Deepika.com | Largest Malayalam Internet Read

Filter By Tag : Market

നാലുദിവസത്തെ വീഴ്ചയ്ക്കു പിന്നാലെ നിശ്ചലമായി സ്വർണവില

കൊച്ചി: സംസ്ഥാനത്ത് തുടർച്ചയായ നാലുദിവസത്തെ വീഴ്ചകൾക്കു പിന്നാലെ നിശ്ചലമായി സ്വർണവില. 22 കാരറ്റ് സ്വർണം ഗ്രാമിന് 13,515 രൂപയിലും പവന് 1,08,120 രൂപയിലുമാണ് ഇന്ന് വ്യാപാരം പുരോഗമിക്കുന്നത്. 18 കാരറ്റ് സ്വർണവില ഗ്രാമിന് 11,060 രൂപയാണ്.

വ്യാഴാഴ്ച സ്വർണവില ഗ്രാമിന് 75 രൂപയും പവന് 600 രൂപയും കുറഞ്ഞിരുന്നു. നാലു ദിവസം കൊണ്ട് 2,920 രൂപയാണ് പവന് കുറഞ്ഞത്.

സംസ്ഥാനത്ത് തിങ്കളാഴ്ച രാജ്യാന്തര ട്രെൻഡിന് നേർവിപരീതമായി സ്വർണവില രണ്ടുതവണയായി താഴേക്കിറങ്ങിയിരുന്നു. രാവിലെ ഗ്രാമിന് 40 രൂപയും ഉച്ചകഴിഞ്ഞ് 120 രൂപയും ഇടിഞ്ഞു. പവന് രാവിലെയും ഉച്ചയ്ക്കുമായി 1,280 രൂപ താഴ്ന്ന് 1,09,760 രൂപയിലെത്തി. പിന്നാലെ ചൊവ്വാഴ്ച വീണ്ടും താഴേക്കുപോയ സ്വർണം ഗ്രാമിന് 35 രൂപയും പവന് 280 രൂപയും കുറഞ്ഞു. ബുധനാഴ്ച ഗ്രാമിന് 95 രൂപയും പവന് 760 രൂപയും കുറയുകയാണുണ്ടായത്.

ഓണക്കാല ഇടിവിൽ ഒരാഴ്ചയ്ക്കിടെ പവന് 8,800 രൂപയോളം ഇടിഞ്ഞ ശേഷമാണ് സ്വർണവിലയിൽ ചാഞ്ചാട്ടം ദൃശ്യമായത്. ഓഗസ്റ്റ് തുടക്കത്തിൽ പവന് 1,05,600 രൂപയായിരുന്നു സ്വർണവില. പിന്നീട് കുതിപ്പും കിതപ്പുമാണ് ദൃശ്യമായത്. ഈ വർഷം ജനുവരി 29ന് കുറിച്ച ഗ്രാമിന് 16,395 രൂപയും പവന് 1.31 ലക്ഷം രൂപയുമാണ് സംസ്ഥാനത്തിന്‍റെ ചരിത്രത്തിലെ എക്കാലത്തെയും ഉയർന്ന സ്വർണവില.

ഇന്ത്യയിൽ സ്വ‍‌ർണ ഇറക്കുമതിച്ചുങ്കം കൂട്ടിയതോടെ മേയ് 13 ന് ഒറ്റയടിക്ക് സ്വ‍ർണവില 10,200 രൂപയോളം വർധിച്ച് ആ മാസത്തിലെ ഏറ്റവും കൂടിയ നിരക്കായ 1,23,120 രൂപയിലെത്തിയിരുന്നു. പിന്നീട് വില മാറിമറിയുകയാണ്.

ജനുവരി 29ന് പവൻവില സർവകാല ഉയരം തൊട്ടിരുന്നു. അന്നു ഗ്രാമിന് ഒറ്റയടിക്ക് 1,080 രൂപയും പവന് 8,640 രൂപയും വര്‍ധിച്ച സ്വർണവില സര്‍വകാല റിക്കാര്‍ഡ് ഭേദിച്ച് ഗ്രാമിന് 16,395 രൂപയും പവന് 1,31,160 രൂപയിലുമെത്തുകയായിരുന്നു.

പുതുവർഷത്തിൽ കുതിപ്പോടെ തുടങ്ങിയ സ്വർണവില ജനുവരി അഞ്ചിന് പവന് ഒറ്റയടിക്ക് 1,160 രൂപയും ഗ്രാമിന് 145 രൂപയും വർധിച്ച് വീണ്ടും ഒരു ലക്ഷം പിന്നിട്ടിരുന്നു. ഇതിനു പിന്നാലെയാണ് വൻ കുതിപ്പുമായി മുന്നോട്ടുപോയത്. 2025 ജനുവരിയിൽ 57,000 രൂപ മാത്രമായിരുന്ന വിലയാണ് വർഷാവസാനം ലക്ഷം ഭേദിച്ചത്.

മാർച്ച് മാസം അവസാനം നാലു ദിവസത്തിനിടെ ഗ്രാമിന് 435 രൂപയും പവന് 3,480 രൂപയും വർധിച്ചിരുന്നു. മാർച്ച് 23ന് നാലുതവണ മാറിമറിഞ്ഞ സ്വർണവില ഒരു ലക്ഷത്തിന് താഴേക്ക് പോയിരുന്നെങ്കിലും വൈകിട്ടോടെ വീണ്ടും ഒരു ലക്ഷത്തിനു മുകളിലെത്തിയിരുന്നു. ഏപ്രിൽ, മേയ്, ജൂൺ, ജൂലൈ മാസങ്ങളിൽ വൻ കയറ്റിറക്കങ്ങൾക്കാണ് സാക്ഷ്യം വഹിച്ചത്.

രാജ്യാന്തര വിലയിലെ ചലനങ്ങളാണ് ആഭ്യന്തര സ്വർണവിപണിയിലും പ്രതിഫലിക്കുന്നത്. ഒരുഘട്ടത്തിൽ ഔൺസിന് 4142 ഡോളർ വരെ താഴ്ന്ന രാജ്യാന്തരവില പിന്നീട് 4184 ഡോളറിലേക്ക് കയറിയെങ്കിലും കേരളത്തിൽ ഇന്ന് വില പരിഷ്കരിക്കേണ്ടെന്ന് വ്യാപാരികൾ തീരുമാനിക്കുകയായിരുന്നു.

അതേസമയം, വെള്ളി വിലയിൽ ഇന്നു മാറ്റമില്ല. ഒരു ഗ്രാം സാധാരണ വെള്ളിക്ക് 230 രൂപയിലാണ് വ്യാപാരം പുരോഗമിക്കുന്നത്.

100 വര്‍ഷത്തെ സ്വര്‍ണക്കുതിപ്പ്

കഴിഞ്ഞ 100 വര്‍ഷത്തിനിടയില്‍ സ്വര്‍ണ വില പവന് 13.75 രൂപയില്‍ നിന്ന് 1,13,520 രൂപയിലേക്കാണ് എത്തി നില്‍ക്കുന്നത്. 1925 മാര്‍ച്ച് 31 ന് ഒരു പവന്‍ സ്വര്‍ണത്തിന് 13.75 രൂപയായിരുന്നു വിപണി വില. 1930 മാര്‍ച്ച് 31 ആയപ്പോഴേക്കും പവന് 13. 57 രൂപയായി അത് കുറഞ്ഞു.

1935 മാര്‍ച്ച് 31 ന് സ്വര്‍ണ വിലയില്‍ വര്‍ധന രേഖപ്പെടുത്തി. ഇക്കാലയളവില്‍ ഒരു പവന്‍ സ്വര്‍ണത്തിന്‍റെ വില 22.65 രൂപയായി ഉയര്‍ന്നു. പിന്നീടങ്ങോട്ട് സ്വര്‍ണവിലയില്‍ വര്‍ധനയാണ് ഉണ്ടായത്.

1940 മാര്‍ച്ച് 31 ന് ഒരു പവന്‍ സ്വര്‍ണത്തിന് 26.77 രൂപയും 1945 മാര്‍ച്ച് 31 ന് 45.49 രൂപയും 1950 മാര്‍ച്ച് 31 ന് 72.75 രൂപയുമായി സ്വര്‍ണ വില ഉയര്‍ന്നു. എന്നാല്‍ 1955 മാര്‍ച്ച് 31 ന് പവന് 58.11 രൂപയായി സ്വര്‍ണ വില കുറഞ്ഞു.

1960 മാര്‍ച്ച് 31 ന് പവന് 82.05 രൂപയായിരുന്നു സ്വര്‍ണവില. 1965 മാര്‍ച്ച് 31 ന് പവന് 90.20 രൂപയും 1970 ല്‍ 135.30 രൂപയും 1975 മാര്‍ച്ച് 31 ന് 396 രൂപയുമായി സ്വര്‍ണ വില ഉയര്‍ന്നു. 1980 മാര്‍ച്ച് 31 ന് പവന് 975 രൂപയായി. 1985 ല്‍ പവന് 1,573 രൂപയും 1990 ല്‍ പവന് 2,493 രൂപയും 1995 ല്‍ 3,432 രൂപയുമായി സ്വര്‍ണവിലയില്‍ മുന്നേറ്റം തുടര്‍ന്നു.

1996 മാര്‍ച്ചില്‍ പവന് 3,784 രൂപയായി. 1997 മാര്‍ച്ച് 31 ന് പവന് 3,432 രൂപയും 1998 മാര്‍ച്ച് 31 ന് 2,966 രൂപയുമായി സ്വര്‍ണ വില കുറഞ്ഞു. 1999 ല്‍ പവന് 3,106 രൂപയായി വീണ്ടും ഉയര്‍ന്നു. തുടര്‍ന്നുള്ള വര്‍ഷങ്ങളില്‍ സ്വര്‍ണ വിലയില്‍ ഏറ്റക്കുറച്ചിലുകളാണ് രേഖപ്പെടുത്തിയത്.

2000 മാര്‍ച്ച് 31 ന് ഒരു പവന് 3, 2 1 2 രൂപയും 2001 ല്‍ 3,073 രൂപയുമായി. 2002 മാര്‍ച്ച് 31 ന് പവന് 3,670 രൂപ, 2003 ല്‍ 3,857 രൂപ, 2004 ല്‍ 4,448 രൂപ, 2005 ല്‍ 4,550 രൂപ, 2006 ല്‍ 6,255 രൂപ എന്നിങ്ങനെ സ്വര്‍ണക്കുതിപ്പ് തുടര്‍ന്നു.

2007 ല്‍ പവന് 6,890 രൂപയും 2008 ല്‍ 8,892 രൂപയുമായി. പവന് 10,000 കടന്നത് 2009 ലാണ് . അന്ന് ഒരു പവന്‍ സ്വര്‍ണത്തിന് 11,077 രൂപയായിരുന്നു. 2010 മാര്‍ച്ച് 31 ന് പവന് 12,280 രൂപയും 2011 ല്‍ 15,560 രൂപയും എത്തി. പവന് 20,000 രൂപ കടന്നത് 2012 ലായിരുന്നു.

2012 മാര്‍ച്ചില്‍ ഒരു പവന്‍ സ്വര്‍ണം വാങ്ങാന്‍ 20,880 രൂപ നല്‍കണമായിരുന്നു. 2013 ല്‍ പവന് 22,240 ആയെങ്കിലും 2014 എത്തിയപ്പോള്‍ പവന് 21,480 രൂപയായും 2015 ല്‍ 19,760 രൂപയായും 2016 ല്‍ 21,360 രൂപയായും 2017 ല്‍ 21,800 രൂപയായും സ്വര്‍ണ വിലയില്‍ ചാഞ്ചാട്ടം തുടര്‍ന്നു.

2018 ല്‍ പവന് 22,600 രൂപയായിരുന്ന സ്വര്‍ണ വില 2019 ആയപ്പോഴേക്കും 23,720 രൂപയായി. എന്നാല്‍ 2020 മാര്‍ച്ചില്‍ സ്വര്‍ണവിലയില്‍ വന്‍ കുതിപ്പാണ് ഉണ്ടായത്. പവന് 32,000 രൂപയായി സ്വര്‍ണ വില ഉയര്‍ന്നു. പിന്നീടങ്ങോട്ട് പൊന്ന് പിടി തരാതെ പാഞ്ഞു.

2021 ല്‍ പവന് 32,880 രൂപയിലും 2022 ല്‍ 38,120 രൂപയും 2023 ല്‍ 44,000 രൂപയുമായി. 2024 മാര്‍ച്ച് 31 ന് ഒരു പവന്‍ സ്വര്‍ണത്തിന്‍റെ വില 50,200 രൂപയായി വര്‍ധിക്കുകയായിരുന്നു. 2025 ഡിസംബര്‍ 29 ന് 1,03,560 രൂപയായിരുന്നു സ്വര്‍ണവില. 2026 ജനുവരി 21 ആയപ്പോഴേക്കും ഒരു പവന്‍ സ്വര്‍ണത്തിന് 1,13,520 രൂപയായി.

മഹീന്ദ്ര എക്സ്‌യുവി 3xo സിഎൻജി വിപണിയിൽ

മൂന്നാംദിനവും വീഴ്ച തന്നെ; പവൻ‌ വില 1.09 ലക്ഷത്തിൽ താഴെ

വിപണി കുതിച്ചു; എല്ലാ കന്പനികളുടെയും ആകെ വിപണി മൂല്യം 470 ലക്ഷം കോടി രൂപയായി ഉയർന്നു

എംജി ഹെക്ടര്‍ സ്റ്റോം സീരീസ് എഡിഷനുകള്‍ പുറത്തിറക്കി

Business

വാഹനവായ്പാ വിപണിയിൽ കുതിപ്പ്

കൊച്ചി: കാറുകൾ ഉൾപ്പടെയുള്ള പാസഞ്ചർ വാഹനങ്ങളുടെ ശരാശരി വായ്പാത്തുയിലുണ്ടായ വർധനയിലൂടെ, രാജ്യത്തെ വാഹനവായ്പാ വിപണി പുതിയ വളർച്ചാഘട്ടത്തിലേക്ക്. 2019 ആദ്യപകുതിക്കും 2026 ആദ്യപകുതിക്കും ഇടയിൽ പാസഞ്ചർ വാഹനങ്ങളുടെ ശരാശരി വായ്പാ തുക 49 ശതമാനം വർധിച്ച് 8.2 ലക്ഷം രൂപയായി മാറിയെന്ന് ട്രാൻസ്‌യൂണിയൻ സിബിലിന്‍റെ ഷിഫ്റ്റിംഗ് ഗിയേഴ്‌സ് 2026 - ക്രെഡിറ്റ് ഡ്രൈവ്സ് ടുഡേസ് മൊബിലിറ്റി റിപ്പോർട്ട് ചൂണ്ടിക്കാട്ടുന്നു.

വായ്പാ തിരിച്ചടവ് കാലാവധി അഞ്ചു മാസം വർധിച്ച് 62 മാസമായി ഉയർന്നു. ഉയർന്ന മൂല്യമുള്ള കാർ വായ്പകൾ എടുക്കുന്നവരിൽ 51 ശതമാനവും അർധനഗര, ഗ്രാമീണ മേഖലകളിൽ നിന്നുള്ളവരാണ്. ഇരുചക്ര വാഹനവായ്പകളിൽ 73 ശതമാനവും പാസഞ്ചർ വാഹന വായ്പകളിൽ 37 ശതമാനവും നൽകി എൻബിഎഫ്സികൾ വാഹന ധനകാര്യ മേഖലയിൽ മുന്നിലാണ്.

പാസഞ്ചർ വാഹനവായ്പകളിൽ സ്വകാര്യബാങ്കുകളുടെ വിഹിതം 26 ശതമാനമാണ്. 2026 ജൂൺ വരെയുള്ള കണക്കുകൾ പ്രകാരം രാജ്യത്തെ ഇരുചക്ര വാഹന വായ്പകളുടെ കുടിശിക 1.76 ലക്ഷം കോടി രൂപയിലെത്തി. എസ്‌യുവികളോടും മികച്ച ഫീച്ചറുകളുള്ള വാഹനങ്ങളോടുമുള്ള ഉപയോക്താക്കളുടെ പ്രത്യേക താത്പര്യം പാസഞ്ചർ വാഹനവിപണിയിൽ ഉയർന്ന മൂല്യമുള്ള വാഹനങ്ങളിലേക്കുള്ള മാറ്റത്തിന്‍റെ സൂചനയായി വിദഗ്ധർ ചൂണ്ടിക്കാട്ടുന്നു.

കാർ ഉടമകളാകുന്നവരിൽ യുവാക്കളുടെ എണ്ണം കൂടുന്നുണ്ട്. പുതിയതും ഉയർന്ന മൂല്യമുള്ളതുമായ വാഹനങ്ങൾ വാങ്ങാനാണ് ആളുകൾ താത്പര്യം കാണിക്കുന്നതെന്നും റിപ്പോർട്ട് വ്യക്തമാക്കുന്നു.

ഇരുചക്രവാഹന വായ്പയിൽ മുന്നിൽ ചെറുപ്പക്കാർ

2026ന്‍റെ ആദ്യപകുതിയിൽ ഇരുചക്രവാഹന വായ്പകൾ എടുത്തവരിൽ 43 ശതമാനം പേർ 30 വയസോ അതിൽ താഴെയോ പ്രായമുള്ളവരുമാണെന്നു പഠന റിപ്പോർട്ട് ചൂണ്ടിക്കാട്ടുന്നു. 64 ശതമാനം പേരും അർധനഗര, ഗ്രാമീണ മേഖലകളിൽനിന്നാണ്. ആദ്യമായി വായ്പ എടുക്കുന്നവരേക്കാൾ രണ്ടു വർഷത്തിലധികം വായ്പാ ചരിത്രമുള്ളവരാണ് ഇപ്പോൾ കൂടുതലായി ഇരുചക്ര വാഹന വായ്പകൾ എടുക്കുന്നതെന്ന് റിപ്പോർട്ട് ചൂണ്ടിക്കാട്ടുന്നു.

യുവതലമുറയുടെ പഠനം, ജോലി, വരുമാനം എന്നിവ ഇരുചക്ര വാഹനങ്ങൾ തെരഞ്ഞെടുക്കുന്നതിനെ സ്വാധീനിക്കുന്നുണ്ടെന്നു ട്രാൻസ്‌യൂണിയൻ സിബിൽ എംഡിയും സിഇഒയുമായ ഭവേഷ് ജെയിൻ പറഞ്ഞു. സജീവമായ ഇരുചക്ര വാഹന വായ്പക്കാരുടെ എണ്ണം 2019-ലെ 1.7 കോടിയിൽനിന്ന് 2026 ജൂണിൽ 3.3 കോടിയായി ഉയർന്നിട്ടുണ്ട്.

Business

ഒപ്പോ എഫ് 35 സീരീസ് പുറത്തിറക്കി

തിരുവനന്തപുരം: നൂതന സാങ്കേതികവിദ്യയും ആകര്‍ഷകമായ സവിശേഷതകളുമായി ഒപ്പോ പുതിയ എഫ്35 സീരീസ് സ്മാര്‍ട്ട്‌ഫോണുകള്‍ ഇന്ത്യയില്‍ അവതരിപ്പിച്ചു. എഫ്35 പ്രോ, എഫ്35 എന്നിങ്ങനെ രണ്ട് മോഡലുകളിലാണ് ഈ സീരീസ് പുറത്തിറങ്ങിയിരിക്കുന്നത്.

നൂറ് ഡിഗ്രി ഫീല്‍ഡ് ഓഫ് വ്യൂവുള്ള അമ്പത് മെഗാപിക്‌സല്‍ അള്‍ട്രാ-വൈഡ് നാച്ചുറല്‍ സെല്‍ഫി കാമറ, എൺപതിനായിരം മില്ലി ആംപിയര്‍ ഹവര്‍ വലിയ ബാറ്ററി, എണ്‍പത് വാട്ട് ചാര്‍ജിംഗ് പിന്തുണ, മികച്ച ജല-പൊടി പ്രതിരോധം എന്നിവ ഈ പുതിയ ഫോണുകളുടെ പ്രധാന പ്രത്യേകതകളാണ്.

Business

കൊച്ചിൻ ചേംബർ ഓഫ് കൊമേഴ്‌സും സിലോൺ ചേംബറും ധാരണാപത്രം ഒപ്പുവച്ചു

കൊച്ചി: കേരളവും ശ്രീലങ്കയും തമ്മിലുള്ള വ്യാപാര-നിക്ഷേപ ബന്ധങ്ങൾ ശക്തിപ്പെടുത്തുന്നതിനും ഇരു മേഖലയിലെയും വ്യവസായ സമൂഹങ്ങൾ തമ്മിലുള്ള സഹകരണം വിപുലീകരിക്കുന്നതിനുമായി കൊച്ചിൻ ചേംബർ ഓഫ് കൊമേഴ്‌സ് ആൻഡ് ഇൻഡസ്ട്രിയും സിലോൺ ചേംബർ ഓഫ് കൊമേഴ്‌സും ധാരണാപത്രം ഒപ്പുവച്ചു.

ശ്രീലങ്കയിലെ കൊളംബോയിൽ കൊച്ചിൻ ചേംബർ ഓഫ് കൊമേഴ്സ് ആൻഡ് ഇൻഡസ്ട്രിക്കുവേണ്ടി ചേംബറിന്‍റെ മുൻ പ്രസിഡന്‍റും എക്സിക്യൂട്ടീവ് കമ്മിറ്റി അംഗവുമായ സി.എസ്. കർത്തയും, സിലോൺ ചേംബർ ഓഫ് കൊമേഴ്സിന് വേണ്ടി ചേംബർ പ്രസിഡന്‍റ് കൃഷൻ ബലേന്ദ്രയുമാണു ധാരണാപത്രത്തിൽ ഒപ്പുവച്ചത്.

സിലോൺ ചേംബറിനെ പ്രതിനിധീകരിച്ച് വൈസ് ചെയർപേഴ്‌സൺ ബിംഗുമാൽ തേവരത്തന്ത്രി, ഡെപ്യൂട്ടി വൈസ് ചെയർപേഴ്‌സൺ വിനോദ് ഹിരദരമണി, സെക്രട്ടറി ജനറലും ചീഫ് എക്‌സിക്യൂട്ടീവ് ഓഫീസറുമായ ഷിറാൻ ഫെർണാണ്ടോ എന്നിവർ ചടങ്ങിൽ പങ്കെടുത്തു. കൊച്ചിൻ ചേംബർ ഓഫ് കൊമേഴ്‌സ് ആൻഡ് ഇൻഡസ്ട്രിയുടെ സെക്രട്ടറി ശ്രീജിത് എസ്. കുമാറും സന്നിഹിതനായിരുന്നു.

ഇരു ചേംബറുകളിലെയും അംഗങ്ങൾ തമ്മിലുള്ള നേരിട്ടുള്ള വ്യാപാര സഹകരണം, വ്യാപാര പ്രതിനിധിസംഘങ്ങളുടെ പരസ്പര സന്ദർശനം, വിവിധ മേഖലകളിലെ ബിസിനസ് ശൃംഖലകൾ വികസിപ്പിക്കൽ തുടങ്ങിയവയ്ക്ക് ധാരണാപത്രം വഴിയൊരുക്കും. പരസ്പര വാണിജ്യ താത്പര്യമുള്ള മേഖലകളിൽ സഹകരണം ഉറപ്പാക്കുന്നതിനുള്ള ചട്ടക്കൂടും ഇതിലൂടെ രൂപപ്പെടും.

Business

യുപിഐ എംഡിആര്‍ പിന്‍വലിക്കണം; ധര്‍ണ നടത്തി കെജിഎസ്എംഎ

കൊച്ചി: യുപിഐ ഇടപാടുകള്‍ക്ക് എംഡിആര്‍ (മെര്‍ച്ചന്‍റ് ഡിസ്‌കൗണ്ട് റേറ്റ്) ചുമത്താനുള്ള നീക്കം പിന്‍വലിക്കണമെന്നാവശ്യപ്പെട്ട് കേരള ഗോള്‍ഡ് ആന്‍ഡ് സില്‍വര്‍ മര്‍ച്ചന്‍റ്സ് അസോസിയേഷന്‍റെ (കെജിഎസ്എംഎ) നേതൃത്വത്തില്‍ സംസ്ഥാന വ്യാപകമായി കേന്ദ്രസര്‍ക്കാര്‍ ഓഫീസുകള്‍ക്കു മുന്നില്‍ പ്രതിഷേധ ധര്‍ണ നടത്തി. സംസ്ഥാന വ്യാപകമായി നടന്ന പ്രതിഷേധത്തില്‍ 4000ത്തോളം സ്വര്‍ണവ്യാപാരികള്‍ പങ്കെടുത്തു.

കോഴിക്കോട്ട് നടന്ന പ്രതിഷേധ ധര്‍ണ കെജിഎസ്എംഎ സംസ്ഥാന പ്രസിഡന്‍റ് കെ. സുരേന്ദ്രന്‍ ഉദ്ഘാടനം ചെയ്തു. സംസ്ഥാന ജനറല്‍ സെക്രട്ടറി അഡ്വ. എസ്. അബ്ദുല്‍ നാസര്‍, സംസ്ഥാന ട്രഷറര്‍ സി.വി. കൃഷ്ണദാസ്, വര്‍ക്കിംഗ് ജനറല്‍ സെക്രട്ടറി ബി. പ്രേമാനന്ദ്, വര്‍ക്കിംഗ് പ്രസിഡന്‍റ് പി.കെ. അയമ ഹാജി എന്നിവര്‍ പങ്കെടുത്തു.

Business

ബിഗ് ബില്യണ്‍ മോട്ടോ ഡീലുകള്‍

തിരുവനന്തപുരം: ഫ്‌ലിപ്കാര്‍ട്ട് ബിഗ് ബില്യണ്‍ ഡേയ്‌സ് 2026ന്‍റെ ഭാഗമായി മോട്ടറോളയുടെ ബിഗ്ബില്യണ്‍ മോട്ടോഡീലുകള്‍ ലൈവായി. മോട്ടറോള എഡ്ജ് 70 ഫ്യൂഷന്‍, എഡ്ജ് 70 പ്രോ, എഡ്ജ് 70 പ്രോ+, മോട്ടോ ജി37 പവര്‍, മോട്ടറോള സിഗ്‌നേച്ചര്‍ തുടങ്ങിയ മോഡലുകളാണ് ഓഫറുകളുടെ ഭാഗമായത്. മോട്ടറോള എഡ്ജ് 70 ഫ്യൂഷന്‍ 8+128 ജിബി മോഡല്‍ 29,749 രൂപ മുതലാണ് ലഭ്യമാകുന്നത്.

Business

റെയില്‍വേ ചരക്കുനീക്കത്തില്‍ സെപ്റ്റംബറില്‍ 6.14 ശതമാനം വളര്‍ച്ച

ന്യൂഡല്‍ഹി: ഈ വര്‍ഷം ചരക്കുനീക്കത്തിൽ തുടര്‍ച്ചയായ വളര്‍ച്ച രേഖപ്പെടുത്തി ഇന്ത്യന്‍ റെയില്‍വേ. 2025 സെപ്റ്റംബറിലെ 127.52 ദശലക്ഷം ടണ്ണുമായി താരതമ്യം ചെയ്യുമ്പോള്‍, 2026 സെപ്റ്റംബറില്‍ 135.35 ദശലക്ഷം ടണ്‍ ചരക്ക് കൈകാര്യം ചെയ്തു. 6.14 ശതമാനം വളര്‍ച്ചയാണ് രേഖപ്പെടുത്തിയത്.

സെപ്റ്റംബറില്‍ പ്രധാന ചരക്ക് വിഭാഗങ്ങളില്‍ വളര്‍ച്ച: ഭക്ഷ്യധാന്യങ്ങളില്‍ 25 ശതമാനം, ക്ലിങ്കറില്‍ 20 ശതമാനം, ആഭ്യന്തര കണ്ടെയ്നര്‍ ചരക്കുകളില്‍ 10 ശതമാനം, കല്‍ക്കരിയില്‍ ഒമ്പത് ശതമാനം, മറ്റ് ചരക്കുകളില്‍ 8.2 ശതമാനം, മിനറല്‍ ഓയിലില്‍ ആറ് ശതമാനം, ഫിനിഷ്ഡ് സ്റ്റീലില്‍ 5.5 ശതമാനം, ഇരുമ്പയിരില്‍ 5.2 ശതമാനം.

ഈ വര്‍ഷം ഏപ്രില്‍ മുതല്‍ സെപ്റ്റംബര്‍ വരെയുള്ള ആറുമാസം ഇന്ത്യന്‍ റെയില്‍വേ മൊത്തം 833.7 ദശലക്ഷം ടണ്‍ ചരക്ക് കൈകാര്യം ചെയ്തു. കഴിഞ്ഞ വര്‍ഷം ഇതേ കാലയളവിനെ അപേക്ഷിച്ച് 4.1 ശതമാനം വളര്‍ച്ചയാണിത്. ഇതേ കാലയളവില്‍ ചരക്കുനീക്കത്തില്‍ നിന്നുള്ള വരുമാനത്തില്‍ 3.7 ശതമാനം വളര്‍ച്ചയും രേഖപ്പെടുത്തിയെന്ന് റെയില്‍വേ മന്ത്രാലയം അറിയിച്ചു.

Business

ഇരട്ടവീഴ്ചയ്ക്കു പിന്നാലെ വീണ്ടും വീണു; പവന് കുറഞ്ഞത് 280 രൂപ

കൊച്ചി: സംസ്ഥാനത്ത് തിങ്കളാഴ്ചത്തെ ഇരട്ടവീഴ്ചയ്ക്കു ശേഷം വീണ്ടും താഴേക്കിറങ്ങി സ്വർണവില. 22 കാരറ്റ് സ്വര്‍ണം ഗ്രാമിന് 35 രൂപയും പവന് 280 രൂപയുമാണ് കുറഞ്ഞത്. ഇതോടെ, ഒരു ഗ്രാം സ്വർണത്തിന് 13,685 രൂപയിലും പവന് 1,09,480 രൂപയിലുമാണ് വ്യാപാരം പുരോഗമിക്കുന്നത്. അതേസമയം, 18 കാരറ്റ് സ്വർണവില ഗ്രാമിന് 30 രൂപ കുറഞ്ഞ് 11,240 രൂപയിലെത്തി.

സംസ്ഥാനത്ത് തിങ്കളാഴ്ച രാജ്യാന്തര ട്രെൻഡിന് നേർവിപരീതമായി സ്വർണവില രണ്ടുതവണയായി താഴേക്കിറങ്ങിയിരുന്നു. രാവിലെ ഗ്രാമിന് 40 രൂപയും ഉച്ചകഴിഞ്ഞ് 120 രൂപയും ഇടിഞ്ഞു. പവന് രാവിലെയും ഉച്ചയ്ക്കുമായി 1,280 രൂപ താഴ്ന്ന് 1,09,760 രൂപയിലെത്തി. കഴിഞ്ഞ വാരം നേട്ടത്തിൽ വ്യാപാരം അവസാനിപ്പിച്ച സ്വർണവിലയാണ് തിങ്കളാഴ്ച അപ്രതീക്ഷിതമായി താഴേക്കുപോയത്.

രാജ്യാന്തര വിലയിലെ ചലനങ്ങളാണ് ആഭ്യന്തര സ്വർണവിപണിയിലും പ്രതിഫലിക്കുന്നത്. കേരളത്തിൽ ഇന്നു രാവിലെ വില നിശ്ചയിക്കുമ്പോൾ ഔൺസിന് 4,180 ഡോളറായിരുന്ന രാജ്യാന്തരവില ഇപ്പോൾ 4,190 ഡോളറിലാണ് വ്യാപാരം പുരോഗമിക്കുന്നത്.

അതേസമയം, വെള്ളി വിലയും ഇന്നു കുറഞ്ഞു. ഒരു ഗ്രാം സാധാരണ വെള്ളിക്ക് അഞ്ചുരൂപ താഴ്ന്ന് 235 രൂപയിലാണ് വ്യാപാരം പുരോഗമിക്കുന്നത്.

100 വര്‍ഷത്തെ സ്വര്‍ണക്കുതിപ്പ്

Business

ഇന്ത്യയിലേക്കുള്ള വിദേശ നിക്ഷേപത്തിൽ ജപ്പാൻ ഒന്നാമത്

ന്യൂഡൽഹി: 2026-27 സാമ്പത്തിക വർഷത്തിന്‍റെ ആദ്യ പാദത്തിൽ (ഏപ്രിൽ-ജൂൺ) ഇന്ത്യയിലേക്ക് ഏറ്റവും കൂടുതൽ നിക്ഷേപം (എഫ്ഡിഐ) എത്തിച്ച രാജ്യമായി മാറി ജപ്പാൻ . ഈ മൂന്നു മാസത്തിനിടെ 5.71 ബില്യൺ ഡോളറിന്‍റെ (ഏകദേശം 54,000 കോടിയിലധികം രൂപ) നിക്ഷേപമാണ് ജപ്പാനിൽനിന്ന് ഇന്ത്യയിലേക്ക് ഒഴുകിയെത്തിയത്.

മുൻ സാമ്പത്തിക വർഷം മുഴുവൻ ജപ്പാനിൽനിന്നു ലഭിച്ച 3.74 ബില്യൺ ഡോളറിനേക്കാൾ ഉയർന്ന തുകയാണിത്. ഇതോടെ ഇന്ത്യയിലേക്ക് എത്തിയ ആകെ ഇക്വിറ്റി വിദേശ നിക്ഷേപമായ 19.81 ബില്യൺ ഡോളറിൽ 29 ശതമാനവും ജപ്പാന്‍റെ വിഹിതമായി മാറി.

നിർമാണ മേഖലയിലെ പുതിയ നിക്ഷേപങ്ങളേക്കാൾ ധനകാര്യ മേഖലയിലെ പ്രമുഖ ഏറ്റെടുക്കലുകളും ഓഹരി പങ്കാളിത്തങ്ങളുമാണ് ഈ വളർച്ചയ്ക്കു പ്രധാന കരുത്തായത്. ഏപ്രിലിൽ ജപ്പാനിലെ എംയുഎഫ്ജി ബാങ്ക് ഇന്ത്യൻ ബാങ്കിംഗ് ഇതര ധനകാര്യ സ്ഥാപനമായ ശ്രീറാം ഫിനാൻസിന്‍റെ 20 ശതമാനം ഓഹരികൾ 39,618 കോടി രൂപയ്ക്ക് (ഏകദേശം 4.4 ബില്യൺ ഡോളർ) സ്വന്തമാക്കിയിരുന്നു.

രാജ്യത്തെ ധനകാര്യ സേവന മേഖലയിലെ ഏറ്റവും വലിയ വിദേശ നിക്ഷേപ ഇടപാടുകളിലൊന്നാണിത്. ഇതിനുപുറമേ ഓട്ടോമൊബൈൽ, ബാറ്ററി നിർമാണം, പുനരുപയോഗ ഊർജം, ഗ്ലോബൽ കാപ്പബിലിറ്റി സെന്‍ററുകൾ (ജിസിസി) എന്നിവയിലും ജാപ്പനീസ് കമ്പനികൾ സജീവ പങ്കാളിത്തം വഹിക്കുന്നുണ്ട്.

ആഗോള രാഷ്‌ട്രീയ സംഘർഷങ്ങളും ഉത്പാദന ചെലവിലെ വർധനവും കാരണം വിതരണ ശൃംഖലകൾ ചൈനയ്ക്ക് പുറത്തേക്കു വ്യാപിപ്പിക്കുന്നതിന്‍റെ ഭാഗമായാണ് ജാപ്പനീസ് കമ്പനികൾ ഇന്ത്യയെ പ്രധാന ലക്ഷ്യസ്ഥാനമായി കാണുന്നത്.

ജാപ്പനീസ് നിക്ഷേപകരെ പിന്തുണയ്ക്കുന്നതിനായി ഒമ്പത് സംസ്ഥാനങ്ങളിലായി 12 "ജാപ്പനീസ് ഇൻഡസ്ട്രിയൽ ടൗൺഷിപ്പുകൾ' ഇന്ത്യ ഒരുക്കിയിട്ടുണ്ട്.

Business

ടിഎംഎ- ഇസാഫ് ബാങ്ക് ക്വിസ് മത്സരം

തൃശൂർ: തൃശൂർ മാനേജ്മെന്‍റ് അസോസിയേഷനും ഇസാഫ് സ്മോൾ ഫിനാൻസ് ബാങ്കും ചേർന്നു സംഘടിപ്പിച്ച ക്വിസാത്മ-ബിസിനസ് ക്വിസ് മത്സരത്തിൽ കേരള യൂണിവേഴ്സിറ്റിയിലെ ഡി.എം. ആദിത്യൻ, എസ്.ജി. ശ്രീഹരി എന്നിവർ വിജയികളായി.

നാഷണൽ യൂണിവേഴ്സിറ്റി ഓഫ് അഡ്വാൻസ്ഡ് ലീഗൽ സ്റ്റഡീസിലെ ഓസ്റ്റിൻ ലാസർ, ഡാനിയേൽ ജോസഫ് എന്നിവർ രണ്ടാം സ്ഥാനവും, എംഇഎസ് അസ്മാബി കോളജിലെ എം. ശ്രീഹരി, കെ. അനുജിത്ത് എന്നിവർ മൂന്നാം സ്ഥാനവും നേടി.
ഇസാഫ് ബാങ്ക് എക്സിക്യൂട്ടീവ് ഡയറക്‌ടർ ജോർജ് കെ. ജോണ്‍ വിജയികൾക്കുള്ള കാഷ് അവാർഡും ഫലകവും കൈമാറി. ഒരു ലക്ഷം രൂപയുടെ സമ്മാനമാണ് വിജയികൾക്കു നൽകിയത്. ക്വിസ് മാസ്റ്റർ എ.ആർ. രഞ്ജിത്ത് നയിച്ച മത്സരത്തിൽ വിവിധ കോളജുകളിൽനിന്നു 125 ടീമുകൾ പങ്കെടുത്തു.

ടിഎംഎ പ്രസിഡന്‍റ് സീജോ പോന്നോർ, ഇരിങ്ങാലക്കുട ബിഷപ് മാർ പോളി കണ്ണൂക്കാടൻ, സനീഷ് കുമാർ ജോസഫ് എംഎൽഎ, പ്രോഗ്രാം കണ്‍വീനർ ജോസഫ് ജോർജ്, ടിഎംഎ സെക്രട്ടറി ജാക്സണ്‍ ഡേവിഡ് എന്നിവർ പ്രസംഗിച്ചു. ക്വിസ് മത്സരത്തിന്‍റെ അഞ്ചാമത്തെ പതിപ്പാണ് കൊടകര സഹൃദയ കോളജിൽ സംഘടിപ്പിച്ചത്.

Business

ചികിത്സാ രംഗത്തെ നൂതന സാധ്യതകള്‍ ചര്‍ച്ചചെയ്ത് ‘കഗോകോണ്‍ 2026’

കൊച്ചി: ഗൈനക്കോളജിക് ഓങ്കോളജി ചികിത്സാരംഗത്തെ നൂതന സാധ്യതകള്‍ ചര്‍ച്ചചെയ്ത് അസോസിയേഷന്‍ ഓഫ് ഗൈനക്കോളജിക് ഓങ്കോളജിസ്റ്റ്‌സ് ഓഫ് ഇന്ത്യ (കെഎല്‍എസ്‌സി അഗോയ്) കേരളം ഘടകം വാര്‍ഷിക കോണ്‍ഫറന്‍സ് കഗോകോണ്‍ 2026. ഐഎംഎ ഹൗസില്‍ ആരംഭിച്ച ദ്വിദിന കോണ്‍ഫറന്‍സ് ഉമ തോമസ് എംഎല്‍എ ഉദ്ഘാടനം ചെയ്തു. രാജ്യത്തിന്‍റെ വിവിധ ഭാഗങ്ങളില്‍നിന്നുള്ള പ്രമുഖര്‍ കോണ്‍ഫറന്‍സില്‍ പങ്കെടുക്കുന്നുണ്ട്.

വിപിഎസ് ലേക്‌ഷോര്‍ എംഡി‍ എസ്.കെ. അബ്ദുള്ള അധ്യക്ഷത വഹിച്ചു. ഐ ഗുരുകുല്‍ വെബ്‌സൈറ്റ് സ്വിച്ച് ഓണ്‍ കര്‍മം അഗോയ് പ്രസിഡന്‍റ് ഡോ. ജിത പരിജ നിര്‍വഹിച്ചു. കെഎല്‍എസ്‌സി അഗോയ് പ്രസിഡന്‍റ് ഡോ. കെ. ചിത്രതാര, കഗോകോണ്‍ 2026 രക്ഷാധികാരി ഡോ. പി.കെ. ശേഖരന്‍, കെഎല്‍എസ്‌സി അഗോയ് സെക്രട്ടറി ഡോ. ഡി. ആദര്‍ശ് എന്നിവര്‍ സംസാരിച്ചു.
കോണ്‍ഫറന്‍സ് ഇന്ന് സമാപിക്കും.

Business

ജോയ്ആലുക്കാസിൽ ദീപാവലി ഓഫർ

കൊച്ചി: ആഗോള ജ്വല്ലറി ഗ്രൂപ്പായ ജോയ്ആലുക്കാസിൽ ദീപാവലി ആഘോഷങ്ങളുടെ ഭാഗമായി ‘ജോയ് വാലി ദീവാലി’ ഫെസ്റ്റിവൽ ഓഫറുകൾക്കു തുടക്കമായി. ഓഫറുകളുടെ ഭാഗമായി സ്വർണം, ഡയമണ്ട്, പ്ലാറ്റിനം, വെള്ളി ഉൾപ്പെടെയുള്ള എല്ലാ വിഭാഗം ആഭരണങ്ങളുടെയും പണിക്കൂലിയിൽ ഫ്ലാറ്റ് 50 ശതമാനം കിഴിവ് പ്രഖ്യാപിച്ചു. എക്സ്ചേഞ്ച് ഓഫറിലൂടെ പുതിയ ആഭരണങ്ങൾ വാങ്ങുന്പോൾ പഴയ സ്വർണത്തിന്‍റെ തൂക്കത്തിലോ മൂല്യത്തിലോ യാതൊരു കുറവും വരുത്താതെ പൂർണമൂല്യം ലഭിക്കും.

അടിയന്തര സാന്പത്തിക ആവശ്യങ്ങൾക്കായി സ്വർണം എളുപ്പത്തിൽ പണമാക്കാനുള്ള സൗകര്യവും ജോയ്ആലുക്കാസ് ഒരുക്കിയിട്ടുണ്ട്. പഴയ സ്വർണത്തിന്‍റെ മൂല്യം കണക്കാക്കി, 15 മിനിറ്റിനുള്ളിൽ തുക ഉപയോക്താവിനു കൈമാറുകയും ചെയ്യും. ദീപാവലി ഓഫറുകൾ നവംബർ എട്ടുവരെ ഇന്ത്യയിലെ എല്ലാ ജോയ് ആലുക്കാസ് ഷോറൂമുകളിലും ലഭ്യമാകും.

‘ജോയ് വാലി ദീവാലി’ ഓഫറുകളിലൂടെ ഉപഭോക്താക്കളുടെ സന്തോഷം ഇരട്ടിയാക്കുകയാണു ലക്ഷ്യമെന്ന് ജോയ് ആലുക്കാസ് ഗ്രൂപ്പ് ചെയർമാനും മാനേജിംഗ് ഡയറക്ടറുമായ ഡോ. ജോയ് ആലുക്കാസ് പറഞ്ഞു.

Business

രാജ്യാന്തര ട്രെൻഡ് മുകളിലേക്ക്; കേരളത്തിൽ താഴേക്കിറങ്ങി സ്വർണവില

കൊച്ചി: രാജ്യാന്തര വില കൂടുമ്പോൾ നേർവിപരീതമായി കേരളത്തിൽ താഴേക്കിറങ്ങി സ്വർണവില. 22 കാരറ്റ് സ്വര്‍ണം ഗ്രാമിന് 40 രൂപയും പവന് 320 രൂപയുമാണ് കുറഞ്ഞത്. ഇതോടെ, ഒരു ഗ്രാം സ്വർണത്തിന് 13,840 രൂപയിലും പവന് 1,10,720 രൂപയിലുമാണ് വ്യാപാരം നടക്കുന്നത്. അതേസമയം, 18 കാരറ്റ് സ്വർണവില ഗ്രാമിന് 30 രൂപ കുറഞ്ഞ് 11,370 രൂപയിലെത്തി.

കഴിഞ്ഞ വാരം നേട്ടത്തിൽ വ്യാപാരം അവസാനിപ്പിച്ച സ്വർണവിലയാണ് തിങ്കളാഴ്ച അപ്രതീക്ഷിതമായി താഴേക്കുപോയത്.

രാജ്യാന്തര വിലയിലെ ചലനങ്ങളാണ് ആഭ്യന്തര സ്വർണവിപണിയിലും പ്രതിഫലിക്കുന്നത്. എന്നാൽ, രാജ്യാന്തര വില ഔൺസിന് 4184.98 ഡോളറിൽ നിന്ന് 4,216 ഡോളർ വരെ ഉയരുകയാണുണ്ടായത്.

അതേസമയം, വെള്ളി വിലയിൽ ഇന്നു മാറ്റമില്ല. ഒരു ഗ്രാം സാധാരണ വെള്ളിക്ക് 240 രൂപയിലാണ് വ്യാപാരം പുരോഗമിക്കുന്നത്.

100 വര്‍ഷത്തെ സ്വര്‍ണക്കുതിപ്പ്

Business

റബർവില കൂ‌ടും കേട്ടോ...

ആഗോള ടയര്‍ ലോബി സൃഷ്ടിച്ച കാണാച്ചരടുകള്‍ മുറിച്ചുമാറ്റാന്‍ റബര്‍ ഉത്പാദക രാജ്യങ്ങള്‍ക്കാവുമോ? അതെ, അതിനാകുമെന്നുതന്നെയാണ് തെക്കുകിഴക്കന്‍ ഏഷ്യന്‍ രാജ്യങ്ങളെ വിഴുങ്ങിയ എല്‍ നിനോ പ്രതിഭാസം നല്‍കുന്ന സൂചന.

മുന്‍നിരയിലുള്ള തായ്‌ലാന്‍ഡും ഇന്തോനേഷ്യയും മലേഷ്യയും കാലാവസ്ഥാ വ്യതിയാനത്തില്‍ നട്ടംതിരിയുകയാണ്. കനത്ത മഴയും വെള്ളപ്പൊക്കവും തായ്‌ലാന്‍ഡിലെ കിഴക്കന്‍ മേഖലയിലും തെക്കന്‍ റബര്‍ ഉത്പാദന മേഖലയിലും മാസങ്ങളായി ടാപ്പിംഗ് മന്ദഗതിയിലാക്കി. സെപ്റ്റംബര്‍ അവസാനം ഏകദേശം 22,600 ഹെക്ടറിലെ റബര്‍ തോട്ടങ്ങള്‍ക്ക് പ്രതികൂല കാലാവസ്ഥ തിരിച്ചടിയായി.

ഇന്തോനേഷ്യയിലും കാലാവസ്ഥാ മാറ്റം റബറില്‍ വിള്ളലുളവാക്കി. നടപ്പുവര്‍ഷം ആദ്യ ആറു മാസം റബര്‍ കയറ്റുമതിയില്‍ ഉണ്ടായത് 21 ശതമാനം ഇടിവ്. അതായത്, എല്‍ നിനോ പ്രതിഭാസം ശക്തമാകുന്നതിനു മുമ്പുതന്നെ അവിടെ റബര്‍ ലഭ്യത കുറഞ്ഞു. കയറ്റുമതിയിലെ കുറവ് ആഗോള വ്യവസായ മേഖലയ്ക്ക് കനത്ത പ്രഹരമാകും. മുന്നിലുള്ള മാസങ്ങളിലെ കാലാവസ്ഥ കണക്കിലെടുത്താല്‍ വിപണി കൂടുതല്‍ പിരിമുറുക്കത്തിലാകാം. മലേഷ്യയുടെ കയറ്റുമതി ആദ്യ ഏഴ് മാസങ്ങളില്‍ 12 ശതമാനം കുറഞ്ഞു. തീര്‍ന്നില്ല, വിയറ്റ്‌നാം, ചൈന, ഇന്ത്യ എന്നിവിടങ്ങളിലും റബര്‍ ഉല്‍പാദനം ഈ വര്‍ഷം കുറവാണ്.

ഉത്പാദനക്കുറവും വ്യവസായമേഖലയിലെ ഉണര്‍വും വിലക്കയറ്റത്തിന് വഴിയൊരുക്കേണ്ടതാണ്. പ്രത്യേകിച്ച്, ക്രൂഡ് ഓയില്‍ ബാരലിന് 100 ഡോളറിന് മുകളില്‍ നിലകൊള്ളുമ്പോള്‍. ഉത്പാദക രാജ്യങ്ങള്‍ ഒത്തുപിടിച്ചാല്‍ ആഗോള ടയര്‍ ലോബിയുടെ കാണാച്ചരടുകള്‍ മുറിച്ചുകടക്കാനുള്ള കെല്‍പ്പ് കോടിക്കണക്കിന് വരുന്ന റബര്‍ കര്‍ഷകര്‍ക്കുണ്ട്.

ഒരാഴ്ച നീണ്ട അവധിക്കുശേഷം ചൈനീസ് വിപണി സജീവമായത് വിലക്കയറ്റം സൃഷ്ടിച്ചു. ജപ്പാനില്‍ റബര്‍ കിലോയ്ക്ക് 452 യെന്നില്‍നിന്ന് കഴിഞ്ഞ ലക്കത്തില്‍ സൂചിപ്പിച്ച 457-462 യെന്നിലെ പ്രതിരോധം തകര്‍ത്ത് 15 വര്‍ഷത്തെ ഉയര്‍ന്ന നിരക്കായ 463 യെന്നിലെത്തി. ക്ലോസിംഗില്‍ 462 യെന്നിലാണ്. ഒസാക്കയില്‍ റബര്‍ 470ലേക്ക് മുന്നേറാം. അതേസമയം, ഓരോ കുതിപ്പിലും ശക്തമായ ലാഭമെടുപ്പിന് സാധ്യത. 470 യെന്നിലെ പ്രതിരോധം മറികടന്നാല്‍ 478 യെന്നിനെ ലക്ഷ്യമാക്കും. 440 യെന്നില്‍ നിര്‍ണായക താങ്ങുമുണ്ട്.

ആഗോള കാലാവസ്ഥ വിലക്കയറ്റത്തിന് പച്ചക്കൊടി ഉയര്‍ത്തുന്നു. അതേസമയം, യെന്നിന്‍റെ വിനിമയമൂല്യം, ക്രൂഡ് ഓയില്‍ വില, ചൈനീസ് ഡിമാന്‍ഡ് എന്നിവ നിര്‍ണായക സ്വാധീനം ചെലുത്തും. സംസ്ഥാനത്ത് നാലാം ഗ്രേഡ് റബര്‍ കിലോയ്ക്ക് 283 രൂപയിലും ഒട്ടുപാല്‍ 199 രൂപയിലും ലാറ്റക്‌സ് 193 രൂപയിലുമാണ്.

കുരുമുളക്

ആഗോള കുരുമുളക് കയറ്റുമതിയില്‍ വിയറ്റ്‌നാം പുതിയ നാഴികക്കല്ലിലേക്ക്. കഴിഞ്ഞ മാസം വിയറ്റ്‌നാം 25,580 ടണ്‍ കുരുമുളക് കയറ്റുമതി ചെയ്തു. ഓഗസ്റ്റിനേക്കാള്‍ 18 ശതമാനം വര്‍ധന. അതേസമയം, 2025 സെപ്റ്റംബറിനെ അപേക്ഷിച്ച് കയറ്റുമതി ഏകദേശം 25 ശതമാനം ഉയര്‍ന്നു. നടപ്പുവര്‍ഷം ഒക്‌ടോബര്‍ പത്തുവരെ വിയറ്റ്‌നാമിന്‍റെ കുരുമുളക് കയറ്റുമതി 2.25 ലക്ഷം ടണ്ണിലേക്ക് അടുത്തു.

ദീപാവലി ഡിമാന്‍ഡ് ഇന്ത്യന്‍ കുരുമുളകിന് അതിശക്തമായ പിന്തുണ സമ്മാനിക്കുന്നു. ആഭ്യന്തര വ്യാപാരികള്‍ ചരക്കിനായി പരക്കംപായുന്നുണ്ടെങ്കിലും ഹൈറേഞ്ചിലേക്കും വയനാട്ടിലേക്കുമുള്ള നാടന്‍ മുളക് സംഭരണം ബാലികേറാമലയായി മാറുന്നു. രൂപയുടെ മൂല്യത്തകര്‍ച്ച വിദേശ മുളക് ഇറക്കുമതിയെ തടയും.

രൂപയുടെ മൂല്യം 96.88ലേക്ക് ഇടിഞ്ഞതോടെ ശ്രീലങ്കന്‍ ചരക്കിന്‍റെ ആകര്‍ഷണം കുറഞ്ഞതിനാല്‍ വന്‍കിട ഇറക്കുമതിക്കാര്‍ നേരത്തേ വിദേശത്തുനിന്നും എത്തിച്ച ചരക്ക് മറ്റ് ഇറക്കുമതിക്കാരില്‍നിന്നും ഉയര്‍ന്ന വിലയ്ക്ക് വാങ്ങുന്നവരും രംഗത്തുണ്ട്. ഇതിനിടെ അന്തര്‍സംസ്ഥാന വ്യാപാരികള്‍ കൊച്ചി വിലയിലും കിലോ എട്ട് മുതല്‍ 10 രൂപ വരെ കൂടുതല്‍ നല്‍കി മുളകിന് കച്ചവടങ്ങള്‍ ഉറപ്പിച്ചതായും വിവരമുണ്ട്. ഈ വാങ്ങല്‍ തന്നെ വ്യക്തമാണ് വന്‍കിട വ്യവസായികള്‍ പോലും കുരുമുളക് സര്‍വകാല റിക്കാര്‍ഡിലേക്ക് കുതിക്കുമെന്ന് കണക്കുകൂട്ടുന്നു. മാസങ്ങള്‍ മുന്നേ ഇതേ കോളത്തില്‍ വ്യക്തമാക്കിയതാണ് മുളക് 840 റേഞ്ചിനെ ഉറ്റുനോക്കുന്നകാര്യം.

അതേസമയം, ചങ്കുറപ്പുള്ള കയറ്റുമതിക്കാര്‍ക്ക് വിദേശ ഓര്‍ഡറുകള്‍ ശേഖരിക്കാനുള്ള അവസരമാണിത്. എന്നാല്‍, അത്തരമൊരു സാഹസത്തിന് വിരലിലെണ്ണാവുന്നവര്‍ മാത്രമേയുള്ളൂ. നാടന്‍ കുരുമുളക് ക്ഷാമം തുടരുന്നതിനാല്‍ മുളക് സംഭരണനീക്കം അതിശക്തമായ വിലക്കയറ്റത്തിന് ഇടയാക്കുമെന്ന് അവര്‍ ഭയക്കുന്നു. കൊച്ചിയില്‍ അണ്‍ഗാര്‍ബിള്‍ഡ് കുരുമുളക് ക്വിന്‍റലിന് 70,700 രൂപയായി ഉയര്‍ന്നു.

വെളിച്ചെണ്ണ

ദീപാവലി അടുത്തതോടെ ഭക്ഷ്യയെണ്ണകള്‍ക്ക് പ്രിയമേറുന്നു. പാം ഓയില്‍, സൂര്യകാന്തി എണ്ണ, നിലക്കടല എണ്ണ എന്നിവയ്ക്ക് ഇതിനകംതന്നെ ആവശ്യക്കാരുണ്ട്. ദീപാവലിയോടനുബന്ധിച്ച് കേരളത്തിലും വെളിച്ചെണ്ണയ്ക്ക് ഡിമാന്‍ഡ് ഉയരും. കൊച്ചിയില്‍ വെളിച്ചെണ്ണ ക്വിന്‍റലിന് 24,900 രൂപയിലും കൊപ്ര 15,500 രൂപയിലുമാണ്. കാങ്കയത്ത് എണ്ണ 20,850 രൂപയിലും കൊപ്ര 15,200 രൂപയിലുമാണ്.

ഐവറി കോസ്റ്റിലെ കാലാവസ്ഥാ വ്യതിയാനം കൊക്കോയില്‍ ചാഞ്ചാട്ടം സൃഷ്ടിക്കുന്നു. പ്രതികൂല കാലാവസ്ഥയില്‍ കയറ്റുമതിക്ക് നേരിടുന്ന തടസങ്ങള്‍ക്കു പുറമേ പശ്ചിമാഫ്രിക്കയിലെ കനത്ത ചൂടും വരള്‍ച്ചയും കൊക്കോ ഉത്പാദന മേഖലകളിലെ മണ്ണിലെ ഈര്‍പ്പം നഷ്ടപ്പെടുത്തി. ഇത് അടുത്ത വിളവിനെ ബാധിക്കും. അതായത്, അടുത്ത സീസണില്‍ ഉത്പാദനം 18 ശതമാനം വരെ കുറയാം. മറ്റൊരു പ്രധാന ഉത്പാദക രാജ്യമായ ഘാനയിലെ സ്ഥിതിയും വ്യത്യസ്തമല്ല. ന്യൂയോര്‍ക്കില്‍ കൊക്കോ ടണ്ണിന് 5660 ഡോളറിലാണ്. നിലവിലെ 6464 ഡോളറില്‍ പ്രതിരോധമുണ്ട്.

ഇന്ത്യയില്‍ കൊക്കോ ഉത്പാദനം ഏകദേശം 34,000 ടണ്ണാണ്. കേരളത്തിലെ ഉത്പാദനം 12,000 ടണ്ണും. ചോക്ലേറ്റ് ഉള്‍പ്പടെയുള്ള വ്യവസായ മേഖലയ്ക്ക് പ്രതിവര്‍ഷം ഒരു ലക്ഷം ടണ്ണിലധികം കൊക്കോ ആവശ്യമാണ്. മുരിക്കാശേരിയില്‍ പച്ചക്കൊക്കോ കിലോയ്ക്ക് 100 രൂപയിലും കൊക്കോ പരിപ്പ് 300 രൂപയിലുമാണ്.

Business

വിപണിയിൽ ആശ്വാസം

ഇന്ത്യന്‍ ഓഹരി സൂചികകളില്‍ തിരിച്ചുവരവ്; 25 വര്‍ഷത്തിനിടയിലെ ഏറ്റവും ദൈര്‍ഘ്യമേറിയ പ്രതിവാര നഷ്ടപരമ്പരയ്ക്ക് വിരാമം. വാരാന്ത്യത്തില്‍ മുന്‍നിര സൂചികകള്‍ കാഴ്ചവച്ച തിളക്കമാര്‍ന്ന പ്രകടനം വിപണിക്ക് വലിയ പ്രതിസന്ധിയില്‍നിന്ന് താത്ക്കാലിക ആശ്വാസം നല്‍കി.

എന്നാല്‍ ഇതിനെ ബുള്‍ റാലിയുടെ തുടക്കമായി വിലയിരുത്താനാകില്ല. ദീപാവലി മുഹൂര്‍ത്ത വ്യാപാരത്തിന് ഒരു മാസം പോലും ബാക്കിയില്ലെന്നത് ആഭ്യന്തര ഫണ്ടുകളെ കൂടുതല്‍ നിക്ഷേപത്തിന് പ്രേരിപ്പിച്ചേക്കാം. ദീപാവലിക്ക് മുമ്പേ ഒരു തിരിച്ചുവരവ് ഏതൊരു ഇന്ത്യന്‍ നിക്ഷേപകന്‍റെയും സ്വപ്‌നമാണെന്ന് മുന്‍വാരം സൂചിപ്പിച്ചത് ശരിവച്ചുകൊണ്ടുള്ള ഒരു പ്രധാന ചുവടുവയ്പ്പായി കഴിഞ്ഞ വാരത്തിലെ തിരിച്ചുവരവിനെ വിലയിരുത്താം.

എട്ടാഴ്ചത്തെ തുടര്‍ച്ചയായ തകര്‍ച്ചയ്ക്കുശേഷം സെന്‍സെക്‌സ് 563 പോയിന്‍റും നിഫ്റ്റി 99 പോയിന്‍റും പ്രതിവാര നേട്ടം രേഖപ്പെടുത്തി. 32 മാസത്തെ ഏറ്റവും താഴ്ന്ന നിലയിലെത്തിയ ശേഷമാണ് സെന്‍സെക്‌സ് തിരിച്ചുകയറിയത്. എങ്കിലും വിദേശ നിക്ഷേപകരില്‍നിന്നുള്ള വില്‍പനസമ്മര്‍ദം ശക്തമാണ്. യുഎസ് ബോണ്ട് യീല്‍ഡുകളിലെ വര്‍ധന വിദേശ നിക്ഷേപകരെ മറ്റ് വിപണികളില്‍നിന്ന് മൂലധനം പിന്‍വലിക്കാന്‍ പ്രേരിപ്പിച്ചേക്കാം.

അതുകൊണ്ടുതന്നെ, കഴിഞ്ഞ വാരത്തില്‍ ഇന്ത്യന്‍ വിപണിയില്‍ ദൃശ്യമായ ഉണര്‍വ് ശാശ്വതമായ മുന്നേറ്റത്തിന്‍റെ സൂചനയല്ല. അതേസമയം, മാസങ്ങളായി തുടരുന്ന ആഭ്യന്തര ഫണ്ടുകളുടെ വാങ്ങല്‍ശൈലിയില്‍ മാറ്റത്തിനുള്ള സാധ്യതയും തള്ളിക്കളയാനാവില്ല. അവര്‍ നിക്ഷേപം കുറയ്ക്കുകയോ ലാഭമെടുപ്പ് ശക്തമാക്കുകയോ ചെയ്താല്‍ നിലവിലെ തിരിച്ചുവരവിന്‍റെ വേഗം കുറയുകയും ഒരു പുള്‍ബാക്ക് റാലിക്ക് വഴിയൊരുങ്ങുകയും ചെയ്യാം.

നിഫ്റ്റി 22,421ല്‍നിന്ന് തുടക്കത്തില്‍ 22,776ലേക്ക് ഉയര്‍ന്നു. ഇതിനിടെ പണപ്പെരുപ്പം നിയന്ത്രിക്കാന്‍ റിസര്‍വ് ബാങ്ക് റിപ്പോ നിരക്ക് 25 അടിസ്ഥാന പോയിന്‍റ് ഉയര്‍ത്തി 5.5 ശതമാനമാക്കി. പലിശനിരക്ക് വീണ്ടും ഉയര്‍ത്താനുള്ള സാധ്യത ഓഹരിവിപണിയില്‍ കനത്ത വില്‍പനയുണ്ടാക്കി. എന്നാല്‍ കഴിഞ്ഞ ലക്കത്തില്‍ സൂചിപ്പിച്ച 22,066ലെ ആദ്യ സപ്പോര്‍ട്ട് കടുത്ത സമ്മര്‍ദത്തിലും വിപണി നിലനിര്‍ത്തി. ഒരുഘട്ടത്തില്‍ 22,179ലേക്ക് ഇടിഞ്ഞ നിഫ്റ്റി വാരാന്ത്യത്തില്‍ 22,579 വരെ തിരിച്ചുകയറി. തുടര്‍ന്ന് 22,520 പോയിന്‍റിലാണ് ക്ലോസ് ചെയ്തത്.

ഈ വാരം 22,207ലെ ആദ്യ സപ്പോര്‍ട്ട് നിലനിര്‍ത്തിയാല്‍ നിഫ്റ്റിക്ക് 22,804ലേക്കും തുടര്‍ന്ന് 23,088ലേക്കും തിരിച്ചുകയറാം. എന്നാല്‍ ഈ മുന്നേറ്റത്തിന് തുടര്‍ച്ച ലഭിച്ചില്ലെങ്കില്‍ 21,894 വരെ സാങ്കേതിക തിരുത്തലുണ്ടാവും.

നിഫ്റ്റി 20 ദിവസത്തെ ശരാശരിയായ 22,972 മറികടന്നാല്‍ മാത്രമേ ഹ്രസ്വകാല ഉണര്‍വിന് വിശ്വാസ്യത ലഭിക്കൂ. അതിനാല്‍ വെള്ളിയാഴ്ചത്തെ ഉയര്‍ച്ച മാത്രം വിലയിരുത്തി വിപണിയുടെ ട്രെന്‍ഡ് മാറിയെന്ന് കണക്കാക്കാനാവില്ല. 50 ഡിഎംഎയായ 23,746ലും 100 ഡിഎംഎയായ 23,801ലും പ്രതിരോധമുണ്ട്. ഡെയ്‌ലി, വീക്കിലി ചാര്‍ട്ടുകളിലെ എംഎസിഡി, സൂപ്പര്‍ട്രെന്‍ഡ്, പാരബോളിക് ഇന്‍ഡിക്കേറ്ററുകള്‍ വില്‍പനക്കാര്‍ക്ക് അനുകൂലമായയാണ് നീങ്ങുന്നത്.

നിഫ്റ്റി ഒക്‌ടോബര്‍ ഫ്യൂച്ചേഴ്‌സ് കരാര്‍ 22,520ല്‍നിന്ന് 22,350ലേക്ക് താഴ്‌ന്നെങ്കിലും ക്ലോസിംഗില്‍ 22,625ലാണ്. ഓപ്പണ്‍ ഇന്‍ററസ്റ്റ് 191.6 ലക്ഷം കരാറുകളില്‍നിന്ന് 189.43 ലക്ഷമായി. ഈ മാറ്റം മാത്രം അടിസ്ഥാനമാക്കി നിലവിലുള്ള പൊസിഷനുകള്‍ വ്യാപാരികള്‍ നിലനിര്‍ത്തിയെന്ന് ഉറപ്പിക്കാനാവില്ല. ഈ വാരം 22,734-22,856 മേഖലയില്‍ പ്രതിരോധമുണ്ട്. വില്‍പന സമ്മര്‍ദമുണ്ടായാല്‍ 22,420-22,228ല്‍ താങ്ങ് പ്രതീക്ഷിക്കാം.

സെന്‍സെക്‌സ് മുന്‍വാരത്തിലെ 71,909 പോയിന്‍റില്‍നിന്ന് വ്യാപാരത്തിന്‍റെ ആദ്യഘട്ടത്തില്‍ 73,067 വരെ ഉയര്‍ന്നെങ്കിലും തുടര്‍ന്ന് ശക്തമായ വില്‍പനസമ്മര്‍ത്തില്‍ 71,327ലേക്ക് ഇടിഞ്ഞു. എന്നാല്‍ അവസാന സെഷനിലെ വാങ്ങല്‍താത്പര്യത്തില്‍ സൂചിക തിരിച്ചുകയറി 72,472 പോയിന്‍റിൽ ക്ലോസ് ചെയ്തു. ഈ വാരം 73,250-74,028 മേഖലയില്‍ പ്രതിരോധമുണ്ട്. താഴേക്ക് നീങ്ങിയാല്‍ 71,510-70,548 മേഖലയില്‍ പിന്തുണ പ്രതീക്ഷിക്കാം.

രൂപയുടെ മൂല്യം 96.30ല്‍നിന്ന് 96.88ലേക്ക് ദുര്‍ബലമായശേഷം ക്ലോസിംഗില്‍ 96.78ലാണ്. രൂപയുടെ മൂല്യത്തകര്‍ച്ചയും അമിത ചാഞ്ചാട്ടവും തടയാന്‍ പൊതുമേഖലാ എണ്ണക്കമ്പനികള്‍ക്ക് ആവശ്യമായ വിദേശനാണ്യം ലഭ്യമാക്കാന്‍ റിസര്‍വ് ബാങ്ക് പ്രത്യേക ഡോളര്‍ വിന്‍ഡോ തുറന്നു. കൂടാതെ, വിദേശനാണ്യ ഡെറിവേറ്റീവ് ഇടപാടുകള്‍ക്കുള്ള നിയമങ്ങളും കൂടുതല്‍ കര്‍ശനമാക്കി.

വിദേശ ഫണ്ടുകള്‍ പിന്നിട്ട വാരം 30,294 കോടി രൂപയുടെ വിൽപന നടത്തി. ഒക്‌ടോബറില്‍ ഇതിനകം 46,990 കോടി രൂപയുടെ വില്‍പന അവര്‍ നടത്തി. ആഭ്യന്തര ഫണ്ടുകള്‍ കഴിഞ്ഞ വാരം 30,313 കോടി രൂപ നിക്ഷേപിച്ചു. ഇതോടെ ആഭ്യന്തര ഫണ്ടുകളുടെ ഈ മാസത്തെ മൊത്തം നിക്ഷേപം 40,355.32 കോടി രൂപയിലെത്തി.

വിദേശ ഫണ്ടുകള്‍ വില്‍പന തുടര്‍ന്നാല്‍ ആഭ്യന്തര നിക്ഷേപകരുടെ വാങ്ങല്‍കൊണ്ട് തകര്‍ച്ച തടയാനാവില്ല. വര്‍ഷാവസാനം അടുക്കുമ്പോള്‍ വിദേശ നിക്ഷേപകരുടെ നിലപാടില്‍ മാറ്റം സംഭവിക്കാറുണ്ട്. നവംബറോടെ അത്തരമൊരു മാറ്റമുണ്ടായാല്‍ വില്‍പനക്കാരില്‍ ചിലര്‍ വാങ്ങലുകാരായി തിരിച്ചെത്താം. നടപ്പുവര്‍ഷം വിദേശ നിക്ഷേപകര്‍ ഇന്ത്യയില്‍നിന്ന് ഏകദേശം 3.04 ലക്ഷം കോടി രൂപ പിന്‍വലിച്ചു.

ഹോര്‍മുസ് വഴിയുള്ള കപ്പല്‍ ഗതാഗതത്തിലെ പ്രതിസന്ധികള്‍ക്കിടെ ആഗോള ബ്രെന്‍റ് ക്രൂഡ് ഓയില്‍ വില ബാരലിന് 104 ഡോളറിലെത്തി. ന്യൂയോര്‍ക്കില്‍ സ്വര്‍ണവില ട്രോയ് ഔണ്‍സിന് 4194 ഡോളറിലാണ്.

Business

സ്മിത് മച്ചാറിന് പോസ്റ്റല്‍ വകുപ്പിന്‍റെ ആദരം; തപാല്‍കവര്‍ പുറത്തിറക്കി

തിരുവനന്തപുരം: അസാമാന്യ ധീരത കൊണ്ട് 174 യാത്രക്കാരെ സാഹസികമായി വന്‍ ദുരന്തത്തില്‍ നിന്നു രക്ഷിച്ച ഇന്ത്യന്‍ പൈലറ്റ് സ്മിത് മച്ചാറിന് പോസ്റ്റല്‍ വകുപ്പിന്‍റെ ആദരം. സ്മിത് മച്ചാറിനുള്ള ആദര സൂചകമായി കേരള പോസ്റ്റല്‍ സര്‍ക്കിള്‍ പ്രത്യേക തപാല്‍കവര്‍ പുറത്തിറക്കി.

തിരുവനന്തപുരത്തു നടന്ന ചടങ്ങില്‍ സ്മിത് മച്ചാറിന്‍റെ പിതാവ് ഭൂപേന്ദ്ര മച്ചാര്‍ വീഡിയോ കോണ്‍ഫറന്‍സിംഗിലൂടെ പങ്കെടുത്തു. ‘ക്യാപ്റ്റന്‍ സ്മിത് മച്ചാറിനെ ആദരിക്കുന്നു, സമാനതകളില്ലാത്ത ധീരതയ്ക്കും നിസ്വാര്‍ഥ സേവനത്തിനും അഭിവാദ്യം’എന്ന പ്രമേയത്തിലാണ് പ്രത്യേക കവര്‍ പ്രകാശനം ചെയ്തത്.

Business

വെര്‍ട്ടോ സേവിംഗ്‌സ് അക്കൗണ്ട് അവതരിപ്പിച്ച് ഫെഡറല്‍ ബാങ്ക്

കൊച്ചി: യുവ പ്രഫഷണലുകള്‍ക്കും സംരംഭകര്‍ക്കുമായി ഫെഡറല്‍ ബാങ്ക് വെര്‍ട്ടോ സേവിംഗ്‌സ് അക്കൗണ്ട് അവതരിപ്പിച്ചു.

ഭക്ഷണം, ഫാഷന്‍, വിമാനയാത്ര എന്നിവയ്ക്കുള്ള ഡെബിറ്റ് കാര്‍ഡ് ഇടപാടുകള്‍ക്ക് അഞ്ചു ശതമാനം കാഷ്ബാക്ക്, 35 ലക്ഷം വരെയുള്ള സൗജന്യ ഇന്‍ഷ്വറന്‍സ് പരിരക്ഷ, ആഭ്യന്തര വിമാനത്താവളങ്ങളിലെ ലോഞ്ച് സൗകര്യം, ബാങ്ക് ലോക്കര്‍ നിരക്കുകളില്‍ ഇളവ്, വിദേശത്തേക്കു പണം അയയ്ക്കുന്നതിനുള്ള ആനുകൂല്യങ്ങള്‍ എന്നിവയാണു പ്രധാന സവിശേഷതകള്‍. അക്കൗണ്ട് ഉടമയുടെ പങ്കാളിക്കും കുട്ടികള്‍ക്കും പ്രത്യേക ആനുകൂല്യങ്ങളും ലഭിക്കും.

Business

സാംസംഗ് ബെസ്‌പോക്ക് എഐ ഗൃഹോപകരണ ശ്രേണി അവതരിപ്പിച്ചു

കൊച്ചി: എഐ സാങ്കേതിക വിദ്യയും സ്മാര്‍ട്ട് ഹോം കണക്‌ടിവിറ്റിയും ഉള്‍പ്പെടുത്തി സാംസംഗ് ഇന്ത്യ 2026 ബെസ്‌പോക്ക് എഐ ഗൃഹോപകരണ ശ്രേണി അവതരിപ്പിച്ചു. സ്മാര്‍ട്ട്തിംഗ്സ് പ്ലാറ്റ്‌ഫോമിലൂടെ ഉപകരണങ്ങള്‍ നിയന്ത്രിക്കാനും ഊര്‍ജ ഉപയോഗം കുറയ്ക്കാനും സഹായിക്കുന്ന സംവിധാനങ്ങളാണു പുതിയ ശ്രേണിയുടെ സവിശേഷത.

ഗൂഗിള്‍ ജെമിനി സംയോജിപ്പിച്ച ഫാമിലി ഹബ് റഫ്രിജറേറ്റര്‍, ബെസ്‌പോക്ക് എഐ. വിന്‍ഡ്ഫ്രീ പ്രോ എസി, ഇന്‍ഫിനിറ്റ് വണ്‍വേ കാസറ്റ് എസി എന്നിവയാണ് പ്രധാന ഉത്പന്നങ്ങള്‍.

എഐ സംവിധാനത്തിലൂടെ വൈദ്യുതി ഉപയോഗം 30 ശതമാനം വരെ കുറയ്ക്കാനും വ്യക്തിഗത ആവശ്യങ്ങള്‍ക്കനുസരിച്ച് ഉപകരണങ്ങള്‍ ക്രമീകരിക്കാനും സാധിക്കും. സാംസംഗ് നോക്‌സ് സുരക്ഷയും സ്മാര്‍ട്ട്തിംഗ്‌സ് വഴി ഏഴു വര്‍ഷത്തെ സോഫ്റ്റ്‌വേർ അപ്‌ഡേറ്റുകളും ലഭ്യമാക്കും.

Business

രാജ്യം 6ജി സാങ്കേതികവിദ്യയിലേക്ക്

ന്യൂഡൽഹി: ആറാം തലമുറ മൊബൈൽ കണക്റ്റിവിറ്റിയായ 6ജിയുടെ വരവിനുള്ള തയാറെടുപ്പുകളുമായി ജിയോ. ആഗോള 6ജി സാങ്കേതിക മാനദണ്ഡങ്ങൾ 2030-ൽ അന്തിമമാകുന്പോൾ, 6ജി സേവനങ്ങൾ അവതരിപ്പിക്കുന്ന ആദ്യ രാജ്യങ്ങളിൽ ഒന്നായി ഇന്ത്യ മാറാൻ സാധ്യതയുണ്ടെന്ന് ജിയോ വ്യക്തമാക്കി.

ജിയോ വികസിപ്പിച്ച പ്രീ-6ജി സാങ്കേതിക സംവിധാനവും (Pre-6G Stack) ഗിഗാ മിമോ റേഡിയോയും ന്യൂഡൽഹിയിൽ നടക്കുന്ന ഇന്ത്യ മൊബൈൽ കോണ്‍ഗ്രസ് (ഐഎംസി) 2026-ൽ പ്രദർശിപ്പിക്കുന്നുണ്ട്. നിലവിലെ 5ജി നെറ്റ്‌വർക്കുകളെ അപേക്ഷിച്ച് അഞ്ചുമടങ്ങ് വരെ ശേഷി കൈവരിക്കാനും ഡാറ്റ കൈമാറ്റത്തിലെ കാലതാമസം (ലേറ്റൻസി) പത്തിലൊന്നായി കുറയ്ക്കാനുമാണ് 6ജിയിലൂടെ ലക്ഷ്യമിടുന്നതെന്ന് ജിയോ അറിയിച്ചു.

ഇതിലൂടെ ഒരേസമയം കൂടുതൽ ഡാറ്റ കൈകാര്യം ചെയ്യാനും കൂടുതൽ ഉപയോക്താക്കൾക്ക് സേവനം നൽകാനും സാധിക്കും. നിർദേശങ്ങളോടും കമാൻഡുകളോടും നെറ്റ്വർക്കുകൾ പ്രതികരിക്കുന്ന വേഗവും ഗണ്യമായി വർധിക്കും. ഡാറ്റ വേഗതയിലും പുരോഗതി പ്രതീക്ഷിക്കുന്നു.

തത്സമയ നിർമിതബുദ്ധി (എഐ) സേവനങ്ങൾ, ഹോളോഗ്രാഫിക് വീഡിയോ, ആരോഗ്യപരിചരണം, വിദ്യാഭ്യാസം തുടങ്ങിയ മേഖലകളിൽ പുതിയ സാധ്യതകൾ തുറക്കാൻ ഈ സാങ്കേതിക മുന്നേറ്റങ്ങൾക്ക് കഴിയുമെന്നാണ് വിലയിരുത്തൽ.
ഐഎംസിയിലെ ജിയോയുടെ പ്രദർശനത്തിലെ പ്രധാന ആകർഷണങ്ങളിലൊന്നാണ് ഗിഗാ മിമോ.

Business

യുപിഐ നിരക്കുവര്‍ധന പിന്‍വലിക്കണം: കേരള ജ്വല്ലേഴ്‌സ് അസോ. കോ-ഓർഡിനേഷന്‍ കമ്മിറ്റി

കൊച്ചി: യുപിഐ ഇടപാടുകള്‍ക്ക് അധികനിരക്കുകള്‍ ഏര്‍പ്പെടുത്താനുള്ള നീക്കം പിന്‍വലിക്കണമെന്ന് കേരള ജ്വല്ലേഴ്‌സ് അസോസിയേഷന്‍ കോ ഓർഡിനേഷന്‍ കമ്മിറ്റി ആവശ്യപ്പെട്ടു.

ഡിജിറ്റല്‍ ഇടപാടുകളെ പ്രോത്സാഹിപ്പിക്കേണ്ട കാലത്ത് യുപിഐ ഇടപാടുകള്‍ക്ക് അധിക സാമ്പത്തികബാധ്യത ഏര്‍പ്പെടുത്തുന്നത് വ്യാപാരികള്‍ക്കും ഉപഭോക്താക്കള്‍ക്കും ഒരുപോലെ തിരിച്ചടിയാകുമെന്ന് യോഗം വിലയിരുത്തി.

ചെറുകിട വ്യാപാരികളുടെ പ്രവര്‍ത്തനച്ചെലവ് വര്‍ധിപ്പിക്കുന്ന ഇത്തരം നടപടികള്‍ പിന്‍വലിക്കണമെന്നും യോഗം ആവശ്യപ്പെട്ടു. ഈ ആവശ്യമുന്നയിച്ച് 13ന് കേരള ഗോള്‍ഡ് ആന്‍ഡ് സില്‍വര്‍ മര്‍ച്ചന്‍റ്സ് അസോസിയേഷന്‍ (കെജിഎസ്എംഎ) സംസ്ഥാന വ്യാപകമായി കേന്ദ്രസര്‍ക്കാര്‍ ഓഫിസുകള്‍ക്കു മുന്നില്‍ നടത്തുന്ന പ്രതിഷേധ ധര്‍ണയ്ക്ക് പിന്തുണ പ്രഖ്യാപിച്ചു.

കെജിഎസ്എംഎ സംസ്ഥാന പ്രസിഡന്‍റ് കെ. സുരേന്ദ്രന്‍ അധ്യക്ഷത വഹിച്ചു. ഡോ. ബി. ഗോവിന്ദന്‍ (എകെജിഎസ്എംഎ), എം.പി. അഹമ്മദ്, രാജേഷ് കല്യാണ്‍, എ.കെ. നിഷാദ് (കേരള ജ്വല്ലേഴ്‌സ് ഫെഡറേഷന്‍), ഷാജു ചിറയത്ത്, സുഹാസ് റാവു എന്നിവര്‍ പ്രസംഗിച്ചു.

Business

പുതിയ ലുക്ക്, കൂടുതൽ ഫീച്ചറുകൾ

മിഡ്സൈസ് എസ്‌യുവി വിപണിയിലെ മത്സരം കടുപ്പിച്ച് ഹോണ്ട എലിവേറ്റിന്‍റെ പുതുക്കിയ പതിപ്പ് എത്തി. ഡിസൈൻ പരിഷ്കാരങ്ങൾക്കൊപ്പം കംഫർട്ടിനും സുരക്ഷയ്ക്കും പ്രാധാന്യം നൽകിയാണ് പുതിയ എലിവേറ്റ് വിപണിയിലെത്തുന്നത്. 11.80 ലക്ഷം രൂപ മുതലാണ് എലിവേറ്റിന്‍റെ എക്സ്-ഷോറൂം വില.
കാഴ്ചയിലെ മാറ്റം

പുതിയ എലിവേറ്റിന്‍റെ ഏറ്റവും ശ്രദ്ധേയമായ മാറ്റം ഡിസൈനിലാണ്. കൂടുതൽ ബോൾഡ് ലുക്ക് നൽകുന്ന രീതിയിലാണ് എസ്‌യുവിയുടെ മുൻഭാഗം പരിഷ്കരിച്ചിരിക്കുന്നത്. പുതിയ എൽഇഡി ഡിആർഎൽ സ്ട്രിപ്പ്, ഗ്ലോസ് ബ്ലാക്ക് ഫിനിഷിലുള്ള ബോൾഡ് മെഷ് ഗ്രിൽ, ബോണറ്റിന്‍റെ മുൻഭാഗത്തേക്ക് മാറ്റിയ ഹോണ്ട ലോഗോ എന്നിവ വാഹനത്തിന് കൂടുതൽ പ്രീമിയം രൂപം നൽകുന്നു.

പിൻഭാഗത്തും മാറ്റങ്ങളുണ്ട്. പുതിയ കണക്‌ടഡ് എൽഇഡി ടെയിൽ ലാന്പുകളാണ് പ്രധാന ആകർഷണം. നോർഡിക് ഫോറസ്റ്റ് പേൾ ഉൾപ്പടെയുള്ള പുതിയ നിറങ്ങളിലും എലിവേറ്റ് ലഭ്യമാകും.

പിൻസീറ്റിലെ വെന്‍റിലേഷൻ

എലിവേറ്റിന്‍റെ അകത്തെ പ്രധാന ആകർഷണങ്ങളിലൊന്ന് കാബിനിലെ കംഫർട്ട് ഫീച്ചറുകളാണ്. സെഗ്മെന്‍റിൽ ആദ്യമായി പിൻസീറ്റുകൾക്കും വെന്‍റിലേഷൻ ഫംഗ്ഷൻ ലഭ്യമാക്കിയെന്നാണ് ഹോണ്ടയുടെ അവകാശവാദം.

മുൻസീറ്റുകളിലും വെന്‍റിലേഷൻ സൗകര്യമുണ്ട്. ഡ്രൈവർ സീറ്റിന് 8 വേ പവർ അഡ്ജസ്റ്റ്മെന്‍റും കോ-ഡ്രൈവർ സീറ്റിന് 4 വേ പവർ അഡ്ജസ്റ്റ്മെന്‍റും നൽകിയിട്ടുണ്ട്.
360 ഡിഗ്രി സറൗണ്ട് വ്യൂ ക്യാമറയും ഫ്രണ്ട് പാർക്കിംഗ് സെൻസറുകളും ഉൾപ്പെടുത്തിയിട്ടുണ്ട്. പരന്പരാഗത ഹാൻഡ്ബ്രേക്കിന് പകരം ഇലക്‌ട്രിക് പാർക്കിംഗ് ബ്രേക്ക്, ഓട്ടോ ഹോൾഡ് ഫംഗ്ഷൻ എന്നിവയും പുതിയ വാഹനത്തിൽ ലഭിക്കും. കാബിനിലെ വായുവിന്‍റെ ഗുണനിലവാരം മെച്ചപ്പെടുത്തുന്നതിനായി പിഎം2.5 എയർ ഫിൽട്ടറും നൽകിയിട്ടുണ്ട്.

സുരക്ഷയിലും വിട്ടുവീഴ്ചയില്ല

സുരക്ഷാ സംവിധാനങ്ങളിലും പുതിയ എലിവേറ്റ് സന്പന്നമാണ്. ഹോണ്ടയുടെ സെൻസിംഗ് ലെവൽ-2 അഡാസ് സ്യൂട്ട് വാഹനത്തിൽ ലഭിക്കും. അഡാപ്റ്റീവ് ക്രൂയിസ് കണ്‍ട്രോൾ, ലെയ്ൻ കീപ്പ് അസിസ്റ്റ് തുടങ്ങിയ സംവിധാനങ്ങൾ ഇതിന്‍റെ ഭാഗമാണ്.

ആറ് എയർബാഗുകൾ, വെഹിക്കിൾ സ്റ്റെബിലിറ്റി അസിസ്റ്റ് തുടങ്ങിയ സുരക്ഷാ സംവിധാനങ്ങളും വാഹനത്തിലുണ്ട്. സിവിടി പതിപ്പുകളിൽ റിയർ ഡിസ്ക് ബ്രേക്കുകളും നൽകിയിട്ടുണ്ട്.

പഴയ എൻജിൻ

എൻജിനിൽ വലിയ മാറ്റങ്ങളില്ല. മുൻ മോഡലിലുണ്ടായിരുന്ന 1.5 ലീറ്റർ ഐ-വിടിഇസി പെട്രോൾ എൻജിൻ തന്നെയാണ് പുതിയ എലിവേറ്റിലും ഉപയോഗിക്കുന്നത്. 119 പിഎസ് പരമാവധി കരുത്തും 145 എൻഎം ടോർക്കുമാണ് എൻജിന്‍റെ ഉത്പാദനം. ലിറ്ററിന് 16.61 കിലോമീറ്റർ മൈലേജാണ് കന്പനി അവകാശപ്പെടുന്നത്.

Business

സ്റ്റീല്‍ കട്ടിംഗ് ചടങ്ങ് നടത്തി

കൊച്ചി: ഡെന്മാര്‍ക്ക് കമ്പനിയായ സ്വിറ്റ്‌സറിനുവേണ്ടി കൊച്ചി കപ്പല്‍ശാലയില്‍ നിര്‍മിക്കുന്ന അത്യാധുനിക ഹരിത ടഗുകളുടെ സ്റ്റീല്‍ കട്ടിംഗ് ചടങ്ങ് നടന്നു. ബില്‍ഡിംഗ് സൈറ്റ് മാനേജര്‍ ജെന്‍സ് ഓവ് കിംലര്‍ റാസ്മുസെന്‍ സ്റ്റീല്‍ കട്ടിംഗ് നിര്‍വഹിച്ചു.

കൊച്ചി കപ്പല്‍ശാല ചെയര്‍മാന്‍ വി.ജെ. ജോസ്, കൊച്ചി കപ്പല്‍ശാലയുടെ ഓപ്പറേഷന്‍സ് ഡയറക്ടര്‍ ഡോ. എസ്. ഹരികൃഷ്ണന്‍, ഉഡുപ്പി കൊച്ചിന്‍ ഷിപ്പ്‌യാര്‍ഡ് ലിമിറ്റഡ് ചീഫ് എക്‌സിക്യൂട്ടീവ് ഓഫിസര്‍ എ. രവികുമാര്‍, കൊച്ചി കപ്പല്‍ശാലയുടെ ഷിപ്പ്ബില്‍ഡിംഗ് എക്‌സിക്യൂട്ടീവ് ഡയറക്‌ടര്‍ വി.പി. ഷിറാസ് തുടങ്ങിയവര്‍ പങ്കെടുത്തു.

Business

പാലാ ബ്രില്ല്യന്‍റിൽ ഇന്‍റഗ്രേറ്റഡ് പ്രോഗ്രാം സ്ക്രീനിംഗ് ടെസ്റ്റ്

കോട്ടയം: 10-ാം ക്ലാസിൽ പഠിക്കുന്ന വിദ്യാർഥികൾക്ക് പാലാ ബ്രില്ല്യന്‍റ് സ്റ്റഡി സെന്‍ററിൽ പ്ലസ് വണ്‍/പ്ലസ് ടു പഠനത്തോടൊപ്പം മെഡിക്കൽ/എൻജിനിയറിംഗ് എൻട്രൻസ് പരിശീലനം നേടുന്നതിനായുള്ള രണ്ടു വർഷത്തെ ഇന്‍റഗ്രേറ്റഡ് പ്രോഗ്രാമിലേക്കുള്ള സ്ക്രീനിംഗ് ടെസ്റ്റ് നവംബർ 1-ന് നടക്കുന്നു.

കേരളത്തിലെ എല്ലാ ജില്ലകളിലും കൂടാതെ ബംഗളൂരു, ദുബായ്, ഖത്തർ എന്നിവിടങ്ങളിലെ വിവിധ കേന്ദ്രങ്ങളിലും ഓണ്‍ലൈനായും ഈ പരീക്ഷ എഴുതാവുന്നതാണ്.
ഐഐടി/എയിംസ് വിഭാഗങ്ങളിലെ പ്രവേശന പരീക്ഷയിൽ ആദ്യ മൂന്ന് റാങ്കുകൾ നേടുന്നവർക്ക് യഥാക്രമം നാലു ലക്ഷം, മൂന്നു ലക്ഷം, രണ്ടു ലക്ഷം രൂപ വീതമുള്ള സ്കോളർഷിപ്പുകളും കൂടാതെ നിരവധി കുട്ടികൾക്ക് പൂർണമായോ ഭാഗികമായോ സൗജന്യ പഠനത്തിനുള്ള അവസരവും ലഭിക്കും.സാന്പത്തികമായി പിന്നാക്കം നിൽക്കുന്ന മിടുക്കരായ കുട്ടികൾക്ക് ’ബ്രില്ല്യന്‍റ് സ്റ്റുഡന്‍റ് മൈത്രി സ്കീമും’ ലഭ്യമാണ്.

5, 6, 7, 8, 9 ക്ലാസുകളിലെ വിദ്യാർഥികൾക്കായുള്ള ഫൗണ്ടേഷൻ പ്രോഗ്രാമിന്‍റെ സ്ക്രീനിംഗ് ടെസ്റ്റും നവംബർ ഒന്നിന് ഇതേ പരീക്ഷാ കേന്ദ്രങ്ങളിൽവച്ച് നടക്കും. ഓണ്‍ലൈനായും പരീക്ഷ എഴുതാവുന്നതാണ്.

5 മുതൽ 10 വരെ ക്ലാസുകളിലെ സയൻസ്, മാത്സ് വിഷയങ്ങളിൽ ആഭിമുഖ്യമുള്ള കുട്ടികൾക്കായി ബ്രില്ല്യന്‍റ് സയൻസ് ഒളിന്പ്യാഡ് 2026 നടത്തുന്നു. ആദ്യഘട്ട പരീക്ഷ നവംബർ 14-ന് ഓണ്‍ലൈനായി നടത്തുന്നു. (ഇപ്പോൾ സൗജന്യമായി രജിസ്റ്റർ ചെയ്യാം) 2027ലെ നീറ്റ്/ജെഇഇ പരീക്ഷാ പരിശീലനത്തിനായുള്ള റിപ്പീറ്റേഴ്സ്/റീറിപ്പീറ്റേഴ്സ് ബാച്ചുകളിലേക്കുള്ള പുതിയ ഓഫ്‌ലൈൻ/ഓണ്‍ലൈൻ ക്ലാസുകൾ നാളെയും 26നും ആരംഭിക്കും. നീറ്റ് സ്കോറും പ്ലസ് ടു മാർക്കും അടിസ്ഥാനമാക്കി 100 ശതമാനം വരെ സ്കോളർഷിപ്പും ഹോസ്റ്റൽ സൗകര്യവും ലഭിക്കുന്നതാണ്.

കൂടുതൽ വിവരങ്ങൾക്ക്: വെബ്സൈറ്റ്: www.brilliantpala.org, ഫോണ്‍ നന്പറുകൾ: 04822-206100, 206800.

Business

രാജ്യാന്തര ട്രെൻഡിൽ കുതിച്ച് സ്വർണം; പവന് വീണ്ടും 1.10 ലക്ഷം കടന്നു

കൊച്ചി: സംസ്ഥാനത്ത് വ്യാഴാഴ്ച മാറ്റമില്ലാതെ തുടർന്ന സ്വർണവിലയിൽ ഇന്നു കുതിപ്പ്. 22 കാരറ്റ് സ്വര്‍ണം ഗ്രാമിന് 105 രൂപയും പവന് 840 രൂപയുമാണ് വർധിച്ചത്. ഇതോടെ, ഒരു ഗ്രാം സ്വർണത്തിന് 13,815 രൂപയിലും പവന് 1,10,520 രൂപയിലുമാണ് വ്യാപാരം പുരോഗമിക്കുന്നത്. അതേസമയം, 18 കാരറ്റ് സ്വർണം ഗ്രാമിന് 85 രൂപ വർധിച്ച് 11,350 രൂപയിലെത്തി.

തിങ്കളാഴ്ച നിശ്ചലമായിരുന്ന സ്വർണവില ചൊവ്വാഴ്ച രണ്ടു തവണ മാറി മറഞ്ഞിരുന്നു. രാവിലെ പവന് 120 രൂപ കുറഞ്ഞിരുന്നെങ്കിലും വൈകിട്ടോടെ 880 രൂപ ഉയര്‍ന്ന് 1,10,160 രൂപയില്‍ എത്തിയിരുന്നു. പിന്നാലെ ബുധനാഴ്ച താഴേക്കുപോയ സ്വർ‌ണം ഗ്രാമിന് 60 രൂപയും പവന് 480 രൂപയും കുറഞ്ഞിരുന്നു.

രാജ്യാന്തര വിലയിലെ ചലനങ്ങളാണ് ആഭ്യന്തര സ്വർണവിപണിയിലും പ്രതിഫലിക്കുന്നത്. രാജ്യാന്തര വിപണിയിൽ വ്യാഴാഴ്ച ഔൺസിന് 4,134 ഡോളറിൽ ക്ലോസ് ചെയ്ത സ്വർണം ഇന്ന് 4,179 ഡോളറിലേക്ക് കുതിച്ചതിനു ശേഷം ഒരു ശതമാനത്തിലധികം നേട്ടത്തിൽ 4178 ഡോളറിലാണ് വ്യാപാരം നടക്കുന്നത്.

അതേസമയം, വെള്ളി വിലയിലും ഇന്നു മാറ്റമില്ല. ഒരു ഗ്രാം സാധാരണ വെള്ളിക്ക് 235 രൂപയിലാണ് വ്യാപാരം പുരോഗമിക്കുന്നത്.

100 വര്‍ഷത്തെ സ്വര്‍ണക്കുതിപ്പ്

Business

രാജ്യാന്തര വിപണിയിൽ തിരിച്ചുകയറ്റം, കേരളത്തിൽ അനക്കമില്ലാതെ സ്വർണവില

കൊച്ചി: സംസ്ഥാനത്ത് സ്വര്‍ണ വില മാറ്റമില്ലാതെ തുടരുന്നു. 22 കാരറ്റ് സ്വര്‍ണം ഗ്രാമിന് 13,710 രൂപയിലും പവന് 1,09,680 രൂപയിലുമാണ് വ്യാപാരം പുരോഗമിക്കുന്നത്. അതേസമയം, 18 കാരറ്റ് സ്വർണവില ഗ്രാമിന് 11,265 രൂപയാണ്.

രാജ്യാന്തര വിലയിലെ ചലനങ്ങളാണ് ആഭ്യന്തര സ്വർണവിപണിയിലും പ്രതിഫലിക്കുന്നത്. രാജ്യാന്തര വിപണിയിൽ ഇന്ന് ഒരു ഘട്ടത്തിൽ ഔൺസിന് 4100 ഡോളറിലേക്ക് കൂപ്പുകുത്തിയ സ്വർണവില അതിവേഗം നേട്ടത്തിലേക്ക് തിരിച്ചുകയറി. നിലവിൽ 20 ഡോളർ നേട്ടവുമായി 4,135 ഡോളറിലാണ് വ്യാപാരം നടക്കുന്നത്.

100 വര്‍ഷത്തെ സ്വര്‍ണക്കുതിപ്പ്

Business

ഇന്നലെ ചാഞ്ചാടിക്കയറി, ഇന്നു താഴേക്ക്; സ്വർണവില വീണ്ടും 1.10 ലക്ഷത്തിൽ താഴെ

കൊച്ചി: സംസ്ഥാനത്ത് ചൊവ്വാഴ്ചത്തെ ചാഞ്ചാട്ടത്തിനു ശേഷം വീണ്ടും താഴേക്കിറങ്ങി സ്വർണവില. 22 കാരറ്റ് സ്വർ‌ണം ഗ്രാമിന് 60 രൂപയും പവന് 480 രൂപയുമാണ് കുറഞ്ഞത്. ഇതോടെ, ഒരു ഗ്രാം സ്വർണത്തിന് 13,710 രൂപയിലും പവന് 1,09,680 രൂപയിലുമാണ് വ്യാപാരം പുരോഗമിക്കുന്നത്.

അതേസമയം, 18 കാരറ്റ് സ്വർണവില ഗ്രാമിന് 50 രൂപ കുറഞ്ഞ് 11,265 രൂപയിലെത്തി. 14 കാരറ്റ് സ്വർണം 40 രൂപ കുറഞ്ഞ് 8,775 രൂപയിലും ഒമ്പത് കാരറ്റ് സ്വർണം 25 രൂപ കുറഞ്ഞ് 5,660 രൂപയിലുമാണ് വ്യാപാരം നടക്കുന്നത്.

ചൊവ്വാഴ്ച രണ്ടു തവണ സ്വര്‍ണ വില മാറി മറഞ്ഞിരുന്നു. രാവിലെ പവന് 120 രൂപ കുറഞ്ഞിരുന്നെങ്കിലും വൈകിട്ടോടെ 880 രൂപ ഉയര്‍ന്ന് 1,10,160 രൂപയില്‍ എത്തിയിരുന്നു. സംസ്ഥാനത്ത് ഒരാഴ്ച നീണ്ട ചാഞ്ചാട്ടങ്ങൾക്കൊടുവിൽ വീഴ്ചയോടെയാണ് കഴിഞ്ഞ ശനിയാഴ്ച സ്വർണം വ്യാപാരം അവസാനിപ്പിച്ചത്. ഗ്രാമിന് 100 രൂപയും പവന് 800 രൂപയും കുറഞ്ഞ സ്വർണവില വീണ്ടും 1.10 ലക്ഷത്തിനു താഴെപ്പോയിരുന്നു. പിന്നീട് തിങ്കളാഴ്ച നിശ്ചലമാകുകയായിരുന്നു.

രാജ്യാന്തര വിലയിലെ ചലനങ്ങളാണ് ആഭ്യന്തര സ്വർണവിപണിയിലും പ്രതിഫലിക്കുന്നത്.

അതേസമയം, വെള്ളി വിലയിൽ ഇന്നു മാറ്റമില്ല. ഒരു ഗ്രാം സാധാരണ വെള്ളിക്ക് 235 രൂപയിലാണ് വ്യാപാരം പുരോഗമിക്കുന്നത്.

100 വര്‍ഷത്തെ സ്വര്‍ണക്കുതിപ്പ്

Business

വിശ്രമത്തിനു ശേഷം വീണ്ടുമിറങ്ങി സ്വർണം; പവന് 1.09 ലക്ഷത്തിൽതന്നെ

കൊച്ചി: വാരാദ്യം നിശ്ചലമായ സ്വർണവില ഇന്ന് താഴേക്ക്. ഗ്രാമിന് 15 രൂപയും പവന് 120 രൂപയുമാണ് കുറഞ്ഞത്. ഇതോടെ, ഒരു ഗ്രാം സ്വർണത്തിന് 13,660 രൂപയിലും പവന് 1,09,280 രൂപയിലുമാണ് വ്യാപാരം പുരോഗമിക്കുന്നത്. അതേസമയം, 18 കാരറ്റ് സ്വർണം ഗ്രാമിന് 10 രൂപ കുറഞ്ഞ് 11,225 രൂപയിലെത്തി.

സംസ്ഥാനത്ത് ഒരാഴ്ച നീണ്ട ചാഞ്ചാട്ടങ്ങൾക്കൊടുവിൽ വീഴ്ചയോടെയാണ് കഴിഞ്ഞ ശനിയാഴ്ച സ്വർണം വ്യാപാരം അവസാനിപ്പിച്ചത്. ഗ്രാമിന് 100 രൂപയും പവന് 800 രൂപയും കുറഞ്ഞ സ്വർണവില വീണ്ടും 1.10 ലക്ഷത്തിനു താഴെപ്പോയിരുന്നു. പിന്നീട് തിങ്കളാഴ്ച നിശ്ചലമാകുകയായിരുന്നു.

രാജ്യാന്തര വിലയിലെ ചലനങ്ങളാണ് ആഭ്യന്തര സ്വർണവിപണിയിലും പ്രതിഫലിക്കുന്നത്. തിങ്കളാഴ്ച ഔൺസിന് 4141.50 ഡോളറിൽ ക്ലോസ് ചെയ്ത സ്വർണം ഇന്ന് 4151 ഡോളറിലേക്ക് കയറിയെങ്കിലും പിന്നീട് ഇടിഞ്ഞു. നിലവിൽ 4121 ഡോളറിലാണ് വ്യാപാരം പുരോഗമിക്കുന്നത്.

100 വര്‍ഷത്തെ സ്വര്‍ണക്കുതിപ്പ്

Business

ചാഞ്ചാട്ടത്തിനു പിന്നാലെ നിശ്ചലമായി സ്വർണം; പവന് 1.10 ലക്ഷത്തിൽ താഴെത്തന്നെ

കൊച്ചി: സംസ്ഥാനത്ത് വാരാദ്യം നിശ്ചലമായി സ്വർണവില. 22 കാരറ്റ് സ്വർണം ഗ്രാമിന് 13,675 രൂപയിലും പവന് 1,09,400 രൂപയിലുമാണ് വ്യാപാരം പുരോഗമിക്കുന്നത്. അതേസമയം, 18 കാരറ്റ് സ്വർണവില ഗ്രാമിന് 11,235 രൂപയാണ്.

രാജ്യാന്തര വിലയിലെ ചലനങ്ങളാണ് ആഭ്യന്തര സ്വർണവിപണിയിലും പ്രതിഫലിക്കുന്നത്. രാജ്യാന്തരവില ഔൺസിന് 4162 ഡോളർ വരെ ഉയർന്നെങ്കിലും ഇപ്പോൾ 4137 ഡോളറിലാണ് വ്യാപാരം നടക്കുന്നത്. എന്നാൽ, കേരളത്തിൽ വിലയിൽ മാറ്റംവരുത്തേണ്ടതില്ലെന്ന് വ്യാപാരികൾ തീരുമാനിക്കുകയായിരുന്നു.

100 വര്‍ഷത്തെ സ്വര്‍ണക്കുതിപ്പ്

Business

ജാപ്പനീസ് ബ്രാന്‍ഡായ യൂകി ഐസ്‌ക്രീം കേരളത്തില്‍

കൊച്ചി: ജാപ്പനീസ് ബ്രാന്‍ഡായ യൂകി ഐസ്‌ക്രീം കേരളത്തില്‍ വിപണനം ആരംഭിച്ചു.

ഒട്ടേറെ സവിശേഷതകളോടെ മറൂട്ടോ, മാര്‍ഷ്മലോ ആന്‍ഡ് കോട്ടണ്‍ കാന്‍ഡി, ചെറി ബ്ലോസം, മാച്ചാ സ്‌ട്രോബെറി, ഡെത്ത് ബൈ ചോക്ലേറ്റ്, സോള്‍ട്ടഡ് കാരമല്‍, മാംഗോ ജെല്ലോ മാംഗോ, കൊക്കനട്ടെ എന്നിങ്ങനെ ഒട്ടേറെ ഫ്ലേവറുകളിലാണ് യൂകി ഐസ്‌ക്രീം കേരളത്തില്‍ എത്തിയിരിക്കുന്നത്.

കളമശേരി ചാക്കോളാസ് മില്‍ ഗ്രൗണ്ടില്‍ നടന്ന ചടങ്ങില്‍ യൂകി ഐസ്‌ക്രീം മാനേജിംഗ് ഡയറക്‌ടര്‍ ജോണ്‍ കടമ്പുകാട്ടില്‍ പ്രോഡക്‌ട് ലോഞ്ച് ചെയ്തു.

ജാപ്പനീസ് കള്‍ച്ചറല്‍ അംബാസഡര്‍മാരായ ഫൂട്ടാ സുഗാനോ, മായോ മുറസാക്കി, യൂക്കിയുടെ കേരളത്തിലെ ബ്രാന്‍ഡ് അംബാസഡര്‍ മഞ്ജു വാര്യര്‍, ബ്രാന്‍ഡ് മാനേജര്‍ ബിജോ ബെഞ്ചമിന്‍, രമേഷ് പിഷാരടി എംഎല്‍എ, മെര്‍സിലീസ് ഐസ്‌ക്രീം മാനേജിംഗ് ഡയറക്ടര്‍ ജോസഫ് കടമ്പുകാട്ടില്‍, നടി മിയ, സംവിധായകരായ മാര്‍ട്ടിന്‍ പ്രക്കാട്ട്, സുധീഷ് ശങ്കര്‍ തുടങ്ങിയവര്‍ ചടങ്ങില്‍ പങ്കെടുത്തു.

International

പത്തു കോടി ബാരൽ ക്രൂഡോയിലും ഡീസലും വിപണിയിലിറക്കാൻ ജി7 രാജ്യങ്ങൾ

ജനീവ: ആഗോളവിപണിയിലെ ഇന്ധനവില വർധന തടയുന്നതിനും ഊർജ പ്രതിസന്ധി പരിഹരിക്കുന്നതിനുമായി പത്തു കോടി ബാരൽ ക്രൂഡോയിലും ഡീസലും തന്ത്രപ്രധാന ശേഖരത്തിൽനിന്ന് പുറത്തുവിടാൻ ജി7 രാജ്യങ്ങൾ ധാരണയിലെത്തി.

വരും മാസങ്ങളിൽ ഏകോപിതമായി ഇതു വിപണിയിലെത്തിക്കാനാണ് ജി7 നേതാക്കളുടെ അടിയന്തര യോഗത്തിൽ തീരുമാനമായത്. യുഎസ് പ്രസിഡന്‍റ് ഡോണൾഡ് ട്രംപിന്‍റെ ഭരണകൂടത്തിന് വലിയ രാഷ്‌ട്രീയ-സാമ്പത്തിക ആശ്വാസമേകുന്നതാണ് ഈ തീരുമാനം.

അന്താരാഷ്‌ട്ര വിപണിയിൽ ഇന്ധനവില കുതിച്ചുയരുന്ന സാഹചര്യത്തിൽ, വില നിയന്ത്രണവിധേയമാക്കാനും വിതരണശൃംഖല തടസപ്പെടാതെ നോക്കാനുമാണ് ജി7 രാജ്യങ്ങളായ അമേരിക്ക, യുകെ, കാനഡ, ഫ്രാൻസ്, ജർമനി, ഇറ്റലി, ജപ്പാൻ എന്നിവ പ്രതിസന്ധിഘട്ടങ്ങളിൽ ഉപയോഗിക്കുന്ന തന്ത്രപ്രധാനമായ റിസർവ് ശേഖരത്തിൽനിന്ന് എണ്ണ പുറത്തെടുക്കാൻ തീരുമാനിച്ചത്.

എണ്ണ ഉത്പാദനം കൂടുതൽ ഉദാരമാക്കാനും പങ്കാളിത്ത രാജ്യങ്ങൾ തമ്മിൽ ഊർജ വിതരണത്തിൽ നിയന്ത്രണങ്ങൾ ഏർപ്പെടുത്താതിരിക്കാനും തീരുമാനമായി.

Business

ചാഞ്ചാടിയാടി വീണ്ടും മുകളിലേക്ക്; സ്വർണവില വീണ്ടും 1.10 ലക്ഷം പിന്നിട്ടു

കൊച്ചി: സംസ്ഥാനത്ത് ചാഞ്ചാട്ടം തുടരുന്ന സ്വർണവില ഇന്ന് മുകളിലേക്ക്. 22 കാരറ്റ് സ്വർണം ഗ്രാമിന് 95 രൂപയും പവന് 760 രൂപയുമാണ് വർധിച്ചത്. ഇതോടെ, ഒരു ഗ്രാം സ്വർണത്തിന് 13,775 രൂപയിലും പവന് 1,10,200 രൂപയിലുമാണ് വ്യാപാരം പുരോഗമിക്കുന്നത്. അതേസമയം, 18 കാരറ്റ് സ്വർണവില ഗ്രാമിന് 75 രൂപ വർധിച്ച് 11,315 രൂപയിലെത്തി.

ഒരുദിവസത്തെ കുതിപ്പിനു പിന്നാലെ വ്യാഴാഴ്ച താഴേക്കിറങ്ങിയ സ്വർണവില ഗ്രാമിന് 30 രൂപയും പവന് 240 രൂപയും കുറഞ്ഞിരുന്നു.

നേരത്തെ, ഇടിവോടെ വാരാദ്യ വിപണി ആരംഭിച്ച സ്വർണം തിങ്കളാഴ്ച ഗ്രാമിന് 230 രൂപയും പവന് 1,840 രൂപയുമാണ് ഇടിഞ്ഞത്. തൊട്ടുപിന്നാലെ ചൊവ്വാഴ്ച ഗ്രാമിന് 25 രൂപയും പവന് 200 രൂപയും കുറഞ്ഞ സ്വർണവില വീണ്ടും 1.10 ലക്ഷത്തിനു താഴെപ്പോയി. പിന്നാലെ ബുധനാഴ്ച തിരിച്ചുകയറിയ സ്വർണം ഗ്രാമിന് 70 രൂപയും പവന് 560 രൂപയും വർധിച്ചു. പിന്നീട് വ്യാഴാഴ്ച വീണ്ടും വീണത്.

രാജ്യാന്തര വിലയിലെ ചലനങ്ങളാണ് ആഭ്യന്തര സ്വർണവിപണിയിലും പ്രതിഫലിക്കുന്നത്. കേരളത്തിൽ ഇന്ന് രാവിലെ വില നിശ്ചയിക്കുമ്പോൾ ഔൺസിന് 4174.30 ഡോളർ ആയിരുന്ന രാജ്യാന്തര വില ഒമ്പത് ഡോളർ ഉയർന്ന് 4,182 ഡോളറിലാണ് വ്യാപാരം പുരോഗമിക്കുന്നത്.

100 വര്‍ഷത്തെ സ്വര്‍ണക്കുതിപ്പ്

Business

രാജ്യാന്തര ട്രെൻഡിൽ താഴേക്കിറങ്ങി സ്വർണം; പവന് കുറഞ്ഞത് 240 രൂപ

കൊച്ചി: സംസ്ഥാനത്ത് ഒരുദിവസത്തെ കുതിപ്പിനു പിന്നാലെ വീണ്ടും താഴേക്കിറങ്ങി സ്വർണവില. 22 കാരറ്റ് സ്വര്‍ണം ഗ്രാമിന് 30 രൂപയും പവന് 240 രൂപയുമാണ് കുറഞ്ഞത്. ഇതോടെ, ഒരു ഗ്രാം സ്വർണത്തിന് 13,680 രൂപയിലും പവന് 1,09,440 രൂപയിലുമാണ് വ്യാപാരം പുരോഗമിക്കുന്നത്. അതേസമയം, 18 കാരറ്റ് സ്വർ‌ണവില ഗ്രാമിന് 25 രൂപ കുറഞ്ഞ് 11,240 രൂപയിലെത്തി.

സംസ്ഥാനത്ത് മൂന്നുദിവസത്തെ ഇടിവിന് ശേഷം ബുധനാഴ്ച സ്വർണവില തിരിച്ചുകയറിയിരുന്നു. 22 കാരറ്റ് സ്വർണം ഗ്രാമിന് 70 രൂപയും പവന് 560 രൂപയുമാണ് വർധിച്ചത്. നേരത്തെ, ഇടിവോടെ വാരാദ്യ വിപണി ആരംഭിച്ച സ്വർണം തിങ്കളാഴ്ച ഗ്രാമിന് 230 രൂപയും പവന് 1,840 രൂപയുമാണ് ഇടിഞ്ഞത്. തൊട്ടുപിന്നാലെ ചൊവ്വാഴ്ച ഗ്രാമിന് 25 രൂപയും പവന് 200 രൂപയും കുറഞ്ഞ സ്വർണവില വീണ്ടും 1.10 ലക്ഷത്തിനു താഴെപ്പോയിരുന്നു.

ഓണക്കാല ഇടിവിൽ ഒരാഴ്ചയ്ക്കിടെ പവന് 8,800 രൂപയോളമാണ് ഇടിഞ്ഞ ശേഷമാണ് സ്വർണവിലയിൽ ചാഞ്ചാട്ടം ദൃശ്യമായത്. ഓഗസ്റ്റ് തുടക്കത്തിൽ പവന് 1,05,600 രൂപയായിരുന്നു സ്വർണവില. പിന്നീട് കുതിപ്പും കിതപ്പുമാണ് ദൃശ്യമായത്. ഈ വർഷം ജനുവരി 29ന് കുറിച്ച ഗ്രാമിന് 16,395 രൂപയും പവന് 1.31 ലക്ഷം രൂപയുമാണ് സംസ്ഥാനത്തിന്‍റെ ചരിത്രത്തിലെ എക്കാലത്തെയും ഉയർന്ന സ്വർണവില.

രാജ്യാന്തര വിലയിലെ ചലനങ്ങളാണ് ആഭ്യന്തര സ്വർണവിപണിയിലും പ്രതിഫലിക്കുന്നത്. ബുധനാഴ്ച രാവിലെ ഔൺസിന് 4,177 ഡോളർ ആയിരുന്ന രാജ്യാന്തരവില ഇന്ന് 4,166 ഡോളറിലേക്ക് താഴ്ന്നു. ഇതാണ് കേരളത്തിലും വില കുറയാൻ ഇടയാക്കിയത്.

അതേസമയം, വെള്ളി വിലയും ഇന്നു താഴേക്കാണ്. ഒരു ഗ്രാം സാധാരണ വെള്ളിക്ക് അഞ്ചുരൂപ താഴ്ന്ന് 235 രൂപയിലാണ് വ്യാപാരം പുരോഗമിക്കുന്നത്.

100 വര്‍ഷത്തെ സ്വര്‍ണക്കുതിപ്പ്

Business

മൂന്നുദിവസത്തെ ഇടിവിനു ശേഷം സ്വർണം തിരിച്ചുകയറുന്നു; പവന് 1.10 ലക്ഷത്തിൽ താഴെത്തന്നെ

കൊച്ചി: സംസ്ഥാനത്ത് മൂന്നുദിവസത്തെ ഇടിവിന് ബ്രേക്കിട്ട് തിരിച്ചുകയറി സ്വർണവില. 22 കാരറ്റ് സ്വർണം ഗ്രാമിന് 70 രൂപയും പവന് 560 രൂപയുമാണ് വർധിച്ചത്. ഇതോടെ, ഒരു ഗ്രാം സ്വർണത്തിന് 13,710 രൂപയിലും പവന് 1,09,680 രൂപയിലുമാണ് വ്യാപാരം പുരോഗമിക്കുന്നത്. അതേസമയം, 18 കാരറ്റ് സ്വർണവില ഗ്രാമിന് 60 രൂപ ഉയർന്ന് 11,265 രൂപയിലെത്തി.

നേരത്തെ, ഇടിവോടെ വാരാദ്യ വിപണി ആരംഭിച്ച സ്വർണം തിങ്കളാഴ്ച ഗ്രാമിന് 230 രൂപയും പവന് 1,840 രൂപയുമാണ് ഇടിഞ്ഞത്. തൊട്ടുപിന്നാലെ ചൊവ്വാഴ്ച ഗ്രാമിന് 25 രൂപയും പവന് 200 രൂപയും കുറഞ്ഞ സ്വർണവില വീണ്ടും 1.10 ലക്ഷത്തിനു താഴെപ്പോയിരുന്നു.

ഓണക്കാല ഇടിവിൽ ഒരാഴ്ചയ്ക്കിടെ പവന് 8,800 രൂപയോളമാണ് ഇടിഞ്ഞ ശേഷമാണ് സ്വർണവിലയിൽ ചാഞ്ചാട്ടം ദൃശ്യമായത്. ഓഗസ്റ്റ് തുടക്കത്തിൽ പവന് 1,05,600 രൂപയായിരുന്നു സ്വർണവില. പിന്നീട് കുതിപ്പും കിതപ്പുമാണ് ദൃശ്യമായത്. ഈ വർഷം ജനുവരി 29ന് കുറിച്ച ഗ്രാമിന് 16,395 രൂപയും പവന് 1.31 ലക്ഷം രൂപയുമാണ് സംസ്ഥാനത്തിന്‍റെ ചരിത്രത്തിലെ എക്കാലത്തെയും ഉയർന്ന സ്വർണവില.

രാജ്യാന്തര വിലയിലെ ചലനങ്ങളാണ് ആഭ്യന്തര സ്വർണവിപണിയിലും പ്രതിഫലിക്കുന്നത്. രാജ്യാന്തര സ്വർണവില ഔൺസിന് 73.22 ഡോളർ ഇടിഞ്ഞ് 4213.7 ഡോളറിലാണ് വ്യാപാരം നടക്കുന്നത്. ഒരുവേള 4,207 ഡോളറിലും എത്തിയിരുന്നു.

അതേസമയം, വെള്ളി വില ഇന്നു മാറ്റമില്ലാതെ തുടരുകയാണ്. ഒരു ഗ്രാം സാധാരണ വെള്ളിക്ക് 240 രൂപയിലാണ് വ്യാപാരം പുരോഗമിക്കുന്നത്.

ചൊവ്വാഴ്ച ഔൺസിന് 4,138 ഡോളറായിരുന്ന രാജ്യാന്തരവില ഇന്ന് 4,177 ഡോളറിലാണ് വ്യാപാരം നടക്കുന്നത്.

100 വര്‍ഷത്തെ സ്വര്‍ണക്കുതിപ്പ്

Business

എഐ+ നോവ 2 പവര്‍ 5ജി വിപണിയില്‍

കൊച്ചി: എഐ+ നോവ 2 സീരീസിലെ പുതിയ സ്മാര്‍ട്ട്‌ഫോണായ നോവ 2 പവര്‍ 5ജി വിപണിയിലെത്തി.

6.75 ഇഞ്ച് 120 ഹെര്‍ട്‌സ് ഡിസ്‌പ്ലേ, മീഡിയടെക് ഡൈമന്‍സിറ്റി 7100 പ്രോസസര്‍, 48 മെഗാപിക്‌സല്‍ പ്രധാന കാമറ, 7000 എംഎഎച്ച് ബാറ്ററി, 33 വാട്ട് ഫാസ്റ്റ് ചാര്‍ജിംഗ് എന്നിവയാണു പ്രധാന സവിശേഷതകള്‍. ഐപി65 റേറ്റിംഗും ഡ്യുവല്‍ 5ജി സിം പിന്തുണയും ഫോണിലുണ്ട്.

Business

ഇടിഞ്ഞു തുടങ്ങി സ്വർണം; പവന്‍ വില 1.11 ലക്ഷത്തിൽ താഴെ, ഒറ്റയടിക്ക് കുറഞ്ഞത് 1,840 രൂപ

കൊച്ചി: സംസ്ഥാനത്ത് വൻ ഇടിവോടെ വാരാദ്യ വിപണി ആരംഭിച്ച് സ്വർണം. ഗ്രാമിന് 230 രൂപയും പവന് 1,840 രൂപയുമാണ് ഇടിഞ്ഞത്. ഇതോടെ ഒരു ഗ്രാം സ്വർണത്തിന് 13,765 രൂപയിലും പവന് 1,10,120 രൂപയിലുമാണ് വ്യാപാരം പുരോഗമിക്കുന്നത്.

വൻ ചാഞ്ചാട്ടങ്ങൾ ദൃശ്യമായ കഴിഞ്ഞ വാരം ഇടിവോടെയാണ് സ്വർണവ്യാപാരം അവസാനിച്ചത്. ഗ്രാമിന് 15 രൂപയും പവന് 120 രൂപയാണ് ശനിയാഴ്ച കുറഞ്ഞത്.

അതേസമയം, വെള്ളി വിലയും ഇന്നു താഴേക്കാണ്. ഒരു ഗ്രാം സാധാരണ വെള്ളിക്ക് അഞ്ചുരൂപ താഴ്ന്ന് 240 രൂപയിലാണ് വ്യാപാരം പുരോഗമിക്കുന്നത്.

100 വര്‍ഷത്തെ സ്വര്‍ണക്കുതിപ്പ്

Business

ഉയർന്ന നിലവാരത്തിൽ റബർ

ഏഷ്യൻ റബർ അവധി വ്യാപാരകേന്ദ്രങ്ങളിൽ ഉത്പന്ന വില തിളച്ചുമറിഞ്ഞു. ഊഹക്കച്ചവടക്കാർ സൃഷ്ടിച്ച കുതിപ്പിൽ റബർ പതിനഞ്ച് വർഷത്തെ ഉയർന്ന നിലവാരം ദർശിച്ചു. ഭക്ഷ്യഎണ്ണ ഇറക്കുമതി തീരുവയിൽ വരുത്തിയ ഇളവ് നാളികേര മേഖലയിൽ ആശങ്ക പടർത്തി. ഉത്സവ സീസണിലെ അമിത വിലക്കയറ്റം തടയാൻ പാം ഓയിൽ, സൂര്യകാന്തി എണ്ണകളുടെ ഇറക്കുമതി കൂടുതൽ സുഗമമാക്കി. കുരുമുളക് പുതിയ ദിശ തേടുന്നു. കാലാവസ്ഥാ വ്യതിയാനത്തിൽ ശൈത്യകാലത്തിന്‍റെ വരവ് വൈകുമോ? ചുക്ക് വിലക്കയറ്റത്തെ സ്റ്റോക്കിസ്റ്റുകൾ ഉറ്റുനോക്കുന്നു.

അന്താരാ‌‌ഷ്‌ട്ര റബർ മാർക്കറ്റിൽ അതിശക്തമായ മുന്നേറ്റം. ജപ്പാനിലെ ഒസാക്ക എക്സ്ചേഞ്ചിൽ റബർ അവധി വില 15 വർഷത്തെ ഉയർന്ന തലത്തിലേക്ക് സഞ്ചരിച്ചു. വെള്ളിയാഴ്ച ഫെബ്രുവരി അവധി വില കിലോയ്ക്ക് 450 യെന്നായി. ഒക‌്ടോബർ അവധി 468 യെൻ വരെയും കയറി.

സാങ്കേതികമായി ഒസാക്കയിൽ റബർ ബുള്ളിഷ് ട്രെൻഡിലാണ്. ഫെബ്രുവരി അവധിക്ക് 444 യെന്നിൽ സപ്പോർട്ടുണ്ട്. ഈ താങ്ങ് നിലനിർത്തിയാൽ 455-460 യെന്നിലേക്കും, അടുത്ത ചുവടിൽ 478 യെന്നിനെ ലക്ഷ്യമാക്കാം. കഴിഞ്ഞ വാരം ആറര ശതമാനം വില ഉയർന്നു, അതായത് 27 യെൻ. ഇത്ര ശക്തമായ റാലിയിൽ ഫണ്ടുകൾ ലാഭമെടുപ്പ് നടത്തിയിട്ടില്ല. അവർ അതിന് നീക്കം നടത്തിയാൽ 443 യെന്നിലേക്കും തുടർന്ന് 438 യെന്നിലേക്കും തിരുത്തലിനു സാധ്യത.

പരക്കംപാഞ്ഞ് ഊഹക്കച്ചവടക്കാർ

സെപ്റ്റംബർ 18ന് അവസാനിച്ച വാരം അവധി വ്യാപാരത്തിൽ ഓപ്പറേറ്റർമാർ ഏകദേശം നാല് ലക്ഷം ടണ്ണിന് മുകളിൽ പൊസിഷനുകൾ പെട്ടെന്ന് ഒഴിവാക്കി. ഒറ്റ ആഴ്ചയിൽ ഇത്തരം ഒരു പ്രതിഭാസം അപൂർവമാണ്. ഇതിനിടെ മഴ വീണ്ടും ശക്തമാകുമെന്ന തായ് കാലാവസ്ഥാ റിപ്പോർട്ട് നിക്ഷേപകരെ പുതിയ വാങ്ങലുകൾക്ക് തിങ്കളാഴ്ച മുതൽ പ്രേരിപ്പിച്ചു. ബുധനാഴ്ച വരെ ജപ്പാൻ ദേശീയ അവധിയായിരുന്നെങ്കിലും ഈ മൂന്ന് ദിവസങ്ങളിൽ ഇടപാടുകൾക്ക് എക്സ്ചേഞ്ച് അവസരം നൽകിയതും ശ്രദ്ധേയം.

ചൈനയിൽ ആയിരുന്നെങ്കിൽ ഇത്തരം സന്ദർഭങ്ങളിൽ കൃത്രിമങ്ങൾ അരങ്ങേറും, എന്നാൽ ജപ്പാനിൽ അതിനുള്ള സാധ്യത ഒരു ശതമാനം പോലുമുണ്ടാവില്ല. അപ്രതീക്ഷിത വാങ്ങൽ താത്പര്യം കണ്ട് ഷോർട്ട് കവറിംഗിനായി ഒരു വിഭാഗം ഊഹക്കച്ചവടക്കാർ പരക്കം പാഞ്ഞു.

2011 ഫെബ്രുവരിയിൽ രേഖപ്പെടുത്തിയ 535 യെൻ ആണ് റബറിന്‍റെ റിക്കോർഡ് വില. നിലവിലെ ബുൾ റാലിയിൽ റെക്കോർഡ് മറികടക്കുമോയെന്ന് ഇപ്പോൾ വിലയിരുത്താൻ സമയമായിട്ടില്ല. ഹ്രസ്വകാലയളവിലേക്ക് വീക്ഷിച്ചാൽ 478 യെൻ വരെ മുന്നേറാം. അതായത് ഫെബ്രുവരിയിലെ ഉയർന്ന വിലയായ 378 യെന്നിൽ നിന്ന് 100 യെന്നിന്‍റെ കുതിപ്പ്. 500 യെന്നിൽ വിപണിക്ക് മനഃശാസ്ത്രപരമായ പ്രതിരോധം നേരിടാം.

ചൈനയിൽ ഷാങ്ഹായ് എക്സ്ചേഞ്ചിൽ ജനുവരി അവധി 19,600 യുവാനിലേക്കു കയറി. ആഗോള റബർ വിപണിയിലെ വാങ്ങൽ താത്പര്യം ശക്തമാകുന്നതിന്‍റെ സൂചനയായി ഇതിനെ വിലയിരുത്താം. സിംഗപ്പുർ എക്സ്ചേഞ്ചിലും റബർ വില ഉയർന്നു. തായ‌്‌ലൻഡിലെ കാലാവസ്ഥാ സാഹചര്യം, തെക്കുകിഴക്കൻ ഏഷ്യയിലെ ഉത്പാദന ലഭ്യത, ചൈനീസ് ഡിമാൻഡ്, ജാപ്പനീസ് യെന്നിന്‍റെ ചാഞ്ചാട്ടം എന്നിവ ഈ വാരം വിപണിയുടെ ദിശ നിർണയിക്കും. തായ്‌ലൻഡിൽ കനത്ത മഴയും വെള്ളപ്പൊക്കവും ഉണ്ടാകുമെന്ന കാലാവസ്ഥാ സൂചനയുണ്ട്. ബാങ്കോക്കിൽ റബർ കിലോയ്ക്ക് 268 രൂപയിൽനിന്ന് 271 രൂപയായി.

സംസ്ഥാനത്ത് അനുകൂല കാലാവസ്ഥയിൽ മരങ്ങളിൽ നിന്നുള്ള യീൽഡ് ഉയരാം. നിലവിൽ ലാറ്റക്സ് കിലോയ്ക്ക് 193 രൂപയിലും നാലാം ഗ്രേഡ് 277 രൂപയിലുമാണ്. ദീപാവലിക്ക് മുന്നേ പരമാവധി റബർ ശേഖരിക്കാൻ ഉത്തരേന്ത്യൻ വ്യവസായികൾ ശ്രമിക്കാം.

ഭക്ഷ്യഎണ്ണ: തീരുവയിൽ ഇടപെട്ട് കേന്ദ്രം

ഉത്സവ സീസണായതിനാൽ ഭക്ഷ്യഎണ്ണ വിപണിയിലെ അനിയന്ത്രിതമായ വിലക്കയറ്റം നിയന്ത്രിക്കാൻ സോയാബീൻ, പാം ഓയിൽ, സൂര്യകാന്തി എണ്ണ എന്നിവയുടെ ഇറക്കുമതി ഡ്യൂട്ടി കേന്ദ്രം വെട്ടിക്കുറച്ചു. ശുദ്ധീകരിച്ച സൺഫ്ലവർ ഓയിലിന്‍റെ ഇറക്കുമതി തീരുവ 32.5 ശതമാനത്തിൽനിന്ന് 22.5 ശതമാനമാക്കി. അതേസമയം, ക്രൂഡ് സോയാബീൻ ഓയിൽ, ക്രൂഡ് പാം ഓയിൽ തീരുവ 10ൽ നിന്ന് 5 ശതമാനമാക്കി.

ദീപാവലി വരെയുള്ള കാലയളവിലെ വിലസ്ഥിരത മുന്നിൽ കണ്ടുള്ള നീക്കം ആഭ്യന്തര ഭക്ഷ്യഎണ്ണയുടെ ലഭ്യത ഉയർത്താം. ഒപ്പം വിലക്കയറ്റം പിടിച്ചുനിർത്താനും ഉപകരിക്കും. കൂടുതൽ ഇറക്കുമതികൾക്ക് വ്യവസായികളെ ഇത് പ്രോത്സാഹിപ്പിക്കാം.

പാം ഓയിലും സൂര്യകാന്തി എണ്ണയും കേരളത്തിലെ ഉപഭോക്താക്കൾക്കിടയിൽ വ്യാപകമായി ഉപയോഗിക്കുന്നുണ്ട്. വ്യവസായികൾ വെളിച്ചെണ്ണ വില അമിതമായി ഉയർത്തുന്ന ഘട്ടങ്ങളിൽ കുടുംബ ബജറ്റിന് ആശ്വാസം നൽകുന്നതിലും ഇറക്കുമതി പാചക എണ്ണകൾക്ക് വലിയ പങ്കുണ്ട്. എന്നാൽ മറ്റ് എണ്ണകളുടെ ഡ്യൂട്ടി ഇളവ് വെളിച്ചെണ്ണയിൽ സമ്മർദം ഉളവാക്കാം. കൊച്ചിയിൽ വെളിച്ചെണ്ണ ക്വിന്‍റലിന് 100 രൂപ കുറഞ്ഞ് 25,300 രൂപയിലും കാങ്കയത്ത് 175 രൂപ താഴ്ന്ന് 21,675 രൂപയിലും നിലകൊണ്ടു. മുൻവാരംതന്നെ സൂചന നൽകിയതാണ് വിദേശ ഭക്ഷ്യഎണ്ണകൾക്ക് മുന്നിൽ വെളിച്ചെണ്ണ വഴുതുമെന്ന്. പുതിയ സാഹചര്യത്തിൽ നാളികേര ഉത്പന്നങ്ങൾ അൽപം പിരിമുറുക്കത്തിലാവാം.

കുരുമുളകിൽ പിടിമുറുക്കി കർഷകർ

ഇന്ത്യൻ കുരുമുളക് പുതിയ ദിശ തേടുന്നു. ഉത്പന്ന ക്ഷാമം രൂക്ഷമായി തുടരുമ്പോഴും നിരക്ക് ഇടിക്കാനുള്ള എല്ലാ ശ്രമങ്ങളും ഉത്തരേന്ത്യൻ വ്യവസായികൾ തുടരുന്നു. ദീപാവലി വരെയുള്ള കാലയളവിലേക്ക് വൻതോതിൽ ചരക്ക് കറിമസാല വ്യവസായികൾക്ക് ആവശ്യമുണ്ട്. ഇതിനിടെ കാലാവസ്ഥാ വ്യതിയാനത്തിൽ അടുത്ത സീസണിൽ വിളവ് ചുരുങ്ങുമെന്ന ആശങ്കയിൽ സ്റ്റോക്കിസ്റ്റുകളും കർഷകരും മുളകിൽ പിടിമുറുക്കി.

കയറ്റുമതി വിപണിയിൽ ഇന്ത്യ സജീവമല്ല. എന്നാൽ ചുരുക്കം ചില യൂറോപ്യൻ രാജ്യങ്ങളിൽ നിന്നുള്ള ഓർഡറുകൾക്ക് ആവശ്യമായ മലബാർ മുളക് അവർ ശേഖരിക്കുന്നുണ്ട്. വിദേശ ഓർഡറുകളെക്കുറിച്ചുള്ള വിവരങ്ങൾ കയറ്റുമതി ലോബി അതീവ രഹസ്യമാക്കുകയാണ്.

കൊച്ചി ഗാർബിൾഡ് കുരുമുളക് ക്വിന്‍റലിന് 71,900 രൂപയിലാണ്. ഇന്ത്യൻ ആഭ്യന്തര വില ടണ്ണിന് 7625 ഡോളറാണ്. ഇത് ഇന്തോനേഷ്യൻ കുരുമുളകിനേക്കാൾ ഏകദേശം 780 ഡോളറും, വിയറ്റ്നാമിനേക്കാൾ 1530 ഡോളറും ബ്രസീലിനേക്കാൾ ഏകദേശം 1760 ഡോളറും കൂടുതലാണ്. അതേസമയം, നമ്മുടെ വിലയേക്കാൾ 1400 ഡോളർ ഉയർത്തി 9250 ഡോളറാണ് മലേഷ്യൻ മുളക് വില. വില കൂടുതലെങ്കിലും അതിന് വിദേശ ബയർമാരുണ്ടെന്നത് ശ്രദ്ധേയം.

ചുക്കിന് ഉത്സാഹമില്ല

എൽ നിനോ പ്രതിഭാസത്തിനിടയിൽ രാജ്യത്ത് ശൈത്യകാലത്തിന്‍റെ വരവിന് കാലതാമസം സംഭവിക്കുമോയെന്ന ആശങ്കയിലാണ് ചുക്ക് ഉത്പാദകർ. തണുപ്പ് മുന്നിൽ കണ്ട് ചുക്ക് സംഭരണത്തിന് അന്തർസംസ്ഥാന വ്യാപാരികൾ ഇനിയും ഉത്സാഹം കാണിച്ചിട്ടില്ല. വൻ ഓർഡറുകൾ ഉത്തരേന്ത്യയിൽനിന്നും ശൈത്യകാലത്ത് എത്താറുണ്ട്. വിവിധയിനം ചുക്ക് ക്വിന്‍റലിന് 34,000-36,000 രൂപയിലാണ്.

ലേലകേന്ദ്രങ്ങൾ സജീവമാക്കി ഏലക്ക

ഏലക്ക പ്രവാഹം ആഭ്യന്തര വ്യാപാരികളെയും കയറ്റുമതിക്കാരെയും ലേല കേന്ദ്രങ്ങളിൽ സജീവമാക്കി. പിന്നിട്ട വാരം ഏകദേശം 9.40 ലക്ഷം കിലോ ഏലക്ക വിൽപനയ്ക്ക് ഇറങ്ങി. ഇതിൽ 8.9 ലക്ഷം കിലോ ചരക്കും വിറ്റഴിഞ്ഞു. ഇത്ര കനത്ത അളവിൽ ചരക്ക് വരവിനിടയിലും കേവലം 56,977 കിലോ മാത്രമാണ് ബാക്കി വന്നത്. അതായത് ലേലത്തിന് ഇറങ്ങിയ ചരക്കിൽ ഏകദേശം 94 ശതമാനവും വിറ്റു. ശക്തമായ ഡിമാൻഡ് ആകർഷകമായ വിലയ്ക്ക് അവസരം ഒരുക്കി. ശരാശരി ഇനങ്ങൾ ഏകദേശം 3200 രൂപ ഉറപ്പുവരുത്തി. കഴിഞ്ഞ വർഷം ഇതേ സന്ദർഭത്തിൽ ലഭിച്ച വില കിലോയ്ക്ക് 2540 രൂപയാണ്. അതായത് ഒരു വർഷത്തിനിടെ ഏലക്ക വിലയിൽ ഏകദേശം 26 ശതമാനം വർധന.

Kerala

മുണ്ടംവേലി ഫ്ലാറ്റ് നിവാസികൾക്കെതിരേയുള്ള കെ.ജെ. മാക്‌സിയുടെ പ്രതികരണം വിവാദമായി

കൊച്ചി: നിര്‍മാണത്തിലെ അപാകതകളും ശോചനീയാവസ്ഥയും കാരണം മൂന്നു വര്‍ഷത്തിലേറയായി ദുരിതമനുഭവിക്കുന്ന മുണ്ടംവേലിയിലെ പി ആന്‍ഡ് ടി കോളനി ഫ്ലാറ്റ് നിവാസികളെ അവഹേളിച്ച് മുന്‍ എംഎല്‍എയും സിപിഎം നേതാവുമായ കെ.ജെ. മാക്‌സി. ഫ്ലാറ്റ് നിവാസികള്‍ ഒതളങ്ങ പോലെ ഉരുണ്ടുകളിക്കുകയാണെന്നും സര്‍ക്കാര്‍ മാറിയപ്പോള്‍ താമസക്കാര്‍ ഒറ്റയടിക്കു മറിയുകയായിരുന്നുമെന്നുമാണ് മാക്‌സി പറഞ്ഞത്. പ്രസ്താവന വിവാദമായതോടെ മാക്‌സിക്കെതിരേ വിമര്‍ശനവുമായി കോണ്‍ഗ്രസും പിന്തുണച്ച് സിപിഎമ്മും രംഗത്തെത്തി.

ഫ്ലാറ്റ് പൊളിച്ചു കളയേണ്ടിവരുമെന്ന മുഖ്യമന്ത്രി വി.ഡി. സതീശന്‍റെ പ്രസ്താവന സംബന്ധിച്ച് മാധ്യമങ്ങളോടു സംസാരിക്കുന്നതിനിടെയായിരുന്നു ഫ്ലാറ്റ് നിവാസികള്‍ക്കെതിരേയുള്ള മാക്‌സിയുടെ വിവാദ പ്രസ്താവന. മുഖ്യമന്ത്രിയുടെ പ്രസ്താവന രാഷ്‌ട്രീയ ലക്ഷ്യം വച്ചുള്ളതാണെന്നും ഫ്ലാറ്റിലെ അപാകതകള്‍ സംബന്ധിച്ച കാര്യങ്ങള്‍ പരിഹരിക്കുകയാണു സര്‍ക്കാര്‍ ചെയ്യേണ്ടിയിരുന്നതെന്നും മാക്‌സി പറഞ്ഞു. അവിടെ താമസിച്ചിരുന്നവര്‍ നേരത്തേ എങ്ങനെയാണു താമസിച്ചിരുന്നതെന്ന് ഓര്‍ക്കണം.

ഇവരുടെ ദുരിതപൂര്‍ണമായ ജീവിതം മാറ്റിയത് കഴിഞ്ഞ സര്‍ക്കാരാണ്. ഏതന്വേഷണവും നേരിടാം. അന്വേഷണത്തിന് തങ്ങള്‍ ഏതിരല്ലെന്നും പക്ഷേ ഇതിനെ രാഷ്‌ട്രീയമായി കാണുന്നത് ശരിയല്ലെന്നും മാക്‌സി പറഞ്ഞു.

മാക്‌സിയുടെ പ്രസ്താവനയെ വിമര്‍ശിച്ച് ഡിസിസി പ്രസിഡന്‍റും എംഎൽഎയുമായ മുഹമ്മദ് ഷിയാസ് രംഗത്തെത്തി. മാക്‌സിയുടെ പ്രസ്താവന മനഃസാക്ഷിയുള്ളവര്‍ പറയുന്നതല്ലെന്നും യാഥാര്‍ഥ്യം മനസിലാക്കാതെയാണു മാക്‌സി പ്രതികരിക്കുന്നതെന്നും ഷിയാസ് പറഞ്ഞു.

എന്നാല്‍ വിവാദ പരാമര്‍ശത്തില്‍ മാക്‌സിയെ സംരക്ഷിക്കുന്ന നിലപാടുമായി സിപിഎം രംഗത്തെത്തി.സൗത്ത് റെയില്‍വേയ്ക്കു സമീപം പേരണ്ടൂര്‍ കനാലിന്‍റെ കൈവരിക്കരികെ ദുരിതം പേറി ജീവിച്ച പി ആന്‍ഡ് ടി കോളനി നിവാസികള്‍ക്കു മെച്ചപ്പെട്ട താമസ സൗകര്യം ഒരുക്കുന്നതിനായി ജിസിഡിഎ സൗജന്യമായി വിട്ടുനല്‍കിയ സ്ഥലത്ത് കഴിഞ്ഞ എല്‍ഡിഎഫ് സര്‍ക്കാരിന്‍റെ കാലത്താണ് ഫ്ലാറ്റ് നിര്‍മിച്ചത്.

എന്നാല്‍ ഫ്ലാറ്റ് ഗുണഭോക്താക്കള്‍ക്കു കൈമാറിയശേഷം ദൂരിതപൂര്‍ണമായിരുന്നു അവരുടെ ജീവിതം. സ്റ്റീല്‍ സ്ട്രക്ചറില്‍ നിര്‍മിച്ച കെട്ടിടത്തിന് വ്യാപകമായി വിള്ളല്‍ രൂപപ്പെട്ടു. മുകളിലുള്ള അപ്പാര്‍ട്ട്‌മെന്‍റിലെ കക്കൂസ് മലിനജലം താഴേ നിലയിലുള്ളവരുടെ അടുക്കളയിലേക്കും കിടപ്പുമുറികളിലേക്കുമാണ് ഒലിച്ചിറങ്ങിയത്. മഴക്കാലത്ത് വ്യാപകമായിട്ടായിരുന്നു ചോര്‍ച്ച.

പരിശോധനകള്‍ മുറപോലെ നടന്നെങ്കിലും പ്രശ്‌നപരിഹാരം ഉണ്ടായില്ല. യുഡിഎഫ് സര്‍ക്കാര്‍ വന്നശേഷം ഫ്ലാറ്റ് നിവാസികള്‍ ജിസിഡിഎ ഓഫിസിനുമുന്നില്‍ പ്രതിഷേധസമരം നടത്തി. ഉറപ്പുള്ള പാര്‍പ്പിട സമുച്ചയം നിര്‍മിക്കണമെന്നതായിരുന്നു ആവശ്യം. കഴിഞ്ഞ ദിവസം ഒരു ചടങ്ങില്‍ പ്രസംഗിക്കവേയാണ് ഫ്ലാറ്റ് പൊളിച്ചുപണിയുമെന്ന് മുഖ്യമന്ത്രി വി.ഡി. സതിശന്‍ പ്രഖ്യാപനം നടത്തിയത്.

National

എക്സിൽ ഇന്ത്യക്കാരുടെ ആക്രമണോത്സുകത പരോക്ഷം

ന്യൂഡല്‍ഹി: സമൂഹ മാധ്യമമായ എക്‌സിലുള്ള ഇന്ത്യക്കാർക്ക് ആക്രമണോത്സുകത സാധാരണമെന്ന് പഠന റിപ്പോര്‍ട്ട്. സാമൂഹിക, സാമ്പത്തിക, കായിക, രാഷ്‌ട്രീയ വിഷയങ്ങളിലെ ഇന്ത്യക്കാരുടെ പ്രകടനമാണ് പഠനവിധേയമാക്കിയത്.

വിവിധ വിഭാഗങ്ങളില്‍നിന്ന് തെരഞ്ഞെടുത്ത എക്‌സിലെ ഏകദേശം 1,31,822 അധികം പോസ്റ്റുകള്‍ പരിശോധിച്ചാണ് ഗോവ ഇന്‍സ്റ്റിറ്റ്യൂട്ട് ഓഫ് മാനേജ്മെന്‍റിലെയും ഗോവ ബിസിനസ് സ്‌കൂളിലെയും ഗവേഷകര്‍ പഠനം നടത്തിയത്.

ശ്രദ്ധ വാക്കര്‍ ബലാത്സംഗക്കേസുമായി ബന്ധപ്പെട്ട് 18307 പോസ്റ്റുകളും, അദാനി-ഹിന്‍ഡന്‍ബര്‍ഗ് റിപ്പോര്‍ട്ടിൽ 29664 ഉം, 2022 ടി-20 ലോകകപ്പിലെ ഇന്ത്യയുടെ തോല്‍വിയുടെ 3906ഉം, രാഹുല്‍ ഗാന്ധിയുടെ ഭാരത് ജോഡോ യാത്രയും 69474 പോസ്റ്റുകളും അതില്‍ ഉള്‍പ്പെടുന്നു.

Business

ചാഞ്ചാടി എണ്ണവില; ഏഴാം വാരവും നഷ്ടത്തിൽ ഓഹരി വിപണി

ആഗോള ക്രൂഡ് ഓയിൽ വിലയിലെ അമിത ചാഞ്ചാട്ടവും ഇന്ത്യൻ നാണയത്തിലെ ദുർബലതയും വിദേശ ഫണ്ടുകളുടെ വിൽപനയ്ക്ക് ആക്കം കൂട്ടി. ഓഹരി വിപണി തുടർച്ചയായ ഏഴാം വാരവും നഷ്ടത്തിലാണ്. ആറു വർഷത്തിനിടയിലെ നിഫ്റ്റിയുടെ ഏറ്റവും ദൈർഘ്യമേറിയ പ്രതിവാര നഷ്ട പരമ്പരയാണിത്. ഇതിന് മുമ്പ് സമാനമായ ഏഴ് ആഴ്ച നീണ്ട തകർച്ച 2020 ഫെബ്രുവരി-ഏപ്രിൽ കോവിഡ് മഹാമാരിക്കിടയിലെ ഓഹരി വിപണി തകർച്ചയിലായിരുന്നു.

ഏഴ് ആഴ്ചകൾക്കിടെ ബോംബെ സൂചിക 4604 പോയിന്‍റും നിഫ്റ്റി 1430 പോയിന്‍റും ഇടിഞ്ഞു. പോയവാരം സെൻസെക്സ് 400 പോയിന്‍റും നിഫ്റ്റി സൂചിക 206 പോയിന്‍റും നഷ്ടത്തിലാണ്. വെള്ളിയാഴ്ച ഗാന്ധിജയന്തി പ്രമാണിച്ച് വിപണി അവധിയാണ്.

കനത്ത പ്രതിസന്ധികൾക്കിടയിലും നിഫ്റ്റി ഒരിക്കൽ കൂടി 23,000 പോയിന്‍റിലെ നിർണായക സപ്പോർട്ട് നിലനിർത്തി നിക്ഷേപകർക്ക് ആത്മവിശ്വാസം സമ്മാനിച്ചു. ഓപ്പണിംഗിലെ കുതിപ്പിൽ സൂചിക 23,489 പോയിന്‍റ് വരെ മുന്നേറിയതിനിടെ വിദേശ ഫണ്ടുകൾ മുൻനിര ഓഹരികളിൽ വിൽപന ഉയർത്തിയത് വിപണിയെ സമ്മർദത്തിലാക്കി.

ഇടിഞ്ഞെങ്കിലും തകരാതെ നിഫ്റ്റി

ഹെവിവെയ്റ്റ് ഓഹരികൾ വാങ്ങാൻ ആഭ്യന്തര മ്യൂച്വൽ ഫണ്ടുകൾ മത്സരിച്ചത് ഒരു പരിധിവരെ സൂചികയുടെ തകർച്ച തടയാൻ ഉപകരിച്ചു. ഒരുഘട്ടത്തിൽ 23,030 ലേക്ക് നിഫ്റ്റി ഇടിഞ്ഞെങ്കിലും, പിന്നിട്ട രണ്ടാഴ്ചകളിൽ ഇതേ കോളത്തിൽ സൂചിപ്പിച്ച 23,122-23,116 പോയിന്‍റിലെ താങ്ങ് വ്യാപാരാന്ത്യം വരെ സൂചിക നിലനിർത്തി. 23,140 പോയിന്‍റിലാണ് ക്ലോസിംഗ്. കഴിഞ്ഞ രണ്ടാഴ്ചകളിൽ നിലനിർത്താനായ ഈ നിർണായക സപ്പോർട്ട് ഒരു തിരിച്ചുവരവിന് മേൽക്കൈയായി മാറാം. പ്രത്യേകിച്ച് ഈവാരം ഇടപാടുകൾ നാല് ദിവസങ്ങളിൽ ഒതുങ്ങുന്നതും ഡെറിവേറ്റീവ് മാർക്കറ്റിൽ സെപ്റ്റംബർ കരാറുകളുടെ കാലാവധി ചൊവ്വാഴ്ച അവസാനിക്കുന്നതും സമ്മർദം കുറയ്ക്കാം.

ഡെയ‌്‌ലി ചാർട്ടിലെ ചലനങ്ങൾ വിലയിരുത്തിയാൽ 23,000 പോയിന്‍റ് ഏറെ നിർണായകം തന്നെ. 22,943ലെ ആദ്യ സപ്പോർട്ട് നിലനിർത്തുന്നതിൽ വിപണി വിജയിച്ചാൽ പുൾബാക്ക് റാലിയിൽ 23,412-23,685 ലക്ഷ്യമാക്കാം. അതേസമയം, പ്രതികൂല വാർത്തകളിൽ ആദ്യ സപ്പോർട്ട് തകർന്നാൽ 22,747ലേക്ക് തിരുത്തലിനു ശ്രമിക്കാം.

നിഫ്റ്റിയെ സംബന്ധിച്ച് 200 ആഴ്ചകളിലെ നിർണായക സപ്പോർട്ട് മേഖലയാണ് 23,000 പോയിന്‍റ്. ഡെ‌‌യ്‌ലി, വീക്കിലി ചാർട്ടുകളിൽ എംഎസിഡി നെഗറ്റീവ് ക്രോസ്ഓവർ ദൃശ്യമാകുന്നതും സിഗ്നൽ ലൈനിന് താഴേക്കു നീങ്ങുന്നതും ദുർബലാവസ്ഥയെ സൂചിപ്പിക്കുന്നു. സൂപ്പർ ട്രെൻഡും പാരബോളിക്കും സെല്ലിംഗ് മൂഡിലായത് വിൽപനക്കാർക്ക് ആത്മവിശ്വാസം പകരും. സെപ്റ്റംബറിൽ നിഫ്റ്റി ഫ്യൂച്ചേഴ്സ് 23,379ൽനിന്ന് വാരാന്ത്യം 23,141ലേക്ക് തളർന്നു. ഇതിനിടെ വിപണിയിലെ ഓപ്പൺ ഇന്‍ററസ്റ്റ് 174 ലക്ഷം കരാറുകളിൽനിന്ന് 133.31 ലക്ഷം കരാറായി.

40 ലക്ഷം കരാറുകൾ കുറഞ്ഞു

40.69 ലക്ഷം കരാറുകളാണ് ഒറ്റ ആഴ്ചയിൽ കുറഞ്ഞത്, അതായത് 23 ശതമാനം. സെപ്റ്റംബർ സീരീസിന്‍റെ സെറ്റിൽമെന്‍റ് ചൊവ്വാഴ്ചയായതിനാൽ പൊസിഷനുകൾ കുറച്ചതിനൊപ്പം ഒക്‌ടോബർ സീരീസിലേക്ക് റോളോവറിനും വിഭാഗം ഉത്സാഹിച്ചു. ഒക‌്ടോബർ സീരീസിൽ ഓപ്പൺ ഇന്‍ററസ്റ്റ് ഒറ്റദിവസം 28 ശതമാനം ഉയർന്ന് 104.4 ലക്ഷമായി. വാരാന്ത്യത്തിൽ നിരക്ക് ഉയർന്നതിനിടെ ഓപ്പൺ ഇന്‍ററസ്റ്റ് വർധിച്ചത് പുതിയ ലോംഗ് പൊസിഷനുകൾക്ക് മുൻതൂക്കമെങ്കിലും, ഇത് ബുൾ റാലിക്ക് അവസരം ഒരുക്കുമെന്ന് വിലയിരുത്താനാവില്ല.

തിരുത്തൽപാതയിൽ സെൻസെക്സ്

സെൻസെക്സ് 74,294 പോയിന്‍റിൽനിന്ന് കരുത്തോടെയാണ് തുടക്കം കുറിച്ചത്. ഒരുവേള സൂചിക 75,000 പ്രതിരോധം തകർത്ത് 75,038 വരെ കയറി. എന്നാൽ, കഴിഞ്ഞവാരം സൂചിപ്പിച്ച 75,159ലെ പ്രതിരോധത്തിലേക്ക് സഞ്ചരിക്കാൻ അവസരം നൽകാതെ വിദേശ ഫണ്ടുകൾ കനത്ത വിൽപന നടത്തി.

ഇതോടെ ആറ് ആഴ്ചകളിലെ തകർച്ചയിൽനിന്ന് തിരിച്ചുവരവിനുള്ള മോഹം അവസാനിപ്പിച്ച് സെൻസെക്സ് വീണ്ടും തിരുത്തലിന്‍റെ പാതയിലായി. ഒരവസരത്തിൽ 73,477ലേക്ക് ഇടിഞ്ഞെങ്കിലും ക്ലോസിംഗിൽ 73,895 പോയിന്‍റിലാണ്. മുൻവാരം സൂചന നൽകിയതുപോലെ, തുടർച്ചയായ ആറാഴ്ചകളിലെ തകർച്ചയിൽ പല ഓഹരി വിലകളും ആകർഷകമായത് ഓപ്പറേറ്റർമാരെ ആകർഷിക്കുമെന്ന് പറഞ്ഞത് ശരിവച്ചു.

വാരാന്ത്യ ദിനം അവർ പുതിയ വാങ്ങലുകാരായി രംഗത്തിറങ്ങിയതോടെ സൂചികയിൽ ഉണർവുണ്ടായി. ഈവാരം സെൻസെക്സ് 74,796-75,697നെ ഉറ്റുനോക്കാം. സപ്പോർട്ട് 73,235-72,575 പോയിന്‍റിലാണ്.

ഗിഫ്റ്റ് നിഫ്റ്റിയിൽ റിക്കാർഡ് വ്യാപാരം

രാജ്യാന്തര ഫണ്ടുകൾ സിംഗപ്പുരിൽ ഗിഫ്റ്റ് നിഫ്റ്റിയിൽ വൻ നിക്ഷേപത്തിന് തയാറായി. ഇന്ത്യൻ വിപണിയുടെ അന്താരാഷ‌്ട്ര മുഖമായ ഗിഫ്റ്റ് നിഫ്റ്റിയിൽ വ്യാപാരം പുതിയ റിക്കാർഡിലെത്തി. വാരാന്ത്യം 5,12,023 കരാറുകളാണ് വ്യാപാരം നടന്നത്. ഇതോടെ പ്രതിദിന ഇടപാടുകളുടെ വ്യാപ്തി 23.67 ബില്യൺ ഡോളറായി.

മുൻ ടേൺഓവർ റിക്കാർഡ് 23.48 ബില്യൺ ഡോളറായിരുന്നു. ഇന്ത്യൻ വിപണിയിലേക്ക് വിദേശ നിക്ഷേപകർക്ക് എളുപ്പത്തിൽ പ്രവേശിക്കാനുള്ള അന്താരാഷ്‌ട്ര പ്ലാറ്റ്ഫോമാണ് ഗിഫ്റ്റ് നിഫ്റ്റി. ദീർഘകാലയളവിൽ രൂപ വീണ്ടും ദുർബലമാകുമെന്ന കഴിഞ്ഞ വാരങ്ങളിൽ നൽകിയ സൂചന ശരിവയ്ക്കുന്നു. രൂപ 95.80ൽനിന്ന് 95.54ലേക്ക് കരുത്ത് കാണിച്ചെങ്കിലും പിന്നീട് 95.97ലേക്ക് ദുർബലമായി. വാരാന്ത്യത്തിൽ രൂപ 95.80ലാണ്.
അന്താരാഷ‌്ട്ര സ്വർണവില ട്രോയ് ഔൺസിന് 4377 ഡോളറിൽനിന്ന് 4246ലേക്ക് താഴ്ന്നങ്കിലും ക്ലോസിംഗിൽ 4284 ഡോളറിലാണ്. ഈവാരം 4214-4405 ഡോളർ റേഞ്ചിൽ നീങ്ങാം.

Business

വ്യവസായം, ടൂറിസം മേഖലയ്ക്ക് ഉണര്‍വേകി കെടിഎമ്മിനു സമാപനം

കൊച്ചി: സംസ്ഥാനത്തെ ടൂറിസം പ്രവര്‍ത്തനങ്ങള്‍ക്കും ടൂറിസം വ്യവസായത്തിനും കൂടുതല്‍ ഉണര്‍വേകി 13-ാമത് കേരള ട്രാവല്‍ മാര്‍ട്ടിന് (കെടിഎം 2026) കൊച്ചിയില്‍ സമാപനം. ടൂറിസം വ്യവസായത്തിന്‍റെ വളര്‍ച്ചയ്ക്കു സഹായകമായ ബയേഴ്‌സ്‌-സെല്ലേഴ്‌സ് കൂടിക്കാഴ്ചകളാലും ടൂറിസം പുരോഗതിക്ക് ഉതകുന്ന ഫലപ്രദമായ ചര്‍ച്ചകള്‍ കൊണ്ടും സമ്പന്നമായിരുന്നു നാലു ദിവസത്തെ ട്രാവല്‍ മാര്‍ട്ട്.

ആകെ 58,000 ബിസിനസ് കൂടിക്കാഴ്ചകളാണു നടന്നത്. വിനോദസഞ്ചാര മേഖലയില്‍ നിർമിതബുദ്ധി വലിയ മാറ്റങ്ങള്‍ കൊണ്ടുവരുന്നുണ്ടെങ്കിലും സഞ്ചാരികളുടെ മനസറിഞ്ഞുള്ള യാത്രാനുഭവങ്ങള്‍ നല്‍കാന്‍ മനുഷ്യ ഇടപെടലുകളിലൂടെ മാത്രമേ സാധിക്കൂവെന്ന് സമ്മേളനം അഭിപ്രായപ്പെട്ടു.

സമാപനസമ്മേളനം ടൂറിസം അഡീഷണല്‍ ഡയറക‌്ടര്‍ സുമിത് കുമാര്‍ ഠാക്കൂര്‍ ഉദ്ഘാടനം ചെയ്തു. കെടിഎം പ്രസിഡന്‍റ് ജോസ് പ്രദീപ് അധ്യക്ഷത വഹിച്ചു.

ഇന്ത്യ ടൂറിസം അസി. ഡയറക‌്ടര്‍ എസ്. പദ്മാവതി, കെടിഎം സെക്രട്ടറി എസ്. സ്വാമിനാഥന്‍, മുന്‍ കെടിഎം പ്രസിഡന്‍റുമാരായ ജോസ് ഡൊമിനിക്, ഇ.എം. നജീബ്, ബേബി മാത്യു, റിയാസ് അഹമ്മദ്, ഏബ്രഹാം ജോര്‍ജ്, കെടിഎം ജോയിന്‍റ് സെക്രട്ടറി ജോബിന്‍ ജോസഫ്, വൈസ് പ്രസിഡന്‍റ് സി. ഹരികുമാര്‍, ട്രഷറര്‍ ജിബ്രാന്‍ ആസിഫ്, സിഇഒ എസ്. രാജ്കുമാര്‍ തുടങ്ങിയവര്‍ സംബന്ധിച്ചു.

കെടിഎം 2026ന്‍റെ ഭാഗമായി വാട്ടര്‍ മെട്രോ

കേരള ട്രാവല്‍ മാര്‍ട്ടിന്‍റെ (കെടിഎം 2026) ഭാഗമായി കൊച്ചി വാട്ടര്‍ മെട്രോ. ബോള്‍ഗാട്ടി, മറൈന്‍ഡ്രൈവ് എന്നിവിടങ്ങളിലെ ഹോട്ടലുകളില്‍നിന്ന് കെടിഎം വേദിയായ വെല്ലിംഗ്ടണ്‍ ഐലൻഡിലേക്ക് പ്രതിനിധികള്‍ക്കു യാത്രാസൗകര്യം ഒരുക്കിയാണ് വാട്ടര്‍ മെട്രോ കെടിഎമ്മിന്‍റെ ഭാഗമായത്. അതുവഴി മറ്റു സംസ്ഥാനങ്ങളില്‍ നിന്നും വിദേശ രാജ്യങ്ങളില്‍നിന്നുമുള്ള കെടിഎം ബയേഴ്‌സിന് കൊച്ചിയിലെ ജലപാതകള്‍ പരിചയപ്പെടാനും ആസ്വദിക്കാനുമുള്ള അവസരവും കൈവന്നു.

കൊച്ചിയുടെ വിനോദസഞ്ചാര ഗതാഗത സംവിധാനങ്ങളുടെ ഭാഗമായി വാട്ടര്‍ മെട്രോയെ അവതരിപ്പിക്കുക എന്ന ലക്ഷ്യത്തോടെ ഇത്തവണ കെടിഎമ്മിന്‍റെ ആസൂത്രണ ഘട്ടത്തില്‍ത്തന്നെ ഈ ആശയം പരിഗണിച്ചിരുന്നതായി കെടിഎം പ്രസിഡന്‍റ് ജോസ് പ്രദീപ് പറഞ്ഞു.

ബോള്‍ഗാട്ടി, മറൈന്‍ഡ്രൈവ് എന്നിവിടങ്ങളിലെ ഹോട്ടലുകളില്‍നിന്ന് റോഡ് മാര്‍ഗം വെല്ലിംഗ്ടണ്‍ ഐലൻഡിലെ വേദിയിലെത്താന്‍ ഏറെ സമയമെടുക്കും.എന്നാല്‍ വാട്ടര്‍മെട്രോ വഴി ഏകദേശം അര മണിക്കൂറിനുള്ളില്‍ എത്താനായി. ഒപ്പം കൊച്ചിയുടെ കായല്‍ഭംഗി ആസ്വദിക്കാനുള്ള അവസരവും അവര്‍ക്കു ലഭിച്ചുവെന്നും അദ്ദേഹം പറഞ്ഞു. ബോട്ട് സര്‍വീസ് കെടിഎം 2026ന്‍റെ ഭാഗമാക്കാന്‍ സംഘാടകര്‍ വാട്ടര്‍ മെട്രോ അധികൃതരെ സമീപിക്കുകയായിരുന്നു. ജില്ലാ കളക‌്ടറുടെ ഇടപെടലിലൂടെ ന്യായമായ നിരക്കില്‍ ഈ സേവനം ക്രമീകരിക്കാനായി.

ബയേഴ്‌സില്‍നിന്നു മികച്ച പ്രതികരണമാണ് ജലയാത്രാ അനുഭവത്തിനു ലഭിച്ചത്. കൊച്ചിയിലെ വാട്ടര്‍ മെട്രോ മികച്ചതാണെന്നും വീണ്ടും അതില്‍ യാത്ര ചെയ്യാന്‍ ആഗ്രഹിക്കുന്നുവെന്നും അവര്‍ പ്രതികരിച്ചു.

Business

ടൂറിസം സാധ്യതകള്‍ക്ക് വഴിതുറന്ന് ഐസിഎല്‍ ടൂര്‍സ് ആന്‍ഡ് ട്രാവല്‍സ്

കൊച്ചി: കേരളത്തിന്‍റെ വൈവിധ്യമാര്‍ന്ന ടൂറിസം സാധ്യതകളെ ലോകത്തിനു മുന്നില്‍ ശക്തമായി അവതരിപ്പിക്കുകയെന്ന ലക്ഷ്യത്തോടെ ഐസിഎല്‍ ടൂര്‍സ് ആന്‍ഡ് ട്രാവല്‍സ് പുറത്തിറക്കിയ കേരളം ടൂറിസം ബ്രോഷര്‍ ടൂറിസം മന്ത്രി പി.സി. വിഷ്ണുനാഥ് പ്രകാശനം ചെയ്തു.

കെടിഎം 2026ന്‍റെ ഭാഗമായി വെല്ലിംഗ്ടണ്‍ ഐലന്‍ഡില്‍ നടന്ന ചടങ്ങില്‍ കമ്പനിയുടെ വൈസ് ചെയര്‍മാന്‍ അമല്‍ജിത് മേനോന്‍ ബ്രോഷര്‍ മന്ത്രിക്കു കൈമാറി.

പ്രകൃതിസൗന്ദര്യം, സാംസ്‌കാരികപൈതൃകം, ആയുര്‍വേദം, കലാരൂപങ്ങള്‍, രുചിവൈവിധ്യം, തനത് ജീവിതശൈലി തുടങ്ങി സംസ്ഥാനത്തിന്‍റെ ടൂറിസം മേഖലയുടെ സവിശേഷതകളെയും പുതിയ സാധ്യതകളെയും പരിചയപ്പെടുത്തുന്നതാണ് കേരളം ബ്രോഷര്‍.

ടൂറിസം സെക്രട്ടറി കെ. ബിജു, ടൂറിസം ഡയറക്ടര്‍ എം. അഞ്ജന, ഐസിഎല്‍ ടൂര്‍സ് ആന്‍ഡ് ട്രാവല്‍സ് ജിസിസി ആന്‍ഡ് ഇന്ത്യ ഡയറക്ടര്‍ അഡ്വ. അജിത് മാരാത്ത് തുടങ്ങിയവര്‍ പങ്കെടുത്തു.

Business

ഓൾ കേരള കാറ്ററിംഗ് അസോസിയേഷൻ സംസ്ഥാന സമ്മേളനം ഇന്നു മുതൽ

കോട്ടയം: ഓൾ കേരള കാറ്ററിംഗ് അസോസിയേഷൻ സംസ്ഥാന സമ്മേളനം ഇന്നു മുതൽ കോട്ടയത്ത് നടക്കും. ഇന്നു രാവിലെ 10ന് സംസ്ഥാന പ്രസിഡന്‍റ് ഏലിയാസ് സഖറിയ പതാക ഉയർത്തും. തുടർന്ന് ഓപ്പറേഷൻ തൂഫാൻ പ്രതിജ്ഞ. മാമ്മൻമാപ്പിള ഹാളിൽ നടക്കുന്ന ഭക്ഷ്യ ഉപകരണ പ്രദർശനം കെ. സുരേഷ് കുറുപ്പ് ഉദ്ഘാടനം ചെയ്യും.

10.30ന് ജറുസലേം മർത്തോമാ പള്ളി ഹാളിൽ പ്രതിനിധി സമ്മേളനം. വൈകുന്നേരം നാലിനു പ്രതിനിധിസമ്മേളനം സ്പീക്കർ തിരുവഞ്ചൂർ രാധാകൃഷ്ണൻ ഉദ്ഘാടനം ചെയ്യും. സർക്കാർ ചീഫ് വിപ്പ് അപു ജോൺ ജോസഫ് ലോഗോ പ്രകാശനം ചെയ്യും. ജോസ് കെ. മാണി എം.പി. മുഖ്യപ്രഭാഷണം നടത്തും.

നാളെ രാവിലെ ഏഴിന് സംസ്ഥാന സർക്കാരിന്‍റെ ലഹരിവിരുദ്ധ പദ്ധതികൾക്ക് പിന്തുണയുമായി തൂഫാൻ വാക്കത്തണ്‍. ഉച്ചകഴിഞ്ഞു 2.30ന് നാഗമ്പടം നെഹ്റു സ്റ്റേഡിയത്തിനു സമീപത്തുനിന്നു റാലി ആരംഭിക്കും.

വൈകുന്നേരം അഞ്ചിന് തിരുനക്കര മൈതാനത്ത് ചേരുന്ന പൊതുസമ്മേളനം ആഭ്യന്തരമന്ത്രി രമേശ് ചെന്നിത്തല ഉദ്ഘാടനം ചെയ്യും. സംസ്ഥാന പ്രസിഡന്‍റ് ഏലിയാസ് സഖറിയ അധ്യക്ഷത വഹിക്കും.

Business

ബേക്കറി രംഗത്തെ ആശയങ്ങള്‍ അവതരിപ്പിക്കാന്‍ ബേക്ക് ഇന്നൊവേഷന്‍ പിച്ചത്തണ്‍

കൊച്ചി: ഫുഡ്, ബേക്കറി മേഖലയില്‍ പുതിയ ആശയങ്ങള്‍ അവതരിപ്പിക്കാനും സംരംഭങ്ങള്‍ ആരംഭിക്കാനും ആഗ്രഹിക്കുന്നവര്‍ക്കായി കേരളത്തില്‍ ആദ്യമായി ബേക്കേഴ്‌സ് അസോസിയേഷന്‍ കേരള (ബേക്ക്) ഫുഡ് ടെക് ആന്‍ഡ് ബേക്ക് ഇന്നൊവേഷന്‍ പിച്ചത്തണ്‍ സംഘടിപ്പിക്കുന്നു.

ഈ മേഖലയിലേക്ക് കടന്നുവരാന്‍ ആഗ്രഹിക്കുന്ന സ്റ്റാര്‍ട്ടപ്പുകള്‍ക്കും നിലവിലുള്ള സംരംഭകര്‍ക്കും തങ്ങളുടെ പക്കലുള്ള നൂതന ആശയങ്ങള്‍ പിച്ചത്തണില്‍ അവതരിപ്പിക്കാം. അടുത്ത മാസം കൊച്ചിയില്‍ നടക്കുന്ന ബേക്ക് എക്‌സ്‌പോയുടെ ഭാഗമായി അങ്കമാലി അഡ്‌ലക്‌സ് കണ്‍വന്‍ഷന്‍ സെന്‍ററില്‍ ഒക‌്ടോബര്‍ പത്തിനാണു പരിപാടി.

ഫുഡ്, ബേക്കറി ഉത്പന്നങ്ങള്‍, ബേക്കറി മേഖലയെ സഹായിക്കുന്ന മെഷിനറി-ടെക്‌നോളജി, അസംസ്‌കൃത വസ്തുക്കളുടെ ഉത്പാദനത്തിലെ നൂതന രീതികള്‍, ബ്രാന്‍ഡിംഗ്-മാര്‍ക്കറ്റിംഗ്-സെയില്‍സ് ഇന്നൊവേഷനുകള്‍ തുടങ്ങി അഞ്ചു വിഭാഗങ്ങളിലായാണ് ആശയങ്ങള്‍ സ്വീകരിക്കുന്നത്.

തെരഞ്ഞെടുക്കപ്പെടുന്ന പത്തു ഫൈനലിസ്റ്റുകള്‍ക്ക് നിക്ഷേപകരുടെയും വ്യവസായ പ്രമുഖരുടെയും മുന്നില്‍ ആശയങ്ങള്‍ അവതരിപ്പിക്കാനുള്ള അവസരം ലഭിക്കും. മികച്ച ആശയങ്ങള്‍ക്ക് ഒന്നാം സമ്മാനമായി ഒരു ലക്ഷം രൂപ, രണ്ടാംസമ്മാനമായി 75,000 രൂപ, മൂന്നാം സമ്മാനമായി 50,000 രൂപ എന്നിങ്ങനെ കാഷ് പ്രൈസുകളും ലഭിക്കും. ഈ മാസം 30 വരെ അപേക്ഷ സമര്‍പ്പിക്കാം. രജിസ്‌ട്രേഷനും വിവരങ്ങള്‍ക്കും bake next.com സന്ദർശിക്കുക.

Business

എപികെ ചെയർമാൻ ടി.ആർ. രാധാകൃഷ്ണനെ ചെയർമാനായി തെരഞ്ഞെടുത്തു

കൊച്ചി: തോട്ടമുടമകളുടെ സംഘടനയായ അസോസിയേഷൻ ഓഫ് പ്ലാന്‍റേഴ്സ് ഓഫ് കേരള (എപികെ)യുടെ ചെയർമാനായി ടി.ആർ. രാധാകൃഷ്ണനും വൈസ് ചെയർമാനായി ഫിലിപ്പ് സി. ജേക്കബും വീണ്ടും തെരഞ്ഞെടുക്കപ്പെട്ടു.

Business

ഇന്നലെ കൂടിയത് ഇന്ന് കുറഞ്ഞു; സ്വർണവില വീണ്ടും 1.12 ലക്ഷത്തിനു താഴെ

കൊച്ചി: സംസ്ഥാനത്ത് സ്വര്‍ണ വിലയില്‍ ഇന്ന് നേരിയ ഇടിവ്. 22 കാരറ്റ് സ്വര്‍ണം ഗ്രാമിന് 15 രൂപയും പവന് 120 രൂപയാണ് കുറഞ്ഞിരിക്കുന്നത്. വെള്ളിയാഴ്ച ഇതേ നിരക്കിൽ സ്വർണവില കൂടിയിരുന്നു. ഇതോടെ ഒരു ഗ്രാം സ്വർണത്തിന് 13,995 രൂപയിലും പവന് 1,11,960 രൂപയിലുമാണ് വ്യാപാരം പുരോഗമിക്കുന്നത്.

ആഴ്ചകളായി ചാഞ്ചാട്ടം തുടരുന്ന സ്വർണവില നേരിയ ഇടിവോടെയാണ് ഈ വാരം വ്യാപാരം ആരംഭിച്ചത്. തിങ്കളാഴ്ച ഗ്രാമിന് 15 രൂപയും പവന് 120 രൂപയും താഴേക്കു പോയിരുന്നു. പിന്നാലെ കയറ്റിറക്കങ്ങളാണ് ദൃശ്യമായത്.

ചൊവ്വാഴ്ച രാവിലെ തിരിച്ചുകയറിയ സ്വർണവില ഗ്രാമിന് 15 രൂപയും പവന് 120 രൂപയും ഉയർന്നു. എന്നാൽ ഉച്ചയ്ക്ക് ശേഷം ഗ്രാമിന് 130 രൂപയും പവന് 1,040 രൂപയും ഇടിയുകയാണുണ്ടായത്. പിന്നാലെ വീണ്ടും ഉയർന്ന സ്വർണവില ബുധനാഴ്ച ഗ്രാമിന് 80 രൂപയും പവന് 640 രൂപയും വർധിച്ചു. വ്യാഴാഴ്ച ഗ്രാമിന് 140 രൂപയും പവന് 1,120 രൂപയും കുറഞ്ഞിരുന്നു. പിന്നാലെ വെള്ളിയാഴ്ച ഗ്രാമിന് 15 രൂപയും പവന് 120 രൂപയും വർധിച്ചു.

ചാഞ്ചാട്ടം ദൃശ്യമായ കഴിഞ്ഞ വാരം അവസാനം രണ്ടുദിവസംകൊണ്ട് ഗ്രാമിന് 275 രൂപയും പവന് 2,200 രൂപയും കുതിച്ചുയർന്നിരുന്നു. ഓണക്കാല ഇടിവിൽ ഒരാഴ്ചയ്ക്കിടെ പവന് 8,800 രൂപയോളമാണ് ഇടിഞ്ഞ ശേഷമാണ് സ്വർണവിലയിൽ ചാഞ്ചാട്ടം ദൃശ്യമായത്. ഓഗസ്റ്റ് തുടക്കത്തിൽ പവന് 1,05,600 രൂപയായിരുന്നു സ്വർണവില. പിന്നീട് കുതിപ്പും കിതപ്പുമാണ് ദൃശ്യമായത്. ഈ വർഷം ജനുവരി 29ന് കുറിച്ച ഗ്രാമിന് 16,395 രൂപയും പവന് 1.31 ലക്ഷം രൂപയുമാണ് സംസ്ഥാനത്തിന്‍റെ ചരിത്രത്തിലെ എക്കാലത്തെയും ഉയർന്ന സ്വർണവില.

ഇന്ത്യയിൽ സ്വ‍‌ർണ ഇറക്കുമതിച്ചുങ്കം കൂട്ടിയതോടെ മേയ് 13 ന് ഒറ്റയടിക്ക് സ്വ‍ർണവില 10,200 രൂപയോളം വർധിച്ച് ആ മാസത്തിലെ ഏറ്റവും കൂടിയ നിരക്കായ 1,23,120 രൂപയിലെത്തിയിരുന്നു. പിന്നീട് ദിവസങ്ങളായി വില മാറിമറിയുകയാണ്.

അതേസമയം, വെള്ളി വിലയിൽ ഇന്നു മാറ്റമില്ല. ഒരു ഗ്രാം സാധാരണ വെള്ളിക്ക് 245 രൂപയിലാണ് വ്യാപാരം പുരോഗമിക്കുന്നത്.

100 വര്‍ഷത്തെ സ്വര്‍ണക്കുതിപ്പ്

Business

വിപണി തിരിച്ചുകയറി

മുംബൈ: മുൻ സെഷനിലെ കനത്ത ഇടിവിനുശേഷം ഇന്ത്യൻ ഓഹരിവിപണിയുടെ പ്രധാന സൂചികകളായ സെൻസെക്സും നിഫ്റ്റി50യും ഇന്നലെ ഉയർന്നു. വാല്യു ബയിംഗ് ഉയർന്നതാണ് ഇന്നലെ വിപണിയുടെ തിരിച്ചുവരവിനിടയാക്കിയത്.

സെൻസെക്സ് 315 പോയിന്‍റ് ഉയർന്ന് 73,896ലും നിഫ്റ്റി 77 പോയിന്‍റ് നേട്ടത്തിൽ 23,141ലും ക്ലോസ് ചെയ്തു.

വിപണിയുടെ നേട്ടത്തിനു പിന്നിൽ

മുൻ സെഷനിലെ കുത്തനെയുള്ള ഇടിവിനുശേഷം വാല്യൂ ബയിംഗിന് നിക്ഷേപകർ കടന്നതാണ് വിപണിയെ സഹായിച്ചത്. ക്രൂഡ് ഓയിൽ വില ഉയർന്നതിനെയും യുഎസ് ട്രഷറി ബോണ്ട് യീൽഡ് 19 വർഷത്തെ ഉയർന്ന നിരക്കിലെത്തിയതിനെയും തുടർന്ന വ്യാഴാഴ്ച സെൻസെക്സും നിഫ്റ്റിയും 10 ആഴ്ചയിലെ ഏറ്റവും വലിയ ഒറ്റ ദിവസത്തെ ശതമാനം ഇടിവ് നേരിട്ടിരുന്നു.ക്രൂഡ് ഓയിൽ വിലയിലുണ്ടായ ചെറിയ കുറവും വിപണിയെ സ്വാധീനിച്ചു.

ഡോളറിനെതിരേ രൂപയുടെ മൂല്യം 19 പൈസ നേട്ടത്തോടെ 95.80ലെത്തി. ആഗോള വിപണിയിലെ അനുകൂല ഘടകങ്ങളും റിസർവ് ബാങ്കിന്‍റെ ഇടപെടലുമാണ് രൂപയ്ക്കു തുണയായത്.

Business

വീഴ്ചയ്ക്കു പിന്നാലെ മെല്ലെ തിരിച്ചുകയറി സ്വർണവില; പവൻ വീണ്ടും 1.12 ലക്ഷം കടന്നു

കൊച്ചി: സംസ്ഥാനത്ത് ചാഞ്ചാട്ടം തുടരുന്ന സ്വര്‍ണവിലയില്‍ നേരിയ വര്‍ധന. ഗ്രാമിന് 15 രൂപയും പവന് 120 രൂപയുമാണ് വർധിച്ചത്. ഇതോടെ, ഒരു ഗ്രാം സ്വർണത്തിന് 14,010 രൂപയിലും പവന് 1,12,080 രൂപയിലുമാണ് വ്യാപാരം പുരോഗമിക്കുന്നത്. അതേസമയം, 18 കാരറ്റ് സ്വർണവില ഗ്രാമിന് 10 രൂപ ഉയർന്ന് 11,510 രൂപയിലെത്തി.

ആഴ്ചകളായി ചാഞ്ചാട്ടം തുടരുന്ന സ്വർണവില വ്യാഴാഴ്ച ഗ്രാമിന് 140 രൂപയും പവന് 1,120 രൂപയും കുറഞ്ഞിരുന്നു. നേരിയ ഇടിവോടെ ഈ വാരം വ്യാപാരം ആരംഭിച്ച സ്വർണവില തിങ്കളാഴ്ച ഗ്രാമിന് 15 രൂപയും പവന് 120 രൂപയും താഴേക്കു പോയിരുന്നു. പിന്നാലെ കയറ്റിറക്കങ്ങളാണ് ദൃശ്യമായത്.

ഇന്ത്യയിൽ സ്വ‍‌ർണ ഇറക്കുമതിച്ചുങ്കം കൂട്ടിയതോടെ മേയ് 13 ന് ഒറ്റയടിക്ക് സ്വ‍ർണവില 10,200 രൂപയോളം വർധിച്ച് ആ മാസത്തിലെ ഏറ്റവും കൂടിയ നിരക്കായ 1,23,120 രൂപയിലെത്തിയിരുന്നു. പിന്നീട് ദിവസങ്ങളായി വില മാറിമറിയുകയാണ്.

രാജ്യാന്തര വിലയിലെ ചലനങ്ങളാണ് ആഭ്യന്തര സ്വർണവിപണിയിലും പ്രതിഫലിക്കുന്നത്. ഇന്നുരാവിലെ 4,275 ഡോളർ ആയിരുന്ന രാജ്യാന്തര സ്വർണവില ഔൺസിന് അഞ്ചു ഡോളർ ഉയർന്ന് 4,268 ഡോളറിലാണ് വ്യാപാരം പുരോഗമിക്കുന്നത്.

അതേസമയം, വെള്ളി വിലയും ഇന്നു താഴേക്കാണ്. ഒരു ഗ്രാം സാധാരണ വെള്ളിക്ക് 245 രൂപയിലാണ് വ്യാപാരം പുരോഗമിക്കുന്നത്.

100 വര്‍ഷത്തെ സ്വര്‍ണക്കുതിപ്പ്

Kerala

ചാഞ്ചാടിയാടി താഴെവീണ് സ്വർണവില; പവൻ വില വീണ്ടും 1.12 ലക്ഷത്തിൽ താഴെ

കൊച്ചി: സംസ്ഥാനത്ത് സ്വർണവിലയിൽ വീണ്ടും വൻ ഇടിവ്. രാവിലെ ഗ്രാമിന് 140 രൂപയും പവന് 1,120 രൂപയുമാണ് കുറഞ്ഞത്. ഇതോടെ, ഒരു ഗ്രാം സ്വർണത്തിന് 13,995 രൂപയിലും പവന് 1,11,960 രൂപയിലുമാണ് വ്യാപാരം പുരോഗമിക്കുന്നത്. അതേസമയം, 18 കാരറ്റ് സ്വർണവില ഗ്രാമിന് 115 രൂപ കുറഞ്ഞ് 11,500 രൂപയിലെത്തി.

നേരിയ ഇടിവോടെ ഈ വാരം വ്യാപാരം ആരംഭിച്ച സ്വർണവില തിങ്കളാഴ്ച ഗ്രാമിന് 15 രൂപയും പവന് 120 രൂപയും താഴേക്കു പോയിരുന്നു. പിന്നാലെ ചാഞ്ചാട്ടമാണ് ദൃശ്യമായത്. ചൊവ്വാഴ്ച രാവിലെ തിരിച്ചുകയറിയ സ്വർണവില ഗ്രാമിന് 15 രൂപയും പവന് 120 രൂപയും ഉയർന്നു. എന്നാൽ ഉച്ചയ്ക്ക് ശേഷം ഗ്രാമിന് 130 രൂപയും പവന് 1,040 രൂപയും ഇടിയുകയാണുണ്ടായത്. പിന്നാലെ വീണ്ടും ഉയർന്ന സ്വർണവില ബുധനാഴ്ച ഗ്രാമിന് 80 രൂപയും പവന് 640 രൂപയും വർധിച്ചു.

ഇന്ത്യയിൽ സ്വ‍‌ർണ ഇറക്കുമതിച്ചുങ്കം കൂട്ടിയതോടെ മേയ് 13 ന് ഒറ്റയടിക്ക് സ്വ‍ർണവില 10,200 രൂപയോളം വർധിച്ച് ആ മാസത്തിലെ ഏറ്റവും കൂടിയ നിരക്കായ 1,23,120 രൂപയിലെത്തിയിരുന്നു. പിന്നീട് ദിവസങ്ങളായി വില മാറിമറിയുകയാണ്.

രാജ്യാന്തര വിലയിലെ ചലനങ്ങളാണ് ആഭ്യന്തര സ്വർണവിപണിയിലും പ്രതിഫലിക്കുന്നത്. രാജ്യാന്തരവില ഔൺസിന് 4,300 ഡോളറിന് മുകളിൽ നിന്ന് 4,285 ഡോളറിലേക്ക് വീണിരുന്നു. ഇതാണ് കേരളത്തിലും വില ഇടിയാൻ കാരണം. 4373 ഡോളർ വരെ താഴ്ന്ന ശേഷം രാജ്യാന്തര വില അൽപം കയറുകയായിരുന്നു.

അതേസമയം, വെള്ളി വിലയും ഇന്നു താഴേക്കാണ്. ഒരു ഗ്രാം സാധാരണ വെള്ളിക്ക് അഞ്ചുരൂപ താഴ്ന്ന് 245 രൂപയിലാണ് വ്യാപാരം പുരോഗമിക്കുന്നത്.

100 വര്‍ഷത്തെ സ്വര്‍ണക്കുതിപ്പ്

Business

കൽക്കരി ക്ഷാമത്തിനു പിന്നിൽ എൽനിനോ പ്രതിഭാസം

ന്യൂഡൽഹി: രാജ്യം നേരിടുന്ന കൽക്കരി ക്ഷാമത്തിനുപിന്നിൽ എൽനിനോ പ്രതിഭാസമെന്ന് റിപ്പോർട്ട്. രാജ്യത്തെ കൽക്കരി അധിഷ്ഠിത വൈദ്യുത നിലയങ്ങളിൽ 40 ശതമാനവും ആവശ്യത്തിന് കൽക്കരിയില്ലാതെ പ്രതിസന്ധിയിലായതിനു പിന്നിൽ എൽനിനോ പ്രതിഭാസം മൂലമുണ്ടായ അസാധാരണ ചൂടും തുടർന്ന് വൈദ്യുതിയുടെ ആവശ്യത്തിലുണ്ടായ വർധനയുമാണെന്നാണ് സർക്കാർ പുറത്തുവിട്ട കണക്കുകൾ വ്യക്തമാക്കുന്നത്.

സെപ്റ്റംബർ 19ലെ കണക്കുകൾ അനുസരിച്ച് വരുന്ന മൂന്നു ദിവസത്തേക്ക്, അല്ലെങ്കിൽ 25 ശതമാനത്തിൽ താഴെ മാത്രം കൽക്കരി ശേഖരമുള്ള നിലയങ്ങളുടെ എണ്ണം 74 ആയി ‍ഉ‍യർന്നു. മുൻ അവലോകന വാരത്തിൽ നിലയങ്ങളുടെ എണ്ണം 60 ആയിരുന്നെന്ന് സെൻട്രൽ ഇലക്ട്രിസിറ്റി അഥോറിറ്റിയുടെ കണക്കുകൾ വിശദമാക്കുന്നു.
കഴിഞ്ഞ ആഴ്ചയിൽ ഇന്ത്യയിലെ ഏറ്റവും ഉ‍യർന്ന വൈദ്യുതിയുടെ ആവശ്യകത 230 ഗിഗാവാട്ടിനും 250 ഗിഗാവാട്ടിനും ഇടയിലായിരുന്നു.

മേയ് മാസത്തിൽ വൈദ്യുതി ആവശ്യകത എക്കാലത്തെയും ഉ‍യർന്ന നിരക്കായ 270.70 ഗിഗാ വാട്ടിലെത്തിയതായും കണക്കുകൾ ചൂണ്ടിക്കാട്ടുന്നു. ഊർജനിലയങ്ങളിലെ കൽക്കരിശേഖരത്തിലുണ്ടായ കുറവ് വിതരണത്തിലെ ഘടനാപരമായ പ്രശ്നങ്ങൾ കൊണ്ടല്ലെന്നും മറിച്ച്, ഗതാഗത സംവിധാനത്തിലെ താത്കാലിക തടസങ്ങളാലാണെന്നുമാണ് ആഗോള ഏജൻസിയായ ക്രിസിൽ വിശകലനം ചെയ്യുന്നത്.

അസ്ഥിരമായ കാലവർഷം കൽക്കരിനീക്കത്തെ ബാധിച്ചതിനെത്തുടർന്ന് സെപ്റ്റംബർ ആദ്യവാരത്തിൽ കൽക്കരി-റെയിൽവേ മന്ത്രാലയങ്ങൾ നിലയങ്ങളിലേക്കുള്ള വിതരണം വർധിപ്പിച്ചതായും അറിയിച്ചിട്ടുണ്ട്. ഏപ്രിൽ-ഓഗസ്റ്റ് കാലയളവിൽ പുനരുപയോഗ ഊർജോത്പാദനം 21 ശതമാനം ഉ‍യർന്നെങ്കിലും സ്രോതസുകളിൽനിന്ന് ഇടവിട്ടുള്ള ലഭ്യതമൂലം 24 മണിക്കൂറും തടസമില്ലാതെ വൈദ്യുതി ലഭ്യമാക്കുന്നതിൽ കൽക്കരി അധിഷ്ഠിത വൈദ്യുത നിലയങ്ങൾ നിർണായക പങ്കാണു വഹിക്കുന്നത്.ഓഗസ്റ്റിൽ മാത്രം ഇന്ത്യൻ ഊർജോത്പാദകരുടെ കൽക്കരി ഇറക്കുമതി 15 മാസത്തെ ഏറ്റവും ഉയർന്ന നിലയിലെത്തിയിട്ടുണ്ട്.

Business

സെൻസെക്സ്, നിഫ്റ്റി സൂചികകൾ നേട്ടത്തിൽ

മുംബൈ: ആഗോളവിപണിയുടെ ചുവടുപിടിച്ച് ഇന്ത്യൻ ഓഹരിസൂചികകളും ഇന്നലെ മുന്നേറി. ബോംബെ ഓഹരിസൂചികയായ സെൻസെക്സ് 564.03 പോയിന്‍റിന്‍റെ നേട്ടത്തോടെ 74,858.99ൽ അവസാനിച്ചപ്പോൾ ദേശീയ ഓഹരി സൂചിക നിഫ്റ്റി 67.90 പോയിന്‍റ് നേട്ടത്തോടെ 23,414.30 ൽ ക്ലോസ് ചെയ്തു.

യുഎസ്-ചൈന ചർച്ചകളെക്കുറിച്ചുള്ള പ്രതീക്ഷകളും യുഎൻ സമ്മേളനത്തിൽ യുഎസ്-ഇറാൻ നയതന്ത്രചർച്ചകൾ പുനരാരംഭിക്കുമെന്ന സൂചനകളുമാണ് വിപണിയിൽ ആവേശം നിറച്ചത്. ആഗോളതലത്തിൽ ക്രൂഡ് ഓയിൽ വിലയിലുണ്ടായ ഇടിവ്. ബോണ്ടുകളിൽനിന്നുള്ള വരുമാനക്കുറവും പിന്തുണ നൽകി. പണപ്പെരുപ്പത്തെക്കുറിച്ചും ഊർജ ചെലവുകളെക്കുറിച്ചുമുള്ള ആശങ്കകൾ ഒഴിഞ്ഞതും അനുകൂലഘടകമായി.

നിഫ്റ്റി 50 സൂചികകളിൽ എച്ച്സിഎൽ ടെക്നോളജീസും എസ്ബിഐ ലൈഫ് ഇൻഷ്വറൻസ് കന്പനി എന്നിവയാണു കൂടുതൽ നേട്ടമുണ്ടാക്കിയത്.

Business

മാത്ത്‌വർക്സ് ഇൻസ്റ്റിറ്റ്യൂഷണൽ ക്രെഡൻഷ്യൽ ഏറ്റുവാങ്ങി അമൽജ്യോതി കോളജ്

കാഞ്ഞിരപ്പള്ളി: അമൽജ്യോതി കോളജ് ഓഫ് എൻജിനിയറിംഗ് (ഓട്ടോണമസ്) മാത്ത്‌വർക്സ് ഇൻസ്റ്റിറ്റ്യൂഷണൽ ക്രെഡൻഷ്യൽ ഏറ്റുവാങ്ങി.

കോളജിൽ നടന്ന ചടങ്ങിൽ മാത്ത്‌വർക്സ് ഇന്ത്യ പ്രൈവറ്റ് ലിമിറ്റഡിന്‍റെ എഡ്യുക്കേഷൻ സെയിൽസ് മാനേജർ സാഹിദ വസീം, സെയിൽസ് അക്കൗണ്ട് മാനേജർ–എഡ്യുക്കേഷൻ അനീഷ് ബോംസൺ എന്നിവർ ചേർന്ന് ക്രെഡൻഷ്യൽ കോളജിന് സമ്മാനിച്ചു. കോളജ് ഡയറക്ടർ അഡ്മിനിസ്ട്രേഷൻ ഫാ. ഡോ. റോയ് എബ്രഹാം പഴയപറമ്പിലും പ്രിൻസിപ്പൽ ഡോ. ലില്ലിക്കുട്ടി ജേക്കബും ക്രെഡൻഷ്യൽ ഏറ്റുവാങ്ങി.

കംപ്യൂട്ടേഷണൽ പഠനം ശക്തിപ്പെടുത്തുന്നതിലും മാത്ത്‌വർക്സ് ക്യാമ്പസ്-വൈഡ് സ്യൂട്ട് അക്കാദമിക രംഗത്ത് ഫലപ്രദമായി വിനിയോഗിക്കുന്നതിലും സ്ഥാപനം കൈവരിച്ച നേട്ടത്തിനുള്ള അംഗീകാരമായിരുന്നു ഇത്.

മാത്ത്‌വർക്സിന്‍റെ ഈ ക്രെഡൻഷ്യൽ ലഭിക്കുന്ന കേരളത്തിലെ നാല് സ്ഥാപനങ്ങളിൽ ഒന്നാണ് അമൽജ്യോതി കോളജ് ഓഫ് എൻജിനിയറിംഗ്.

മാത്ത്‌വർക്സ് കാമ്പസ്-വൈഡ് സ്യൂട്ട് മികച്ച രീതിയിൽ പ്രയോജനപ്പെടുത്തിയതിനായി ഇലക്്ട്രോണിക്സ് ആൻഡ് കമ്യൂണിക്കേഷൻ എൻജിനിയറിംഗ് വിഭാഗം മേധാവി ഡോ. ഗീവർഗീസ് ടൈറ്റസ്, ഇലക്്ട്രിക്കൽ ആൻഡ് ഇലക്്ട്രോണിക്സ് എൻജിനിയറിംഗ് വിഭാഗം മേധാവി ഡോ. എസ്.എൻ. കുമാർ, കെമിക്കൽ എൻജിനിയറിംഗ് വിഭാഗം മേധാവി ഡോ. സി. സുരേജ് രാജൻ എന്നിവരെ ചടങ്ങിൽ ആദരിച്ചു.

Business

ആദ്യ ദശകം പൂർത്തിയാക്കുമ്പോൾ ടെലികോമിനപ്പുറം വളർന്ന് ജിയോ

കൊച്ചി: ഇന്ത്യയുടെ കണക്റ്റിവിറ്റി രംഗത്തെ അടിമുടി മാറ്റിമറിച്ച ആദ്യ ദശകം പിന്നിടുമ്പോൾ, ടെലികോം കമ്പനിയിൽനിന്ന് ഒരു സമഗ്ര ഇന്ത്യൻ ടെക്നോളജി കമ്പനിയെന്ന നിലയിലേക്കുള്ള മാറ്റത്തിന്‍റെ പാതയിലാണ് ജിയോ. സ്വന്തമായി വികസിപ്പിക്കുന്ന നെറ്റ്‌വർക്ക് സോഫ്റ്റ്‌വേർ, ഡിജിറ്റൽ പ്ലാറ്റ്‌ഫോമുകൾ, ബൗദ്ധിക സ്വത്തവകാശം, ആർട്ടിഫിഷ്യൽ ഇന്‍റലിജൻസ് (ആർട്ടിഫിഷ്യൽ ഇന്‍റലിജൻസ്), ക്ലൗഡ്, എന്‍റർപ്രൈസ് സൊല്യൂഷനുകൾ എന്നിവയാണ് ജിയോയുടെ രണ്ടാം ദശകത്തിന്‍റെ പ്രധാന ശ്രദ്ധാകേന്ദ്രങ്ങൾ.

ആദ്യ പത്ത് വർഷങ്ങളിൽ ജിയോയുടെ വളർച്ച പ്രധാനമായും ഉപഭോക്താക്കളുടെ എണ്ണം, ഡാറ്റ ഉപയോഗം, നെറ്റ്‌വർക്ക് വ്യാപനം, മൊബൈൽ ഇന്‍റർനെറ്റിന്‍റെ ചെലവ് കുറച്ചത് തുടങ്ങിയ ഘടകങ്ങളിലൂടെയാണ് വിലയിരുത്തപ്പെട്ടത്. എന്നാൽ ഇപ്പോൾ ജിയോയുടെ വളർച്ചയുടെ കഥ മറ്റൊരു ദിശയിലേക്ക് മാറുകയാണ്. ടെലികോം നെറ്റ്‌വർക്ക് പ്രവർത്തിപ്പിക്കുന്നതിനുള്ള അടിസ്ഥാന സൗകര്യം എന്നതിലുപരി, സാങ്കേതികവിദ്യ തന്നെ ഒരു ഉത്്പന്നമായി വികസിപ്പിക്കുകയാണ് ജിയോ.

ജിയോയുടെ പത്താം വാർഷികത്തോടനുബന്ധിച്ച് ജിയോ പ്ലാറ്റ്‌ഫോംസ് മാനേജിംഗ് ഡയറക്ടർ ആകാശ് അംബാനി ഈ മാറ്റത്തെക്കുറിച്ച് വ്യക്തമാക്കിയിരുന്നു. കണക്റ്റിവിറ്റി, ഡിജിറ്റൽ ഉത്പന്നങ്ങൾ, എന്‍റർപ്രൈസ് സൊലൂഷനുകൾ, ആർട്ടിഫിഷ്യൽ ഇന്‍റലിജൻസ് തുടങ്ങിയ മേഖലകളിൽ ഇന്ത്യയിൽ തന്നെ സ്വന്തമായി സാങ്കേതികവിദ്യ വികസിപ്പിക്കുകയാണെന്നും, ഈ സാങ്കേതികവിദ്യകൾ ആഗോള വിപണികളിലേക്ക് എത്തിക്കുകയാണ് ലക്ഷ്യമെന്നും അദ്ദേഹം പറഞ്ഞു.

നെറ്റ്‌വർക്ക് സാങ്കേതികവിദ്യ വികസിപ്പിക്കൽ

2016ൽ ജിയോ ഇന്ത്യൻ വിപണിയിലെത്തുമ്പോൾ ടെലികോം രംഗത്ത് ഉപയോഗിച്ചിരുന്ന വലിയൊരു വിഭാഗം സാങ്കേതികവിദ്യകൾ വിദേശത്തുനിന്നുള്ളതായിരുന്നു. എന്നാൽ ജിയോ സ്വന്തമായി 5ജി കോർ, ഒഎസ്എസ്/ബിഎസ്എസ് സംവിധാനങ്ങൾ എന്നിവ വികസിപ്പിച്ചു. നെറ്റ്‌വർക്ക് പ്രവർത്തനം, സേവനങ്ങൾ സജ്ജീകരിക്കൽ, ബില്ലിംഗ് തുടങ്ങി വിവിധ പ്രവർത്തനങ്ങൾ നിയന്ത്രിക്കുന്ന സോഫ്റ്റ്‌വേറുകളാണ് ഇവ. തുടർന്ന് കോർ, റേഡിയോ, ഓപ്പറേഷൻസ് സോഫ്റ്റ്‌വേർ എന്നിവ ഉൾപ്പെടുന്ന എൻഡ്-ടു-എൻഡ് 5ജി ടെക്നോളജി സ്റ്റാക്കിലേക്കും ജിയോ കടന്നു. സ്റ്റാൻഡ് എലോൺ 5ജി ആർക്കിടെക്ചറിനെ അടിസ്ഥാനമാക്കിയുള്ള ഈ സാങ്കേതികവിദ്യ വൻതോതിൽ പരീക്ഷിക്കാനും ജിയോയ്ക്ക് സാധിച്ചു.

6,817 പേറ്റന്‍റുകൾ; ബൗദ്ധിക സ്വത്തവകാശത്തിലും മുന്നേറ്റം

ജിയോയുടെ ടെക്നോളജി കമ്പനിയായുള്ള മാറ്റത്തിന്‍റെ മറ്റൊരു പ്രധാന സൂചന പേറ്റന്‍റ് രംഗത്തെ വളർച്ചയാണ്. 2026 മാർച്ച് 31 വരെയുള്ള കണക്കനുസരിച്ച് ജിയോ പ്ലാറ്റ്‌ഫോംസും അനുബന്ധ സ്ഥാപനങ്ങളും ചേർന്ന് 6,817 പേറ്റന്‍റുകൾ ഫയൽ ചെയ്തിട്ടുണ്ട്. 4ജി, 5ജി, 6ജി, ആർട്ടിഫിഷ്യൽ ഇന്‍റലിജൻസ്, ക്ലൗഡ് തുടങ്ങിയ മേഖലകളിലെ സാങ്കേതികവിദ്യകളാണ് ഇതിൽ ഉൾപ്പെടുന്നത്. ഇതിൽ 1,009 പേറ്റന്‍റുകൾക്ക് ആഗോളതലത്തിൽ അംഗീകാരം ലഭിച്ചിട്ടുണ്ട്.

2026ൽ, 2025ലെ പേറ്റന്‍റ് കോ-ഓപ്പറേഷൻ ട്രീറ്റി (പിസിടി) റാങ്കിംഗിൽ ജിയോ പ്ലാറ്റ്‌ഫോംസ് ആഗോള കമ്പനികളുടെ ആദ്യ 20 സ്ഥാനങ്ങളിൽ ഇടം നേടി.

Business

പണിമുടക്ക്: 26 മുതൽ അഞ്ച് ദിവസം ബാങ്ക് മുടക്കത്തിന് സാധ്യത

ന്യൂഡൽഹി: 26 മുതൽ 30 വരെ തുടർച്ചയായ അഞ്ച് ദിവസം ബാങ്കുകൾ തുറന്നു പ്രവർത്തിക്കില്ല.വാരാന്ത്യ അവധിക്കുശേഷം 28 മുതൽ 30 വരെ രാജ്യവ്യാപകമായി ബാങ്ക് ജീവനക്കാർ നടത്തുന്ന മൂന്ന് ദിവസത്തെ പണിമുടക്കിനെത്തുടർന്നാണിത്.

ബാങ്ക് ഓഫീസർമാരെയും ജീവനക്കാരെയും 90 ശതമാനത്തോളം പ്രതിനിധീകരിക്കുന്ന ഏഴ് യൂണിയനുകളുടെ കൂട്ടായ്മയായ യുണൈറ്റഡ് ഫോറം ഓഫ് ബാങ്ക് യൂണിയൻസാണ് (യുഎഫ്ബിയു) പണിമുടക്കിന് ആഹ്വാനം ചെയ്തിരിക്കുന്നത്.

അഞ്ചുദിവസത്തെ പ്രവൃത്തിദിനം നടപ്പാക്കുക, പെൻഷൻ പരിഷ്കരണങ്ങൾ, പഴയ പെൻഷൻ പദ്ധതി പുനഃസ്ഥാപിക്കുക തുടങ്ങിയ ആവശ്യങ്ങൾ ഉന്നയിച്ചാണ് സമരം.

Business

വാരാന്ത്യക്കുതിപ്പിനു പിന്നാലെ സ്വർണം താഴേക്ക്; 1.14 ലക്ഷത്തിനു മുകളിൽതന്നെ

കൊച്ചി: സംസ്ഥാനത്ത് വാരാന്ത്യ കുതിപ്പിനു പിന്നാലെ തിങ്കളാഴ്ച നേരിയ വീഴ്ചയുമായി സ്വർണവില. ഗ്രാമിന് 15 രൂപയും പവന് 120 രൂപയുമാണ് കുറഞ്ഞത്. ഇതോടെ, ഒരു ഗ്രാം സ്വർണത്തിന് 14,270 രൂപയിലും പവന് 1,14,160 രൂപയിലുമാണ് വ്യാപാരം പുരോഗമിക്കുന്നത്. അതേസമയം, 18 കാരറ്റ് സ്വർണവില ഗ്രാമിന് 10 രൂപ കുറഞ്ഞ് 11,725 രൂപയിലെത്തി.

ചാഞ്ചാട്ടം ദൃശ്യമായ കഴിഞ്ഞ വാരം അവസാനം രണ്ടുദിവസംകൊണ്ട് ഗ്രാമിന് 275 രൂപയും പവന് 2,200 രൂപയും കുതിച്ചുയർന്നിരുന്നു.

ഇന്ത്യയിൽ സ്വ‍‌ർണ ഇറക്കുമതിച്ചുങ്കം കൂട്ടിയതോടെ മേയ് 13 ന് ഒറ്റയടിക്ക് സ്വ‍ർണവില 10,200 രൂപയോളം വർധിച്ച് ആ മാസത്തിലെ ഏറ്റവും കൂടിയ നിരക്കായ 1,23,120 രൂപയിലെത്തിയിരുന്നു. പിന്നീട് ദിവസങ്ങളായി വില മാറിമറിയുകയാണ്.

രാജ്യാന്തര വിലയിലെ ചലനങ്ങളാണ് ആഭ്യന്തര സ്വർണവിപണിയിലും പ്രതിഫലിക്കുന്നത്. രാജ്യാന്തര വില ഔൺസിന് 12 ഡോളർ താഴ്ന്ന് 4,365 ഡോളറിലാണ് വ്യാപാരം പുരോഗമിക്കുന്നത്.

അതേസമയം, വെള്ളി വിലയും ഇന്നു താഴേക്കാണ്. ഒരു ഗ്രാം സാധാരണ വെള്ളിക്ക് അഞ്ചുരൂപ താഴ്ന്ന് 250 രൂപയിലാണ് വ്യാപാരം പുരോഗമിക്കുന്നത്.

100 വര്‍ഷത്തെ സ്വര്‍ണക്കുതിപ്പ്

Business

രാജ്യത്തെ ആദ്യ അംഗീകൃത ഡെങ്കിപ്പനി വാക്‌സിന്‍ അടുത്ത വർഷം വിപണിയിലെത്തും

ന്യൂഡല്‍ഹി: രാജ്യത്തു പ്രതിവര്‍ഷം ഒരുലക്ഷത്തിലധികം ആളുകളെ ദുരിതത്തിലാക്കുന്ന ഡെങ്കിപ്പനിയെ പ്രതിരോധിക്കാന്‍ ആദ്യ അംഗീകൃത വാക്‌സിന്‍ വിപണിയിലെത്തുന്നു.

ഡെങ്കിപ്പനി വാക്‌സിനായ ‘ക്യുദെംഗ’ അടുത്തവര്‍ഷം രാജ്യത്തെ സ്വകാര്യ വിപണിയിലെത്തിക്കാനാണു ശ്രമം. ഇതുസംബന്ധിച്ച് ക്യുദെംഗ വാക്‌സിന്‍ നിര്‍മിക്കുന്ന ജപ്പാനിലെ ടോക്കിയോ ആസ്ഥാനമായുള്ള ആഗോള ഫാര്‍മസ്യൂട്ടിക്കല്‍ കമ്പനിയായ താകദെയും ഹൈദരാബാദ് ആസ്ഥാനമായ ഡോ. റെഡ്ഢീസ് ലബോറട്ടറീസും കരാറില്‍ ഒപ്പുവച്ചു.

രാജ്യത്തെ ആദ്യത്തെ അംഗീകൃത ഡെങ്കിപ്പനി വാക്‌സിനായ ക്യുദെംഗ, നാലുമുതല്‍ 60 വയസ് വരെയുള്ളവര്‍ക്കായി ഉപയോഗിക്കുന്നതിന് 2026 ജൂലൈയില്‍ സെന്‍ട്രല്‍ ഡ്രഗ്‌സ് സ്റ്റാന്‍ഡേര്‍ഡ് കണ്‍ട്രോള്‍ ഓര്‍ഗനൈസേഷന്‍ വിപണനാനുമതി നല്‍കിയിരുന്നു.

രാജ്യത്ത് ഡെങ്കിപ്പനി ഒരു പ്രധാന പൊതുജനാരോഗ്യ വെല്ലുവിളിയാണെന്നും സാര്‍വത്രിക പ്രതിരോധകുത്തിവയ്പ് പരിപാടിയില്‍ ഡെങ്കിപ്പനി വാക്‌സിന്‍ ഉള്‍പ്പെടുത്തുന്നത് പരിഗണിക്കണമെന്നും നേരത്തേ പാര്‍ലമെന്‍റിന്‍റെ ആരോഗ്യസമിതി ശിപാര്‍ശ നൽകിയിരുന്നു.

Business

ചാഞ്ചാട്ടങ്ങൾക്കിടെ കുതിച്ചുകയറി സ്വര്‍ണവില; പവൻ വില വീണ്ടും 1.13 ലക്ഷത്തിനു മുകളിൽ

കൊച്ചി: സംസ്ഥാനത്ത് ചാഞ്ചാട്ടങ്ങൾക്കിടെ വീണ്ടും കയറി സ്വര്‍ണവില. ഗ്രാമിന് 145 രൂപയും പവന് 1,160 രൂപയുമാണ് വര്‍ധിച്ചത്. ഇതോടെ സ്വര്‍ണവില ഗ്രാമിന് 14,155 രൂപയിലും ‌പവന് 1,13,240 രൂപയിലുമാണ് വ്യാപാരം പുരോഗമിക്കുന്നത്. അതേസമയം, 18 കാരറ്റ് സ്വർണവില ഗ്രാമിന് 120 രൂപ വർധിച്ച് 11,630 രൂപയിലെത്തി.

സംസ്ഥാനത്ത് വൻവീഴ്ചയോടെ ഈ വാരം വ്യാപാരം ആരംഭിച്ച സ്വർണവില കയറ്റിറക്കങ്ങളിലൂടെയാണ് കടന്നുപോയത്. തിങ്കളാഴ്ച രണ്ടുതവണയായി സ്വര്‍ണ വില പവന് 1,160 രൂപ ഇടിഞ്ഞിരുന്നു. ഇതിനു പിന്നാലെ ചൊവ്വാഴ്ച ഗ്രാമിന് 30 രൂപയും പവന് 240 രൂപയും ബുധനാഴ്ച ഗ്രാമിന് 25 രൂപയും പവന് 200 രൂപയും വർധിക്കുകയാണുണ്ടായത്. എന്നാൽ, വ്യാഴാഴ്ച ഗ്രാമിന് 55 രൂപയും പവന് 440 രൂപയും കുറഞ്ഞു. ഇതിനു പിന്നാലെയാണ് ഇന്നു തിരിച്ചുകയറിയത്.

ഇന്ത്യയിൽ സ്വ‍‌ർണ ഇറക്കുമതിച്ചുങ്കം കൂട്ടിയതോടെ മേയ് 13 ന് ഒറ്റയടിക്ക് സ്വ‍ർണവില 10,200 രൂപയോളം വർധിച്ച് ആ മാസത്തിലെ ഏറ്റവും കൂടിയ നിരക്കായ 1,23,120 രൂപയിലെത്തിയിരുന്നു. പിന്നീട് ദിവസങ്ങളായി വില മാറിമറിയുകയാണ്.

രാജ്യാന്തര വിലയിലെ ചലനങ്ങളാണ് ആഭ്യന്തര സ്വർണവിപണിയിലും പ്രതിഫലിക്കുന്നത്. വ്യാഴാഴ്ച ഔൺസിന് 4,300 ഡോളറിനും താഴേക്കുപോയ രാജ്യാന്തര വില, ഇപ്പോഴുള്ളത് 4,357 ഡോളറിലാണ്.

അതേസമയം, വെള്ളി വിലയും ഇന്നു മുകളിലേക്കാണ്. ഒരു ഗ്രാം സാധാരണ വെള്ളിക്ക് അഞ്ചുരൂപ ഉയർന്ന് 250 രൂപയിലാണ് വ്യാപാരം പുരോഗമിക്കുന്നത്.

100 വര്‍ഷത്തെ സ്വര്‍ണക്കുതിപ്പ്

Business

കുതിപ്പിനു ശേഷം മെല്ലെയിറങ്ങി; പവൻ വില 1.12 ലക്ഷത്തിനു മുകളിൽതന്നെ

കൊച്ചി: സംസ്ഥാനത്ത് സ്വര്‍ണ വിലയില്‍ നേരിയ ഇടിവ്. ഗ്രാമിന് 55 രൂപയും പവന് 440 രൂപയുമാണ് കുറഞ്ഞത്. ഇതോടെ, ഒരു ഗ്രാം സ്വർണത്തിന് 14,010 രൂപയിലും പവന് 1,12,080 രൂപയിലുമാണ് വ്യാപാരം പുരോഗമിക്കുന്നത്.

അതേസമയം, 18 കാരറ്റ് സ്വര്‍ണം ഗ്രാമിന് 45 രൂപ ഇടിഞ്ഞ് 11,510 രൂപയിലെത്തി. 14 കാരറ്റ് സ്വർണം ഗ്രാമിന് 8,965 രൂപയിലും ഒമ്പത് കാരറ്റ് സ്വർണം ഗ്രാമിന് 5,780 രൂപയിലുമാണ് വ്യാപാരം നടക്കുന്നത്.

സംസ്ഥാനത്ത് രണ്ടുദിവസം മുകളിലേക്ക് പോയ സ്വർണവിലയാണ് ഇന്ന് താഴെവീണത്. തിങ്കളാഴ്ച രണ്ടുതവണയായി സ്വര്‍ണ വില പവന് 1,160 രൂപ ഇടിഞ്ഞിരുന്നു. ഇതിനു പിന്നാലെ ചൊവ്വാഴ്ച ഗ്രാമിന് 30 രൂപയും പവന് 240 രൂപയും ബുധനാഴ്ച ഗ്രാമിന് 25 രൂപയും പവന് 200 രൂപയും വർധിക്കുകയാണുണ്ടായത്.

ഇന്ത്യയിൽ സ്വ‍‌ർണ ഇറക്കുമതിച്ചുങ്കം കൂട്ടിയതോടെ മേയ് 13 ന് ഒറ്റയടിക്ക് സ്വ‍ർണവില 10,200 രൂപയോളം വർധിച്ച് ആ മാസത്തിലെ ഏറ്റവും കൂടിയ നിരക്കായ 1,23,120 രൂപയിലെത്തിയിരുന്നു. പിന്നീട് ദിവസങ്ങളായി വില മാറിമറിയുകയാണ്.

രാജ്യാന്തര വിലയിലെ ചലനങ്ങളാണ് ആഭ്യന്തര സ്വർണവിപണിയിലും പ്രതിഫലിക്കുന്നത്. ബുധനാഴ്ച ഔൺസിന് 4,265 ഡോളറെന്ന നിലയിൽ വ്യാപാരം അവസാനിപ്പിച്ച രാജ്യാന്തര സ്വർണവില ഇന്ന് 4,356 ഡോളർ വരെ ഉയർന്നെങ്കിലും പിന്നീട് 4,236 ഡോളറിലേക്ക് താഴ്ന്നു. നിലവിൽ ഒരു ശതമാനത്തോളം നഷ്ടത്തിൽ 4,298 ഡോളറെന്ന നിലയിലാണ് സ്വർണവ്യാപാരം നടക്കുന്നത്.

അതേസമയം, വെള്ളി വിലയിൽ ഇന്നും മാറ്റമില്ല. ഒരു ഗ്രാം സാധാരണ വെള്ളിക്ക് 245 രൂപയിലാണ് വ്യാപാരം പുരോഗമിക്കുന്നത്.

100 വര്‍ഷത്തെ സ്വര്‍ണക്കുതിപ്പ്

Business

വീഴ്ചകൾക്കു ശേഷം തലപൊക്കി സ്വർണം; പവന് കൂടിയത് 240 രൂപ

കൊച്ചി: സംസ്ഥാനത്ത് ഇരട്ടവീഴ്ചയ്ക്കു ശേഷം സ്വര്‍ണവിലയില്‍ നേരിയ വര്‍ധന. ഗ്രാമിന് 30 രൂപയും പവന് 240 രൂപയുമാണ് വർധിച്ചത്. ഇതോടെ, ഒരു ഗ്രാം സ്വർണത്തിന് 14,040 രൂപയിലും പവന് 1,12,320 രൂപയിലുമാണ് വ്യാപാരം പുരോഗമിക്കുന്നത്. അതേസമയം, 18 കാരറ്റ് സ്വർണം ഗ്രാമിന് 25 രൂപ വർധിച്ച് 11,535 രൂപയിലെത്തി.

തിങ്കളാഴ്ച രണ്ടുതവണയായി സ്വര്‍ണ വില പവന് 1,160 രൂപ ഇടിഞ്ഞിരുന്നു. രാവിലെ പവന് 1,13,000 രൂപയിലായിരുന്ന സ്വര്‍ണ വില ഉച്ചയ്ക്ക് ശേഷം 1,12,080 രൂപയിലേക്ക് എത്തിയിരുന്നു.

ഒരാഴ്ച കയറ്റിറക്കങ്ങളിലൂടെ കടന്നുപോയ സ്വർണവില ശനിയാഴ്ച നിശ്ചലമായിരുന്നു. ഇതിനു പിന്നാലെയാണ് തിങ്കളാഴ്ച താഴേക്കുപോയത്. ഓണക്കാല ഇടിവിൽ ഒരാഴ്ചയ്ക്കിടെ പവന് 8,800 രൂപയോളമാണ് ഇടിഞ്ഞത്. ഇതിനു പിന്നാലെയാണ് ചാഞ്ചാട്ടം ദൃശ്യമായത്.

ഓഗസ്റ്റ് തുടക്കത്തിൽ പവന് 1,05,600 രൂപയായിരുന്നു സ്വർണവില. പിന്നീട് കുതിപ്പും കിതപ്പുമാണ് ദൃശ്യമായത്. ഈ വർഷം ജനുവരി 29ന് കുറിച്ച ഗ്രാമിന് 16,395 രൂപയും പവന് 1.31 ലക്ഷം രൂപയുമാണ് സംസ്ഥാനത്തിന്‍റെ ചരിത്രത്തിലെ എക്കാലത്തെയും ഉയർന്ന സ്വർണവില.

ഇന്ത്യയിൽ സ്വ‍‌ർണ ഇറക്കുമതിച്ചുങ്കം കൂട്ടിയതോടെ മേയ് 13 ന് ഒറ്റയടിക്ക് സ്വ‍ർണവില 10,200 രൂപയോളം വർധിച്ച് ആ മാസത്തിലെ ഏറ്റവും കൂടിയ നിരക്കായ 1,23,120 രൂപയിലെത്തിയിരുന്നു. പിന്നീട് ദിവസങ്ങളായി വില മാറിമറിയുകയാണ്.

രാജ്യാന്തര വിലയിലെ ചലനങ്ങളാണ് ആഭ്യന്തര സ്വർണവിപണിയിലും പ്രതിഫലിക്കുന്നത്. തിങ്കളാഴ്ച രാജ്യാന്തര വിപണിയിൽ സ്വർണവില ഔൺസിന് 4,290 ഡോളറെന്ന നിലയിലാണ് വ്യാപാരം അവസാനിപ്പിച്ചത്. ഇന്ന് വ്യാപാരം ആരംഭിച്ചപ്പോൾ 4282 ഡോളറിലേക്ക് ഇടിഞ്ഞെങ്കിലും പിന്നീട് നിലമെച്ചപ്പെടുത്തി 4317 ഡോളർ വരെ എത്തി. നിലവിൽ 4309 ഡോളറിലാണ് വ്യാപാരം നടക്കുന്നത്.

അതേസമയം, വെള്ളി വിലയിലും ഇന്നു മാറ്റമില്ല. ഒരു ഗ്രാം സാധാരണ വെള്ളിക്ക് 245 രൂപയിലാണ് വ്യാപാരം പുരോഗമിക്കുന്നത്.

100 വര്‍ഷത്തെ സ്വര്‍ണക്കുതിപ്പ്

Business

ഇന്നലെ കിതപ്പും കുതിപ്പും, ഇന്ന് നിശ്ചലം; മാറ്റമില്ലാതെ സ്വര്‍ണവില

കൊച്ചി: സംസ്ഥാനത്ത് കിതപ്പിനും കുതിപ്പിനും പിന്നാലെ നിശ്ചലമായി സ്വർണവില. ഗ്രാമിന് 14,155 രൂപയിലും പവന് 1,13,240 രൂപയിലുമാണ് വ്യാപാരം പുരോഗമിക്കുന്നത്. അതേസമയം, 18 കാരറ്റ് സ്വർണവില ഗ്രാമിന് 11,360 രൂപയാണ്.

ഒരാഴ്ചയായി കയറ്റിറങ്ങളിലൂടെ കടന്നുപോകുന്ന സ്വർണം വെള്ളിയാഴ്ച രാവിലെ ഗ്രാമിന് 240 രൂപയും പവന് 1,920 രൂപയും ഇടിഞ്ഞിരുന്നു. പിന്നാലെ ഉച്ചയ്ക്കു ശേഷം ഗ്രാമിന് 140 രൂപയും പവന് 1,120 രൂപയും വർധിക്കുകയായിരുന്നു.

ഓണക്കാല ഇടിവിൽ ഒരാഴ്ചയ്ക്കിടെ പവന് 8,800 രൂപയോളമാണ് ഇടിഞ്ഞത്. ഇതിനു പിന്നാലെയാണ് ചാഞ്ചാട്ടം ദൃശ്യമായത്.

ഇന്ത്യയിൽ സ്വ‍‌ർണ ഇറക്കുമതിച്ചുങ്കം കൂട്ടിയതോടെ മേയ് 13 ന് ഒറ്റയടിക്ക് സ്വ‍ർണവില 10,200 രൂപയോളം വർധിച്ച് ആ മാസത്തിലെ ഏറ്റവും കൂടിയ നിരക്കായ 1,23,120 രൂപയിലെത്തിയിരുന്നു. പിന്നീട് ദിവസങ്ങളായി വില മാറിമറിയുകയാണ്.

രാജ്യാന്തര വിലയിലെ ചലനങ്ങളാണ് ആഭ്യന്തര സ്വർണവിപണിയിലും പ്രതിഫലിക്കുന്നത്. ഔൺസിന് 4,348 ഡോളറിലാണ് രാജ്യാന്തര വിപണിയിൽ വ്യാപാരം പുരോഗമിക്കുന്നത്.

100 വര്‍ഷത്തെ സ്വര്‍ണക്കുതിപ്പ്

Business

വിപണിയിൽ ഐപിഒ തിരക്ക്

മുംബൈ: ഇന്ത്യൻ പ്രൈമറി വിപണിക്ക് വളരെ തിരക്കേറിയ ആഴ്ചയാണ്. സബ്സ്ക്രിപ്ഷനായി 12 മെയിൻബോർഡ് ഐപിഒ കളാണ് ഈ ആഴ്ച നടക്കുന്നത്. ഇതിന്‍റെ ഭാഗമായി പ്രൈമറി വിപണി ഇന്ന് അപൂർവമായൊരു ചരിത്ര മുഹൂർത്തത്തിനാണ് സാക്ഷ്യംവഹിക്കുന്നത്. ഒരൊറ്റ ദിവസം മാത്രം ആറ് മെയിൻബോർഡ് ഐപിഒകളാണ് നിക്ഷേപകർക്കായി തുറക്കുന്നത്.

പ്രൈം ഡാറ്റാബേസിന്‍റെ റിപ്പോർട്ട് പ്രകാരം, 1996 ഒക്‌ടോബർ 14ന് ശേഷം ആദ്യമായാണ് ഒരേ ദിവസം തന്നെ ആറ് ഐപിഒകൾ പ്രാഥമിക വിപണിയിലെത്തുന്നത്. ഏഴ് ഐപിഒ ഒരേ ദിവസം എത്തിയിട്ടുണ്ട്. അത് 1996 ഒക്‌ടോബർ 28 ന് ആയിരുന്നു. ഐപിഒ മാർക്കറ്റിന് അനുകൂല വർഷങ്ങളായിരുന്നു 1995 നും 1996 നും ഇടയിൽ. 10 പബ്ലിക് ഓഫറുകൾ ഒരുമിച്ച് ദലാൽ സ്ട്രീറ്റിൽ എത്തിയ ദിവസങ്ങളുമുണ്ട്.

ഇന്ന് പ്രാഥമിക വിപണിയിലെത്തുന്ന ആറ് കന്പനികളും ചേർന്ന് ആകെ 4,386 കോടി രൂപ സമാഹരിക്കാനാണ് ലക്ഷ്യമിടുന്നത്. റെന്‍റോമോജോ ലിമിറ്റഡ്, അസറ്റ് റീകണ്‍സ്ട്രക്ഷൻ കന്പനി ഇന്ത്യ ലിമിറ്റഡ്, മണിപ്പാൽ പേമെന്‍റ് & ഐഡന്‍റിറ്റി സൊല്യൂഷൻസ്, സ്റ്റീംഹൗസ് ഇന്ത്യ, എൽസിസി പ്രോജക്ട്സ് , കർമതാര എൻജിനിയറിംഗ് എന്നിവയാണ് കന്പനികൾ. 30 വർഷം മുൻപത്തെ സാഹചര്യവുമായി താരതമ്യം ചെയ്യുന്പോൾ, പ്രാഥമിക വിപണിയുടെ വ്യാപ്തി എത്രയധികം മാറിയിട്ടുണ്ടെന്ന് ഒറ്റനോട്ടത്തിൽതന്നെ വ്യക്തമാകും.

1996ൽ ഒരൊറ്റ ദിവസം വന്ന ആറ് ഐപിഒകളും ചേർന്ന് ആകെ 22 കോടി രൂപ മാത്രമാണ് സമാഹരിച്ചത്. എന്നാൽ ഈ വ്യാപാര ആഴ്ചയിൽ, 7 മുതൽ 11 വരെ മാത്രം മൊത്തം 12 മെയിൻബോർഡ് ഐപിഒകളിലായി 7,180 കോടി രൂപ സമാഹരിക്കാനാണ് ലക്ഷ്യമിടുന്നത്.

പ്രൈമറി വിപണിയിൽ മുന്നേറ്റം

ഈ വർഷം ഓഗസ്റ്റ് വരെയുള്ള കണക്കു പ്രകാരം 62 മെയിൻബോർഡ് കന്പനികൾ പ്രാഥമിക ഓഹരി വിൽപനയിലൂടെ 73,668.97 കോടി രൂപ സമാഹരിച്ചു. ജൂലൈയിലെ 12 ഐപിഒകളിലൂടെ 28,648.49 കോടി രൂപയാണ് നേടിയത്. ഓഗസ്റ്റിൽ 23 കന്പനികൾ ചേർന്ന് 22,448,27 കോടി രൂപ സമാഹരിച്ചു. ഇത് വർഷത്തിന്‍റെ രണ്ടാം പകുതിയിൽ പ്രൈമറി മാർക്കറ്റിലുണ്ടായ ശക്തമായ മുന്നേറ്റത്തെയാണ് സൂചിപ്പിക്കുന്നത്.

ഐപിഒ കുതിപ്പിന് പിന്നിൽ

മ്യൂച്വൽ ഫണ്ട് ഒഴുക്ക്: മ്യൂച്വൽ ഫണ്ടുകളിലേക്ക് ഓരോ മാസവും വൻതോതിൽ പണം എത്തുന്നുണ്ട്. സെക്കൻഡറി മാർക്കറ്റിൽ നിക്ഷേപത്തിനു പരിധിയുള്ളതിനാൽ, ഈ ഫണ്ടുകൾ പുതിയ അവസരങ്ങൾക്കായി കാത്തിരിക്കുകയാണ്.
വിപണി സാഹചര്യങ്ങൾ: നിലവിലെ അനുകൂല സാഹചര്യം പ്രയോജനപ്പെടുത്താൻ കന്പനികൾ ശ്രമിക്കുന്നു.

Business

നബാർഡ് ആർഐഡിഎഫ് വായ്പ: കേരളത്തിന് 3,474 കോടി

കൊച്ചി: നാഷണൽ ബാങ്ക് ഫോർ അഗ്രിക്കൾച്ചർ ആൻഡ് റൂറൽ ഡെവലപ്‌മെന്‍റ് (നബാർഡ്) റൂറൽ ഇൻഫ്രാസ്ട്രക്ചർ ഡെവലപ്‌മെന്‍റ് ഫണ്ടിൽ (ആർഐഡിഎഫ്) നിന്ന് കേരളത്തിനു കഴിഞ്ഞ അഞ്ചു വർഷം വായ്പയായി ലഭിച്ചത് 3,474.86 കോടി. കൃഷി, അനുബന്ധ മേഖലകളിലെ വികസന പദ്ധതികൾക്കാണ് കൂടുതൽ തുക ചെലവഴിച്ചതെന്ന് മുംബൈയിലെ നബാർഡിന്‍റെ കാര്യാലയത്തിൽനിന്നുള്ള രേഖകൾ വ്യക്തമാക്കുന്നു.

ഗ്രാമീണമേഖലകളിലെ അടിസ്ഥാനസൗകര്യ വികസനത്തിനാണ് നബാർഡ് സംസ്ഥാനങ്ങൾക്കു പിന്തുണ നൽകുന്നത്. വനം, വന്യജീവി വകുപ്പുമായി ബന്ധപ്പെട്ട വിവിധ പദ്ധതികൾക്ക് 505 കോടി രൂപ നബാർഡ് വായ്പ അനുവദിച്ചു. 2024-25 സാമ്പത്തികവർഷത്തിലാണ് കൂടുതൽ തുക സംസ്ഥാനത്തിന് അനുവദിച്ചത്.

ആ വർഷം വായ്പയായി ലഭിച്ച 762.16 കോടിയിൽ 612.60 കോടിയും കാർഷിക വികസന പദ്ധതികൾക്കാണു വകയിരുത്തിയതെന്ന് കാസർഗോഡ് സ്വദേശി മുഹമ്മദ് അഷ്റഫിന് നബാർഡിൽനിന്നു വിവരാവകാശ നിയമപ്രകാരം ലഭിച്ച രേഖകൾ വ്യക്തമാക്കുന്നു.

വിവിധ ഫിഷിംഗ് ഹാർബറുകളുടെ വികസനം, പിഎം-കുസും പദ്ധതിപ്രകാരമുള്ള സൗരോർജ കാർഷിക പമ്പ്സെറ്റ്, വിവിധ പാലങ്ങളുടെയും റോഡുകളുടെയും പുനർനിർമാണം, ആശുപത്രി കെട്ടിടങ്ങളുടെ നവീകരണം, കുണ്ടറ കുടിവെള്ള പദ്ധതി, കണ്ണൂർ വിമാനത്താവളത്തിലെ പെരിഷബിൾ കാർഗോ സെന്‍റർ തുടങ്ങിയ വികസന പദ്ധതികൾക്ക് നബാർഡ് വായ്പ ഉപയോഗിച്ചിട്ടുണ്ട്.വായ്പാത്തുക ലഭിച്ച് ഏഴു വർഷത്തിനുള്ളിൽ തിരിച്ചടവ് പൂർത്തിയാക്കണമെന്നാണു നബാർഡ് വ്യവസ്ഥ.

SPACE FOR ADVERTISEMENT

17

E Paper

DeepikaE-Paper

NEWS

SECTIONS

FEATURED

PUBLICATIONS

Important Links

Follow

NEWS

SECTIONS

FEATURED

PUBLICATIONS

Important Links

Follow

Filter By Tag : Market

നാലുദിവസത്തെ വീഴ്ചയ്ക്കു പിന്നാലെ നിശ്ചലമായി സ്വർണവില

മ​ഹീ​ന്ദ്ര എ​ക്സ്‌​യു​വി 3xo സി​എ​ൻ​ജി വി​പ​ണി​യി​ൽ

മൂന്നാംദിനവും വീഴ്ച തന്നെ; പവൻ‌ വില 1.09 ലക്ഷത്തിൽ താഴെ

എം​ജി ഹെ​ക്ട​ര്‍ സ്റ്റോം ​സീ​രീ​സ് എ​ഡി​ഷ​നു​ക​ള്‍ പു​റ​ത്തി​റ​ക്കി

വാ​ഹ​നവാ​യ്പാ വി​പ​ണി​യി​ൽ കു​തി​പ്പ്

ഒ​പ്പോ എ​ഫ് 35 സീ​രീ​സ് പുറത്തി​റ​ക്കി

കൊ​ച്ചി​ൻ ചേം​ബ​ർ ഓ​ഫ് കൊ​മേ​ഴ്‌​സും സി​ലോ​ൺ ചേം​ബ​റും ധാ​ര​ണാ​പ​ത്രം ഒ​പ്പു​വ​ച്ചു

യു​പി​ഐ എം​ഡി​ആ​ര്‍ പി​ന്‍​വ​ലി​ക്ക​ണം; ധ​ര്‍​ണ ന​ട​ത്തി കെ​ജി​എ​സ്എം​എ

ബി​ഗ് ബി​ല്യ​ണ്‍ മോ​ട്ടോ ഡീ​ലു​ക​ള്‍

റെയില്‍വേ ചരക്കുനീക്കത്തില്‍ സെപ്റ്റംബറില്‍ 6.14 ശതമാനം വളര്‍ച്ച

ഇരട്ടവീഴ്ചയ്ക്കു പിന്നാലെ വീണ്ടും വീണു; പവന് കുറഞ്ഞത് 280 രൂപ

ഇ​ന്ത്യ​യി​ലേ​ക്കു​ള്ള വി​ദേ​ശ നി​ക്ഷേ​പ​ത്തി​ൽ ജ​പ്പാ​ൻ ഒ​ന്നാ​മ​ത്

ടി​എം​എ- ഇ​സാ​ഫ് ബാ​ങ്ക് ക്വി​സ് മ​ത്സ​രം

ചി​കി​ത്സാ രം​ഗ​ത്തെ നൂ​ത​ന സാ​ധ്യ​ത​ക​ള്‍ ച​ര്‍​ച്ച​ചെ​യ്ത് ‘ക​ഗോ​കോ​ണ്‍ 2026’

ജോ​യ്ആ​ലു​ക്കാ​സി​ൽ ദീ​പാ​വ​ലി ഓ​ഫ​ർ

രാജ്യാന്തര ട്രെൻഡ് മുകളിലേക്ക്; കേരളത്തിൽ താഴേക്കിറങ്ങി സ്വർണവില

റബർവില കൂ‌ടും കേട്ടോ...

വിപണിയിൽ ആശ്വാസം

സ്മി​ത് മ​ച്ചാ​റി​ന് പോ​സ്റ്റ​ല്‍ വ​കു​പ്പി​ന്‍റെ ആ​ദ​രം; ത​പാ​ല്‍​ക​വ​ര്‍ പു​റ​ത്തി​റ​ക്കി

വെ​ര്‍​ട്ടോ സേ​വിം​ഗ്‌​സ് അ​ക്കൗ​ണ്ട് അ​വ​ത​രി​പ്പി​ച്ച് ഫെ​ഡ​റ​ല്‍ ബാ​ങ്ക്

സാം​സം​ഗ് ബെ​സ്‌​പോ​ക്ക് എ​ഐ ഗൃ​ഹോ​പ​ക​ര​ണ ശ്രേ​ണി അ​വ​ത​രി​പ്പി​ച്ചു

രാജ്യം 6ജി സാ​ങ്കേ​തി​ക​വി​ദ്യയിലേക്ക്

യു​പി​ഐ നി​ര​ക്കുവ​ര്‍​ധ​ന പി​ന്‍​വ​ലി​ക്ക​ണം: കേ​ര​ള ജ്വ​ല്ലേ​ഴ്‌​സ് അ​സോ. കോ-ഓ​ർ​ഡി​നേ​ഷ​ന്‍ ക​മ്മി​റ്റി

പു​തി​യ ലു​ക്ക്, കൂ​ടു​ത​ൽ ഫീ​ച്ച​റു​ക​ൾ

സ്റ്റീ​ല്‍ ക​ട്ടിം​ഗ് ച​ട​ങ്ങ് ന​ട​ത്തി

പാ​ലാ ബ്രി​ല്ല്യ​ന്‍റി​ൽ ഇ​ന്‍റ​ഗ്രേ​റ്റ​ഡ് പ്രോ​ഗ്രാം സ്ക്രീ​നിം​ഗ് ടെ​സ്റ്റ്

രാജ്യാന്തര ട്രെൻഡിൽ കുതിച്ച് സ്വർണം; പവന് വീണ്ടും 1.10 ലക്ഷം കടന്നു

രാജ്യാന്തര വിപണിയിൽ തിരിച്ചുകയറ്റം, കേരളത്തിൽ അനക്കമില്ലാതെ സ്വർണവില

ഇന്നലെ ചാഞ്ചാടിക്കയറി, ഇന്നു താഴേക്ക്; സ്വർണവില വീണ്ടും 1.10 ലക്ഷത്തിൽ താഴെ

വിശ്രമത്തിനു ശേഷം വീണ്ടുമിറങ്ങി സ്വർണം; പവന് 1.09 ലക്ഷത്തിൽതന്നെ

ചാഞ്ചാട്ടത്തിനു പിന്നാലെ നിശ്ചലമായി സ്വർണം; പവന് 1.10 ലക്ഷത്തിൽ താഴെത്തന്നെ

ജാ​പ്പ​നീ​സ് ബ്രാ​ന്‍​ഡാ​യ യൂ​കി ഐ​സ്‌​ക്രീം കേ​ര​ള​ത്തി​ല്‍

പത്തു കോടി ബാ​ര​ൽ ക്രൂ​ഡോ​യി​ലും ഡീ​സ​ലും വി​പ​ണി​യി​ലി​റ​ക്കാ​ൻ ജി7 രാജ്യങ്ങൾ

ചാഞ്ചാടിയാടി വീണ്ടും മുകളിലേക്ക്; സ്വർണവില വീണ്ടും 1.10 ലക്ഷം പിന്നിട്ടു

രാജ്യാന്തര ട്രെൻഡിൽ താഴേക്കിറങ്ങി സ്വർണം; പവന് കുറഞ്ഞത് 240 രൂപ

മൂന്നുദിവസത്തെ ഇടിവിനു ശേഷം സ്വർണം തിരിച്ചുകയറുന്നു; പവന് 1.10 ലക്ഷത്തിൽ താഴെത്തന്നെ

എ​ഐ+ നോ​വ 2 പ​വ​ര്‍ 5ജി ​വി​പ​ണി​യി​ല്‍

ഇടിഞ്ഞു തുടങ്ങി സ്വർണം; പവന്‍ വില 1.11 ലക്ഷത്തിൽ താഴെ, ഒറ്റയടിക്ക് കുറഞ്ഞത് 1,840 രൂപ

ഉയർന്ന നിലവാരത്തിൽ റബർ

മു​ണ്ടം​വേ​ലി ഫ്ലാ​റ്റ് നി​വാ​സി​ക​ൾ​ക്കെ​തി​രേ​യു​ള്ള കെ.​ജെ. മാ​ക്‌​സി​യു​ടെ പ്ര​തി​ക​ര​ണം വി​വാ​ദമായി

എക്സിൽ ഇന്ത്യക്കാരുടെ ആക്രമണോത്സുകത പരോക്ഷം

ചാഞ്ചാടി എണ്ണവില; ഏ​​ഴാം വാ​​ര​​വും ന​​ഷ്ട​​ത്തി​​ൽ ഓ​​ഹ​​രി വി​​പ​​ണി

വ്യ​വ​സാ​യം, ടൂ​റി​സം മേ​ഖ​ല​യ്ക്ക് ഉ​ണ​ര്‍​വേ​കി കെ​ടി​എ​മ്മി​നു സ​മാ​പ​നം

ടൂ​റി​സം സാ​ധ്യ​ത​ക​ള്‍​ക്ക് വ​ഴി​തു​റ​ന്ന് ഐ​സി​എ​ല്‍ ടൂ​ര്‍​സ് ആ​ന്‍​ഡ് ട്രാ​വ​ല്‍​സ്

ഓൾ കേരള കാറ്ററിംഗ് അസോസിയേഷൻ സംസ്ഥാന സമ്മേളനം ഇന്നു മുതൽ

ബേ​ക്ക​റി രം​ഗ​ത്തെ ആ​ശ​യ​ങ്ങ​ള്‍ അ​വ​ത​രി​പ്പി​ക്കാ​ന്‍ ബേ​​​​ക്ക് ഇ​ന്നൊ​വേ​ഷ​ന്‍ പി​ച്ച​ത്ത​ണ്‍

ഇന്നലെ കൂടിയത് ഇന്ന് കുറഞ്ഞു; സ്വർണവില വീണ്ടും 1.12 ലക്ഷത്തിനു താഴെ

വിപണി തിരിച്ചുകയറി

വീഴ്ചയ്ക്കു പിന്നാലെ മെല്ലെ തിരിച്ചുകയറി സ്വർണവില; പവൻ വീണ്ടും 1.12 ലക്ഷം കടന്നു

ചാഞ്ചാടിയാടി താഴെവീണ് സ്വർണവില; പവൻ വില വീണ്ടും 1.12 ലക്ഷത്തിൽ താഴെ

ക​ൽ​ക്ക​രി ക്ഷാ​മത്തിനു പിന്നിൽ എൽനിനോ പ്രതിഭാസം

സെ​ൻ​സെ​ക്സ്, നി​ഫ്റ്റി സൂ​ചി​ക​ക​ൾ നേ​ട്ട​ത്തി​ൽ

മാത്ത്‌വർക്സ് ഇൻസ്റ്റിറ്റ്യൂഷണൽ ക്രെഡൻഷ്യൽ ഏറ്റുവാങ്ങി അമൽജ്യോതി കോളജ്

ആ​ദ്യ ദ​ശ​കം പൂ​ർ​ത്തി​യാ​ക്കു​മ്പോ​ൾ ടെ​ലി​കോ​മി​ന​പ്പു​റം വ​ള​ർ​ന്ന് ജി​യോ

പണിമുടക്ക്: 26 മുതൽ അഞ്ച് ദിവസം ബാങ്ക് മുടക്കത്തിന് സാധ്യത

വാരാന്ത്യക്കുതിപ്പിനു പിന്നാലെ സ്വർണം താഴേക്ക്; 1.14 ലക്ഷത്തിനു മുകളിൽതന്നെ

രാജ്യത്തെ ആ​ദ്യ അം​ഗീ​കൃ​ത ഡെ​ങ്കി​പ്പ​നി വാ​ക്‌​സി​ന്‍ അടുത്ത വർഷം വിപണിയിലെത്തും

ചാഞ്ചാട്ടങ്ങൾക്കിടെ കുതിച്ചുകയറി സ്വ​ര്‍​ണ​വി​ല; പ​വ​ൻ വില വീണ്ടും 1.13 ലക്ഷത്തിനു മുകളിൽ

കുതിപ്പിനു ശേഷം മെല്ലെയിറങ്ങി; പവൻ വില 1.12 ലക്ഷത്തിനു മുകളിൽതന്നെ

വീഴ്ചകൾക്കു ശേഷം തലപൊക്കി സ്വർണം; പവന് കൂടിയത് 240 രൂപ

ഇന്നലെ കിതപ്പും കുതിപ്പും, ഇന്ന് നിശ്ചലം; മാറ്റമില്ലാതെ സ്വര്‍ണവില

വി​പ​ണി​യി​ൽ ഐ​പി​ഒ തി​ര​ക്ക്

ന​ബാ​ർ​ഡ് ആ​ർ​ഐ​ഡി​എ​ഫ് വാ​യ്പ: കേ​ര​ള​ത്തി​ന് 3,474 കോ​ടി

LOAD MORE

Deepika
E-Paper

മഹീന്ദ്ര എക്സ്‌യുവി 3xo സിഎൻജി വിപണിയിൽ

എംജി ഹെക്ടര്‍ സ്റ്റോം സീരീസ് എഡിഷനുകള്‍ പുറത്തിറക്കി

വാഹനവായ്പാ വിപണിയിൽ കുതിപ്പ്

ഒപ്പോ എഫ് 35 സീരീസ് പുറത്തിറക്കി

കൊച്ചിൻ ചേംബർ ഓഫ് കൊമേഴ്‌സും സിലോൺ ചേംബറും ധാരണാപത്രം ഒപ്പുവച്ചു

യുപിഐ എംഡിആര്‍ പിന്‍വലിക്കണം; ധര്‍ണ നടത്തി കെജിഎസ്എംഎ

ബിഗ് ബില്യണ്‍ മോട്ടോ ഡീലുകള്‍

ഇന്ത്യയിലേക്കുള്ള വിദേശ നിക്ഷേപത്തിൽ ജപ്പാൻ ഒന്നാമത്

ടിഎംഎ- ഇസാഫ് ബാങ്ക് ക്വിസ് മത്സരം

ചികിത്സാ രംഗത്തെ നൂതന സാധ്യതകള്‍ ചര്‍ച്ചചെയ്ത് ‘കഗോകോണ്‍ 2026’

ജോയ്ആലുക്കാസിൽ ദീപാവലി ഓഫർ

സ്മിത് മച്ചാറിന് പോസ്റ്റല്‍ വകുപ്പിന്‍റെ ആദരം; തപാല്‍കവര്‍ പുറത്തിറക്കി

വെര്‍ട്ടോ സേവിംഗ്‌സ് അക്കൗണ്ട് അവതരിപ്പിച്ച് ഫെഡറല്‍ ബാങ്ക്

സാംസംഗ് ബെസ്‌പോക്ക് എഐ ഗൃഹോപകരണ ശ്രേണി അവതരിപ്പിച്ചു

രാജ്യം 6ജി സാങ്കേതികവിദ്യയിലേക്ക്

യുപിഐ നിരക്കുവര്‍ധന പിന്‍വലിക്കണം: കേരള ജ്വല്ലേഴ്‌സ് അസോ. കോ-ഓർഡിനേഷന്‍ കമ്മിറ്റി

പുതിയ ലുക്ക്, കൂടുതൽ ഫീച്ചറുകൾ

സ്റ്റീല്‍ കട്ടിംഗ് ചടങ്ങ് നടത്തി

പാലാ ബ്രില്ല്യന്‍റിൽ ഇന്‍റഗ്രേറ്റഡ് പ്രോഗ്രാം സ്ക്രീനിംഗ് ടെസ്റ്റ്

ജാപ്പനീസ് ബ്രാന്‍ഡായ യൂകി ഐസ്‌ക്രീം കേരളത്തില്‍

പത്തു കോടി ബാരൽ ക്രൂഡോയിലും ഡീസലും വിപണിയിലിറക്കാൻ ജി7 രാജ്യങ്ങൾ

എഐ+ നോവ 2 പവര്‍ 5ജി വിപണിയില്‍

മുണ്ടംവേലി ഫ്ലാറ്റ് നിവാസികൾക്കെതിരേയുള്ള കെ.ജെ. മാക്‌സിയുടെ പ്രതികരണം വിവാദമായി

ചാഞ്ചാടി എണ്ണവില; ഏഴാം വാരവും നഷ്ടത്തിൽ ഓഹരി വിപണി

വ്യവസായം, ടൂറിസം മേഖലയ്ക്ക് ഉണര്‍വേകി കെടിഎമ്മിനു സമാപനം

ടൂറിസം സാധ്യതകള്‍ക്ക് വഴിതുറന്ന് ഐസിഎല്‍ ടൂര്‍സ് ആന്‍ഡ് ട്രാവല്‍സ്

ബേക്കറി രംഗത്തെ ആശയങ്ങള്‍ അവതരിപ്പിക്കാന്‍ ബേക്ക് ഇന്നൊവേഷന്‍ പിച്ചത്തണ്‍

കൽക്കരി ക്ഷാമത്തിനു പിന്നിൽ എൽനിനോ പ്രതിഭാസം

സെൻസെക്സ്, നിഫ്റ്റി സൂചികകൾ നേട്ടത്തിൽ

ആദ്യ ദശകം പൂർത്തിയാക്കുമ്പോൾ ടെലികോമിനപ്പുറം വളർന്ന് ജിയോ

രാജ്യത്തെ ആദ്യ അംഗീകൃത ഡെങ്കിപ്പനി വാക്‌സിന്‍ അടുത്ത വർഷം വിപണിയിലെത്തും

ചാഞ്ചാട്ടങ്ങൾക്കിടെ കുതിച്ചുകയറി സ്വര്‍ണവില; പവൻ വില വീണ്ടും 1.13 ലക്ഷത്തിനു മുകളിൽ

വിപണിയിൽ ഐപിഒ തിരക്ക്

നബാർഡ് ആർഐഡിഎഫ് വായ്പ: കേരളത്തിന് 3,474 കോടി