തിരുവനന്തപുരം: ഖാദര് കമ്മിറ്റി റിപ്പോര്ട്ടില് തുടര്നടപടികളുടെ ഭാഗമായി സംസ്ഥാനത്തെ അധ്യാപക-അനധ്യാപക സംഘടനകളുടെ അഭിപ്രായം തേടി സര്ക്കാര്. 22നുള്ളില് അഭിപ്രായങ്ങള് അറിയിക്കാനാണ് സര്ക്കാര് സംഘടനകള്ക്ക് നിര്ദേശം നല്കിയിട്ടുള്ളത്.
കമ്മിറ്റി റിപ്പോര്ട്ട് പ്രകാരം 2030 മുതല് അധ്യാപകരുടെ യോഗ്യതാമാനദണ്ഡത്തിലും മാറ്റമുണ്ട്. എട്ടാം ക്ലാസ് മുല് 12-ാം ക്ലാസ് വരെയുള്ള അധ്യാപകര്ക്ക് ബിരുദാനനന്തര ബിരുദം നിര്ബന്ധമാണ്. ഭാഷാധ്യാപകര്ക്ക് ബിരുദമോ പിജിയോ ഇവയ്ക്കൊപ്പം ബിഎഡും ഉണ്ടാവണം.
നിലവിലുള്ള അധ്യാപകരെ സംരക്ഷിക്കുമെന്നു പറയുന്ന ഖാദര് കമ്മിറ്റി റിപ്പോര്ട്ട് ലോവര് പ്രൈമറി, പ്രൈമറി അധ്യാപകര്ക്ക് ബിരുദവും ബിഎഡും നിര്ബന്ധമാണെന്നും വ്യക്തമാക്കുന്നു.
ഇവ ഉള്പ്പടെയുള്ള കാര്യങ്ങളെക്കുറിച്ച് അധ്യാപക-അനധ്യാപക സംഘടനകള് തങ്ങളുടെ നിലപാട് രേഖാമൂലം അറിയിക്കാനാണ് പൊതുവിദ്യാഭ്യാസ വകുപ്പ് നിര്ദേശിച്ചിരിക്കുന്നത്.
Deepika
E-paper LOGIN
LOGIN