Deepika
ADVERTISEMENT
District News
കരിന്തളം: മലയോരമേഖലയിൽ ഓരോ ദിവസവും തീപിടിത്തമൊഴിയുന്നില്ല. കൊല്ലംപാറ മഞ്ഞളംകാട് പ്രദേശത്ത് ഏക്കറുകളോളം പ്രദേശത്താണ് ഇന്നലെ തീ പടർന്നത്. ഉണങ്ങിക്കിടന്ന പാറപ്പുല്ലുകളിലാണ് ഇവിടെയും തീ പടർന്നുപിടിച്ചത്. കഴിഞ്ഞ ദിവസം നീലേശ്വരം ബ്ലോക്ക് ഓഫീസ് പരിസരത്തും ഇതേ രീതിയിൽ തീ പടർന്നിരുന്നു.
മഞ്ഞളംപാറ കക്കോൽ ഭാഗത്താണ് ഇന്നലെ ഉച്ചയോടെ ആദ്യം തീ കണ്ടത്. ഉച്ചവെയിലിന്റെ ചൂടിൽ നിമിഷാർധനേരം കൊണ്ട് ഇത് ചുറ്റുപാടും പടർന്നുപിടിക്കുകയായിരുന്നു. പാറപ്പുല്ലുകൾ വളർന്നുകിടക്കുന്ന റവന്യൂ ഭൂമിയിലും സ്വകാര്യ വ്യക്തികളുടെ ഉടമസ്ഥതയിലുള്ളതും സ്ഥലങ്ങളിലുമെല്ലാം തീ വ്യാപിച്ചു. കരിന്തളം ഗവ. കോളജിന്റെ ഉടമസ്ഥതയിലുള്ള സ്ഥലത്തും തീ പടർന്നു.
തുടർന്ന് കാഞ്ഞങ്ങാട് നിന്നെത്തിയ അഗ്നിരക്ഷാസേനയും നാട്ടുകാരും ചേർന്നാണ് തീ ഏറെക്കുറെ നിയന്ത്രണവിധേയമാക്കിയത്.
National
ശ്രീനഗർ: ജമ്മു കാഷ്മീരിലെ ശ്രീനഗർ - ഉറി ദേശീയപാതയിൽ കനത്ത മണ്ണിടിച്ചിൽ. ഉറി സബ്ഡിവിഷൻ മേഖലയിലെ ഇക്കോ പാർക്കിന് സമീപമാണ് മണ്ണിടിച്ചിലുണ്ടായത്.
ഇന്ന് ഉച്ചയോടെയാണ് മണ്ണിടിച്ചിലുണ്ടായത്. ആ സമയത്ത് ഇതിലെ സഞ്ചിരിച്ചിരുന്ന യാത്രക്കാർ തലനാരിടയ്ക്കാണ് രക്ഷപ്പെട്ടത്.
മണ്ണിടിച്ചിലിൽ ആളപായം റിപ്പോർട്ട് ചെയ്തിട്ടില്ല. അപകടത്തിന്റെ ഭയാനകമായ ദൃശ്യങ്ങൾ പുറത്തുവന്നു. മണ്ണിടിച്ചിലിന് പിന്നാലെ പ്രദേശത്ത് ഗതാഗതം തടസപ്പെട്ടു.
National
ന്യൂഡൽഹി: റിതാല മെട്രോ സ്റ്റേഷന് സമീപത്തുള്ള ചേരിയിൽ വൻ തീപിടിത്തം. വെള്ളിയാഴ്ച രാത്രിയാണ് തീപിടിത്തമുണ്ടായത്.
തീപിടിത്തത്തിൽ ഒരാൾ മരിച്ചു. ഒരു കുട്ടിക്ക് പരിക്കേറ്റു. ഗുരുതരമായി പരിക്കേറ്റ കുട്ടിയെ സഫ്ദർജംഗ് ആശുപത്രിയിലേയ്ക്ക് മാറ്റി.
റിതാല മെട്രോ സ്റ്റേഷന് സമീപത്തുള്ള ബംഗാളി ബസ്തി എന്ന പ്രദേശത്തെ ചേരിയിലാണ് തീപിടിത്തമുണ്ടായത്. വിവരമറിഞ്ഞ് അഗ്നിരക്ഷാസേനയുടെ 29 യൂണിറ്റുകൾ സ്ഥലത്തെത്തി തീയണയ്ക്കാനുള്ള ശ്രമം ആരംഭിച്ചു.
മണിക്കൂറുകളുടെ പരിശ്രമത്തിനൊടുവിലാണ് തീയണച്ചത്. തീപിടിത്തത്തിന്റെ കാരണം വ്യക്തമായിട്ടില്ല.
ADVERTISEMENT
ADVERTISEMENT
SPACE FOR ADVERTISEMENT
Contact Numbers :
+91 481 2566706, 2566707, 2566708
About Us Feedback Privacy Policy Terms and Conditions for Online Payment
E-paper LOGIN
LOGIN