4

ഹൈ​റേ​ഞ്ചി​ലെ ഭൂ ​വി​ഷ​യ​ങ്ങ​ൾ കോ​ട​തി​ക​ളി​ൽ എ​ത്തു​ന്പോ​ൾ സ​ർ​ക്കാ​ർ അ​ഭി​ഭാ​ഷ​ക​രു​ടെ നാ​വ് അ​ട​ഞ്ഞു​പോ​കും. 1964ലെ ​ച​ട്ട​മ​നു​സ​രി​ച്ച് ന​ൽ​കി​യി​രി​ക്കു​ന്ന പ​ട്ട​യ​ങ്ങ​ളും സി​എ​ച്ച്ആ​റി​ൽ (കാ​ർ​ഡ​മം ഹി​ൽ റി​സ​ർ​വ്, ഏ​ല​മ​ല പ്ര​ദേ​ശം-​ഏ​ല​മ​ല​ക്കാ​ടു​ക​ള​ല്ല) ന​ൽ​കി​യി​രി​ക്കു​ന്ന പ​ട്ട​യ​ങ്ങ​ളും റ​ദ്ദാ​ക്ക​ണ​മെ​ന്നാ​വ​ശ്യ​പ്പെ​ട്ടു​ള്ള ഹ​ർ​ജി​ക​ൾ കോ​ട​തി​ക​ളി​ൽ എ​ത്തി​യ​പ്പോ​ൾ സ​ർ​ക്കാ​ർ അ​ഭി​ഭാ​ഷ​ക​ർ സ്വീ​ക​രി​ച്ച "മൗ​നം' അ​റി​വി​ല്ലാ​യ്മ​യാ​യി കാ​ണാ​നാ​കി​ല്ല. 1964ലെ ​ച​ട്ടം അ​നു​സ​രി​ച്ച് 1971 ഓ​ഗ​സ്റ്റ് ഒ​ന്നി​നു മു​ന്പു​ള്ള കൈ​വ​ശ​ഭൂ​മി​ക്ക് പ​ട്ട​യം ന​ൽ​കി​യ​തി​ലെ സാ​ങ്കേ​തി​ക​ത്വ​മാ​യി​രു​ന്നു ഒ​രു ത​ർ​ക്കം.

ഈ ​ത​ർ​ക്ക​ത്തെ​ത്തു​ട​ർ​ന്ന് 2024 ജ​നു​വ​രി 10ന് ​പ​ട്ട​യം വി​ത​ര​ണം ഹൈ​ക്കോ​ട​തി ത​ട​ഞ്ഞു. ഇ​തി​ൽ 2026 ഫെ​ബ്രു​വ​രി 23നാ​ണ് (25 മാ​സ​ത്തി​നു ശേ​ഷം) സ​ർ​ക്കാ​ർ സ​ത്യ​വാ​ങ്മൂ​ലം ന​ൽ​കി​യ​ത്. 1971ലെ ​ച​ട്ട​ഭേ​ദ​ഗ​തി​യി​ലൂ​ടെ​യാ​ണ് ഇ​പ്ര​കാ​രം പ​ട്ട​യം ന​ൽ​കി​യ​തെ​ന്നു 2026ൽ ​സ​ർ​ക്കാ​ർ കോ​ട​തി​യെ അ​റി​യ​ച്ച​പ്പോ​ൾ കോ​ട​തി സ്റ്റേ ​പി​ൻ​വ​ലി​ച്ചു. ഈ ​വ​സ്തു​ത കോ​ട​തി​യെ അ​റി​യി​ക്കാ​ൻ കേ​സെ​ടു​ത്ത അ​ന്നോ പി​ന്നീ​ട് ഇ​ത്ര​യും കാ​ല​മാ​യി​ട്ടോ സ​ർ​ക്കാ​രി​നാ​യി​ല്ല. 2026ലെ ​സ​ർ​ക്കാ​രി​ന്‍റെ സ​ത്യ​വാ​ങ്മൂ​ലം അം​ഗീ​ക​രി​ച്ച കോ​ട​തി സ്റ്റേ ​വെ​ക്കേ​റ്റു ചെ​യ്തു പ​ട്ട​യ ന​ട​പ​ടി​ക​ൾ വ്യ​വ​സ്ഥ​ക​ളോ​ടെ ന​ട​ത്താ​ൻ അ​നു​വ​ദി​ച്ചു.

1971നു ​മു​ന്പ് ഭൂ​മി കൈ​വ​ശ​മു​ണ്ടാ​യി​രു​ന്നെ​ന്നു തെ​ളി​യി​ക്കു​ന്ന രേ​ഖ​ക​ൾ പ​ട്ട​യ അ​പേ​ക്ഷ​ക​ൻ സ​മ​ർ​പ്പി​ക്ക​ണ​മെ​ന്നും അ​ത് ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ൻ (ത​ഹ​സി​ൽ​ദാ​ർ) പ​രി​ശോ​ധി​ച്ച് നി​ജ​സ്ഥി​തി റി​പ്പോ​ർ​ട്ട് ന​ൽ​ക​ണ​മെ​ന്നു​മാ​യി​രു​ന്നു വ്യ​വ​സ്ഥ. ഇ​ത് അ​പ്രാ​യോ​ഗി​ക​മാ​ണെ​ന്നു വ്യ​ക്ത​മാ​ണെ​ങ്കി​ലും കോ​ട​തി പ​റ​ഞ്ഞ വ്യ​വ​സ്ഥ​ക​ൾ പ​ലി​ക്കാ​തെ സ​ർ​ക്കാ​ർ പ​ട്ട​യ​ങ്ങ​ൾ ക​ഴി​ഞ്ഞ ദി​വ​സം വി​ത​ര​ണം ചെ​യ്തു. ഇ​തു കോ​ട​തി​യി​ൽ വീ​ണ്ടും ചോ​ദ്യം ചെ​യ്യ​പ്പെ​ട്ടു. അ​തോ​ടെ മാ​ർ​ച്ച് നാ​ലി​ന് പ​ട്ട​യ​വി​ത​ര​ണം കോ​ട​തി വീ​ണ്ടും സ്റ്റേ ​ചെ​യ്തു. ഇ​പ്പോ​ൾ പ​ട്ട​യ ന​ട​പ​ടി​ക​ൾ സ്റ്റേ​യി​ലാ​ണ്.

സി​എ​ച്ച്ആ​റി​ലെ പ​ട്ട​യ​വി​ല​ക്ക്

സി​എ​ച്ച് ആ​റി​ൽ പ​ട്ട​യം ന​ൽ​കു​ന്ന​ത് സു​പ്രീം കോ​ട​തി​യാ​ണ് വി​ല​ക്കി​യി​രി​ക്കു​ന്ന​ത്. സി​എ​ച്ച്ആ​റി​ൽ പ​ട്ട​യം ന​ല്കാ​ൻ 2009ൽ ​സു​പ്രീം​കോ​ട​തി​ത​ന്നെ ഉ​ത്ത​ര​വി​ട്ടി​ട്ടു​ള്ള​താ​ണ്. സി​എ​ച്ച്ആ​റി​ലെ പ​ട്ട​യ​വി​ത​ര​ണം 2024 ഒ​ക്‌​ടോ​ബ​ർ 24ന് ​സു​പ്രീം കോ​ട​തി ത​ട​ഞ്ഞ​പ്പോ​ൾ പ​ട്ട​യം അ​നു​വ​ദി​ച്ചു​ള്ള 2009ലെ ​കോ​ട​തി​വി​ധി സു​പ്രീം കോ​ട​തി​യെ ബോ​ധി​പ്പി​ക്കാ​ൻ സ​ർ​ക്കാ​ർ അ​ഭി​ഭാ​ഷ​ക​നാ​യി​ല്ല. അ​തും കൈ​യ​ബ​ദ്ധ​മാ​ണെ​ന്നു ക​രു​താ​ൻ ഒ​രു കാ​ര​ണ​വു​മി​ല്ല. 1993ലെ ​പ്ര​ത്യേ​ക ഭൂ​പ​തി​വു നി​യ​പ്ര​കാ​രം ഇ​ടു​ക്കി ജി​ല്ല ഉ​ൾ​പ്പെ​ടെ കേ​ര​ള​ത്തി​ലെ അ​ഞ്ചു ജി​ല്ല​ക​ളി​ലെ 28,588 ഹെ​ക്‌​ട​ർ സ്ഥ​ല​ത്തി​നു പ​ട്ട​യം ന​ൽ​കാ​ൻ കേ​ന്ദ്ര വ​നം-പ​രി​സ്ഥി​തി മ​ന്ത്രാ​ല​യ​ത്തി​ന്‍റെ അ​നു​മ​തി​യോ​ടെ കേ​ര​ള സ​ർ​ക്കാ​ർ തീ​രു​മാ​നി​ച്ച് പ​ട്ട​യം ന​ല്കി​ത്തു​ട​ങ്ങി. ഇ​തി​ൽ 20,300 ഹെ​ക്‌​ട​ർ സ്ഥ​ല​വും സി​എ​ച്ച്ആ​റി​ലു​ള്ള​താ​ണ്. സി​എ​ച്ച്ആ​ർ വ​ന​ഭൂ​മി​യാ​ണെ​ന്നും അ​വി​ടെ ന​ൽ​കി​യി​രി​ക്കു​ന്ന പ​ട്ട​യ​ങ്ങ​ളും കു​ത്ത​ക​പാ​ട്ട​ങ്ങ​ളും റ​ദ്ദു​ചെ​യ്തു ഭൂ​മി സ​ർ​ക്കാ​ർ ഏ​റ്റെ​ടു​ക്ക​ണ​മെ​ന്നാ​യി​രു​ന്നു ഹ​ർ​ജി​ക്കാ​രു​ടെ ആ​വ​ശ്യം. ഇ​തു പ​രി​ഗ​ണി​ച്ച കോ​ട​തി 2024 ഒ​ക്‌​ടോ​ബ​ർ 24ന് ​സി​എ​ച്ച്ആ​റി​ലെ പ​ട്ട​യ ന​ട​പ​ടി​ക​ൾ കോ​ട​തി ത​ട​യു​ക​യാ​യി​രു​ന്നു. ഈ ​നി​രോ​ധ​നം ഇ​പ്പോ​ഴും തു​ട​രു​ക​യാ​ണ്.

സി​എ​ച്ച്ആ​ർ ഭൂ​മി​യി​ൽ പ​ട്ട​യം ന​ൽ​കാ​ൻ 2009ൽ ​സു​പ്രീം​കോ​ട​തി അ​നു​മ​തി ന​ൽ​കി​യ വി​വ​രം സു​പ്രീം​കോ​ട​തി​യെ അ​റി​യി​ക്കാ​ൻ സ​ർ​ക്കാ​ർ മ​റ​ന്നു?

മു​ൻ എം​എ​ൽ​എ​യു​ടെ​യും ഹൈ​റേ​ഞ്ച് സം​ര​ക്ഷ​ണ സ​മി​തി​യു​ടെ​യും നി​യ​മ​പോ​രാ​ട്ടം

1993ലെ ​പ്ര​ത്യേ​ക നി​യ​മ​മ​നു​സ​രി​ച്ച് പ​ട്ട​യം ന​ൽ​കു​ന്ന​തി​നെ​തി​രേ പ​രി​സ്ഥി​തി സം​ഘ​ട​ന കോ​ട​തി​യി​ലെ​ത്തി​യ​താ​ണ്. ഇ​വ​രു​ടെ ഹ​ർ​ജി പ​രി​ഗ​ണി​ച്ച ഹൈ​ക്കോ​ട​തി പ​ട്ട​യ വി​ത​ര​ണം അ​ന്നു ത​ട​ഞ്ഞു. ഇ​തി​നെ​തി​രെ മു​ൻ എം​എ​ൽ​എ തോ​മ​സ് ജോ​സ​ഫി​ന്‍റെ നേ​തൃ​ത്വ​ത്തി​ൽ അ​ഡ്വ. ജോ​ണ്‍​സ​ണ്‍ മ​ന​യാ​നി മു​ഖേ​ന കോ​ട​തി​യി​ൽ കേ​സ് ന​ട​ത്തു​ക​യും ക​ർ​ഷ​ക​ർ​ക്ക് അ​നു​കൂ​ല​മാ​യി വി​ധി നേ​ടു​ക​യും ചെ​യ്തു. പ​രി​സ്ഥി​തി സം​ര​ക്ഷ​ക​രു​ടെ കു​പ്പാ​യം ധ​രി​ച്ച സം​ഘ​ട​ന സു​പ്രീം കോ​ട​തി​യി​ലെ​ത്തി​യ​തോ​ടെ പ​ട്ട​യ ന​ട​പ​ടി​ക​ൾ വീ​ണ്ടും തു​ലാ​സി​ലാ​യി. ഈ ​കേ​സ് സു​പ്രീം കോ​ട​തി​യി​ൽ പെ​ൻ​ഡിം​ഗ് ആ​യ​പ്പോ​ൾ 2007ൽ ​ഹൈ​റേ​ഞ്ചി​ൽ രൂ​പം​കൊ​ണ്ട ഹൈ​റേ​ഞ്ച് സം​ര​ക്ഷ​ണ സ​മി​തി​യു​ടെ നേ​തൃ​ത്വ​ത്തി​ൽ പ​ണം സ്വ​രൂ​പി​ച്ച് സു​പ്രീം കോ​ട​തി​യി​ലെ സീ​നി​യ​ർ അ​ഭി​ഭാ​ഷ​ക​ൻ നാ​ഗേ​ശ്വ​ര​റാ​വു (പി​ന്നീ​ട് സു​പ്രീം കോ​ട​തി ജ​സ്റ്റീ​സാ​യി) മു​ഖാ​ന്തി​രം കേ​സ് ന​ട​ത്തി 2009ൽ ​സു​പ്രീം​കോ​ട​തി​യി​ൽ​നി​ന്നു പ​ട്ട​യം ന​ൽ​കാ​നു​ള്ള വി​ധി നേ​ടി. അ​തി​നാ​ണ് 2024 ഒ​ക്‌​ടോ​ബ​റി​ൽ വീ​ണ്ടും കു​രു​ക്കു വീ​ണ​ത്. 2009ലെ ​വി​ധി സു​പ്രീം​കോ​ട​തി​യെ ബോ​ധി​പ്പി​ച്ചി​രു​ന്നെ​ങ്കി​ൽ ഇ​തു സം​ഭ​വി​ക്കി​ല്ലാ​യി​രു​ന്നു.

കോ​ട​തി​യെ കാ​ര്യ​ങ്ങ​ൾ ബോ​ധി​പ്പി​ക്കാ​ൻ വൈ​മു​ഖ്യം

1964ലെ ​ച​ട്ടം ഭേ​ദ​ഗ​തി ചെ​യ്താ​ണ് 1-8-1971നു ​മു​ന്പു​ള്ള കൈ​വ​ശ​ഭൂ​മി​ക്ക് പ​ട്ട​യം ന​ൽ​കി​യ​ത്. 1964ൽ ​ച​ട്ടം ഉ​ണ്ടാ​യ​പ്പോ​ൾ ത​ർ​ക്ക​മി​ല്ലാ​ത്ത കൈ​യേ​റ്റ ഭൂ​മി​ക്കു (അ​ണ്‍ ഒ​ബ്ജ​ക്‌ഷ​ന​ബി​ൾ എ​ൻ​ക്രോ​ച്ച് ലാ​ൻ​ഡ്) പ​ട്ട​യം ന​ൽ​കാ​നാ​യി​രു​ന്നു വ്യ​വ​സ്ഥ ചെ​യ്തി​രു​ന്ന​ത്. ച​ട്ട​ത്തി​ൽ 1967ൽ ​ന​ട​ത്തി​യ ഭേ​ദ​ഗ​തി​യാ​യി​രു​ന്നി​ത്. ഇ​തി​ൽ എ​ന്നു​വ​രെ​യു​ള്ള എ​ൻ​ക്രോ​ച്ച്മെ​ന്‍റ് (ക​ട്ട് ഒ​ഫ് ഡേ​റ്റ്) എ​ന്നു വ്യ​ക്ത​മാ​ക്കി​യി​രു​ന്നി​ല്ല. ഇ​തു ബോ​ധ്യ​പ്പെ​ട്ട​പ്പോ​ഴാ​ണ് 1971 ഓ​ഗ​സ്റ്റ് ആ​റി​നു ച​ട്ട​ത്തി​ൽ ഭേ​ദ​ഗ​തി വ​രു​ത്തി 1971 ഓ​ഗ​സ്റ്റ് ഒ​ന്നു വ​രെ​യു​ള്ള കൈ​വ​ശ​ഭൂ​മി​ക്കു പ​ട്ട​യം ന​ൽ​കാ​ൻ വ്യ​വ​സ്ഥ ഉ​ണ്ടാ​ക്കി​യ​ത്. ഈ ​വി​വ​രം കോ​ട​തി​യി​ൽ പ​റ​യാ​ൻ അ​ഭി​ഭാ​ഷ​ക​ൻ മ​റ​ന്നു പോ​യ​ത്രേ. ഇ​തി​നെ​ത്തു​ട​ർ​ന്നാ​ണ് 2024ൽ ​പ​ട്ട​യ ന​ട​പ​ടി​ക​ൾ ഹൈ​ക്കോ​ട​തി വി​ല​ക്കി​യ​ത്. ഇ​ത്ര​യും ഗ​ഹ​ന​മാ​യി ഇ​ടു​ക്കി​യി​ലെ ഭൂ​മി സം​ബ​ന്ധി​ച്ച രേ​ഖ​ക​ളും ന​ട​പ​ടി​ക്ര​മ​ങ്ങ​ളും എ​ണ്ണി​പ്പ​റ​ഞ്ഞ് ഇ​ടു​ക്കി​ക്കാ​രെ പൂ​ട്ടാ​ൻ ഈ ​പ​രി​സ്ഥി​തി സം​ഘ​ട​ന​യ്ക്കു​ള്ള ഊ​ർ​ജ​വും സ്രോ​ത​സും എ​വി​ടെ​നി​ന്നാ​ണ്? ഇ​ടു​ക്കി​ക്കു പു​റ​ത്തേ​ക്കു ഈ ​പ​രി​സ്ഥി​തി സം​ഘ​ട​ന​ക​ളു​ടെ പ​രി​സ്ഥി​തി​സ്നേ​ഹം പോ​യി​ട്ടു​മി​ല്ല.

(അ​വ​സാ​നി​ച്ചു)