20

കാ​യം​കു​ളം: എ​ട്ടു​ക​ണ്ട​ത്തെ പ​ട​ക്ക​ള​മാ​ക്കി മാ​റ്റി പോ​രാ​ട്ട സ്മ​ര​ണ​യി​ൽ ഓ​ണാ​ട്ടു​ക​ര​യു​ടെ താ​ള​വും മെ​യ്‌​വ​ഴ​ക്ക​വും മാ​റ്റു​ര​യ്ക്കു​ന്ന പ്ര​സി​ദ്ധ​മാ​യ ഓ​ച്ചി​റ​ക്ക​ളി ഇ​ന്നും നാ​ളെ​യു​മാ​യി ഓ​ച്ചി​റ പ​ര​ബ്ര​ഹ്മ സ​ന്നി​ധി​യി​ലെ എ​ട്ടു​ക​ണ്ട​ത്തി​ൽ ന​ട​ക്കും.

ആ​വേ​ശ പ്പോര് നേ​രി​ൽ ദ​ർ​ശി​ക്കാ​ൻ നാ​ടി​ന്‍റെ വി​വി​ധ ഭാ​ഗ​ങ്ങ​ളി​ൽനി​ന്ന് അ​നേ​കം പേ​ർ  ഓ​ച്ചി​റ​യി​ൽ എ​ത്തും.    അ​ധി​നി​വേ​ശ ശ​ക്തി​ക​ള്‍​ക്കെ​തി​രേ ആ​ത്മാ​ഭി​മാ​നം കൈ​മു​ത​ലാ​ക്കി ഒ​രു ജ​ന​ത ന​ട​ത്തി​യ പ​ട​യോ​ട്ട​ത്തി​ന്‍റെ ഓ​ര്‍​മ​പു​തു​ക്ക​ലാ​ണ് ഓ​ച്ചി​റ​ക്ക​ളി.

കാ​യം​കു​ളം രാ​ജ്യ​ത്തി​നു നേ​രേ വേ​ണാ​ട് രാ​ജ​വം​ശം പ​ട​കൂ​ട്ടി എ​ത്തി​യ​പ്പോ​ള്‍ കാ​യം​കു​ളം രാ​ജ്യ​ത്തെ ജ​ന​ങ്ങ​ളു​ടെ നേ​തൃ​ത്വ​ത്തി​ല്‍ ജാ​തി​മ​ത​വ്യ​ത്യാ​സ​മി​ല്ലാ​തെ ന​ട​ത്തി​യ ചെ​റു​ത്തു​നി​ല്‍​പ്പി​ന്‍റെ ഓ​ര്‍​മ​യ്ക്കാ​യി​ട്ടാ​ണ് ഓ​ച്ചി​റ​ക്ക​ളി ന​ട​ത്തു​ന്ന​തെ​ന്നും ര​ണ്ടു സൈ​ന്യ​ങ്ങ​ളും ഓ​ച്ചി​റ പ​ട​നി​ല​ത്താ​ണ് ഏ​റ്റു​മു​ട്ടി​യ​തെ​ന്നു​മാ​ണ് ഓ​ച്ചി​റ​ക്ക​ളി​യെ​പ്പ​റ്റി​യു​ള്ള ഐ​തി​ഹ്യം. അ​തി​നാ​ലാ​ണ് യു​ദ്ധസ്മ​ര​ണ​യി​ൽ എ​ല്ലാ വ​ർ​ഷ​വും മി​ഥു​നം ഒ​ന്നും ര​ണ്ടും ദി​വ​സ​ങ്ങ​ളി​ൽ ഓ​ച്ചി​റ​ക്ക​ളി അ​ര​ങ്ങേ​റു​ക.

ക​രു​നാ​ഗ​പ്പ​ള്ളി, കാ​ര്‍​ത്തി​ക​പ്പ​ള്ളി, മാ​വേ​ലി​ക്ക​ര താ​ലൂ​ക്കു​ക​ളി​ലെ 52 ക​ര​ക​ളി​ലെ നാ​നൂ​റി​ലേ​റേ ക​ള​രി​ക​ളി​ല്‍​നി​ന്നാ​യി ജ​ന​ങ്ങ​ള്‍ ഈ ​ആ​ചാ​ര​ത്തി​ല്‍ പ​ങ്കു​കൊ​ള​ളും.

ഇ​ട​വ​മാ​സം ആ​ദ്യം മു​ത​ലേ ക​ള​രി​ക​ളി​ല്‍ ആ​യോ​ധ​ന​ക​ല​ക​ളു​ടെ പ​രി​ശീ​ല​നം ആ​രം​ഭി​ക്കും. പ​രി​ശീ​ല​നം പൂ​ര്‍​ത്തി​യാ​യ പ​ട​യാ​ളി​ക​ള്‍ ക​ള​രി​പൂ​ജ ന​ട​ത്തു​ക​യും സ​മീ​പ​വാ​സി​ക​ളോ​ടും ബ​ന്ധു​മി​ത്രാ​ദി​ക​ളോ​ടും യു​ദ്ധാ​നു​മ​തി വാ​ങ്ങി​ക്കു​ക​യും ചെ​യ്യും. ഇ​ന്ന് രാ​വി​ലെ ഘോ​ഷ​യാ​ത്ര​യോ​ടു​കൂ​ടി പ​ട​നി​ല​ത്തെ​ത്തി ക​ര​പ്പ​യ​റ്റ് എ​ന്ന പ്ര​ദ​ര്‍​ശ​ന അ​ങ്കം ന​ട​ത്തും. തു​ട​ര്‍​ന്ന് ക്ഷേ​ത്ര​ഭ​ര​ണ​സാ​ര​ഥി​ക​ള്‍ ഋ​ഷ​ഭ​വീ​ര​ന്മാ​രു​ടെ​യും താ​ള​വാ​ദ്യ​ങ്ങ​ളു​ടെ​യും അ​ക​മ്പ​ടി​യോ​ടെ ക​ര​നാ​ഥ​ന്മാ​രെ​യും പ​ട​യാ​ളി​ക​ളെ​യും ആ​ഘോ​ഷ​പൂ​ര്‍​വം പ​ട​നി​ല​ത്തേ​ക്ക് ആ​ന​യി​ക്കും. 

തു​ട​ര്‍​ന്ന് എ​ട്ടു​ക​ണ്ട​ത്തി​ന്‍റെ ഇ​രു​ഭാ​ഗ​ത്തു​മാ​യി നി​ല​യു​റ​പ്പി​ക്കു​ന്ന പ​ട​യാ​ളി​ക​ള്‍ ക​ര​നാ​ഥ​ന്മാ​ര്‍ ഇ​രു​വ​ശ​ത്തു​നി​ന്നും ഇ​റ​ങ്ങിപ്പോര് തു​ട​ങ്ങു​ന്ന​തോ​ടെ എ​ട്ടു​ക​ണ്ട​ത്തി​ലേ​ക്കി​റ​ങ്ങി പ​യ​റ്റ് കാ​ഴ്ച​വ​യ്ക്കും. തു​ട​ര്‍​ന്ന് ത​കി​ടി​ക്ക​ണ്ടം എ​ന്ന വ​യ​ലി​ലേ​ക്കും പോ​രാ​ട്ടം വ്യാ​പി​ക്കും. കാ​ഴ്ച​ക്കാ​ര്‍​ക്ക് ആ​വേ​ശം ന​ൽ​കു​ന്ന ത​ര​ത്തി​ൽ പ​ട​യാ​ളി​ക​ള്‍ പ​ര​സ്പ​രം പൊ​രു​തു​മെ​ങ്കി​ലും തി​ക​ച്ചും സൗ​ഹൃ​ദ​പ​ര​മാ​യ പോ​രാ​ട്ട​മാ​ണ് ഓ​ച്ചി​റ​ക്ക​ളി​യു​ടെ പ്ര​ത്യേ​ക​ത.