കോഴിക്കോട്: ശുഭയാത്ര ഹെല്പ് ലൈന് നമ്പരിലേക്ക് ‘ദൃശ്യം’ രണ്ടോ മൂന്നോ അയച്ചോളൂ എന്ന് കേരള പോലീസ്.
ദൃശ്യം മൂന്ന് എന്ന മോഹന്ലാല് ചിത്രത്തിന്റെ റിലീസ് ദിവസം ചിത്രത്തിന്റെ പോസ്റ്ററുമായി സാമ്യമുള്ള പോസ്റ്റാണ് കേരളാ പോലീസ് ബോധവത്കരണത്തിനായി ഇറക്കിയിരിക്കുന്നത്. ട്രാഫിക് നിയമലംഘനം സംബന്ധിച്ച ചിത്രങ്ങളും വീഡിയോകളും ശുഭയാത്ര ഹെല്പ് ലൈന് ആയ 9747 001 099 എന്ന നമ്പരിലേക്ക് വാട്സാപ്പ് ആയി അയയ്ക്കാമെന്നാണ് പോസ്റ്റില് വ്യക്തമാക്കുന്നത്.
ഇങ്ങനെ ലഭിക്കുന്ന വിവരങ്ങളില് നിയമനടപടി സ്വീകരിക്കുമെന്നും സന്ദേശം അയയ്ക്കുമ്പോള് ചിത്രം/വീഡിയോ, സ്ഥലം, സമയം എന്നിവ സഹിതം അറിയിക്കണമെന്നും വ്യക്തമാക്കിയിട്ടുണ്ട്.
മുന്പും ട്രെന്ഡിംഗാകുന്ന സിനിമകളുമായി ബന്ധപ്പെട്ട് പോലീസ് ബോധവത്കരണം നടത്താറുണ്ട്. സമീപകാലത്തായി ആളുകളെ എളുപ്പം ആകര്ഷിക്കുന്ന രീതിയിലുള്ള തലക്കെട്ടുകള് ഒരുക്കിയാണ് പോലീസിന്റെ സോഷ്യല് മീഡിയവഴിയുള്ള ബോധവത്കരണം.
Deepika
E-paper LOGIN
LOGIN