കൊച്ചി: സംസ്ഥാനത്ത് പ്രാഥമിക സഹകരണ ബാങ്കുകളില് ഏകീകൃത സോഫ്റ്റ്വേര് ഏര്പ്പെടുത്തുന്നതിനുള്ള ടെൻഡര് നടപടികള് സ്റ്റേ ചെയ്യാന് ഹൈക്കോടതി വിസമ്മതിച്ചു. ടെൻഡറില് പങ്കെടുത്ത മലബാര് ഐടി കോ-ഓപ്പറേറ്റീവ് സൊസൈറ്റിയും മറ്റും സമര്പ്പിച്ച ഹര്ജിയാണു ജസ്റ്റീസ് സിയാദ് റഹ്മാന് പരിഗണിച്ചത്.
ഏകീകൃത സോഫ്റ്റ്വേറിന് 231. 72 കോടിയുടെ ടെൻഡര് നല്കിയ സ്ഥാപനത്തിന്റെ നേതൃത്വത്തിലുള്ള കണ്സോര്ഷ്യത്തിനു ലേലത്തിന്റെ തുടര് നടപടികളില് പങ്കെടുക്കുന്നതിന് കൂടുതല് വിശദാംശങ്ങള് നല്കിയില്ലെന്നു പരാതിപ്പെട്ടായിരുന്നു ഹര്ജി.
ലേലത്തില് പങ്കെടുത്ത ദിനേശ് ടെക്നോളജീസിന്റെ കണ്സോര്ഷ്യത്തിന് സര്ക്കാര് അനാവശ്യ സഹായങ്ങള് നല്കുന്നുവെന്നും അവര് നല്കിയ 49.90 കോടിയുടെ ടെൻഡര് സ്വീകരിക്കരുതെന്നും ഹര്ജിയില് ആവശ്യം ഉന്നയിച്ചിട്ടുണ്ട്. ഹര്ജിയില് എതിര് സത്യവാങ്മൂലം സമര്പ്പിക്കാന് കോടതി സര്ക്കാരിനും സഹകരണ രജിസ്ട്രാര്ക്കും നിര്ദേശം നല്കി.
Deepika
E-paper LOGIN
LOGIN