാരൻ, സഹവികാരി ഫാ. ആൽബിൻ പുതുശേരി, കൈക്കാരന്മാരായ സിജോ പൊന്തോക്കൻ, റെജിൻ പാലത്തിങ്കൽ, ആന്റോപുല്ലോക്കാരൻ, ജനറൽ കണ്വീനർ ഗ്ലെയ്സൻ ആലപ്പാട്ട്, കേന്ദ്രസമിതി പ്രസിഡന്റ് ജോസ് പനങ്കുളത്തുകാരൻ, സെക്രട്ടറി സൈമണ് പുതുപ്പള്ളിപ്പറന്പിൽ എന്നിവരുടെ നേതൃത്വത്തിലാണ് ഒരുക്കങ്ങൾ നടത്തിയിട്ടുള്ളത്.
District News
കട്ടപ്പന: സഭയിലൂടെ ലഭിക്കുന്ന പരിശുദ്ധാത്മാവിനെ നാം ദാഹത്തോടെ സ്വീകരിക്കണമെന്ന് കഞ്ഞിരപ്പള്ളി ബിഷപ് മാർ ജോസ് പുളിക്കൽ.
നമുക്ക് മാമ്മോദിസായിലൂടെയും കൂദാശകളിലൂടെയും ലഭിക്കുന്ന പരിശുദ്ധാത്മാവ് ആണ് നമ്മുടെ വിശ്വസം വർധിപ്പിക്കുന്നതെന്നും അദ്ദേഹം പറഞ്ഞു. ദൈവത്തിന്റെ വചനം എല്ലാ ദിവസവും വായിക്കാൻ നമുക്ക് കഴിയണം. വചനമാണ് നമുക്ക് വെളിച്ചം നൽകുന്നത്.
വചനത്തിൽ അതിഷ്ഠിതമായ ജീവിതമാണ് നാം നയിക്കേണ്ടത്. പരിശുദ്ധ കുർബാനയിലും കുദാശകളിലും കേന്ദ്രികരിച്ച അധ്യാത്മികതയാണ് നമ്മിൽ വളർന്നുവരേണ്ടതെന്നും രൂപതാധ്യക്ഷൻ പറഞ്ഞു.
കട്ടപ്പന സെന്റ്് ജോർജ് ഫെറോനാ ദേവാലയത്തിൽ നടന്ന കഞ്ഞിരപ്പള്ളി രൂപത ബൈബിൾ കൺവൻഷനിൽ സമാപന സന്ദേശം നൽകുകയായിരുന്നു അദ്ദേഹം.
അണക്കര മരിയൻ ധ്യാനകേന്ദ്രം ഡയറക്ടർ ഫാ. ഡൊമിനിക് വാളന്മനാൽ വിശുദ്ധ കുർബാന അർപ്പിച്ചു വചന പ്രഘോഷണവും ദിവ്യകാരുണ്യ ആരാധനയും നടത്തി. ജനറൾ കൺവീനർ ഫാ. ജോസ് മംഗലത്തിൽ, കൺവീനർ ഫാ. കുര്യാക്കോസ് വടക്കേടത്ത്, ഫാ. മജു നിരവത്ത്, ഫാ. അനൂപ് കരിങ്ങാട്, ഫാ. ജോർജ് പുല്ലാന്തനാൽ, ഫാ. ഇമ്മാനുൽ മടുക്കക്കുഴി തുടങ്ങിയവർ കൺവെൻഷന് നേതൃത്വം നൽകി.
District News
പാലാ: 19ന് ആരംഭിക്കുന്ന പാലാ രൂപത 43-ാമത് ബൈബിള് കണ്വന്ഷന്റെ ഒരുക്കങ്ങള് പൂര്ത്തിയായി. പാലാ സെന്റ് തോമസ് കോളജ് ഗ്രൗണ്ടില് ഉച്ചകഴിഞ്ഞ് 3.30 മുതല് രാത്രി ഒന്പതു വരെയാണ് കണ്വന്ഷന് ക്രമീകരിച്ചിരിക്കുന്നത്.
ബിഷപ് മാര് ജോസഫ് കല്ലറങ്ങാട്ടിന്റെ അധ്യക്ഷതയില് ചേരുന്ന യോഗത്തില് സീറോമലബാര് സഭ മുന് മേജര് ആര്ച്ച്ബിഷപ് കര്ദിനാള് മാര് ജോര്ജ് ആലഞ്ചേരി ബൈബിള് കണ്വന്ഷന് ഉദ്ഘാടനം ചെയ്യും. 23ന് മലങ്കര മാര്ത്തോമ്മാ സുറിയാനിസഭ പരമാധ്യക്ഷന് ഡോ. തിയഡോഷ്യസ് മാര്ത്തോമ്മാ മെത്രാപ്പോലീത്ത സമാപന സന്ദേശം നല്കും. അണക്കര മരിയന് ധ്യാനകേന്ദ്രം ഡയറക്ടര് ഫാ. ഡൊമിനിക് വാളന്മനാലിന്റെ നേതൃത്വത്തിലുള്ള ടീമാണ് കണ്വന്ഷന് നയിക്കുന്നത്. അഞ്ചു ദിവസത്തെ കണ്വന്ഷന് 23നു സമാപിക്കും.
കണ്വന്ഷന്റെ വിജയത്തിനായുള്ള മധ്യസ്ഥപ്രാര്ഥന നവംബര് ഒന്നു മുതല് ഷാലോം പാസ്റ്ററല് സെന്ററില് ആരംഭിച്ചിരുന്നു. രൂപതയിലെ എല്ലാ ഇടവക ദേവാലയങ്ങളിലും നവംബര് ഒന്നുമുതലുള്ള സന്ദര്ശനം പൂര്ത്തിയായി. കണ്വന്ഷന്റെ ശുശ്രൂഷകര്ക്ക് ഒരുക്കമായിട്ടുള്ള ധ്യാനം ഏഴിന് അരുണാപുരം സെന്റ് തോമസ് പള്ളിയിൽ നടന്നു. ഡിസംബര് ഒന്നുമുതല് കണ്വന്ഷന് ഗ്രൗണ്ടില് ആരംഭിച്ച ജെറീക്കോ പ്രാര്ഥന പുരോഗമിക്കുന്നു.
ഓരോ കുടുംബത്തെയും വ്യക്തിപരമായി ബൈബിള് കണ്വന്ഷനിലേക്ക് ക്ഷണിക്കുക എന്ന രൂപതാധ്യക്ഷന് മാര് ജോസഫ് കല്ലറങ്ങാട്ടിന്റെ ആഗ്രഹപ്രകാരം രൂപത കരിസ്മാറ്റിക്, ഇവാഞ്ചലൈസേഷന് ടീമംഗങ്ങളുടെ നേതൃത്വത്തില് ഭവനസന്ദര്ശനവും പൂര്ത്തിയായി. വിശ്വാസസമൂഹത്തിന് ദൈവവചനം കേള്ക്കാനും ദൈവാരാധനയില് പങ്കെടുക്കാനും വേണ്ട വിശാലമായ പന്തല് പൂര്ത്തിയായി. വിവിധ മിനിസ്ട്രികളുടെ കമ്മിറ്റികള് കണ്വന്ഷന്റെ സുഗമമായ നടത്തിപ്പിന് പ്രവര്ത്തനമാരംഭിച്ചു.
ജനറല് കോ-ഓര്ഡിനേറ്റര് മോണ്. സെബാസ്റ്റ്യൻ വേത്താനത്ത്, ജനറല് കണ്വീനര് രൂപത ഇവാഞ്ചലൈസേഷന് ഡയറക്ടര് ഫാ. ജോസഫ് അരിമറ്റത്ത്, കണ്വന്ഷന് വോളന്റിയേഴ്സ് ക്യാപ്റ്റന് ഫാ. ആല്ബിന് പുതുപ്പറമ്പില്, രൂപത ഇവാഞ്ചലൈസേഷന് കരിസ്മാറ്റിക് ഭാരവാഹികള് തുടങ്ങിയവര് ബൈബിള് കണ്വന്ഷനു നേതൃത്വം നല്കും.
District News
സമ്പാളൂർ: ചരിത്രപ്രസിദ്ധമായ സമ്പാളൂർ സെന്റ്് ഫ്രാൻസിസ് സേവ്യർ തീർഥടന ദേവാലയത്തിൽ ആത്മജ്വാല ബൈബിൾ കൺവൻഷൻ ഇന്ന് ആരംഭിക്കും. കോട്ടപ്പുറം രൂപത വികാരി ജനറാൾ മോൺ. റോക്കി റോബി കളത്തിൽ ഉദ്ഘാടനം ചെയ്യും. വരാപ്പുഴ അതിരൂപത സഹായമെത്രാൻ റവ.ഡോ. ആന്റണി വാലുങ്കൽ അനുഗ്രഹസന്ദേശം നൽകും. 23 വരെ വൈകീട്ട് അഞ്ചു മുതൽ ഒന്പതുവരെ നടത്തുന്ന ക ൺവൻഷന് ഡിവൈൻ ധ്യാനകേന്ദ്രം അസോസിയേറ്റ് ഡയറക്ടർ ഫാ. മാത്യു തടത്തിൽ നേതൃത്വം നല്കും.
ഫാ. മാത്യു നായ്ക്കാംപറമ്പിൽ, ഫാ. ജോർജ് പനയ്ക്കൽ, ഫാ. ആന്റണി പയ്യപ്പിള്ളി, ഫാ. ഡെർബിൻ ഇട്ടിക്കാട്ടിൽ എന്നിവർ വചനപ്രഘോഷണം നടത്തും. കൺവൻഷനുശേഷം വിവിധ സ്ഥലങ്ങളിലേക്ക് വാഹന സൗകര്യം ഉണ്ടായിരിക്കും.
വികാരി ഫാ. ജോൺസൺ പങ്കേത്ത്, സഹവികാരി ഫാ. ആൽഫിൻ ജുഡ്സൺ, കൈക്കാരന്മാരായ ഫ്രാൻസിസ് സിമേതി, ആഷ്ലി റൊസാരിയോ, ജനറൽ കൺവീനർ ആന്റണി അവരേശ്, കൺവീനർ ബെന്നി കല്ലറക്കൽ തുടങ്ങിയവർ പത്രസമ്മേളനത്തിൽ പങ്കെടുത്തു.
District News
ആലപ്പുഴ: പുന്നപ്ര ഫൊറോന ഏൽ റൂഹാ ബൈബിൾ കൺവൻഷൻ പുന്നപ്ര സെന്റ് ജോസഫ്സ് ഫൊറോന പള്ളിയിൽ 12 മുതൽ 16 വരെ നടക്കും.
കോഴിക്കോട് കടലുണ്ടിയിൽ പ്രവർത്തിക്കുന്ന ഏൽ റൂഹാ ധ്യാന കേന്ദ്രം ഡയറക്ടർ ഫാ. റാഫേൽ കോക്കാടൻ നേതൃത്വം നൽകുന്നു. 12ന് വൈകുന്നേരം 5ന് ദിവ്യബലിയോടു കൂടി ബൈബിൾ കൺവൻഷൻ ആരംഭിക്കും. തുടർന്ന് ഐഎംഎസ് ധ്യാനകേന്ദ്രം സുപ്പീരിയർ ഫാ. ജോഷി ഉദ്ഘാടനം ചെയ്യും. ഫൊറോനയിൽപ്പെട്ട എല്ലാ വൈദികരും സന്നിഹിതരായിരിക്കും. എല്ലാ ദിവസവും വൈകുന്നേരം 5നുള്ള ദിവ്യബലിയോടുകൂടി ബൈബിൾ കൺവൻഷൻ ആരംഭിക്കും. ഞായറാഴ്ച വൈകുന്നേരം ആലപ്പുഴ ബിഷപ് ഡോ. ജയിംസ് റാഫേൽ ആനാപറമ്പിൽ സമാപനസന്ദേശം നൽകും.
ബൈബിൾ കൺവൻഷന്റെ സുഗമമായ നടത്തിപ്പിനുവേണ്ടി 150 അംഗ ടീം ഉൾക്കൊള്ളുന്ന വിവിധ കമ്മിറ്റികൾ രൂപീകരിച്ചു. വികാരി ഫാ. ആന്റണി കട്ടിക്കാട്, സഹവികാരി ഫാ. ജോസി ലൂയിസ് കൊച്ചിക്കാരൻവീട്ടിൽ, ജനറൽ കൺവീനർ സാലസ് കൊച്ചീക്കാരൻവീട്ടിൽ, വിവിധ സംഘടനാ ഭാരവാഹികൾ എന്നിവരുടെ നേതൃത്വത്തിൽ പ്രവർത്തനം നടത്തിവരുന്നു. കൺവൻഷനിൽ പങ്കെടുക്കുന്നവർക്ക് രാത്രി തിരികെ പോകുന്നതിന് വാഹനസൗകര്യം ഏർപ്പെടുത്തിയിട്ടുണ്ട്.
District News
പാലാ: 43-ാമത് പാലാ രൂപത ബൈബിള് കണ്വന്ഷന്റെ പോസ്റ്റര് പ്രകാശനകര്മം ബിഷപ് മാര് ജോസഫ് കല്ലറങ്ങാട്ട് നിര്വഹിച്ചു.
ഡിസംബര് 19 മുതല് 23 വരെ പാലാ സെന്റ് തോമസ് കോളജ് ഗ്രൗണ്ടില് ഉച്ചകഴിഞ്ഞ് 3.30 മുതല് രാത്രി ഒന്പതു വരെയാണ് കണ്വന്ഷന് ക്രമീകരിച്ചിരിക്കുന്നത്. അണക്കര മരിയന് ധ്യാനകേന്ദ്രം ഡയറക്ടര് ഫാ. ഡൊമിനിക് വാളന്മനാല് ആൻഡ് ടീമാണ് കൺവന്ഷന് നേതൃത്വം നല്കുന്നത്.
കണ്വന്ഷന്റെ പ്രത്യേക ചുമതലയുള്ള വികാരി ജനറാള് മോണ്. സെബാസ്റ്റ്യന് വേത്താനത്തും ഇവാഞ്ചലൈസേഷന് ഡയറക്ടര് ഫാ. ജോസഫ് അരിമറ്റത്തിലും ചേര്ന്ന് പോസ്റ്റര് ഡിസൈനിംഗിന്റെ മേല്നോട്ടവും കണ്വന്ഷന്റെ വിജയത്തിനായുള്ള പ്രാര്ഥന തയാറാക്കലും നടത്തി.
രൂപതയിലെ എല്ലാ ഇടവകകളിലെ കുടുംബങ്ങളിലും സന്യാസഭവനങ്ങളിലും പോസ്റ്ററും ക്ഷണക്കത്തും പ്രാര്ഥനാകാര്ഡും നേരിട്ട് എത്തിച്ചു കൊടുക്കും. കണ്വന്ഷന്റെ വിജയത്തിനായുള്ള പ്രാര്ഥന രൂപതയിലെ എല്ലാ ദേവാലയങ്ങളിൽ വിശുദ്ധ കുര്ബാനയ്ക്ക് ശേഷവും എല്ലാ സന്യാസഭവനങ്ങളിലും കുടുംബങ്ങളിലും സന്ധ്യാപ്രാര്ഥനയ്ക്കു ശേഷവും ചൊല്ലണമെന്നും ബിഷപ് ഓര്മിപ്പിച്ചു.
ബിഷപ്സ് ഹൗസില് നടന്ന പ്രകാശനച്ചടങ്ങില് വികാരി ജനറാള് മോണ്. സെബാസ്റ്റ്യന് വേത്താനത്ത്, ഇവാഞ്ചലൈസേഷന് ഡയറക്ടര് ഫാ. ജോസഫ് അരിമറ്റത്തില്, രൂപത പ്രൊക്കുറേറ്റര് ഫാ. ജോസഫ് മുത്തനാട്ട്, രൂപത ചാന്സലര് ഫാ. ജോസഫ് കുറ്റിയാങ്കല്, ഇവാഞ്ചലൈസേഷന് അസിസ്റ്റന്റ് ഡയറക്ടര് ഫാ. ആല്ബിന് പുതുപ്പറമ്പില്, ഫാ. ജോര്ജ് നെല്ലിക്കുന്നുചെരിവുപുരയിടം, ഫാ. നിക്സ് നരിതൂക്കില്, ഫാ. മാണി കൊഴുപ്പന്കുറ്റി, ഫാ. കുര്യന് മുക്കംകുഴിയില്, ജോര്ജുകുട്ടി ഞാവള്ളില്, സണ്ണി പള്ളിവാതിക്കല്, പോള്സണ് പൊരിയത്ത്, സിസ്റ്റര് ആന്ജോസ്, മാത്തുക്കുട്ടി താന്നിക്കല്, സെബാസ്റ്റ്യന് പയ്യാനിമണ്ഡപത്തില്, ഷിജു വെള്ളപ്ലാക്കല്, രാജന് തൈപ്പറമ്പില്, ബൈജു ഇടമുളയില് എന്നിവര് പങ്കെടുത്തു.
NRI
ന്യൂഡൽഹി: ഫരീദാബാദ് അതിരൂപതയുടെ നേതൃത്വത്തിലുള്ള സാന്തോം ബൈബിൾ കണ്വൻഷൻ ഡൽഹി തൽക്കത്തോറ ഇൻഡോർ സ്റ്റേഡിയത്തിൽ നടക്കും. ശനി, ഞായർ ദിവസങ്ങളിലാണ് കൺവൻഷൻ.
ഫരീദാബാദ് അതിരൂപത ആർച്ച്ബിഷപ് മാർ കുര്യാക്കോസ് ഭരണികുളങ്ങര കണ്വൻഷൻ ഉദ്ഘാടനം ചെയ്യും. ജലന്തർ രൂപത ബിഷപ് ഡോ. ജോസ് തെക്കുംചേരികുന്നേലിന് സ്വീകരണം നൽകും. വചനപ്രഘോഷണത്തിന് ഷംഷാബാദ് ആർച്ച്ബിഷപ് മാർ പ്രിൻസ് ആന്റണി പാണേങ്ങാടനും ധ്യാനഗുരു ഫാ. സാജു ഇലഞ്ഞിയിലുമാണ് നേതൃത്വം നൽകുന്നത്.
ശനിയാഴ്ച വൈകുന്നേരം അഞ്ചുമുതൽ 8.30 വരെ ജീസസ് യൂത്ത് മിനിസ്ട്രിയുടെ സഹായത്തോടെ കിരണ് 2k25 എന്ന പ്രത്യേക പരിപാടി ക്രമീകരിച്ചിട്ടുണ്ട്. വിശുദ്ധ കുർബാനയ്ക്കും ദിവ്യകാരുണ്യ ആരാധനയ്ക്കും മധ്യസ്ഥ പ്രാർഥനയ്ക്കും കുന്പസാരത്തിനുമുള്ള സജ്ജീകരണങ്ങൾ കണ്വൻഷൻ ദിവസങ്ങളിൽ ഒരുക്കിയിട്ടുണ്ട്.
സീറോമലബാർ സഭയുടെ അതിരൂപതയായി ഫരീദാബാദ് രൂപതയെ ഉയർത്തിയതിന്റെ ചടങ്ങുകൾ ശനിയാഴ്ച വൈകുന്നേരം നടക്കും. അതിരൂപതയുടെ പ്രഥമ മെത്രാപ്പോലീത്തയായി നിലവിലെ ആർച്ച്ബിഷപ്പായ മാർ കുര്യാക്കോസ് ഭരണികുളങ്ങര ചുമതലയേൽക്കുന്ന സ്ഥാനാരോഹണച്ചടങ്ങ് സീറോമലബാർ സഭ മേജർ ആർച്ച്ബിഷപ് മാർ റാഫേൽ തട്ടിലിന്റെ കാർമികത്വത്തിൽ നടക്കും.
കേന്ദ്രമന്ത്രിമാരായ ഹർദീപ് സിംഗ് പുരി, കിരണ് റിജിജു, ജോർജ് കുര്യൻ, ഡൽഹി മുഖ്യമന്ത്രി രേഖ ഗുപ്ത തുടങ്ങിയവർ പങ്കെടുക്കും.
District News
പാലാ: പാലാ രൂപത 43-ാമത് ബൈബിള് കണ്വന്ഷന് ഒരുക്കമായി ബിഷപ്സ് ഹൗസില് ആലോചനായോഗം ചേര്ന്നു. രൂപത വികാരി ജനറാള് മോണ്. സെബാസ്റ്റ്യന് വേത്താനത്ത് അധ്യക്ഷത വഹിച്ചു. ഇവാഞ്ചലൈസേഷന് ഡയറക്ടര് ഫാ. ജോസഫ് അരിമറ്റത്തില് യോഗതീരുമാനങ്ങള് വിശദീകരിച്ചു.
അണക്കര മരിയന് ധ്യാനകേന്ദ്രം ഡയറക്ടര് ഫാ. ഡൊമിനിക് വാളന്മനാല് ആൻഡ് ടീം കണ്വന്ഷന് നേതൃത്വം നല്കും. ഡിസംബര് 19 മുതല് 23 വരെ ഉച്ചകഴിഞ്ഞ് 3.30 മുതല് രാത്രി ഒന്പതു വരെ സായാഹ്ന കണ്വന്ഷനായാണ് ക്രമീകരിച്ചിരിക്കുന്നത്.
കേരള കത്തോലിക്കാ സഭയുടെ ആഹ്വാനമനുസരിച്ച് 2026 വര്ഷം പാലാ രൂപത സമുദായിക ശക്തീകരണ വര്ഷമായി ആചരിക്കാന് തീരുമാനിച്ചു. കഴിഞ്ഞ വര്ഷത്തെ കണ്വന്ഷനില് ആരംഭിച്ച സുവിശേവത്കരണ വര്ഷത്തിന്റെ പ്രവര്ത്തനങ്ങളും അതിന്റെ ഭാഗമായുള്ള ജീവമന്ന എന്ന പ്രോഗ്രാമും മികച്ച രീതിയില് മുന്നോട്ടു പോകുന്നതായും യോഗത്തില് വിലയിരുത്തി.
കണ്വന്ഷന്റെ പോസ്റ്ററും രൂപതാധ്യക്ഷന്റെ ക്ഷണക്കത്തും കണ്വന്ഷന്റെ വിജയത്തിനായുള്ള പ്രാര്ഥനാകാര്ഡും രൂപകല്പന ചെയ്യാന് ഇവാഞ്ചലൈസേഷന് ഡയറക്ടര് ഫാ. ജോസഫ് അരിമറ്റത്തിലിനെ ചുമതലപ്പെടുത്തി. ഇടവകതലത്തില് ഭവനസന്ദര്ശനം നടത്തി ഓരോ കുടുംബത്തെയും കണ്വന്ഷനിലേക്ക് നേരിട്ട് ക്ഷണിക്കാനുള്ള നടപടികള് സ്വീകരിക്കാനും തീരുമാനിച്ചു.
ഈ വര്ഷത്തെ ബൈബിള് കണ്വന്ഷന്റെ ബജറ്റ് ജോണിച്ചന് കൊട്ടുകാപ്പിള്ളി അവതരിപ്പിച്ചു. രൂപത പ്രൊക്കുറേറ്റര് ഫാ. ജോസഫ് മുത്തനാട്ട്, രൂപത ചാന്സലര് ഫാ. ജോസഫ് കുറ്റിയാങ്കല്, ഇവാഞ്ചലൈസേഷന് അസിസ്റ്റന്റ് ഡയറക്ടര് ഫാ. ആല്ബിന് പുതുപ്പറമ്പില്, ളാലം പഴയപള്ളി വികാരി ഫാ. ജോസഫ് തടത്തില്, ളാലം പുതിയ പള്ളി വികാരി ഫാ. ജോര്ജ് മൂലേച്ചാലില്, ളാലം പഴയപള്ളി സഹവികാരി ഫാ. ആന്റണി നങ്ങാപറമ്പില്, കത്തീഡ്രല് പള്ളി സഹവികാരി ഫാ. ഐസക് പെരിങ്ങമലയില്, ജോര്ജുകുട്ടി ഞാവള്ളില്, സണ്ണി പള്ളിവാതിക്കല്, പോള്സണ് പൊരിയത്ത്, സിസ്റ്റര് ആന് ജോസ് എസ്എച്ച്, സിസ്റ്റര് ജയ്സി സിഎംസി, ബിനു വാഴേപറമ്പില്, സണ്ണി വാഴയില്, സോഫി വൈപ്പന, സെബാസ്റ്റ്യന് പയ്യാനിമണ്ഡപം, ബാബു പോള് പെരിയപ്പുറം എന്നിവരോടൊപ്പം കരിസ്മാറ്റിക്, കുടുംബകൂട്ടായ്മ ഭാരവാഹികളും യോഗത്തില് സന്നിഹിതരായിരുന്നു.
NRI
ന്യൂഡൽഹി: ദിൽഷാദ് ഗാർഡൻ സെന്റ് സ്റ്റീഫൻസ് ഓർത്തഡോക്സ് ഇടവകയിൽ ബൈബിള് കൺവൻഷൻ വെള്ളിയാഴ്ച മുതൽ ഞായറാഴ്ച വരെ നടക്കും. മലങ്കര ഓർത്തഡോക്സ് ഡൽഹി ഭദ്രാസന മെത്രാപ്പോലീത്ത ഡോ. യൂഹാനോൻ മാർ ദിമെത്രിയോസ് സന്ധ്യാപ്രാർഥനയ്ക്ക് നേതൃത്വം നൽകുകയും കൺവൻഷൻ ഉദ്ഘാടനം ചെയ്യുകയും ചെയ്യും.
എല്ലാ ദിവസവും വൈകുന്നേരം സന്ധ്യപ്രാർഥനയെ തുടർന്ന് ധ്യാന പ്രസംഗത്തിന് നേതൃത്വം നല്കുന്നത് റവ. ഫാ. എബി ഫിലിപ്പ് കാർത്തികപ്പള്ളിയാണ് (മലങ്കര ഓർത്തഡോക്സ് സുറിയാനി സഭയുടെ അഖില മലങ്കര പ്രാർത്ഥനായോഗം ജനറൽ സെക്രട്ടറി).
വെള്ളി, ശനി ദിവസങ്ങളിൽ വൈകുന്നേരം 6.30ന് സന്ധ്യ പ്രാർഥന, ഏഴിന് ഭക്തിഗാനങ്ങൾ (ഇടവക ഗായകസംഗം) 7.15ന് ധ്യാന പ്രസംഗവും 8.30ന് പ്രാർഥനയും ആശിർവാദവും നടക്കും.
ഞായറാഴ്ച രാവിലെ ഏഴിന് പ്രഭാത പ്രാർഥന, എട്ടിന് വിശുദ്ധ കുർബാനയെ തുടർന്ന് ബൈബിള് കൺവൻഷൻ സമാപനവും ആശിർവാദവും നടക്കും.
ഇടവക വികാരി റവ. ഫാ. ജോയ്സൺ തോമസ്, ഇടവക മാനേജിംഗ് കമ്മിറ്റി അംഗങ്ങളും ബൈബിള് കൺവൻഷൻ ക്രമീകരണത്തിന് നേതൃത്വം നൽകും.
ADVERTISEMENT
ADVERTISEMENT
SPACE FOR ADVERTISEMENT
Contact Numbers :
+91 481 2566706, 2566707, 2566708
About Us Feedback Privacy Policy Terms and Conditions for Online Payment
E-paper LOGIN
LOGIN