23

ദുബായ്: ഇസ്രയേലും ഹി​സ്ബു​ള്ള​യും ത​മ്മിലുള്ള ശ​ക്ത​മാ​യ ആക്രമണങ്ങളിൽ ലെബനനിൽ കോടികളുടെ നാശം സംഭവിച്ചതായി റിപ്പോർട്ട്. തെ​ക്ക​ൻ ലെ​ബ​ന​നി​ലെ കെ​ട്ടി​ട​ങ്ങ​ൾ​ക്കു മാ​ത്രം ഏ​ക​ദേ​ശം 138 കോ​ടി ഡോ​ള​റിന്‍റെ നാ​ശമു​ണ്ടാ​യ​താ​യി യു​എ​ൻ ഏ​ജ​ൻ​സി​യു​ടെ റി​പ്പോ​ർ​ട്ടിൽ പറയുന്നു. യു​ണൈ​റ്റ​ഡ് നേ​ഷ​ൻ​സ് ഡെ​വ​ല​പ്‌​മെന്‍റ് പ്രോ​ഗ്രാ​മും (യു​എ​ൻ​ഡി​പി) ലെ​ബ​ന​ൻ സ​ർ​ക്കാ​രി​ന്‍റെ കീ​ഴി​ലു​ള്ള നാ​ഷ​ണ​ൽ കൗ​ൺ​സി​ൽ ഫോ​ർ സ​യന്‍റ​ഫി​ക് റി​സ​ർ​ച്ചും (സി​എ​ൻ​ആ​ർ​എ​സ്) സം​യു​ക്ത​മാ​യി പു​റ​ത്തു​വി​ട്ട പ​ഠ​ന റി​പ്പോ​ർ​ട്ടി​ലാ​ണ് കോടികളുടെ നഷ്ടങ്ങളെക്കുറിച്ച് വിവരിക്കുന്നത്.

ഏ​പ്രി​ലി​ൽ വ​രെ​യു​ള്ള ഉ​പ​ഗ്ര​ഹ ചി​ത്ര​ങ്ങ​ളുടെ അടിസ്ഥാനത്തിലാണ് റി​പ്പോ​ർ​ട്ട് തയാ​റാ​ക്കി​യ​ത്. തെ​ക്ക​ൻ ലെ​ബ​ന​നി​ൽ ആ​കെ 11,095 കെ​ട്ടി​ട​ങ്ങ​ൾ പൂ​ർണ​മാ​യും നശിച്ചു. 17,891 പാ​ർ​പ്പി​ടസമുച്ചയങ്ങളെ നേ​രി​ട്ട് ബാ​ധി​ച്ച​താ​യും റി​പ്പോ​ർ​ട്ടി​ൽ വ്യ​ക്ത​മാ​ക്കു​ന്നു. ഇ​തി​നു​പു​റ​മെ 2,242 കെ​ട്ടി​ട​ങ്ങ​ൾ​ക്കു ഭാ​ഗി​ക​മാ​യ നാ​ശവും 9,311 കെ​ട്ടി​ട​ങ്ങ​ൾ​ക്കു ചെ​റി​യ രീ​തി​യി​ലു​ള്ള കേ​ടു​പാ​ടു​ക​ളും സം​ഭ​വി​ച്ചി​ട്ടു​ണ്ട്. ക​ഴി​ഞ്ഞ ഏ​താ​നും ആ​ഴ്ച​ക​ളാ​യി തു​ട​രു​ന്ന രൂ​ക്ഷ​മാ​യ ആ​ക്ര​മ​ണ​ങ്ങ​ളു​ടെ ​ന​ഷ്ട​ങ്ങ​ൾ ​ക​ണ​ക്കി​ൽ ഉ​ൾ​പ്പെ​ട്ടി​ട്ടി​ല്ലാ​ത്ത​തി​നാ​ൽ യ​ഥാ​ർഥ ന​ഷ്ടം ഇ​തി​ലും കൂ​ടു​ത​ലാ​യി​രി​ക്കു​മെ​ന്നാ​ണ് വി​ല​യി​രു​ത്ത​ൽ.

യുഎസ്-ഇ​റാ​ൻ സമാധാന ച​ർ​ച്ച​ക​ളെത്തു​ട​ർ​ന്ന് താ​ത്കാ​ലി​ക​മാ​യി വെ​ടി​നി​ർ​ത്ത​ൽ പ്ര​ഖ്യാ​പി​ച്ച​തോ​ടെ ത​ങ്ങ​ളു​ടെ ത​ക​ർ​ന്ന വീ​ടു​കളിലേക്കു നി​ര​വ​ധി ആ​ളു​ക​ൾ തി​രി​ച്ചെ​ത്താ​ൻ തു​ട​ങ്ങി​യി​ട്ടു​ണ്ട്. എ​ന്നാ​ൽ അ​തി​ർ​ത്തി ഗ്രാ​മ​ങ്ങ​ളി​ലേ​ക്കു​ള്ള മ​ട​ക്കം ത​ത്കാ​ലം ഒ​ഴി​വാ​ക്ക​ണ​മെ​ന്ന് ലെ​ബ​ന​ൻ സൈ​ന്യം ജ​ന​ങ്ങ​ൾ​ക്കു മുന്നറിയിപ്പുനൽകിയിട്ടുണ്ട്.

മാ​ർ​ച്ച് മു​ത​ൽ ആ​രം​ഭി​ച്ച ഇ​സ്ര​യേ​ൽ ആ​ക്ര​മ​ണ​ങ്ങ​ളി​ൽ ലെ​ബ​ന​നി​ൽ ഇ​തു​വ​രെ 4,100-ലേറെ ആ​ളു​ക​ൾ കൊ​ല്ല​പ്പെ​ടു​ക​യും പ​ത്തു ല​ക്ഷ​ത്തി​ല​ധി​കം പേർക്കു വീ​ടു​ക​ൾ ന​ഷ്ട​പ്പെ​ടു​ക​യും ചെ​യ്തി​ട്ടു​ണ്ടെ​ന്നാ​ണ് ലെ​ബ​ന​ൻ ഔ​ദ്യോ​ഗി​കവൃ​ത്ത​ങ്ങ​ളെ ഉദ്ധരിച്ച് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നത്.